小農夫拉麵食屋 (已結業)

見OpenRice 寫小農夫食評寫得如此出色，身為荃灣友，當然要去了解一下重陽假期相約好友，一行四人去試一試那火光四起的豬豬晚餐。食店選址在荃灣房屋協會屬下的滿樂大厦，所以人流唔算集中，我們晚上七點半到達，食客只得三幾枱，相信食店要多加推廣，派吓傳單了。門外可清楚看見簡單麵食㕑房步入食店，左右兩排全是卡位，適合四位內的客人，如大伙兒的話，相信要坐到食店的VIP 房，聽店員介紹，VIP 房可以包房作私房菜用途，每位價錢由$300起，詳情可再與㕑師商討。店內裝修，有些細節位置，看出食店用心安排，例如每張枱都放著一瓶水，還註明著是Enagic 的鹼性電解水，感覺份外健康靠近洗手間附近位置掛上一張字畫，箴言17章17節: 朋友乃時常相愛與朋友相約飯局，都是希望彼此加深了解，互相欣賞、包容和體諒。打開餐牌，主要套餐有五款:有點騰雞~秘制雞豬都有火~火焰金沙骨超級花豬~梅菜炆豬肉夠薑豬豬~港式豚肉生薑燒八戒脾脾~豬脾、豬腸、咸酸菜、滷蛋第一次來，當然是點套餐，樣樣都可以試齊嘛每個套餐都包括:有機菜沙律、自家製飲品、主菜和主食。夠薑豬豬套餐~相等於是港式豚肉生薑燒:洋蔥和生薑比例恰當，配飯一流。朋友

環境：同以前舊店裝修分別不大。基本上差不多一樣。lunch約1:00pm到，得一兩張枱有人。所以可以坐卡位不用搭枱。服務：好似得2個人做野。。。冇乜客，所以叫人不難，上菜也快。服務態度OK。食物:冇set lunch。 全日同一個menu。叫左2個$68歺。"主食"意思係要麵或飯。。。$88有野飲，但只係自家飲品，見到menu得兩款，冇其他野飲。不吸引，也要加多$20也不值。超級花豬+麵豉豬骨湯拉麵花豬：份量OK, 味道量中，不太咸。麵：本想選麵豉味係期望咸D。但好淡，冇味。似在食冇味拉麵。有点騰雞+糙米飯雞：份量超少，冇乜肉，超多毛。吃落個味似賴係健康既味，但雞和碟內勁多油。吃落勁油(叻叻)。湯:吾知乜湯，但OK。飯：個人不喜歡吃糙米飯。但so upset,冇白飯或油飯選。*吃完豬和雞也攝左肉係牙(啦)。但不提供牙簽。因佢地要將食物入廚餘箱，又怕客人放牙簽入食淨的食物上，所以不提供。對回收廚餘係支持，但不提供牙簽就非常不滿。我們要用指甲(鳥)牙*本身睇緊menu時，waitress話睇以上I pad 比較新，這I pad 約2部半电話大，但我仲覺得太細好難睇。都係實物menu 好睇好

上星期，同家人一齊去試新餐廳，佢係一間好注重環保嘅餐廳，所以特登去試一次。去到先知道原來係新開業有折扣，好似係九折，之後叫咗幾個招牌菜。呢幾個招牌菜,味道都唔錯嘅。有一個係一款牛雜套餐，佢嘅味道都唔錯。份量都夠。另一個係雞套餐,味道都唔錯,但係份量比較少,隻雞比較瘦，冇乜肉食。第三個餐就係豬都有火,可惜個餐得三件豬肉，份量比較少，雖然佢嘅味道都唔差，但食唔飽囉。另外叫咗個小食香辣雲耳，辣度適中，開胃。整體來講，都係份量比較少。

聽聞呢間店新開一個月左右，主打農家菜，不含味精色素，於是帶長輩黎試試。叫了4個套餐，主要的肉類選擇是雞和豬，如果以後有更多主菜選擇，例如羊肉、牛肉就更好了。套餐有一份主菜配拉麵/飯，包沙律和自家製飲品，當日有洛神花同雪梨甘筍雪耳茶。總分量是十分足夠的，但建議增加主菜分量，調減拉麵的分量，會平衡d，因為碗拉麵太飽足，主菜相對較細碟。味道上有住家飯的感覺，有種人情味係度，長輩食完都覺得食物新鮮不油膩，比出面的餐廳放的油鹽少較健康。價格合宜，新張期仲有9折。希望店鋪以後有更多款式選擇，同埋有新鮮農家菜同肉類賣就更好了。

真正良心餐廳，佢地每日17：00才營業但早上經過已從玻璃見整理食材好新鮮，品質高以為好貴但有朋友到訪都試一次，點知出乎意料地價錢平味道好好原來全部重本用本地食材，問點解菜式選擇不多佢答貴精不貴多想保持質素…… 唯利是圖的商業社會有如此高尚情操直得一讚。order咗豬都有火-- 其實有啲似金沙骨但好淋、農家本地白切雞--好新鮮有鮮雞味、素未謀麵-- 其實系炒什菇，二個字鮮甜、鹵水豬手-- 又淋又香皮都食曬但吾肥最後參觀埋VIP房(可以坐十幾人)有黃金寶戰車坐陣，勁呀！（佢地話下次包房重可以自訂餐單食私房菜）

