小蟻人 甜品西餐 (已結業)

今日黎到開左冇耐既小蟻人食晚飯! 哩度新裝修好靚! 多卡位令人坐得好舒服! 因為新開冇耐而家仲有幸運轉輪, 轉到有discount! 我地order左黑松露三文魚薯蓉湯, 炭燒安格斯肉眼扒, 黑松露旦白帶子炒飯!哩個黑松露三文魚薯蓉湯味道好濃! 黑松露味都算重!而湯入面三文魚份量係好多呀! 用薯蓉做既湯杰杰地咁! 好味呀! 而炭燒安格斯肉眼扒好大塊! 配上燒汁! 味道唔錯! 本身醃左有小小調味! 美中不足係牛比較多筋! 但食落都不錯呀! 佢醃製過既味道好适中! 配菜有薯仔同埋雜菇! 都好好味呀!黑松露旦白帶子炒飯既味道算係清清地!輕輕既黑松露味配上大大粒帶子! 帶子好有口感!佢仲配埋青豆, 切碎既蕃茄一齊炒! 好fresh! 炒飯味道啱啱好唔會太濃味! 好啱我! 飲品方面我叫左蜂蜜柚子茶, 朋友叫左柚子荔枝沙冰!好味! 蜂蜜柚子茶又唔會太甜! 柚子荔枝沙冰有粒大大荔枝! 柚子配荔枝味原來都不錯呀! 甜品時間又到了! 我地叫左3樣甜品! 草莓撻曲奇撻皮,滿滿吉士醬新鮮士多啤梨! 好味呀! 綠茶芝士撻同埋曲奇撻皮! 芝士味勁濃! 超正! 食果時仲有微溫! 回味! 最後既綠茶窩夫配雪糕綠茶窩

早已聽說過荃灣小蟻人，抵食之餘食物質素高，這晚終於能與老友相約，來這餐廳一試！套餐價錢一二百，比想像中抵，所以筆者要了個最貴的炭燒安格斯西冷扒，配黑松露汁都只是$218，價錢而言的確算平。先來的是三文魚沙律，澆上黑醋後食落更清新，三文魚不會很膩，作開胃前菜真的不錯。五成的西冷扒燒得剛好，表皮格格網狀的炭燒痕跡印證其被燒的過程，調味得恰好，牛扒亦很入味。霎眼看已很juicy，豈料切開牛扒，內層更可見肉汁在半紅的肉層間浸淫著，咬下隨即於齒縫間四溢，不沾醬汁已很入味，抵食！套餐包了果茶，筆者要了個士多啤梨果茶，清新不酸澀，正好適合主菜後甜品前用作清清喉嚨。小蟻人以甜品出名，所以我們即使撐飽了都要了個紅蟻屋配雪糕  $80，其實就是草莓味的心太軟，旁邊配料都是鮮紅草莓，味道不算很酸，卻令人非常開胃。切開心太軟焗得香脆的外皮，溫熱的草莓醬徐徐流出，一陣酸甜味亦隨之飄散，入口不酸，混著皮層吃剛好。餐廳玩味之處在於每格食客都可以玩幸運輪，獎品由一折至九折不等，幸運的轉到一折是真的可以有全單折扣啊！這點令人很欣賞，以後又多一個聚餐好地方！

早排去咗間荃灣新開冇耐嘅餐廳食晚飯,最主要嘅原因係因為佢地新開無耐做緊個幸運輪優惠!冇錯!就係依個幸運輪!有一至九折!只要你轉到幾折就係幾折!雖然都有個係多謝幫襯,但個佔比都唔算多轉轉輪就放係門口位,好吸引而餐廳入面都裝修得好靚,而且都幾多人唔知係咪個個都比個轉輪吸引黎食呢!一入到去就有侍應比咗杯雪葩比我地,話係比我地清清個口開下胃就,估唔到普通餐廳都有咁嘅服務,抵讚!頭盤我地叫咗個意式拼盤有兩片沙樂美腸,一朵煙三文魚花,兩片巴馬火腿同沙律三樣嘢個味道都幾鹹下,而且份量好少但已經要$148蚊,拼盤真係唔多抵食每樣食一片就無叫咗朋友叫咗套餐有沙律同野飲跟個煙三文魚沙律都幾多,比起岩岩份意式拼盤真係好好多三文魚同沙律都好新鮮,沙律重加入咗黑醋,甜甜地好好食而我就叫咗個蕃茄薑汁燴羊膝,冇得跟餐,但竟然有得免費加飯其實碟羊膝原來都已經有好多薯蓉伴碟,但都重有得加飯!!而且份量都唔少燴羊膝亦都好大隻!原隻連骨上!不過唔係太多汁,所以有少少乾同埋羊膝肉唔夠滑,但有少少羊肉騷味,都幾好食不過最好食反而係薯蓉,唔知係咪加咗黃薑粉,所以變咗黃色但個味道甜甜地幾得意同幾香最後重叫咗個什果芒果西米露份量又係

