小魚兒 (金馬大廈)

营业中

休息中

之前已經經過見到有烤魚同埋酸菜魚，今日就約埋朋友去試下佢嘅酸菜魚先。依家好多餐廳都已經轉咗用電話落單，呢一間亦都唔例外，呢間酸菜魚仲可以加配料落去好似打邊爐咁架！💕酸菜魚一嚟到個酸菜魚比平時嘅大好多😍仲有個爐俾你熱住食。魚好滑，湯好，飲酸菜亦都好好食。本身已經包萵筍喺裏面不過另外再加嘅話會比較有口感💕士多啤梨乳酸爆珠同藍莓乳酸爆豬味道比較濃郁但係因為放喺火爐隔離，啲冰好快就溶，叫咗待應被多一杯冰我哋，飲到一半再加落去都仲好好飲。下次會再想去試佢嘅烤魚，建議可以三位以上去食，咁就啱啱好啦。

好耐無食川菜辣野一訓醒同朋友黎尖沙咀醒胃😂😂諗左好耐樣樣都想嗌曬食叫左毛血旺煲另外要左黃金組合極推黃金組合！啲薯仔🥔同蓮藕片好正！蓮藕片好爽脆香甜架！其他菜唔點既話剩點兩碟都好夠對我地兩個黎講另外就點左碟炸子雞香辣脆口朋友仲要點左碗飯話一定要配！好食所以一定要配飯喎💁🏻‍♀️💁🏻‍♀️愈食愈過癮愈食愈辣愈出汗🤣🤣我地就話下次可以中辣大麻因為呢次叫左小辣中麻辣得好香會想繼續食我地決定下次黎要挑戰中辣麻度岩岩好

冇得返大陸食烤魚喺九龍區搵到一個好地方可以食烤魚~ 所以一收工就約埋朋友一齊去啦~ 由於晚飯時候一定會好多人食~ 所以嗰日收工就早少少過去啦佢哋買地舖所以要上一層立體裝修都feel到佢係食烤魚入面環境都幾寬闊全部有晒隔板入到去梗係即刻要叫魚食一叫完就即刻有個爐放低咗同埋入邊嘅裝修都幾好感覺食親烤魚都一定會問人哋有冇圍裙好好彩佢哋餐廳係有提供嘅咁就唔使驚啲紅色嘅辣油彈到上件衫度等左五至10分鐘左右果煲就來到啦就咁睇個樣已經賣相好好好似好好味有洋蔥有菠蘿有芫荽當然唔少得有烤魚啦啲魚肉係完全可以成條起唔會散修修上面擺滿曬啲辣椒乾麻味十足俾我都唔係食可以食得勁辣所以只係叫咗小辣條魚下便呢仲有啲麻薯粉我就會留到最尾先食嘅等佢吸晒啲味勁正❤️

喺尖沙咀行行吓，見到呢度嘅午餐好抵食，估唔到星期六喺尖沙咀都可以搵到咁抵食嘅午餐。於是，我同朋友就入咗嚟食午餐啦。酸菜魚片米線$35從來都未見過咁平嘅酸菜魚米線，所以就叫咗啦。原來平嘢都可以有好嘢，魚同酸菜嘅份量都超多，米線都好多，絕對夠食。呢個湯底主要係酸同麻，辣就唔太辣，相信唔食辣嘅朋友都應該可以食到。湯底味道適中，唔太鹹，但好夠味，好啱我食。魚好滑。瑤柱蛋白菜粒炒飯$38炒飯好大碟，飯粒粒分明，唔太油，食落有鑊氣，瑤柱絲都有唔少， $38好抵食。唐生菜加$12本身有蠔油，走左蠔油之後清清地，幾好。蒜香炸雞中翼加$23炸得好香脆，蒜香十足，雞翼嫩滑，好食。孜然燒牛舌心串$32未見過咁大串牛舌，$32好抵食。牛舌口感彈牙，配埋孜然粉，好香。鹽燒牛仔骨$78牛仔骨燒得恰到好處，好食。涼拌海蜇$78有得揀辣度，我地揀左bb辣，都好夠味。海蜇爽口彈牙，好清涼，好啱夏天食。熱檸檬茶加$2飲品都只係加$2，抵。

