小魚兒 (金馬大廈)

营业中

休息中

今日朋友生日，行完街去左尖沙咀，剛剛經過見小魚兒，心諗都好耐無食烤魚我地叫左個江團魚再配青椒BB豆花湯（小麻小辣），個魚賣相好吸引，配菜好豐富條魚好滑，好新鮮，又無咩骨，加上一路食一路煮，越食越入味，滾左咁耐魚肉都重係好滑（讚👍🏻）我重再點左D配菜有金針菇，炸午餐肉粒，鮮腐竹，娃娃菜，竹笙……食完烤魚再打邊爐這裏除了有烤魚外 還有雞煲， 串燒，酥炸小食， 辣味涼拌提供 食物款式夠曬多火鍋配料本人覺得竹笙同腐皮最好味，特別竹笙一定必食，因為竹笙煮完浸左D湯勁好味 完全發揮海綿嘅功效 吸湯一流 炸過嘅午餐肉零舍香口 是我每次打邊爐都會必食嘅金菇清洗得乾淨分量多娃娃菜新鮮翠綠鍋中的薯寛粉都好好食 煙煙韌韌嘅口感 非常有回彈效果 寬粉條配麻辣湯底是無敵的最後甜品係焦糖燒菠蘿，外面焦糖脆卜卜，入面個菠蘿好新鮮，好甜，好多汁，食完咁重味既野後再食返小小酸甜水果，即刻畫上一個完美句號。小魚兒 主打川菜烤魚，烤魚有多款口味選擇，如老壇酸菜、蒜香、泡椒等，最特別的是菠蘿香辣……我決定要試曬咁多種口味 等我多啲藥朋友嚟呢到食飯先！

話說朋友揀左這間「小魚兒」，我心諗..「係未玩野！我都唔食魚」但事實並不是這樣 雖然這店出名的是食魚，但也有其他食物，我們先點了一客「麻辣雞煲」我們揀選了BB辣+小麻，味道果然一流，上菜時店員細心講解，「大滾後關閉火源，再焗3分鐘便可進食」，這樣令雞肉十分滑，配上煲內調味料。另外我們叫了燒物，雞軟骨串，超正！粒粒都是脆卜卜，配上孜然粉，好野味呀，仲有蒜茸生蠔，滿滿的蒜配上肥美生蠔，再叫了「椒鹽豆腐」粒粒金黃色，而且滑溜非常，另外後加一入，牛舌串燒，好大塊，而且厚切，抵呀！最後叫了一杯「韓國生薑蜜」，杯內多粒薑，薑味夠濃

家人愛吃一些惹味的菜色，於是想到來小魚兒吃串燒及烤魚。我們四人點了一盤烤魚加幾款配菜以及幾款串燒一齊分享。每人社交平台like 小魚兒and share，還送每人一串豬肉串燒呢，很抵很吸引。老壇酸菜豆花湯烤魚我們選的是海鱸魚，很大一條，海鱸魚的魚皮煎得甘香，魚肉白雪雪，啖啖肉少魚骨，一點也沒有魚腥味，配合酸菜湯，鹹鹹酸酸加上BB辣味，很惹味。平時不太愛吃魚的爸爸也吃得津津有味。酸菜湯有很多配料有雲耳，大豆芽菜，寬薯粉等等，大量的芫茜，芫茜控必愛。全部都很吸湯汁。我們還加了海帶結，鮮腐竹及圓薯粉，盡吸魚湯精華。慢煮燒羊架兩大件，肉質鬆軟，很惹味。燒海蝦有四隻，肉質爽口，鮮甜。燒牛舌選擇了芝士口味，牛舌很厚切，燒得入味，厚切爽口軟腍，一點也不韌，抵讚。燒豬肉串是社交平台 like小魚兒所贈送的。很香孜然粉味，豬肉不嚡口。總括而言，菜式都是濃口味的，菜色惹味，我們都很喜歡。

