小魚兒 (金馬大廈)

营业中

休息中

疫症雖然緩和，但依舊封關不能離港，好麻的我唯有在港覓食。限聚令父親節剛取消，今日就急不期待跟老爸一起出街刷餐勁慶祝一下。小魚兒主打碳火風味烤魚，我是個好麻好辣的人，但今天跟老爸一起，他不吃辣，唯有叫了這個「三刀 魚黃金特濃蒜香魚豆花」及一些配菜。湯底雖說沒有半點辣，但蒜香十足。三刀魚足有斤半重，肉厚鮮甜，肉質嫩滑，油份豐富，而且魚身只有中間一條大骨，沒細小刺骨，老爸年紀大也不怕哽倒😅強推這個烤魚配豆卜及蓮藕片，豆卜完完全全吸收魚湯的鮮味，而蓮藕片在魚湯裏煮熟後顯得格外鮮甜。烤魚份量真的很多，兩個人抱著肚子滿足地離開，下次必會再跟朋友來，吃她的麻辣口味

前兩日肥brown同朋友去咗位於尖沙咀嘅小魚兒食串燒自從疫情爆發後, 肥brown已經好耐冇出去食串燒啦依家食到真係有啲感動<香蒜燒茄子>嚟到食串燒嘅地方, 點可以唔食香蒜燒茄子呢?小魚兒嘅香蒜燒茄子蒜蓉落得一啲都唔手軟茄子肉軟林林而且有水份, 配上一層厚厚嘅香蒜, 食落令人回味無窮<川式燒土豆片>川式燒土豆片上高加咗孜然粉, 都幾惹味<燒風味牛肉串>牛肉串都好唔錯, 食落啖啖肉, 而且有肉汁<荔枝乳酸梳打>配埋個荔枝乳酸梳打, 就更滿足啦

今日去K11商場買野，買完就順便係尖沙咀食埋野先返屋企，openrice揾下附近有咩好食，發現原來隔兩條街就有一間又有雞煲又有烤魚既樓上店，叫小魚兒！真係好耐無食過烤魚喇，決定一於去試下。營業時間係12:00-22:15地點方便，好易搵，仲有大大個招牌！上去個條樓梯都有特色設計，係牆有吾少畫作。樓梯又佈置左好多「小魚兒」仲有麻辣大師四隻大字可惜我老婆唔太食得辣🙈店內地方簡約，坐位多數4人枱為主。我同老婆早收工，可能早食啦，上到去未係太多人，店員安排我地坐窗邊4人枱！地方大d，食都食得開心啲！不過7點令就開始多人，要食既話book定枱穩陣啲！落單就有QR CODE，不過都有實體單俾大家睇。食物種類都吾少，甜品、飲品、小食同小炒都有。我地點左老壇酸菜豆花江團魚。勁大條，好吸晴！食落去江團魚既骨唔多，肉比較硬身，岩晒我食，仲有條魚都吾細，三人都應該夠食。主食配菜都有吾少，包括青瓜，紫洋蔥，豆腐，寛粉等等。感覺上質素同之前港人鐘意北上食既馳名酸菜魚有得比，咁就緊係留係香港食啦，省車錢同時間之餘又安全啲！我哋仲叫左好多配料，包括圓薯粉、烏冬、豆卜同娃娃菜原來分量好多，有啲後悔，睇黎減肥計劃又失敗

呢排實在太熱啦！好想搵啲酸酸辣辣嘅嘢衝擊下味覺，金馬倫道行過，見到“小魚兒”，而喺門口餐牌見到有“烤魚”“雞煲”“串燒” 款式多樣化入到去見到佈滿中國風嘅裝修元素，位置闊落整齊，空間感十足，非常適合一班老友聚餐！ 椒鹽豆腐 ” 依款小食非常有驚喜， 外相平平無奇，但內有乾坤， 薄薄嘅香脆嘅表皮，滑嫩嘅豆腐，咬落去非常有層次，而味道方面，椒鹽鹹度適中，令人有種手停口不停 炭火風味海鱸魚”再配合埋爆醬鳳梨香辣豆花口味，淨係外觀已經有種食吾哂既感覺！先講配料方面，豆腐木耳菠蘿厚薯粉加上香辣嘅湯汁 配合埋大量嘅辣椒乾，酸甜中帶辣，非常惹味而海鱸魚方面魚味鮮甜而不腥，肉質厚實而不多骨，啱哂啖啖肉嘅我，而我哋亦加配咗娃娃菜竹笙，令 配菜，烤魚加上配料索埋酸辣嘅湯汁，配合得天衣無縫，後面有一種愈食愈辣嘅感覺，令人又愛又恨！到最後值得一提嘅係，細心既服務員，服務非常周到，成個用餐過程不時會分享進食步驟，添加水解辣，亦都會問客人嘅試後感！ 呢間餐廳係會我食烤魚嘅不二之選