［烤魚肉鮮多汁］不知是不是沒法在家整烤魚，所以，一直有種想吃烤魚的感覺，吃烤魚要吃就吃辣的，之前有吃過，今次帶埋友人一齊來吃！沿住樓梯慢慢不同大小的魚仔，店內環境乾淨企理，霓虹燈為主的裝潢，枱櫈間足夠闊落，裡頭還有大枱。可以用手機落單，很方便！選烤魚時，侍應跟我們解釋不同魚的分別：海鱸魚比較滑，而江圍魚肉質就比較厚，油份比較多最後，我們選了骨不多的海鱸魚，配鳳梨香辣豆花口味（中辣）而手機菜單除了鳳梨香辣豆花烤魚，還有很多的選擇：-烤魚：豆豉香辣豆花烤魚、黃金蒜香豆花烤魚、老壇酸菜豆花烤魚-配菜：安格斯肥牛、大肉蟹、鮑魚、蕃薯蜆-重慶雞煲-串燒：炭燒風味鮑魚、炭燒鳳尾蝦串、蒜蓉牛油燒大頭蝦等-炸物：椒鹽金菇、椒鹽鮑魚等一上菜，覺得很香，愛吃莞茜的也不要錯過鳳梨香辣豆花烤魚 菠蘿加上香辣的湯汁，甜中帶辣，放在四角的豆腐吸汁後味道香濃，口感滑溜。菠蘿香辣豆花烤魚內有自家提煉的辣油，用了辣椒、花椒、豆蔻、香葉、八角等香料熬製，其中辣椒粉更是由四川直送，令人辣得上癮而鳳梨香辣豆花烤魚好適合天氣熱的時候吃，鳳梨有消滯解膩的作用，甜甜辣辣，愈吃愈開胃！除了招牌烤魚，還有雞煲，吃烤魚、雞煲少不了追加配

識我的朋友都知道我喜歡食魚 尤其係辣個隻今次要介紹係尖沙咀的小魚兒嘩 今次知一定無去錯地方一入到去就聞到陣好香嘅麻香味佢地落單個流程都好簡單 佢係用手機上掃瞄QR code 落單今次我地點左一條鮮九葉花椒BB豆花江團魚 （BB辣）佢入面的魚是預先整好的所以只要等湯滾一滾就可以吃D魚肉好係超超超實吖佢唔會話一夾就散最重要既係佢係入口超嫩滑同超肥美overall黎講呢 小魚兒都算唔錯 Remark返先佢個湯底入面有少少薯粉 真心推介 喜歡的朋友唔好錯過

上星期同朋友去左尖沙咀小魚兒聚一聚，好耐無去過，吾食食物有無改變呢？海鱸魚：辣度同麻度可以由自由選擇，令吾食得太麻辣既朋友可以食到。海鱸魚幾厚肉，幼骨吾算太過多。魚肉好滑口，帶少少鮮魚味，當中吸入辣油，食起黎會更加惹味！另外，我們配左鳳梨香辣豆花，鳳梨數量也幾多，食落甜甜地又夠多汁。豆花好滑，同樣配左麻辣油，味道也不錯！椒鹽魷魚鬚：每條魷魚鬚幾大條幾粗，所以食起黎夠晒口感。外面炸得好香脆，雖然有少少油膩，但也不錯啊！椒鹽味道足夠，吾會太過咸。黑毛豬腩片：另外加左一份豬腩片比二人share的話，份量足夠。豬腩片放於爐中，同樣地吸入左廈麻辣味，味道剛好，豬腩片口感吾鞋口啊。

<特色鳳梨烤魚💛>—🐟爆醬鳳梨香辣豆花烤魚 (江團魚) $338魚有四款選擇 我就揀咗江團魚 魚油好豐富🤤 肉質好嫩滑👍🏻可以自選辣同麻度 揀咗小辣同小麻 食落都覺得唔太辣🙈魚上面有好多鳳梨🍍 咬落好多汁☺️配料都好豐富 有豆花 洋蔥 芫荽💚 仲有幾條薯粉😆.🐠醬燒白鱔 $68呢個係今晚嘅MVP🤩白鱔肉質好厚 質感好爽口彈牙😋燒嘅火候啱啱好🔥 外皮焦香☺️.🐮串燒牛舌心 $32見有好多人推薦牛舌配孜然味🌶牛舌嘅質感好爽口 一啲都唔鞋👍🏻不過味道有啲奇怪🙈 有啲蜜糖味咁 完全食唔到孜然味 而且整體好鹹😥.🦪蒜蓉燒生蠔 $78生蠔每隻都脹卜卜🤩 而且好新鮮面頭佈滿香蒜😋 食完記住漱口😌—評分📈味道 7.5/10環境 7//10性價比 7/10—Rating 📈Taste 7.5/10Environment 7/10Worthiness 7/10