小魚兒位於尖沙咀鬧市，沿住樓梯行上去都係魚的裝飾好有格調❤️呢度有烤魚，火鍋配料同串燒食👍烤魚方面有四種唔同價錢的魚，雖然揀咗最平嘅海鱸魚但因為知道海鱸魚魚肉比較滑所以非常抵食！湯底方面有六種而且仲要係比較特別！而我哋試咗從來冇見過嘅菠蘿豆花烤魚🤩果然有驚喜，菠蘿酸酸甜甜份外惹味！豆腐滑滑，而且底部有闊闊又滑的薯粉！口感不錯！老油條軟硬適中滾定都脆口！肥牛一百蚊左右，但好大碟而且都唔錯！超級抵食！串燒，燒烤有四種味比你揀👍燒蠔一流！

又跟家人來吃烤魚，這次全場爆滿，還好我們來得早，不用等位。入座時，店員派給我們餐巾用來包著口罩，頗為細心。老壇酸菜豆花烤魚我們選了海鱸魚，約一kg重。海鱸魚厚肉，沒有太多骨，啖啖肉。魚皮烤得焦香，再放入鍋中慢煮，魚肉吸收了酸菜湯的惹味，BB辣加上小麻的味道，沒有一點腥。窩贓的配料有豆腐、大豆芽菜、酸菜、芫茜、雲耳和寬粉。我們還加了三種配料，海帶結、鮮腐竹和圓薯粉。寬粉和薯粉簡直是烤魚的絕配， 吸汁一流又煙韌。燒牛舌串選了用芝士燒，一共有4件，屬於厚切，有肉汁牛味，不會硬，用咸香芝士調味很不錯。燒慢煮羊架羊架燒得剛好，有肉汁，有羊味但不羶，羊跟孜然粉是絕配，很惹味。燒海蝦燒得蝦殼很香，蝦肉爽口，一點點咸香。炭燒豬串只要like & share 社交平台就可以獲贈一串，豬肉粒燒過後香口惹味，肉質不硬，好吃。

耐唔耐又想食烤魚，第二次再黎小魚兒都係覺得好好食。今次帶男朋友黎食，佢讚餐廳裝修設計幾特別，有中式元素之餘又有霓虹燈，幾靚。而且，餐廳夠冷氣，佢話好怕烤魚/打邊爐既餐廳唔夠冷氣，會食到滴晒汗，呢都無呢個問題，所以佢好滿意，哈哈。我地今次兩個人坐四人枱，食烤魚個陣條魚可以擺開少少，唔會好逼，所以都算食得幾舒服。男朋友唔係好食得辣，所以今次我地叫左帶酸甜味既鳳梨香辣豆花 (BB辣、小麻)，我地揀左入門級別既海鱸魚。原來BB辣都已經幾辣，平時食到小辣既我都覺得呢個BB辣夠晒，有挑戰性，男朋友話下次再黎要食唔辣既口味，哈哈。麻度我覺得小麻都足夠，啱啱好可以過下口癮。湯底好香，入面有花椒、八角之類既調味料，仲有一大堆芫茜提味，令人垂涎三尺。我地因為唔係好肚餓既關係，除左條魚之後就無加到其他食物，但淨係條魚都好夠飽啦，因為條魚本身都大條，而烤魚鍋入面仲有洋蔥、芽菜、雲耳、豆花、菠蘿、青瓜同薯粉既配料，所以兩個人食都好足夠。我幾鍾意食海鱸魚，因為佢既魚肉唔腥，質地係滑而結實，可以一大塊魚肉咁夾出黎食，對於唔識吐魚骨既我黎講，海鱸魚既骨都係大條，容易揀到出黎，都算方便食。.配料經過一輪熬煮，吸收左辣湯

