小魚兒 (金馬大廈)

营业中

休息中

以前有一段時候同屋企人好鍾意揸車落元朗食一間水煮魚，不過果間野轉左手之後就無去過lu🙈屋企人突然高想食水煮魚，上網睇下有冇咩舖頭先先，搵到呢間位於尖沙咀既「小魚兒🐠」沿路行樓梯上去既時候,旁旁都有魚魚的塗鴉跟住我一齊行上去咁😆 未入去都聞到香噴噴嘅烤魚味。烤魚、雞煲、酸菜魚既配菜有好多款可以簡，除左有配菜仲有唔同類型既熟食，bbq燒烤、冷盤、小食、甜品等...🔸江團魚🐟配醬爆鳳梨香辣豆花 $338首先，係4款魚中簡想食既魚，簡左江團魚，肉質比較鮮嫩，口感比較爽滑！第2步就選擇烤魚的口味，有4款口味需要額外加錢。我就叫左醬爆鳳梨香辣豆花，燒烤食鳳梨🍍就食得多，拎鳳梨🍍打邊爐就真係第一次😆好match呀！叫左小辣，而頭舖滿了辣椒🌶️、洋蔥🧅、青瓜、芽菜地配料，當辣辣地既時候就食啖鳳梨中和一下👍🏽🔸川式燒土豆片 $28土豆片厚薄切得適中，燒到好香脆!拎左幾塊浸浸落烤魚煱入面都得呀😆🔸鹽燒牛肉串 $48燒得好香，d鹽戴出到牛的味道

上次食完烤魚今次就試吓雞煲，七點未夠就去到所以唔洗等位。🥰重慶雞煲 ($148/半隻) : 一打開蓋芫荽嘅香味隨即湧出嚟，如果係芫荽控一定開心死，雖然只係叫咗半隻，但份量都有幾多，大家都食咗好多嚿，雞肉嫩滑又入味，辣辣哋之餘又夠麻，食落相當惹味。😋雪花肥牛 ($108)，安格斯肥牛($128/小) : 叫咗兩款唔同嘅肥牛嚟試吓，估唔到兩款肥牛只差 $20 蚊，但差咁遠嘅 😂 其實雪花肥牛唔差嘅，不過拍埋安格斯就遜色咗少少，雪花肥牛肉質就韌咗啲，而安格斯就應該不用解釋了 🤤 下次識揀了。😂其他食物份量都幾多。👍🏻大概食咗兩小時，眼見有好多客人排緊隊等入座，我哋都冇俾餐廳吹埋單。🥰

今日約左朋友去食飯，收工就去左尖沙咀等，今次由朋友負責搵食咩，佢就帶左我去「小魚兒」，話係食辣野同魚為主，正合我意老壇酸菜豆花烤海爐魚 $298食魚最怕多骨，呢度有幾款選擇比大家，可以揀最岩心水個款，今次食呢個老檀酸菜，一開始好似無咩味咁，點知越食越濃，之後加左湯都咁濃味，真係估佢唔到而魚肉鮮滑，而且份量好足夠，我諗3-4人食都可以，值得一提係個爐，個爐真係好夠熱，令到魚無變凍既機會。冰豆腐 $28最喜歡食冰豆腐，不過唔同打邊爐，今次落咗去之後，要等比較長時間，冰豆腐入邊先真正熟透，千祈唔好貪快，淥一陣就拎上黎，原來入面仲係冰，冰豆腐吸晒湯入面既精華，相當好味！Lime soda $32食辣野，無理由唔配返杯冰凍嘢飲，但又唔想飲可樂，飲到成肚氣，頂住個位，野都食少啲，不妨叫呢杯，好味之餘，又唔會太多氣，想食幾多都得啦。

今日以身試辣，去左尖沙咀近B出口既小魚兒，又有雞煲又有酸菜魚，可以滿足晒我兩樣野都想食既心願。雞煲（半隻）小辣 $148諗住食半份雞就算，點知黎到先知半份都咁多，差少少就食唔曬，雞肉煮得好滑，店員同我地講要蓋住煮3分鐘再焗一焗，一開始都非常惹味，但有少少美中不足，就係加左湯之後，就淡左好多，所以最好盡快食晒佢。精選雪花肥牛片 $108今次只係點左普通肥牛，食落去都唔失禮，有牛味之餘，肉質一啲都唔差，不過要注意千祈唔好淥太耐，會好影響口感，值得一提既係佢份量都好夠。Corona Extra X Lime Soda $68啤酒配上lime soda，簡直係清熱首選，食辣野，感覺真係好熱氣，加上天氣熱，即刻整返啖，即刻舒服晒。