🐷🎈尖沙咀TST💛係佢啦！愈辣愈想繼續食嘅感覺！🌶🤤好食指數：🐷🐷🐷🐷🐷/5回頭率：🐷🐷🐷🐷/5💥鮮九葉花椒BB豆花(江團魚) $338+ 寬粉 $28+ 娃娃菜 $281。醬汁味道方面，個人覺得幾濃味幾正，未至於話好咸🤤 啱哂重口味嘅大家😂 我揀左中辣，辣味夠，麻味比辣味重少少，但個人幾喜歡呢種食到條脷好麻嘅自虐感覺🌶😆 愈食愈過癮，雖然好辣但不自覺地繼續夾唔停🤤 個醬汁好上癮👍2。魚肉味道唔錯🐟！係有魚味嘅，亦都幾新鮮，本身因為怕骨唔夠膽揀最平嗰隻海鱸魚，覺得揀得好啱！呢款江團魚好少骨，有骨位置都係一排骨過，冇碎骨，所以唔會食得好辛苦好麻煩🦴👍3。份量方面：條魚超大條🦈！未加額外配料之前，本身個鍋入面已經有少量配菜，例如有洋蔥、豆花即係類似豆腐物體、寬粉🍜喺魚底、娃娃菜🥬、青瓜🥒等等，而令叫嘅配料佢會分開送上4。配料加寬粉🍜就必定架啦！最鍾意有咬口嘅野🤤 連埋佢個醬汁食好正🙌💥炸雙皮奶 $43另叫左炸鮮奶個甜品🍤🥛！味道係不錯嘅，但可惜已經擺到凍左，入面鮮奶已經唔滑，有種因為凍所以惊左嘅口感，加上賣相睇落都有啲炸燶左少少，有啲失望☹//Deliciousness: 🐷🐷🐷🐷🐷/5W

小魚兒椒鹽魷魚鬚爆醬鳳梨香辣豆花烤魚(中辣小麻) 海鱸魚鴨血寬粉娃娃菜價錢💲: $88/ $298/ 58/ $28/ $28好味程度😋: 3.7/5服務🍴: 3.7/5環境🗾: 3.3/5性價比🥢: 3.7/5回頭率😚: 3.5/5-食烤魚的地方好難搵到💛，所以同朋友一諗到想食烤魚就即刻揀左呢間🤪 用eatigo book枱有折呀！7點上到去都已經幾多人食緊了。-🆗椒鹽魷魚鬚。份量夠4個人分，魷魚都爽口新鮮，脆漿都幾薄。面頭仲有好多炸蒜椒鹽，好香口，會忍唔住想食多幾舊😌 不過要講的係個外皮太油，索滿油的🥵-✅爆醬鳳梨香辣豆花烤魚(中辣小麻) 海鱸魚。講真我就唔係好識分咩魚打咩🐟，不過呢條都唔錯，唔會太小肉😋魚肉食落都滑。湯底係會越滾越濃=鹹，所以要加加湯。呢個味道辣味同麻味都兼備，好惹味🥳最特別係有幾塊🍍，d菠蘿如果浸左湯真係好鬼辣‼️但呢個組合比我想像中的夾🤩 4個角有豆腐同青瓜，佢本身都跟左小小薯粉，同當日的配菜。我食個日就有木耳同蓮藕😚全部都係索汁的，正！-我地仲叫左鴨血、薯粉、娃娃菜。整體係幾啱多朋友來聚聚，食下辣野好爽😏

