小魚兒 (金馬大廈)

营业中

休息中

這是一間非常新穎別具特色烤魚，主打魚類，墻上裝飾和傢俬餐具都用上小魚兒，就連洗手間裝飾都有魚，比較花心思。一坐低就有香脆的炸魚仔食。點菜掃描QR CODE用自己電話落單，非常快捷方便而且選項細緻。黃金蒜香豆花我點左深海石斑，而且註明走辣，走麻，多芫茜，少油少鹽，上菜時完全可以符合要求。這裡用一個平底淺盤，盛載湯頭，大量炸蒜，芫茜，還有一些豆腐，然後講煎香的深海石斑放上去細火炖，鍋底湯頭濃鬱，又有大量炸蒜同芫茜，石斑肉質嫩滑，煎時放適量鹽花，吊出石斑的鮮味，越食越出味，食指大動。食到差唔多食，放入一個稻庭烏冬，烏冬吸收曬濃鬱的魚湯，又香又滑，真係想再黎一個！燒鳳尾蝦他們的串燒同樣出色，鳳尾蝦味道鮮美而且爽口。炭燒牛串牛肉味濃而且有炭燒香味，值得一試。咁有特色魚主題火鍋，下次必定會約埋朋友再來。

今晚同frd 去左食烤魚，fish on pot 真係好滋味呢度地點好方便，就係金馬倫道口的商業大廈，裝修幾闊落舒適。食辣野之前要叫d 冷盤，呢個涼伴土豆絲整得幾好，土豆絲夠爽，蒜泥好香，可入麻油，醋，酸酸甜甜好開胃。沙巴龍躉上枱，今次揀左招牌炭燒風味小辣，不過都見到好多青辣椒係度，唔太食得辣嘅我即刻拎開先條魚好多肉！而且已經起埋骨，食起黎好方便，啖啖肉，炭魚風味好惹味，不過小辣都係幾辣，如果唔食得辣嘅，最好揀真係唔辣嘅口味喇！豬紅好滑無渣，配麻辣湯好夾。豬腩肉半肥瘦，肉質都幾香。菠菜夠新鮮夠嫩薯粉夠Q, 吸哂d 湯汁好入味。一條魚其實2個人都能夠ko! 多d 人食就可以配多d 配菜食，20蚊1款真係好抵食！埋單大約每人三百幾啦，算合理。

平時去深圳一日遊就食得多烤魚，估唔到係香港都食得返嗰個正宗嘅味道！朋友前兩日食完即刻介紹我黎呢間高質又抵食嘅烤魚餐廳！食主菜烤魚之前我哋就嗌咗一啲串燒小食食下先，串燒做得都幾出色，尤其是燒牛舌！牛舌厚身之餘一啲都唔韌，肉質好食！另外羊肉串燒同埋雞軟骨串燒調味亦都做得唔錯，加上呢度嘅串燒係用鐵竹籤，更有風味！！烤魚方面我哋就嗌咗蒜香黃金豆花深海石斑，一上枱嘅時候都見到份量幾多，配料亦都好多！聞到濃濃嘅香料味，已經令我哋流晒口水🤤🤤而肉質方面，魚肉非常嫩滑，而個皮就啱啱好煎到香脆，配搭得好好！另外，亦都可以追加其他配料，我哋就加咗墨魚滑、烏冬、冰豆腐、土豆片等等，值得欣賞嘅係呢啲追加配料係另外上，而唔係一開始就擺入個鍋度煮，咁樣就唔驚配料煮得太耐太林。當所有配料吸收晒湯底嘅精華嘅時候，超級好食呀！除咗烤魚之外，我哋仲嗌多左個細雞煲。雞煲香得來唔會太辣，餸飯一流！最後再配埋個Asahi Tower，一班friend飲一杯，好圓滿啊！

發現公司附近新開左間烤魚店，就約朋友來試試。店名叫小魚兒，除左以食烤魚為主題外，成間店的橫裝都以魚為主，非常漂亮，環境舒服。前菜是小銀魚（辣），朋友不吃前菜的，她竟然吃了一條又一條我們好想問店員究竟在那裡可以嗎？小吃一流前菜後，就會有小杯試飲- 荔枝咪乳酸好飲！我們另外再order 左一杯。除左乳酸飲品外，仲有梳打同花果茶，我們見度隔離台的花果非常吸引！決定下次再黎試試。主題菜：我地試左鳳梨香辣豆花味，不過朋友身體不適，沒有加辣。魚的種類還有得選擇，我們選擇了深海石斑魚（加$90元）超大條魚，啖啖肉，三個女仔都食得晒，對比平時我地去佐敦食開的，大左一倍有多，份糧好足鳳梨是新鮮鳳梨，不是罐頭😆。配菜都好多，你仲可以選擇多少走什麼不吃👍🏻👍🏻。因為朋友不食莞茜，所以一點綠色也沒有，洋蔥是紫色，我們最鐘意吃的。烤魚的味好香，湯底都好味。整體所有材料新鮮，所以都好吃。我地還點了菜同蓮藕。吃完魚之後就可以打邊爐，款項都有很多選擇。另外都要讚揚他們的服務態度，因為是電子落單，服務員都好有耐性解釋，要加單都不用再登入，可以直接落單。