是日約咗兩位好友食晚餐，無頭水嘅情況下，其中一位朋友提議食雞煲，而且有一間佢食過覺得ok,咁就一行三人去食。我地到食店嘅時間大約七點鐘，餐廳都坐滿咗七成人。急不及待先order咗一個雞煲。另外，食完雞煲當然少不了打邊爐，我地點咗豆卜，鴨血，響玲，薯仔，油麥菜同兩碟肥牛。先嚟就係雞煲，雞似嫩滑，醬汁味道豐富。食完雞煲之後當然要打邊爐啦，鴨血唔會一夾就散。響玲亦都脆卜卜。肥牛肉汁豐富，而且肥瘦適中。整體份量超多，食物質素唔錯，性價比高，會再幫襯🤤

Happy Monday😘周街逛👯‍♂️紅磡👫🏻尖沙咀行到攰攰地搵嘢食😋見到路邊間鋪名叫 @小魚兒 （就諗起絕代雙驕）🥴好😚就上去試下👏老公話就我咁我就叫咗一個唔辣嘅海鱸魚🐟再配老壇酸菜豆花😘唔辣對我來講梗係好好味啦（唔食得辣嘅朋友仔極力推介👍🏻）但老公話如果有少少辣就會野味😍所以有兩種食法🥴食得辣就叫辣啦🥳唔食得辣就走辣啦👏👏🤣🤣🤣再叫多杯竹蔗茅根清下熱👏👏👏老公就叫佢最鍾意飲嘅咸檸七😚😚非常滿足👍🏻👍🏻👍🏻#小魚兒 🐠#座位非常寬闊#仲有雞煲食#打邊爐#下次再試你

位於尖沙咀金馬倫道金馬大廈一樓的小魚兒，主打烤魚。筆者之前去中國內地旅行，也喜愛在當地吃烤魚，現在還未能去旅行，在這間餐廳吃烤魚也不錯。用膳當晚的入座率約七成，和朋友二人來到，獲安排坐一張四人桌子，感覺寛闊。首先選烤魚的種類，選了$298 的海鱸魚，肉質細嫩，厚而實。之後可以選烤魚的口味，最後選了鮮九葉花椒BB豆花口味，辣度則是BB辣。如果價錢再經濟一些，便更好了。另外，還點了一客田園蔬菜拼盤 和冰豆腐。約十分鐘後，烤魚來到了，賣相相當美觀，待湯底煮沸後，便可以開動了。海鱸魚的肉質頗為嫩滑，而且醬汁味道刺激而香辣。海鱸魚的Size頗為大條，和朋友吃得肚子十分撐。順便一提，烤魚鍋會愈煮愈辣，如有需要，應該可以問店員加湯，把鍋底稍為稀釋。另外還有雞煲可以選擇。

I only eat spicy food.識我嘅朋友都知我好鐘意食烤魚之前有朋友話小魚兒既烤魚係好食既今次決定約埋班朋友一齊去食一入到去就聞到陣經典嘅麻香味牆上面印住一條一條嘅魚決定今餐一定要嗌烤魚事關我就好中意食芫荽最後嗌左鮮九葉花椒BB豆花 (BB辣)江團魚 中意食辣嘅朋友仔可以嗌勁啲呢到啲魚係整定嘅湯一滾就食得一夾落去就知唔錯唔會話一夾就散個啲入口嫩滑肥美配料嗌左：凍豆腐 蔬菜拼盆 鴨血 牛柏葉整體上都算唔錯 特別要講下個湯底配料湯底入面有少少薯粉 有口感得黎食到尾仲有淡淡薯香味Location: TSTPrice (10 is expensive): 6.5/10Environment (10 is chill): 7/10