在一個分享網站上，發現一間甜品西餐廳，於是安排一下走一趟，卒之安排了今晚去。除了要吃晚飯外，當中是因為被匣甜品所吸引而來的。小蟻人共有兩間分店，位於尖沙咀的相信是總店，而位於荃灣則是分店，而在下則去了荃灣店。當進入餐飲時，給那種雍容華貴，富有歐洲色彩的裝修，置身於高貴大方的感覺，其梳化與餐桌的設計，也給人一種舒適雅致的感覺。餐牌中分為午餐及晚餐，由於是晚飯時間，當然只有晚市套餐，由六十多個大洋至百多個大洋，價格不算貴，亦可以加銀兩將餐飲轉為特飲及甜品；另一個則是以甜品為主打，加上散點餐單以及飲品為主。當中甜品裡的雪糕，均是採用 Movenpick 品牌雪糕。一個小小的雪葩，開始了今晚的晚餐。這個雪葩的味道是檸檬味，入口冰涼也是冰凍，凍到有點頭到痛呢！近期多喝某類湯頭，但今晚喝到的薑汁甘筍湯，是十分少有，當中的薑汁較為突出，而甘筍味道剛好的，而且質感就像是忌廉湯般稠結。也許真的很久很久沒吃過經典白汁雞皇飯，在遠古時代，雞皇飯是經常見到的菜式，如今在小蟻人重現，實在是意想不到的。其中白汁的忌廉味道未算十分濃厚，是適中的分量，也不太稠密。雞肉亦是幾滑的，但未至於嫰滑的，當中的蔬菜有三色椒為主

上openrice見到呢間餐廳有幸運轉盤玩，好彩既可以以一折享用餐廳既食物，一向鍾意為用優惠劵而去果間餐廳食野既我，就係因為呢個幸運轉盤，山長水遠黎食餐飯。復活節假期晚上8點鐘黎到，好好彩唔洗等位，晚市套餐都有好多選擇，每個套餐都有一個湯，一杯飲品同埋主菜。是日餐湯係青豆忌廉湯，湯底好滑仲好重青豆味，認真唔錯。飲品雖然唔係平時西餐飲到既咖啡或茶，只係汽水，但係都算係咁啦，有coke zero，最適合怕肥既女仕們。白汁芝士海鮮焗飯: 焗飯賣相唔錯，唔多好芝士既我地要求要少芝士，餐廳都好配合我地，我地眼前既白汁芝士海鮮焗飯既芝士味唔重，白汁好滑，海鮮份量仲好多，值得一讚。煙三文魚蟹肉墨魚汁銅模意粉: 識食意粉既人都知銅模意粉貴過普通意粉好多，亦都有唔少人連佢係咩都唔知，其實銅模意粉特別之處係佢有坑紋，所以佢既surface area會大D，掛汁就容易D啦。呢到食到既意粉爽口彈牙，醬汁亦都好夠，每一啖都一定會食到意粉，海鮮同醬汁。食完晚餐準備埋單時先係今晚既精粹，店方邀請我地like 左餐廳既Facebook，再係自己facebook到Share 晚餐既相，就可以去近門口既幸運轉盤到玩。我一

收工去左眾安街睇電器, 睇到咁上下就去大鴻輝搵飯食, 呢度基本上成棟都係食肆, 所以大堂下面係傳單亞姐既必爭之地, 就係咁手上唔知收左幾多張傳單, 睇睇下有間甜品西餐未食過, 呢間響2樓扶手電梯上, 如果去10幾樓果D等lift都有排等, 所以呢間好方便.望入去裝修白色為主, 好乾淨, 窗邊一排卡位, 環境舒服.睇下餐牌有咩先, 甜品, 前菜, 湯, 主菜既類別咩都有, 睇圖都好吸引. 點完菜之後, 侍應送上檸檬雪葩, 佢話每位食客都送一份. 一入口凍凍地, 檸檬味酸酸地, 清新開胃.之後飲品就黎到, 要左個凍<荔枝桂花烏龍茶>, 類似荔枝玉露, 不過有清香既烏龍茶味, 唔會太甜, 仲有一粒粒荔枝玉.主菜要左<炭燒美國極黑豬鞍扒>$128, 豬鞍外面煎到金黃色一格格, 炭燒味夠香. 旁邊仲有酸酸地既薯蓉汁.豬鞍肉厚但好易切開, 唔韌. 入口肉質嫩滑, 無渣且juicy, 淡淡肉觧味, 唔洗點太多汁味道已經剛剛好.特登留定個肚食甜品, <朱古力心太軟配movenpick雪糕>$68, 心太軟本身好鍾意食, 加埋呢個雪糕簡直絕配. 心太軟即焗