今天工作來到尖沙咀，同事見到這間《小魚兒》有雞煲食，於是選了在這裡食晚飯。這間《小魚兒》招牌菜是烤魚，差不多枱枱食客都叫，但一條魚太大條，我怕兩個人吃不完浪費了，還是留待下次多些人來再食吧！《重慶雞煲》半隻 $148半隻雞的份量足夠兩個人食，除了雞， 配菜也很豐富，有我喜歡食的洋蔥、蒜頭、芫茜，令到整個雞煲更香濃。不是太食得辣的我叫了BB辣， 食落有些刺激，但可以接受，雞肉嫩滑，非常惹味，連雞胸肉都一樣好吃。《燒雞中翼3隻》$58孜然味很出，雞中翼切開了一半，更加入味，雞皮燒到脆脆的，非常好吃。《豬肉串》芝士味$48豬肉串略嫌燒得乾了一些，芝士味不太突出，但整體味道還是可以的。《清炒萵荀》$78平時在家煮飯，很少買萵荀食，這條清炒萵荀絲煮得非常好吃，清甜爽脆，可以中和雞煲的濃味。

好久好久沒有食過烤魚了！今晚就專程過來尖沙咀的小魚兒吃烤魚！餐廳有用防疫措施，食客進店前都需要量體溫，面餐廳內的座位每枱都有隔板，職員亦會遞試濕紙巾清潔雙手。餐廳採用電子下單，快捷方便又清楚。原來這裡有烤魚，還有雞煲呢！但我還是吃我本身想吃的烤魚吧。點了一條《江團魚$338》5-6款湯底之中配了 八魚湯黃金蒜香豆花。因為湯底已經有豆腐和瓜，所以我們輕輕另點了幾款配料，每款都是$28 ： 豬紅、鮮腐竹、魚皮、海帶結和圓薯粉。江團魚大條又多肉，肉質很嫩滑，煮久了都沒有變老。而湯底有滿滿的蒜粒，十分香濃，除了令魚肉更可口外，配料都吸盡湯底精華，十分入味。服務：有禮，快捷。

星期日，雨下過不停，喜歡看雨的我超級開心。黃昏時分，天氣真是太疼錫我，在我想要外出逛街吃飯時，大雨急忙停下。我家老闆說想吃這邊的雞煲，這兒什麼火鍋烤魚也不缺，而我就想吃燒烤。蜜桃香橙沙冰48份量驚人，超大杯，可以飲到吃完一餐。桃🍑味好香，比橙更突出，一喝便知用了鮮果去做，味道真，不假甜而且打得很幼細順滑。蒜蓉牛油金菇28賣相吸引，蒜蓉滿瀉，有牛油香，但不是死咸，金菇做得不算太油膩，味夾又入味。燒茄子48 超大的一條，破開後加入蔥花蒜蓉去燒，可以清楚的嚐到蒜子的原味。烤得漂亮，茄子的蒜味惹味之餘不過咸，完全不掩茄瓜的甜味，有驚喜。雞煲148半隻雞件不太干身，雞肉ok嫩，配料顏色又紅又綠，相當好看，調味上，要了大麻辣，辣辣的食味，辣味充足。雞煲在鍋內久了更入味，比剛上台時更美味出色，因為汁料更加濃縮了。食後感：雖然說是吃川菜的地方，燒烤也做得不馬虎，整體滋味😏

雞煲（半隻） 💲148燒風味牛肉串(2串) 💲48燒風味豬肉串(2串) 💲48益力多爆珠沙冰 💲42✅ 雞煲足料 雞件同芫荽吸收左醬汁既精華🤩 又辣又麻夠曬入味✅ 串燒香口🍢 調味粉份量慷慨✅ 沙冰大大杯 雖然味道有啲淡但都足以解辣🌶👅Taste：3.5/5💰CP值：3.5/5🙋🏻‍♀️Service：3.5/5👁‍🗨Stylishness：3.5/5