由於鍾意食辣 朋友就介紹咗呢間位於尖沙咀嘅《小魚兒》畀我佢話呢一間餐廳味道超級正宗無論係雞煲 定係水煮 烤魚都非常有風味餐廳位於一樓 行上樓梯嘅時候已經留到香料嘅香氣未食已經令人流口水坐低之後 侍應就邀請我哋社交平台打卡打齊卡之後就可以有免費涼拌青瓜或者木耳前菜估唔到涼拌青瓜嘅份量相當之大而且味道非常好除咗雞煲之外仲叫咗一碟口水雞口水雞帶有麻醬嘅香氣醬汁調配相當出色屬於小辣程度雞件嫩滑 雞皮爽口整個口水雞相當出色酸辣適中 加入咗大量芫茜增添香氣啱曬我這種愛「茜」之人青瓜相當之爽脆 食落夠曬refreshing用嚟中和一下濃郁嘅雞煲就啱曬雞煲可選擇麻辣麻香十足夠刺激而且易滲出八角花椒桂皮等香氣香氣四瀉雞件嫩滑 食落啖啖肉口腔嘅麻痺 加上刺激嘅辣度令人越食越過癮另外仲叫咗一啲火鍋嘅配料油麥菜翠綠新鮮芋絲就係飽肚之選加埋脆炸響鈴可以點埋雞煲嘅醬汁另外亦都點咗串燒牛舌燒牛舌加上咗孜然粉非常有蒙古風味而且即叫即燒 熱辣辣一路食雞煲一路嘆返一杯凍冰冰嘅1664啤酒爽！

經過一輪自閉溫書之後終於放監喇帶埋媽媽一齊出去食飯慶祝一下之前見到網上介紹呢間烤魚餐廳, 一於試下一入去店員就好細心咁問會唔會驚風口位吹親我媽媽坐低之後就解釋係用QR code 落單點左爆醬鳳梨香辣豆花配鱸魚BB辣烤魚一到見到辣椒同辣油媽媽已經話流哂口水本身有啲擔心會唔會好辣又唔會喎! 試一啖海鱸魚好滑好鮮冇咩骨烤魚入面有滑豆腐, 木耳, 芽菜, 青瓜同寬粉所有野都好入味, 尤其是係寬粉真係超鍾意!我好想再叫多盤寬粉不過份量真係超足 一鍋3個人食都夠店員都好細心, 一見湯就黎冇就會主動問駛唔駛加湯鳳梨嘅香甜酸解辣之餘仲幾開胃添兩母女一邊飲酒一邊食辣烤魚, 正啊!!今次試完BB辣下次可以挑戰小麻中辣 XD

手拍青瓜，只要 like 咗餐廳 社交平台 就會贈送一碟手拍青瓜，估唔到屬於贈品嘅手拍青瓜都咁大碟，仲大碟過好多其他餐廳嘅單點項目㖭。口水雞，口水雞唔算好辣，非常親民，雞肉嫩滑，可惜背位比較多，入口惹味，少甜再而帶點麻醬嘅風味，味道嚟講真係無得頂。打雞煲又點少得啤酒呢，呢度有我至愛嘅1664，爽口順喉，花香滿足。啤酒嚟埋之後雞煲就送上，時間啱啱好，呢度嘅雞煲相當重口味，味道香濃，打完雞煲再加啲湯嚟打邊爐，肥牛索盡雞煲嘅精華，相當好食。

今晚行過金馬倫道，朋友話有間食烤魚燒嘅好正嘅餐廳，在恆生銀行位置嘅十字路口位置，再向科學館方行，就見到了大廈門口，上一層樓梯就到，餐廳內座位闊落感覺舒適！落車用手機上掃瞄QR code 落單，望見有不同烤魚選擇，今次就點了條海鱸魚，之後再選口味同辣度，選了爆醬鳳梨香辣豆花，小辣小麻，同加了個小吃炸午餐肉粒，同炸魚片，等了一陣主角上枱，真係好大份，一條海鱸魚分半對開上枱，上面放滿了鳳梨片，四角再放了香滑豆腐，同埋勁多芫荽，店員告知滾一陣就可以食，條鱸魚真係啖啖肉，沒有好多魚骨，肉質十分嫩滑軟熟，一夾就係一塊塊結實厚身嘅魚肉，入口時完全感受到個湯底辣度同入口一會就出現嘅麻辣感覺！而鳳梨亦十分鮮甜多汁，浸湯吃又係另一風味！小吃炸午餐肉粒，同炸魚片，前者炸得十分香脆可口，一口幾粒，泡在烤魚湯中一樣好味！後者十分香脆可口，配埋魚肉入口有雙重口感，一脆一軟嘅感覺，十分滿足！個人不太吃得太辣，呢個辣度真係已經係自己嘅極限，慢慢吃感覺好啲，最後追加埋個烏冬，嘩吸收了個濃湯底味道，烏冬煙韌彈牙十分入味！最後要整返罐冰凍可樂先可以將溫度下降😁！整體十分滿意，分量十足，味道唔錯，喜歡吃烤魚嘅朋友真係多一個地