是夜在荃灣滿樂大廈品嚐此良心本地小店，剛開業未夠一個月，已累積有不少食評讚賞，於是便訂位一試。店鋪面積不算大，但布置簡潔寬敞，牆身圖畫亦有農家風味，當中有一間房間可供客人包場，提供私房菜給十多人享用，房中更有黃金寶簽名的單作為裝飾。甫坐下店員便細心地介紹食品種類，有多款套餐可供選擇，特別之處是所有食材均來自本地農場，絕不加添任何味精，顧客可放心享用。每款套餐均配備自家製飲品:桂㘣茶或香茅青檸薏米水，充滿百分百誠意之作，並非粗製濫造，就算清水亦是經過濾的能量水，真佩服此店的用心。先來個套餐“超級花豬”，其實是一份梅菜扣肉，但做法頗為正宗，因為每件扣肉均用芋頭相間，而芋頭是先經油炸再與五花腩一起燉煮，絕不肥膩，再加上香甜梅菜，配上一碗糙米飯，簡直有“雪中送炭”的溫暖感覺，再呷一口麵豉湯，真的是無比的窩心幸福。另一款套餐是“豬都有火”，其實是火燒金沙骨，店員會淋上少許酒再點火燒，香氣四溢，肉質爽甜，非常惹味，配上一碗豬骨湯拉麵，湯底並非如日本拉麵般濃郁，反而是清淡柔滑，與金沙骨剛好來個碰撞，互補長短，怪不得店員強調要配拉麵，原來是有這樣奇妙的效果。除了食品，此店啤酒“香港友”絕對來自本地，除

上網見到呢個小店係用本地食材作主打，令我都幾有興趣。試完即刻想大讚呢間餐廳！去到餐廳門口，見到入面一個人都冇，差啲想走(真係好彩冇)，之後先知原來重係試業中。價錢十分合理，$68係包飯同面豉湯，店主好有心思幫啲食物改名，好唔好聽就...見人見智啦😂😂紅米飯+面豉湯，面豉湯係極濃，入面重有豚肉個片同蘿蔔，好好味隔離係(夠薑豬豬$68)，姐係生姜炒豚肉，十分惹味，而且係好新鮮，好有豬肉味，like !(豬都有火 $68，已食大部分 ）上菜時佢會問你要唔要點火再燒一燒，gimmick 野啦xd 不過味道同樣好好，係類似蜜糖骨咁。最後推介係素未謀面$38，其實係炒雜菇，忙住食所以冇影到相😂Overall 都好滿意呢間小店，cp價爆登，健康家常菜之選，希望佢地可以做得住，令香港多啲高質餐廳。

忘記拍照。食物都來自本地農場，有heart. 新鮮，food selling point.環境舒適及乾淨。雞好滑。拉麵是蛋白麵，好𡁻口。火燒豬肉有特色，甜甜酸酸開胃，肉質爽Truffle流心蛋味道不錯，有流心👍🏻Service good & friendly introduction 香茅薏米水一般落order 個program惡劣，字太細，not smooth, 直情係handicapped咁Location 不太就腳

真心推介，第一次在街外食飯，竟然食到家常便飯的味道，除了標榜不用味精，味道係連家庭常用的雞粉都唔落，味道雖然偏清淡，但用料卻是真材實料，兼全採用有機食材，但係，售價竟然唔貴，連我做咗三十年餐飲既老公都有讚冇彈，我老公出街食飯有個怪癖，總是成隻烏蠅咁，每次都一邊食一邊依依哦哦，研究啲食材呀，煮法呀，味道呀咁咁咁，但今次竟然讚不絕口，簡直離奇，就係因為平時食個飯都嫌三嫌四，連我老公都讚既，點都要寫吓食評，以下既說話，是我老公邊食邊講既分享，習慣哂，嘻嘻🤑🤑🤑而特別之處係拉麵既豬骨湯係用黑毛豬骨熬製，所以湯色比市面的所謂豬骨湯偏深，豬骨味十分香濃。🐗🐗🐗全餐廳最多人叫既菜式就係 豬都有火。。真係有火架🔥🔥🔥我個人最欣賞既就係 梅菜扣肉飯。 好味之餘，卻不像市面的浸泡箸一層油。扣肉入口溶化卻不帶油膩。口感超正！🤤🤤🤤有機會一定再去食過。哈哈哈😁😁😁