成日經過望上去見到裝修緊, 終於開張la...當然要去試下啦!!小人才疏學淺未試過青蠔湯呀, 咁新鮮咁就要試下la!!整個擺盤上碟已經好靚, 大加分呀!!飲落好順口, 飲得出好新鮮既味道!煙三文魚凱撒沙律都好靚, 卷到朵花咁上碟, 仲有好多最愛既芝士粉!三文魚既質素幾高, 又唔會太咸, 同新鮮既沙律菜夾得岩岩好!黑毛豬鞍扒就咁睇已經好厚身, 個D咩厚身既都要行埋一邊, 呢個先叫厚切!!!肉質好鮮嫩, D汁鎖到係入面, 唔會太乾, 又唔會老!!青蘋果柚子沙冰, 青蘋果味完全唔係藥水味, 夾埋柚子又幾夾喎, 酸酸甜甜咁, 好有層次!!

荃灣又有新餐廳進駐，這次開計的地點仲要好近蝦子餅的補習社，於是，我揀選了一天他晏開工的日子，一同來到這新開的店子品嚐午餐。 《小蟻人》位於大鴻輝中心，即前英皇娛樂廣場，食完晏，還可以前往鄰近的千式廣場行一行，正合 BeautySearch 心意。簇新的店子，以白色為主調，加上精緻細膩的燈飾、裝置、擺設，令滿室充滿了公主房間的感覺。相信，女生們必定喜愛。店子裝潢雅致，看看MENU，午餐價錢非常優惠，平均都是$48-$58，非常抵食。甫坐下，店員揣上一小杯青檸味沙冰，讓客人進食前先清清口腔。感覺猶如高級餐廳般，關顧每個小細節。蝦子餅說他餓得要命，甫坐下，便點選了「葡汁雞皇配白飯」，是 BeautySearch 甚少揀選的菜色。雖然，大家都說「葡汁」是不辣的，但在BeautySearch 眼中，其實與咖哩的分別不大，只是添加了大量椰漿，令辣味較不明顯。不過，見蝦子餅吃得津津有味，BeautySearch 也不禁夾了一件雞來嚐嚐，椰味甚為香濃，絲絲雞肉沾滿了椰漿，令雞件更添滋味，最重要的是，雞的肉質非常嫩滑，雖然我選的是雞胸部位，卻能媲美雞腿肉的細嫩。很少在外進食西餐時，會有機會搭配紅米飯的選

行過呢間荃灣新開既餐廳環境好似幾好,入面有好多卡位,價錢亦只唔算貴,便決定入去試試入去一坐低,侍應便拎左杯細細既芒果沙冰俾我地試,係餐廳送的芒果味幾香不過味道較淡,當做飯前既小甜品先上既係柚子荔枝沙冰,味道非常特別,有柚子既酸,但又會有荔枝既甜中和番,而入面都有幾多荔枝肉,飲落去感覺好清新,亦唔會只有甜的感覺煙三文魚蟹肉墨汁意粉,先想讚下呢到既食物賣相好靚,無諗過普通既價錢都會咁有心思,而材料亦好足,每一啖都一定會食到意粉同餡,醬汁既味道好濃郁,似卡邦尼既感覺炭燒美國極黑豬鞍扒,根據侍應既建議叫左7成熟,扒既份量好大而且好厚,不過切落去熟得岩岩好,咬落有口感之餘亦唔會韌,所以都建議大家唔洗叫全熟,旁邊配上既係蘋果蓉既sauce,同塊扒一齊食甜甜地,唔會好似平時黑椒汁咁搶左塊扒既味心太軟配雪糕,最期待既甜品終於出場,本身諗左好耐食咩好,最尾揀左普通既心太軟,但其實非常豐富,絕對無失望,雲呢拿雪糕配朱古力心太軟永遠係最好的配搭心太軟做得好流心,而特別要提既係正糕下面仲有好多生果,太膩既時候可以中和番不過士多啤梨較酸,下次食既時候無咁酸就好喇!估唔到賣單個陣餐廳竟然仲會送macaron俾客人

