小農夫拉麵食屋 (已結業)

之前經過呢間新裝修嘅食店好幾次，俾佢嘅主題‘本地新鮮食材’吸引左。終於前幾日走左入去試。而家新開有9折優惠，不過唔肯定做到幾時。可能是新開，一入到去就有位，食店好光猛，俾人好乾淨嘅感覺。打開餐牌，食物種類唔算多，因為佢嘅餐唔包嘢飲，所以諗住睇下有乜嘢飲，原來佢地堅持提供健康飲食，所以無汽水提供。果日我地叫左兩個set, 兩杯飲品@$18/杯，其實杯飲品真係偏細杯，但超足料有成10粒龍眼肉，好正。另外果杯檸檬香芧薏米水，好濃，超多薏米，肯定無溝水！好飲！個海南雞拉麵套餐（我唔記得佢個怪雞名），隻雞幾滑，食得出唔係一般鞋十十果啲死肥雞，重點係個醬汁，好野味！但個麵就略嫌梘水味重左啲，唔係日式拉麵果種麵質，要改善！而個沙律同木耳就正常嘢，無乜驚喜。不過個木耳就比較辣，唔係個個都食到。另外叫左豬脾配糙米餐，豬脾燘得好林，唔會太濃味，太油膩，唔錯！碗麵豉湯就有少少咸，不過一般麵豉湯麵係咸嘅！整體上，我覺得呢間食店嘅食材幾有質素，呢個價錢可能比茶記貴10元8塊，但感覺店主好用心煮健康食物俾食客。講真，呢點我好buy! 因為而家係香港食嘢，舖頭交貴租，食物將價就貨，食左啲黑心肉都唔出奇！值得推薦！真

逢星期五晚都喺荃灣食飯。惟獨一枝公，冇乜好揀。荃灣啲餐廳可以屹立不倒or無聲結業，結果食開果間唔聲唔聲執咗。平時行經沙咀道，都見到呢一間新餐廳，今日見冇乜選擇下不如試下新嘢。一入到去，地方都算寬敝，一眼望哂全店都係至少坐到4個人嘅卡位，不過呢個星期五晚得兩三枱客。店員超主動上前招呼我，還推介我及其他食客點「梅菜扣肉」和「套餐」。最後睇哂成本餐牌，都係諗住食得清少少，於是就叫呢個「有點騰雞」……但一睇餐牌，呢個$68嘅「有點騰雞」係單點食品，問返店員原來仲可以跟餐，包前菜、是日沙律、自家製飲品，於是就跟餐……店員入完單，睇返張單先知原來成個餐係$88（積係跟餐要+$20），但又話返比我聽新張期間又有全單9折，價錢有啲混亂。靜心等咗大約15分鐘，成個餐嘅食物上到─店員再溫馨提示話「啲雞係本地活雞、可以試下同其他有咩分別」。首先試咗前菜及是日沙律─醋汁雲耳、胡麻醬田園沙律。呢兩樣食物口感啱啱好，唔太淋唔太硬，而且醬汁唔會過濃。然後再試主菜─拉麵（配麵豉湯底）。不得不讚呢個麵豉湯底，味道非常濃郁、而且不油膩，搞到我忍唔住飲多幾啖；拉麵應該是手打的，不論係拉麵本身嘅粗幼度、還是上菜果時嘅軟硬度都

拉麵有不同款式，日本、蘭州、上海、北京，各有不同風味，配搭不同湯底，味道甚千變萬化。 來「小農夫」吃晚飯，店員說是主打吃港式拉麵。我的第一個問題：港式拉麵，是什麼 style？ 店員說，他們的麵是用本地蛋白拉的幼麵，每天新鮮自家做；而湯底和配搭的餸菜，全都是以本地食材做主打，例如本地黑毛豬、本地飼養雞、有機本地蔬菜，甚至本地米等等，去創造一間以吃「本地」食材為主的拉麵店。明白了！ 看到店內有售賣出產自不同本地農莊的物品，食物煮法上也偏向健康，少調味零味精，盡量引出食材的原味，整體概念不錯，可說是石屎森林中的一片綠洲。 這部簽名單車，是黃金寶送給老闆的，象徵香港加油，努力不懈的精神： 坐低先叫飲品 $18 / 杯，全部自家製，無添加及少甜。由左至右「木瓜南瓜汁」、「龍眼水」、「大樹菠蘿紅火龍果南瓜汁」、「香茅薏米青檸水」，冰凍很 refreshing： 餐前小吃「蜜燒黑毛豬粒」$25 /「黑松露流心蛋」$15 /「田園沙律」$15，輕盈為主： 店的菜名也改得有趣，貫徹本地 tone。除了麵底和餸，湯底如豬骨濃湯及麵豉湯，也是用本地黑毛豬骨熬。說真，食物價錢以晩市來說，是相當

上次食過一次，今天同朋友仔試新食品，叫了超級花豬，原來系梅菜炆本地豬腩肉，仲叫了夠薑豬豬，系薑汁炒豬肉片「薑味可以濃D更好」加拉麵，整體保持水準，全部吃光，好好味道呀！問店小二，還原水是嘜冬冬，我聴完都不太明白，話飲完會健康，同埋豬骨濃湯是用此水煲的，下個星期日，有個酒會，賀中秋又派送月餅給長者，到時我都想來看看「不過沒月餅收，因我未夠秤」，看他們人員不多「全店得3，4個人」出菜有小小幔，擔心他們做得會很吃力，祝他們工作順利！新張期間九折

從來都冇寫過個食評，男朋友話想食拉麵所以就搜尋左泥一間店試下，但真係超乎想像的未食過咁難食嘅拉麵。份量亦唔多，食完有唔夠飽既感覺，同埋好口乾。眼見當時只坐左半間舖0既客，服務麻麻，真係非常非常之失望，一句到尾，絕對唔會再幫襯