自從疫情蔓延全球，已經好耐無北上食酸菜魚，相信就算穩定返都唔會安心返去食！不過唔需要唔開心，我發現左香港都有又好食又幾抵食既酸菜魚，仲有好多選擇添，酸菜魚、爆醬香辣、雞煲、水煮魚，諗到既都有！而且份量非常多，岩哂三五成群既朋友一齊吹水！地點方便，位於尖沙咀，又近k11唔食辣既朋友唔好比門面麻辣大師四個大字嚇親，因為我都唔食得太辣但係都仍然係食到飽飽先走，選擇有好多！入門口記得量體溫啊，咁就食得安心啲啦店舖一入門口仲會細心地準備大張既紙巾，比客人放口罩，餐具望落去都幾乾淨坐低左之後可以用手機掃一掃QR code，然後自助下單！環境闊落坐得幾舒服，不過食食下多人會熱左少少，熱天加大d冷氣或者放返幾部吹風機，就更加完美！上菜喇食酸菜魚最滿足最開心就係見到大大盤，下面用火烤住熱辣辣既魚！本身唔知道原來酸菜魚本身已經有配菜，仲叫到其他追加配料，真係食到好飽飽啊酸菜食本身已經有闊條麵，但係分量唔算多，不過細食既女仔們就點都夠食仲有超嫩滑豆腐、青瓜、洋蔥等等等等講返條魚先，我揀左江團魚($338)老壇酸菜豆，不辣但手痕tick左小麻，最後無咩麻既感覺好彩喳，因為叫左土豆絲，本身已經麻到飛起江團魚肉質

肺炎咁嚴重搞到個個都無機會出去旅行，真係要係香港搵好啲好西安慰自己弱小心靈。呢間位於尖沙咀黃金地段嘅小魚兒，相信大家未食過都一定聽過呢間嘢，佢地嘅烤魚真係只可以話好地道好抵食！提醒大家如果你哋有興趣真係記得book咗位先去，因為真係太多人嚟食呢間嘢啦！如果walk in真係可能要等一陣。川式口水雞 💰68 8⃣呢個真係基本上去每間麻辣餐廳都必叫，小編就嗌咗小辣因為驚辣到入唔到口，點知佢地嘅小辣好溫和相等於譚仔10小辣左右。雞件超級滑身而且大細啱啱好。佢地特調醬汁真係好出色好惹味，辣得嚟又食到花椒香味，推薦大家都可以試試。鮮九葉花椒BB豆花 海鱸魚 小辣 💰298 9⃣佢地有好多種魚任君選擇而海鱸魚價錢係最平，雖然小編未試過其他但呢條魚肉質已經好滑，重點唔會話好多骨同埋好厚肉！條魚嘅小辣比上面口水雞辣好多，而且重點係越食越辣！濃郁花椒味慢慢滲出嚟！老實小編真心食得好鬼過癮！呢條魚配有4片豆花，一開始小編根本無放豆花入眼內，覺得其實應該同其他豆腐咪差唔多，點知豆味真係濃郁起碼有幾倍！而且吸收晒湯底嘅精華真係好好味！食完魚之後仲可以嗌埋其他配料打邊爐，小編就嗌咗豆皮，烏冬，豬紅，海帶，金針菇，萵

經過跟友人四出覓食，就是沒有吃過烤魚，這次便來到小魚兒。有三款魚選擇，還有肉質油份等資料說明，方便挑選。友人知我不喜歡多骨魚，就點了江團魚。我們愛吃麻辣，就選了鮮花椒BB豆花，還加了友人愛吃的鴨血。等了一回魚就上枱了，魚大條而且厚肉，的而且確肉質肥美，童叟無欺。吃魚都是喜歡啖啖肉，肉綿粘口，充滿魚油香，而且真的不多骨，友人的眼光真不錯。其實魚上枱時已熟，建議先熄火，以免魚肉過熟。而且嫩滑的豆腐煮太久會易爛。帶過魚及豆腐，就恰好可以吃軟彈滑溜的鴨血。寬粉亦已經吸收了麻辣魚湯，軟彈入味。最後我們再額外點了圓薯粉，薯粉跟麻辣是絕配。最後建議大家吃到中途要加水，以免湯底過於濃郁。