報紙有介紹過Mr.Ant的五星級, 就在大鴻輝樓下收到傳單, 說凡惠顧便可以玩轉幸運輪~幸運輪耶~命運掌握在自己手上 , 根據傳單上的內容當然更加要去轉一下~餐廳走夢幻西餐廳路線 ... 夢幻似的愛情 ......每位顧客安座後, 侍應生送上雪葩一杯。白桃梳打咖啡 (晚餐餐飲轉的特飲, 另加$20)味道獨特, 並非人人可接受, 各位可想像一下把白桃味的汽水加進帶酸的黑咖啡裏。是日沙律: 藍芝士火箭菜沙律兩種霸氣味道共冶一爐 晚餐 J: 松子仁香草酥烤嫩羊鞍  $168烤得香, 烤得酥脆, 切開可見羊鞍肉嫩帶紅, 肉汁輕泛出來, 羊味香而不臊, 肥脂更可說是無, 絕對有圖有相。Movenpick雪糕芝士夾心   $80底層清蛋糕, 上面是雪糕與芝士的層層疊, 我還是喜歡店方自家製的馬卡龍臨走前也可以在櫃檯上領一件馬卡龍慢慢嘆!

荃灣大鴻輝食肆多到想食咩都有！今次就黎試下新野啦！呢間食西餐甜品為主！一入到去！裝修太少女啦吧！好飲去左一間cafe咁！色調好柔和！好舒服！ 仲會播放音樂！好relax!我地岩岩好6點去到轉左晚餐，除了太餐餐牌！佢散叫都有好多選擇！價錢都好合理！餐湯 黑松露三文魚薯蓉湯佢既擺盤已經好吸引！個湯底有三文魚！唔洗打蓉哂比係！湯既杰到岩岩好！係利用薯蓉黎令到佢既口感增加！飲落一啲都唔會有粉感！亦唔會好溜！煙三文魚凱薩沙律我既最愛呀！見到佢一定要試！煙三魚好大舊！好靚！唔會過咸！連埋沙律菜食太美味啦！沙律菜預先伴左醬汁！怕肥的可以叫少醬！炭燒美國極黑豬鞍扒叫既時候，侍應特別介紹呢款豬食7成會比較好！同呢款豬由美國進口！唔怕佢唔係全熟！雖然有少少怕，但我地都決定食7成！切開好多肉汁！舊肉介係粉粉地紅色！睇落都好吸引！佢地無太多既調味！簡單既就食得出佢本身既鮮味！卡邦闊條面個汁好cream，濃濃既芝士味，闊麵軟硬適中，配料亦好多！同朋友好快就食哂啦！青蘋果柚子沙冰好濃既青蘋果味，淡淡既柚子味！加埋一齊飲好freash！呢到有一個驚喜就係埋單時可以玩一個大抽獎！隨時三折就有機會食到啦！

最近在朋友facebook得知有這麼一間餐廳新開張，而且他幸運地埋單抽到3折優惠，令他在fb上大叫幸運並大肆宣傳。受到他的影響，我也book了枱，前來一碰運氣。店內設置一個比人還要高的幸運轉盤，一至九折的優惠，只要讚好及打卡就可以轉一次。如果埋單轉到一折就好了。哈哈！這間餐廳應該是主打甜品，賣相精美，看網上的食評也不差，待會要試試。是日晚餐 - 豬肉丸煙肉依雲士汁扁意粉 - $72如果沒有猜錯的話，依雲士汁應該是白酒忌廉蘑菇汁，這個醬汁為整個扁意粉添色不少，味道香濃柔滑，配上扁意粉的微硬口感，絕配啦。炭燒安格斯肉眼扒 - $228脂肪與瘦肉兼備，燒完後，肉味更為香濃。七成熟，入口肉質還保持鮮嫩多汁，最重要是不韌也不老。令人驚喜的是配角薯蓉，是薯仔切片再烘熟，不像薯蓉一般的棉稠，更有咬口，薯味更為明顯。加$20就可以將餐飲轉為特色飲品，什果桂花烏龍茶。味道清新帶少許桂花的清香，蓋過了烏龍茶的那一絲苦澀，是個不錯的選擇。令人期待已久的甜品 - 芒果拿破崙 - $68光是精緻的賣相就叫人馬上墮入夏天的愛河，層層酥皮和幼滑夾心的多重滋味，芒果肉經火槍輕微燒過，甜度更為明顯，是近期吃過最為出色的

