更多
2016-07-20
241 浏览
接女朋友放工,近近地過荃灣撐枱腳,之前起尖沙咀都食過呢間,無論環境定食物都好有質素,原來係荃灣都開咗分店,於是就試吓呢間嘅水準係咪一樣!餐桌嘅風格同原店一樣,裝修都差唔多同一個風格,都係好舒服好優雅嘅感覺。天氣咁熱,見到佢哋個drink menu真係心花怒放,涼浸浸嘅感覺叫咗杯青蘋果柚子沙冰,青蘋果味偏重,仔細品嚐都有少少柚子味,甜甜地,仲有兩塊青蘋果食!成個感覺好fresh~煎帶子配薄切青瓜,有三粒好大粒嘅帶子,味道好鮮美而且咬落去好有質感。溫室青瓜有蔬菜嘅清甜味,沙律盆菜嘅醬汁鹹鹹地幾好味。炭燒安格斯肉眼扒(七成熟)有陣陣既香味,肉眼扒嘅成熟程度啱啱好,呈現粉紅色,咬落去幾淋而且好juicy!!!!!另外仲有芝士薯仔片,好香濃嘅芝士味配合一片片嘅薯仔,清新得來又好味!芒果西米露,芒果好甜,西米露都幾大粒,而且芒果汁唔會太稀夠晒濃郁嘅芒果香味
张贴