好耐冇食過辣野，忍唔住約朋友試下尖沙咀依間新開嘅小魚兒。餐廳量度體溫係用手接觸一部機器，唔係平時嘅體溫槍， 好特別。餐具方面都好可愛，杯碟碗上面都有魚同埋餐廳logo, 一睇就知有心思既訂造。鳳梨香辣豆花海鱸魚一上黎嘅時候大家都哇咗一聲，份量好大，三至四人食都可以。 麻辣味道加埋魚好刺激，最好食都係上面嘅菠蘿同豆花，菠蘿清甜，豆花嫩滑。忍唔住每樣加多一份。雪花肥牛食肉獸點都要叫肉先似樣既，叫左雪花肥牛，呢份有少少失望，牛肉明顯放得太耐太淋，可以唔叫。水果茶鍾意食辣但唔太食得到辣野既我地，叫左水果茶，入面有幾種大大嚿嘅生果，火龍果菠蘿桃，真材實料，好味解渴又有口感。可惜今次只有兩個人食嘢，餐牌上面仲有串燒同其他小食，全部都好吸引，下次一定要約多啲朋友黎叫晒佢地🤤

無得出走咁緊係留係香港搵好野食拉，掛住正宗辣烤魚所以黎到小魚兒，原來呢到好有人氣，打算黎食嘅就記得要預先訂位拉。🔷川式口水雞 💰68 💙75/100等烤魚到前就叫住個前菜食下先，口水雞要左小辣，辣度上比想像中可以更辣，下次會食中辣。雞件大細切得岩岩好，而且雞肉好嫩唔會痴牙，個辣汁留意到有花生粹，味度上則個麻味會較為明顯，非常上癮。🔷鮮九葉花椒BB豆花-海鱸魚(小辣) 💰298 💙80/100海鱸魚原來係咁滑同無細骨，而且魚肉又多又厚，絕對係高性價比之選。另外叫左小辣，但個辣味就真係越滾越辣了，所以食到認真過癮。配料上有豆花配埋，好滑兼重豆味，原來豆花配烤魚又係咁夾。另外再單嗌左其他配料，如海帶結、豬紅等，絕對唔會食唔飽呢。

同朋友一行四人去食小魚兒，好耐無食麻辣嘢，今日可以食個夠本😋我哋揀咗江團魚，口味係青椒BB豆花中辣，魚一上枱，我哋幾個都拎起電話影相，賣相好靚急不及待爭住食，一啖擺落口，好滑好鮮，好好味，份量4個人分岩岩好，麻辣味並冇遮蓋與嘅鮮味，難得👍🏻，另外配料好似豆腐咁，都好滑，可以清晒佢。條魚食得7788，就開始放配料打邊爐，我哋都叫咗好吸湯嘅配料，金菇、竹笙、腐皮、娃娃菜，都係食麻辣嘅好配菜😍另外想講吓個午餐肉，我覺得係好好食，佢切到一粒粒送啤酒一流，浸湯唔浸湯都好食，而且份量好多，我哋四個人都食唔晒🤣最後係個甜品焦糖燒菠蘿，食完麻辣野食呢個簡直係錦上添花，解辣又香甜，正。今晚其實係同朋友仔慶祝生日，地點方便易搵，餐廳乾淨企理坐左成兩粒鐘，傾偈傾得好舒服，都推薦三五知己黎小魚兒gathering。

自從封咗關之後就冇得再返大陸食嘢亦都好耐冇食過水煮魚同酸菜魚啲friend今日就難得同朋友約咗食水煮魚但之後佢突然之間入到去轉肽話想食雞煲 咁決定一場嚟到就即管都食過雞煲啦 見到呢度7:00入座嘅時候已經坐滿晒人 之後店員直情話下一台客冇book位都入唔到 就知呢間野嘅出名程度去到邊度 等咗大概半個鐘左右就上咗雞煲啦 一嚟到嘅時候見到雞煲入邊有勁多芫荽！真係超級正 好開心佢會比咁多芫荽因為芫荽撈埋啲雞煲醬就會變得好好食！再煮多大概五至10分鐘 個雞煲就食得啦 成個雞煲入邊整體都算幾多雞雖然只係半隻 我哋兩個人都食唔晒啲雞 值得一提嘅係啲芫荽真係吸晒啲醬汁 令到成件事超級正 雞肉都非常滑 就算我哋煮耐左都絕對冇好鞋 除咗食雞煲之外我哋仲帶咗啲餸放喺雞煲入邊煮 分別有薯粉，娃娃菜，竹笙，同埋油炸鬼 每次食雞煲都一定會帶啲掛湯嘅面嚟食 而且我特別鍾意食啲煙煙銀銀嘅嘢所以今次就叫咗薯粉薯粉睇得出係有預先煮過 所以我哋拎咗出嚟之後都唔使煮太耐就食得啦 娃娃菜同竹笙又係可以吸住晒啲湯 最後油炸鬼就算煮咗都唔會林晒 Feel到可能佢係即叫即炸所以都要啲時間 我就將佢一半浸左落個湯一半就冇浸令到我咬嘅