朋友難得聚一次，有人想食雞煲，有人想食烤魚， 於是我地就特登book咗位去小魚兒食晚飯，一次過滿足雞煲同烤魚呢兩個願望😆雖然呢間舖頭名叫小魚兒，主打烤魚，但估唔到雞煲都出奇地好味，而且有我最鍾意嘅芫荽。雞煲嘅雞肉鮮香滑嫩，而且好入味，醬汁夠香夠濃，牢牢依附係雞件上，半隻雞好快就俾我哋掃清光。雞煲醬再加湯，用嚟配日本烏冬都好好味，不過建議店員可以唔洗一下子加太多湯，慢慢等我地食完一轉先再加🙈到主角烤魚，我哋揀咗冬陰功湯底，個湯底無論配魚肉定薯粉都非常惹味😋我地配左BB辣同小麻，愈食愈香，味道有層次，就算加左湯都仲好香冬陰公味，係我近期食過最好味既烤魚湯底。而魚肉滑嫩，肉質新鮮，不錯。另外加咗個蒜蓉金菇小食，蒜蓉份量十足。-提外話，嗰日我唔小心留低咗電話，好彩有店員幫我收好👍🏻 餐廳服務都係相當好～

在尖沙咀工作, 呢間係尖沙咀常去嘅餐廳之一, 地點方便, 食物質素好, 價錢亦都合理.午餐賣$29 起, 口水雞飯分量十足, 汁都好味.今晚係同事來食烤魚, 先嚟食咗一啲串燒先, 其實烤魚檔嘅串燒, 好多都係好普通, 有驚喜嘅係佢嘅串燒比起其他更有水準食咗燒鮑魚, 燒生蠔, 豬肉串, 燒土豆片, 除咗豬肉串比較淡味, 其他味道都好食, 唔會燒到柴曬皮. 到食主菜, 叫咗個酸菜烤魚, 酸菜汁有蒜香, 配江團魚, 慢慢煮慢慢食都保持住好滑, 不會嚡口之後再攞個酸菜汁打甂爐, 非常之滿足最後再食埋個甜品燒菠蘿, 面頭有一層糖漿, 脆脆得嚟好食四個人食一人二百零文落樓, 尖沙咀區算係經濟抵食等遲啲疫情完結後, 同一班朋友食飯慶祝生日會再嚟呢度

是日尖沙咀行街，行行下肚餓想醫肚，唸起之前朋友話尖沙咀小魚兒有29蚊特價午餐，於是就過去試下。去到既時候已經差不多4點，好多餐都賣晒，試吾到最想食既口水雞不過既然都去到，亦吾想再周圍行，所以我最後點左個葡汁焗雞扒飯。大約5分鐘左右已經有得食，但份量比我想像中少。個葡汁做得吾錯，幾香濃，撈飯好正。雞扒亦好入味，嫩而且個皮脆脆的。呢個飯真係吾錯既選擇今日呢餐都真係幾抵食，如果份量可以多翻少少就最好啦。下次一定會再黎試埋口水雞

香港早前潮流興烤魚雞煲，行過金馬倫道比兩幅巨型廣告牌吸引左...因為疫情問題午市似乎大出血...行手機落單，又方便又唔怕比人催酸菜肥牛米線酸菜雖然不太夠酸，但肥牛唔算肥，絕對對得起價錢有餘口水雞飯口水雞辣汁似乎經過特別調配，雖然不是傳統口味但味道非常好甜辣適中，似乎仲有額外加添酒味，雞件唔算多但因為口水汁惹味非常，一碗白飯就咁KO左...環境上非常舒適，當然可能因為假日加疫情問題，人不算多，希望疫情過去後...水準依舊keep到。另外想讚一讚員工，非常友善。題外話，呢餐係自費架

有一排已經無去小魚兒食lunch 🤣今日過去睇轉佐新餐牌，之前去食都係食飯，未食過米線，哩次試試佢個米線先！一樣都係lunch 優惠，講真，小魚兒真係超級低食，平時翻工覺得遠，不過有時遠都要行去試下🤣叫佐個酸辣肥牛米線！個酸辣味好出，而且都好大碗佢既湯又入味，下次都要再試多次