係尖沙咀發現到一間新開嘅烤魚店：『小魚兒』見到個名幾得意，Menu又幾吸引，於是入去試下～入到去裝修好切題，四處都係小魚兒🐠環境幾舒適，枱同枱之間都算寬闊👍🏼我地兩個人食一盤烤魚+黃金組合（金菇、海帶、蓮藕、薯仔）份量岩岩好👍🏼👍🏼烤魚我地揀左「青椒BB豆花烤魚」口味，小辣都好夠辣🔥入面本身跟左四舊豆腐、芽菜、芫茜、花生、炸菜⋯⋯條魚燒過先放入盤，食落皮脆肉厚，啖啖肉👍🏼最正係一啲魚腥味都無，平時唔多中意食魚嘅我都覺得好正❤️飲品選擇都好多，柚子乳酸梳打、香檳葡萄乳酸梳打兩款都好好飲！

今晚約左麻辣之友食晚飯，朋友話係尖沙咀行街經過見到有間新開既四川菜食烤魚，聽到已經流晒口水，即時打去book位。一行三人我地點左必食推介青椒bb豆花小麻辣，魚有四款選擇，因為我對魚要求較高，所以點左沙巴龍躉，果然不負期望，烤完既魚份外鮮甜，加上秘製香料，未食已經麻辣香氣𣾴鼻，令人食指大動😋。加料配菜當然有安格斯肥牛，脂肪比例均混，牛肉味濃，牛魔王既我自己可以食囇一碟！娃娃菜同萵筍食材新鮮，完全可以吸收了湯㡳的精華。炭燒方面點左燒鳳尾蝦串， 炭燒原隻鲍魚較為出色，食到炭燒風味，鮑魚新鮮，燒的時間控制剛剛熟不鞋口，值得推薦👍🏻

蒜蓉牛油燒大蝦好好味，燒到剛剛好，又有蝦膏，多肉烤深海石班魚，因為我們唔食得太辣，所以要了小辣，加安格斯牛肉，味道一流，如果食得辣，可以要大辣，仲好味燒胞魚，好快買完，剛剛我們可以有4隻，有一些朋友無得食，燒得剛剛好，好味.燒凡立貝都好味！辣椒炒蟹：炒得好乾身，又不太辣，好味羊扒，我唔鍾意食，但朋友有食，佢哋都話好食上湯菜苗好食，但少了些少，如多些少最好飲品都幾好飲小食：海帶加了麻油，又有少少辣，幾好食 燒牛舌就比較不好食，太乾，太熟，調味料太多，蓋了牛舌味道整體來說：都好好食

一班同事一齊去這間新開張試業店鋪點咗大頭蝦、酸菜龍躉魚、蟹、黃金蝦球！D食材好新鮮，蝦同蟹D肉質好彈牙、鮮甜！酸菜魚D魚好鮮味加上其他配菜好好味！重有點了椒鹽飽魚、牛脊肉。全部水準都好好！下次再來試試其他菜式

推介！琴日難得同朋友聚會，有朋友提過小魚兒好好食，所以專登由銅鑼灣過尖沙咀試一試現場坐位非常舒適，waiter服務勁好，想食咩即時有推介👍🏻，可以舒舒服服咁同朋友傾計👏🏻試左條必食嘅烤魚，好新鮮，啲魚肉煮極都好滑，配菜又好食，最特別係佢用咗菠蘿用調味，同其他烤魚店好唔同😍絕對要向大家推薦安格斯牛肉，肉質鮮美又重肉味，各位鍾意食牛肉嘅朋友一定要試下另外要提下杯竹蔗茅根，多料又鮮甜，仲要好大杯，又平又好飲

尖東新開嘅烤魚，果日朋友介紹來食，又真係好好味wor！菠蘿擺入烤魚一齊煮，感覺好特別！豆腐超滑超好食！加d娃娃菜，海帶同木耳，堅入味好食！試業期間有九折，條魚都夠大！好抵食！酸辣粉都好好味！Q彈入味！今次食嘅係普通魚，下次都想試下d桂花魚，聽d staff講皮更加脆，更加好食！另外見到menu都有串燒，今次減肥期間唯有收斂一d，唯有下次再來試過啦⋯都有係小菜可以選，不過來得食烤魚，小菜就pass先以後去tst又多一個選擇啦！

I have a French friend visiting hk these days , and we passed by this new restaurant in TST last night , so we gave it a try....food is very good, the spicy chicken hot pot is super yummy with the spices all over the pot, and we ordered extra beef slices for hot pot , must try together with the draft beer, my French friend said she will come back again with her friends.

昨晚同死檔試了這間新開的餐廳，氣氛很好，裝修有格調。我們先叫了一柱64生啤，叫左椒鹽魷魚鬚加金菇送酒，超香脆。再叫他們的大頭蝦，有一隻手板大，大滿足。愛辣的我地又點會唔試下他們的招牌烤魚，配料有菠蘿、豆腐，超豐富呀！