自從封關之後, 大食妹已經好耐冇北上深圳覓食突然有少少掛住魚煲之前喺尖沙咀行街咁啱見到呢間小魚兒嘅廣告牌好似幾唔錯, 就上咗樓, 睇吓喺香港食魚煲好食啲定係係深圳食更滋味<鳳梨香辣豆花江團魚>食過魚煲嘅大家都應該知道, 魚煲同雞煲好相似, 大家會係食完魚煲或雞煲之後再加水打邊爐今次因為朋友仔唔係食得辣, 所以我哋就揀咗份小麻小辣嘅口味江團魚肉質非常嫩, 而且冇乜骨啖啖肉, 最啱大食妹呢啲懶人鳳梨香辣豆花咸辣咸辣食落非常惹味<圓薯粉>食麻辣湯底大食妹會推介大家主食嗌圓薯粉吸晒麻辣湯嘅圓薯粉味道一絕<娃娃菜>另外, 娃娃菜都係一個唔錯嘅選擇份量好多仲有免費嘅薄荷水提供

六月第三個星期三晚上，尖沙咀。腳受傷了沒痊癒，暫時不能煮飯給友人吃，平日也想他偶爾吃得好一點，不久前在網上看到這餐廳的宣傳，想到我們從未一起吃過烤魚，就訂下來了。從地下拾級而上，牆紙，霓紅燈，到餐廳裡面，隨處可見各種形態的魚裝潢，甚至餐具，無一不跟魚有關，新派又可愛，招牌下面寫著麻辣大師，告訴客人他們是一家川菜餐廳。餐廳採用電子化下單，用手機掃一掃二維碼就行，而且會不斷更新菜品供應，比如說賣完的就會下架，省卻跟客人解釋的時間。蜜蜜花園IPA啤酒，蜜蜜啤是香港本地手工精釀，瓶身一隻充滿童畫風格的Mimi熊貓是其標誌，我們都給牠可愛的模樣吸引了。此IPA帶清新怡人花香氣，拖肥糖，香草夾雜啤酒花味道，入口細滑餘韻長，屬於酒體豐富的一款啤酒。鮮花椒BB豆花江團魚，烤魚有四款，海鱸，江團，三刀跟沙巴龍躉，其實烤魚點哪一款都無所謂，不過友人討厭多骨的魚，所以選了多肉少骨的江團。江團是四川叫法，淡水魚的一種，低脂高蛋白，除了肉質肥美之外，更是滋補佳品。旁邊的豆花比豆腐軟滑，豆香在口中散發，入口即化，麻度跟辣度我們都選了中度，花椒香蒜香菜等香料鋪了滿滿一整盤，看到已經胃口大開了！鴨血，每次吃麻辣都習慣

尖沙咀的小魚兒烤魚專門店，有時行金馬倫道見到哩間店，真心好想試下是日BOOK左枱，終於都可以試下哩度的烤魚了~哩度系用QR CODE去點菜的，點左鳳梨香辣豆花三刀魚(小辣)，另外點左吸湯的薯粉，另外現在LIKE埋佢地的FB，會有串串燒送鳳梨香辣豆花三刀魚(小辣)鳳梨香辣豆花三刀魚(小辣)真的好大盤，面頭有好搶色的菠蘿件，另外有少少粗的薯粉，洋蔥，莞西，黑木耳，另外有豆花菠蘿放在香辣湯到，香辣當中也有菠蘿的香甜，真的估佢唔到~~另外三刀魚真的好好食，爽口又唔太多骨，另外其他配料真的好好食，兩個女仔真的食到好飽加埋薯粉真的好吸湯╴食落煙煙UNUN，真的愈食愈想食串燒也唔錯，豬肉串~~哩度的性價比不錯，烤魚可以一試。

前排都成日喺屋企食飯悶悶地想搵啲平時屋企唔識整嘅餐廳嘢食去食😊就諗起食魚，當然唔係普通整條魚咁簡單啦.....呢間小魚兒位於尖沙咀平時都好多人book位👍講返食物先我就叫咗一條（海鱸魚）大大條魚骨唔算多，多肉滑身食落去口感非常之正仲要有麻辣湯打底最欣賞就係條魚上面加上菠蘿片覺得有少少辣辣地食塊菠蘿冇得頂👍👍👍食完條魚我哋就叫咗（雪花肥牛）啲肥牛非常之抵，價錢唔貴但肥牛比想像中多👏🏻👏🏻👏🏻未食肥牛中段就叫咗個（蒜蓉燒生蠔）大大隻蒜蓉多蠔新鮮美味😋最後我就叫咗啲（萵筍）（老油條）同（魚皮）都係我最鍾意打邊爐食嘅嘢👏🏻👏🏻👏🏻👏🏻