天氣悶熱冇咩胃口, 想食下辣野刺激下味蕾開下胃。今晚就同丫妹又再去左尖沙咀"小魚兒",相隔接近一年冇黎, 原來已經轉左menu。同樣主打烤魚, 自選四種魚類、再有多款口味選擇, 其中仲可揀辣度同麻度, 走配料。另有追加火鍋配料。我地揀左海鱸魚, 爆醬鳳梨香辣豆花味, 小辣BB麻條魚已經熟左, 上檯再滾起湯底就食得。 海鱸魚魚質偏林, 有魚香。本身自己好食得辣, 但小辣都算幾辣, bb麻度岩返地道港人口味。惹味開胃。配有超滑豆腐、芽菜、莞茜、些少粗薯粉, 夠哂飽肚。呢款湯底口味仲有超juicy清甜菠蘿, 可平衡下口中嘅辣度。另外Order左兩款火鍋配料。黑毛豬腩片- 色澤粉嫩, 油層唔會太厚, 不過間中幾塊帶有骨件麻辣湯底, 一定要order埋彈滑鴨血先叫perfect! 

在openrice訂了六時有8折，到達時稱要還枱，我問不用折可否多一點時間被回絕，難道這麼多人？一行四人點了江團魚，魚肉少而配菜不多，需點最少二人分量。但枱面不大不能多叫，半途驚覺不夠已7時多，想多點雞煲也不行。怕剛上菜便要還枱，不敢再叫。魚肉少但滑，少淡水魚那獨特的泥味，湯料充滿香料味，點了炸腐竹豆卜「索汁」都ok。整體食物方面不過不失，環境清潔但有點擠迫。7:30還枱時有很多吉枱又沒人等，其實不是任點任食，個半小時實在有點短。

最近一股鳳梨熱，連食魚鍋都要揀佢！今次同朋友食，叫咗爆醬鳳梨香辣豆花味，小麻小辣，我哋揀咗海鱸魚，因為肉細嫩、厚、實，$298一鍋，仲叫埋配菜寬粉同黃金組合，即係土豆、金針菇、海帶片、蓮藕片。等緊條魚時，叫咗醬燒白鱔，like 社交平台仲送青瓜一份，朋友食過冷盤川式口水雞話好味，所以今次都有叫。鳳梨同辣魚超夾！酸甜中和咗啲辣味，冇咁刺激仲多咗份香甜，如果有多啲豆花就好～醬燒白鱔超大份同厚肉，一啖咬落去好過癮。青瓜爽脆，唔算太辣，用來做前菜一流。口水雞加咗麻醬，同坊間做法好唔同，而且都切得幾大件。抵👍🏻整體來講性價比高，下次都會再食！

芫茜控雞煲@小魚兒 (金馬大廈)網址: https://地址: 尖沙咀金馬倫道16號金馬大廈1樓電話: 23282122=====================重慶雞煲呀，對於我呢個食慣濃味架人，日日食都得架 $238 有一隻雞份量架重慶雞煲，可選擇辣度，最一向要小辣先安全。個醬炒得好香，一隻雞架肉夠2-3人食啦，另外再點菜就好夠食了。芫茜勁多，岩曬芫茜控。注入湯變打邊爐$28 點了油麥菜一份，食完肉真係需要補充蔬菜架！吸埋雞煲個醬香，普通菜都變上等滋味。水煮魚烤魚等都好抵食，二百幾蚊已經有一大鍋啦心。

醬爆鳳梨香辣豆花 烤魚 烤魚糸用（鲶鱼）^ 肉多刺少，  肉質也是鮮美，最適合用嚟做烤魚或水煮魚，眼見一盤份量十足ge 烤魚簡直心情興奮，因為天花上面冷氣打落嚟関係，将啱啱 微微滾起嘅烤魚加埋所有配菜同麻辣香料經過冷氣嘅 微風吹起 一陣陣 麻辣香味直撲喉嚨，簡直係未食先興奮，不過，  我個人認為個湯底 太鹹，可以淡返啲就好 ，鳳梨生食試得多 ，将一片片鳳梨放入個烤魚盆內， 鳳梨片就帶有酸甜辣嘅滋味，令人胃口大開 ，安格斯肥牛有大理石油花紋，非常有肉感同牛肉香氣，加上麻辣汁湯底，口感十足鲜白鱔片鮮甜鱔片，用作打邊爐有清甜嘅魚香，   又或者用作洋蔥 蒜頭 醬爆都一流 ，白鱔肉含有豐富嘅蛋白質同維他命，對我哋嘅身體非常有益處，最後提提大家， 落完單之後，記得喺社交平台 like and share 店方會有一碟小食送畀你