挑戰無防腐劑、無瘦肉精、無色素、無抗生素因為豬，我第一次寫食評，因為豬，小弟走來試食這碗拉麵，一向都幾鍾意食拉麵，仲要有些些要求，湯底好之餘，湯仲要夠熱，肉質要好，拉麵也要好，不需要份量多，最緊要有質素，最近友人提過這間店，剛好人在荃灣，一個人也走來試試，試下咩叫豬都有火先豬名 ：豬味好濃，豬都真是有火湯底 ：麵豉豬骨濃湯溫度：夠熱麵質：夠爽材料 ： 夠豬味道：夠無失望，食完豬，清哂湯，我都唔口渴，要立志創造「本地」豬為食材，我一定來支持，下次再食其他豬，到時再分享下

走出荃灣西地鐵站，沿著大馬路一直行，好快就見到街邊的小農夫這個麵屋，外邊看上去很普通，沒想到進來之後卻是內有乾坤呀，麵的味道超勁，再配上本地的各種食材和黑毛豬，感受簡直棒極了，而且麵屋還主打環保題材，由一幫熱愛香港希望可以環保減費的辦公室人打造的，哈哈，也是一群熱血人生麵的味道真的是很少，🐷夠豬味，菜也是新鮮的不得了，店裡的每個人都超nice，來到店裡好像有一種回家吃住家飯的感受，強烈推薦呀，真的是來荃灣必吃呀下次還要來

最近常來荃灣工作，途經沙咀道，見有小店開業，主打本地食材為主。一於試下先，點了兩個餐餐點小食配菜👉🏻本地水耕菜沙律👉🏻涼拌貓耳超級花豬套餐配飯其實是梅菜扣肉，不過套餐名字改得盞鬼👉🏻腩肉肥美甘香、入口溶化、梅菜林甜、配飯無得輸跟飯送味噌湯湯料豐富，味道濃香夠薑豬豬套餐配原味濃湯豬骨拉麵材料👉🏻薑絲洋蔥炒腩片👅🍜拉麵👉🏻湯不夠熱，略微遜色自家調製飲品火龍果特飲檸檬薏米水另外也點了小店自家調製小麥手工啤酒🍻加入了芫茜、陳皮，口味清新服務員態度親切、細心講解食材來源，天然健康看得出店子對食堅持，值得一讚新張優惠重有九折，下次再黎試其他先

之前經過，見她試業，望兩望沒有幫襯，今天見他正式開業，同個仔入去吃碗麵。雖然拉麵我不是常常吃，但總有十次八次，這樣的拉麵食屋，真是第一次見，食品名稱趣怪，我唔係太知點叫，個仔叫左一碗有點騰雞及八戒脾脾，原來系雞配濃湯拉麵，和豬脾濃湯拉麵，味道及口感好好，她們標榜本地食材，果真有點不同。室內環境整潔，洗手間很乾淨，服務唔錯，系款式少一點，裝飾有點農務味（牆身畫曬春夏秋冬），仲有本地手工生啤，下次夜晚來試試，

看到食物名稱, 很有趣, 結果叫了一個八戒俾俾, 等了一小段時間, 店員出了豬脾飯, 飯係糙米, 很少食, 豬脾一流, 我特別喜歡多皮, 很滿足, 店員服務還好, 有禮貌, 有交流, 飲完杯龍眼茶之後佢問我飲唔水,這種服務已見小賣小了.......

放假一個人湊住個2歲囡囡，出街食飯一定揀岩小朋友食既餐廳。荃灣新開左呢間本地拉麵店，好貼心地除左提供小朋友餐椅，仲有小朋友餐具，爸爸媽媽出門又可以帶少樣野，輕輕鬆鬆去街街。由於新開張，餐牌選擇唔多，但可以揀散叫或套餐，今次叫左個海南雞拉麵套餐，除左雞之外仲有沙律菜，淋上自家製醬汁，清爽開胃，雞肉亦都幾嫩滑。除此之外，拉麵湯底仲冇加味精，師傅話落足料煲左十個鐘。作為家長一定放心比小朋友食，囡囡都話好味。$88既套餐，有主菜、冷盤、飲品，唔食麵亦可以轉紅米飯，健康首選。如果有埋甜品就好啦～～～不過飲品可以試下餐廳自製既桂圓茶，唔太甜，幾好飲。

最近知道荃灣沙咀道開左間新食店，星期日冇咩做就同老婆同個仔去試下，因為仲係試業期間，所以款式較少，但聽老闆講佢地係支持本地食材，而店舖裝潢都係廢物利用，覺得好有心，食物好味地方乾淨又舒服，希望大家都多多支持本地小店支持本地食材

補番早前既食評先新開左兩間食店頂替之前肥姐既舖位見試業就去試新野果然有驚喜可以由3款主食配以紅米飯或拉麵套餐已經包左餐前小食（由餐廳指定）、指定野飲一杯活雞配拉麵（原味湯底）湯底可以揀原味/味噌口味本身揀飯都會包1碗味噌湯而且原味湯底勁好味強烈建議揀原味炒什菜配紅米飯唔錯唔錯但對比起拉麵就差左少少（左邊係指定前菜）飲品出單既時候先發現真正既套餐名係咁搞笑食到咁上下老闆行過黎問我地覺得O唔OK 、 介紹我地知全部食材都係全天然.....試業期間會聽食客意見讚埋單個時見到可以用信用卡paywave 、八達通比錢，小店黎講真係較小見試業期間仲有9折優惠不過價錢定位相對黎講就高左dd如果唔係話全天然、本地...價錢就唔算太吸引而且款式較少希望之後正式開業會有更多選擇啦