《江團魚 配醬爆鳳梨香辣豆花》火鍋落菠蘿都係第一次🫕🍍但原來都唔錯 好甜食食下辣可以食一舊中和下鍋本身入面仲有豆腐、雲耳、芫荽、青瓜等等配料但小魚兒的魚才是主角揀左江團魚 骨細多肉可以做到啖啖肉嘅感覺叫左小麻小辣但越食越辣 好過癮🌶🌶🌶.《寬粉》《鴨血》《萵筍》呢啲都係麻辣鍋必叫嘅配菜可以索哂湯汁份量都幾多咖 價錢合理.《荔枝乳酸爆珠梳打》《香檳葡萄酸爆珠梳打》食辣野飲梳打就最正仲要有爆珠粒粒 有口感又解辣

話說原來我媽咪未食過烤魚今晚就做個孝順仔帶去食下一次烤魚啦我至愛嘅餐廳就係位於尖沙咀嘅小魚兒計返今次已經第三次食啦同一樣嘅裝修餐廳唔算太迫場上掛住霓虹燈走型格路線之前就食開辣味今次就一就媽咪轉食咗酸菜口味再點左一條海鱸魚鱸魚size仲大過我隻手長如酸菜亦非常多料雖然係有少少鹹但整體非常嘢未魚肉夠鮮嫩、重點係真係有魚味呀此外，我哋叫咗啲配菜包括貢丸和牛肉丸肉丸好彈牙、豬肉味和牛肉味都好充足至愛嘅皇帝菜，餐廳都有提供呀爽口清新，越食越開胃！必叫嘅就係萵筍，餐廳切得細片，易入口且爽甜，好味呀！再次來都覺得水準唔差過

之前喺雜誌見過小魚兒嘅介紹，覺得會係一個打卡勝地之餘，川菜烤魚賣相也很吸引，終於今日放工經過被吸引了幫襯。店內裝飾以霓虹為主，拍照起來特別吸引眼球，風格獨特。小魚兒主打川菜，當中我最有興趣是烤魚，這些風味不是哪裏都可以吃到的。海鱸魚-鳳梨香辣豆花 $298我們先決定好魚嘅種類，海鱸魚肉身厚實，然後選擇烤魚口味，最近潮流食鳳梨🍍，咁就一於鳳梨香辣豆花啦！至於辣度方面，我哋呢啲初級組都係揀BB辣！烤魚款式多，賣相非常吸引，海鱸魚好大條，魚肉肉質結實嫩滑，入口麻辣鮮香，我平時好懶惰食魚肉，因為怕有骨。烤魚就唔同嘅，啖啖肉魚骨唔多，雙層鋪滿金黃色的鳳梨，酸酸甜甜，更加開胃。七彩配料相當豐富，火紅色的鍋底，芫茜、豆芽、洋蔥、青瓜、雲耳，四隻角仲有滑嘟嘟豆花，醬汁濃郁，所有食材越滾越好味。稻庭烏冬 $28最後加入稻庭烏冬， 煙煙靭靭，每一條都掛滿麻辣汁，好好味好刺激。川式口水雞 $68一邊食烤魚一邊加了小吃，口水雞滿滿的麻香醬汁，花生香味濃郁，雞件入口嫩滑，好食！炸雙皮奶 $43我哋仲留肚食甜品，金黃色的炸雙皮奶 相對特別，入口香脆，內軟香甜，唔錯的選擇。總括來說，食物、環境、服務、衛生各方面都不