我又黎喇！因為之前幫襯過呢間新開小店子， 知道店子也有私房菜食，一於襯老友生日，黎攪攪新意思，整番場飯局嘆下先，由於私房菜只有一間房，需要向店員提前幾日預約左先，唔訂就無得食囉！！原來私房菜是店子的另一邊廂房，座位最多可容納達十四人，我們一行九人當然可以坐得闊落一點，房子佈置得額有風格、除擺放著一輛黃金寶親筆簽名單車外，也用上了好多環保物件，創作一些心思掛飾，讚！至於菜單，當然由大廚發辦，開餐啦！！炖湯一大盅，雞燉魚唇，湯料充足，又有我最鍾意嘅螺頭紅燒乳鴿沒過火，保持肉汁，師傅功力十足呢豉汁蒸蟠龍鱔，小妹一向不好吃鱔，但呢個真係整得好好食，鱔蒸得剛剛好，鱔皮爽肉滑，調味醬汁也一流，單是撈飯食，可以食幾碗了，一定肥死啦芝士蝦伴有機啡菇麵蝦肉爽口彈牙，最驚喜是菇麵，店主講述是由有機新鮮啡菇打磨成粉混入麵材料內，喜歡菇的我，吃來啖啖菇的味道，好棒棒！內有乾坤肉鬆生菜包，口感清爽話明生日飯局，壽包一定唔少得木瓜桃膠作甜品，味覺不會太甜，既美顏又補充骨膠原吃完呢個甜品，為今餐生日飯畫上完美句號！！非常滿足的一餐

平時好少寫食評，今次都忍唔住要來寫寫。有朋友生日睇咗Facebook嚟到荃灣呢間標榜本地食材小店試吓私房菜。服務真係一流，一個房比我地7個人用晒👍🏻老闆和店員熱情招待。啲嘢仲好好味冇諗過咁嘅價錢仲可以咁足料，食唔晒要打包添。尤其個湯真係超好飲，睇到已經流口水😋😋最後食到個壽包估唔到咁大個又有蛋黃喺入面。下次有人生日都叫佢哋黎先可以再食多幾餐😬還有一定會嚟試下此店的主菜啊！睇見餐牌啲餐名覺得好有趣🤣🤣唔知邊個諗出來的👍🏻👍🏻👍🏻

每月的一次的飯局, 今天試下拉麵店的私房菜, 這間店新開張, 主要是拉麵為主, 但店主特別開了一間房做私房菜, 係呀, 只有一間房, 唔訂都無得食. 佢主要是食當年沙田新瑞華的名菜, 好耐都未食過好食的乳鴿. 所以來食下. 乳鴿, 真心好食, 炖湯好飲, 特別要提的是豉汁蟮, 個汁好食到想帶回家送飯. 找到大廚, 問極都唔肯教我個豉汁點做, 扣分. 酒水也多選擇, 特別要提的是(意米香芧青柠水), 幾個朋友都不斷讚好飲, 但小弟就唔覺, 反而我喜歡佢地個手工BEER. 價錢就大約每人400大元, 私房菜來講算是物有所值.

荃灣一向都多野食，剛經過沙咀道，就見一間剛開業既小店，入去醫下肚先，一入小店牆身貼上一大片農地壁畫，很有新鮮感，另一邊廂類似包房的地方，店員透露可作客人聚會私房菜，地方寬敞潔淨，佈置精緻，看得見一花上心思素未謀面本地有機菇炒什菜味噌拉麵，湯底足料好味，飲哂唔口喝，讚仲有小食，沙律菜夠新鮮、涼拌青瓜，辣辣地好惹味飲品是店子自家煲既桂圓茶，味道適中，不會太甜，清爽，一飲得舒服原來也有手工啤，留返下次同朋友再黎過嘆嘆

I was attracted by the restaurant decor because it gave me the impression they were serving healthy dinners.The decor was relaxing and made you feel at home.There was a lot to offer on the menu and the prices were very friendly.What I appreciate is that they use locally farmed poultry, Black Iberian pigs to local organic vegetables.Each dish on the menu is inspired by Chinese phrases which portrays the way people communicate and behave in Hong Kong.Started with fresh juices that cost $18 per gla

香港區區都有其特色，荃灣就有荃灣味，當行到去沙咀道時，就是覺得這裡是荃灣而不是銅鑼灣，是有一份屬於該區的地道街坊風味。既然日式料理會用日本食材，香港小店為何不可以用回本地材料呢?好在，真的有一些有心人肯重視本地食材，在荃灣區開了這間「小農夫拉麵食屋」。店內裝修很簡潔，最大亮點是牆上的一架單車，據店主説是由香港之寶黃金寶送贈的，上面真的有黃金寶的簽名哦!店名有「拉麵」兩個字，但完全跟日式拉麵無關，說是港式拉麵會比較好，至少我來之前都不會期望是吃正宗日式那種，當作是港式食店就無問題。不只食材是本地農產品，連菜名都好香港式，「素未謀面」、「有點騰雞」、「豬都有火」等等，都大玩港式食字。「八戒豬髀」($68)原來是咸酸菜燜豬髀，燜得頗為入味，另配上豬骨濃湯拉麵，湯底不錯，很香濃，麵條則尚可而已。「超級花豬」($68)其實是梅菜扣肉，當然亦是用本地豬，即是港豬，難得港豬也並不失禮，這碟菜擺放得體，很有家庭小菜風味。「素未謀面」($48)就是素菜小炒，材料包括本地有機菇菌及雜菜，明顯較為少油少盬，清新可喜。除了配拉麵外，還可以選配較健康的糙米飯，適合我這些要keep fit的人。「有點騰雞」($6