荃灣真係又多野行又多野食，我耐唔耐一放假都會去荃灣行街食飯架，因為真係好好行既地方，價錢又合理，最緊要又多野食，知道自己個日會去荃灣之前都會上網搵下荃灣有咩好野食，朋友話想食西餐，所以就主打搵食西餐既餐廳朋友搵左間係荃灣眾安街55號大鴻輝(荃灣)中心1樓103店，有間叫小蟻人 甜品西餐 Mr. Ant，我地見個名好似好特別同埋好似新開冇耐，所以想去試試！我地中午行完街就去左食啦！幸好時間早，大約6:30pm左右，所以唔洗等位就入得啦！餐廳門口會放出餐牌供客人細閱店內環境好大，感覺好舒服丫！原來當日仲有轉輪活動，店員亦會向我們講解有關遊戲詳情係FB Like左 小蟻人 甜品西餐 Mr. Ant Page 就會有更加詳盡解說有關遊戲詳情見到甜品我都流哂口水....好吸引的圖丫叫好哂野食,店員先送上兩杯雪芭作餐前甜品，味道不錯喔，好似冰沙咁！我點左杯芒果汁飲，嘩，好多果肉丫！外觀又靚，食物都好好味，佢既辣真係辣得好爽，海鮮都幾多種類別，又新鮮又好味，份量都算多架！傳統焗葡國雞飯個葡國汁真係好好味，好香濃的椰子味，但又不會覺得太甜，味道好適中，而雞肉亦煎過先再焗，整個飯都真係好好味，我極力推介

相約居住荃灣的朋友午膳，友人知道我最喜歡試新餐廳，就帶我來了一間位於眾安街的西餐廳用餐. 甫進店，發覺店內裝潢幾漂亮，牆上掛上油畫，再配合簡潔的佈置，感覺相當溫暖.店員安排我們坐舒適的卡座，外望街景，感覺開揚.午餐供應到2:30pm，對於2:00pm才到達的我們，快速地點餐再另加上2客漂亮的甜品，這天的late lunch很豐富呢!芒果雪葩餐前送上清甜可口的芒果雪葩，讓客人可以清清味蕾再開開胃，這安排很好!咖喱海鮮配南亞薄餅 ($88)長方形碟上放上一大碗咖喱海鮮，旁邊再放上翠綠蔬菜及香烤的薄餅，賣相漂亮吸引! 香濃的咖喱香而不辣，內裡的海鮮種類也多，鮮嫩的帶子、鮮蝦、青口、魚塊等，健康滋味. 以熱辣香脆的薄餅沾上惹味的咖喱汁，更為好吃!紅燈籠椒湯 (跟指定午餐)選了炭燒鴨胸午餐，奉上一客紅燈籠椒湯，鮮橙色的忌廉湯熱度足夠，喝罷感到濃濃的紅椒味道，香甜又creamy，個人很欣賞.炭燒鴨胸配燴蘭都豆, 香橙燒汁 ($118)炭燒鴨胸外皮香脆惹味，鴨胸厚切而嫩滑; 燴蘭都豆有點似綠豆，帶點煙韌的感覺，鹹香的味道正好用來伴飯吃. 旁邊的沙律菜亦新鮮爽嫩，用來解膩最適合不過. 青蘋果柚子沙冰

因為GF中意食甜品，尤其個樣靚靚果D甜品佢最中意，所以我週不時上網揾D野食同佢試，今次揾到一間真係樣靚又好味嘅西餐廳試，一試完立即介紹人去食，我地今次tea time時間去，所以少D人，坐到張窗口位好舒適，地方整潔，個女侍應又靚女招呼又好，我地叫左個tea set 三文魚青醬銅膜扁意粉+杯柚子荔枝沙冰，再另外叫左紅蟻屋配movenpick雪糕，第一次見心太軟係草莓白朱古力流心炸，好特別，好靚，唔太甜好好味，且雪糕係movenpick質素當然好; 意粉我好中意，好入味，每一條粉都有汁;而杯果冰又好清新感覺晤太甜;臨走還可免費每人選一款馬卡龍拿走，而最開心係臨埋單可以玩轉輪盤，因為新開張期間上FB打卡後可以轉果個輪盤，睇下呢餐可享有幾多折埋單，我女朋友負責轉，差dd我地中2折，好晤抵，不過都有9折都算la，如果換我去轉，可能只會轉到“多謝惠顧”咩折都無呢，Hee Hee!回家後我女朋友開左個馬卡龍食，佢話好好味! 這間餐廳我地一定會再去。