小蟻人 甜品西餐 (已結業)

今日係荃灣行街食個飯，唔知食咩好之下，唔打唔撞黎到呢間叫小蟻人既餐廳，一入去感覺不錯，好寬敞，裝修不錯，好光猛，坐得舒服今日天氣真係熱到不是人行既日子，點都要叫反杯冰凍既嘢飲先，雜果桂花烏龍茶，好清新，雜果好新鮮，成個人都爽一爽主菜叫左份碳燒安格斯肉眼扒，好大塊呀，仲大過我塊面好有牛味，肥告位置好正，好香，叫左五成熟，我覺得剛剛好，無血水，煙韌唔難咬口，夠入味。 仲有佢配菜，雜菇都吸曬牛肉既香味，超入味，好香黑辣味好多汁之後我地女仔點可以少得甜品，呢度甜品有好多種原來有選擇困難症既我咩都想食點左個什果拿破倫，個拿破倫好脆，唔林身，加埋吉士好正，啲水果好新鮮，食得出係新鮮切既，唔係放左好耐既凍水果。 呢個係我朋友叫，都好正，成個三明治咁，底層係蛋糕，上層係雪糕，好正，雪糕帶有點酸酸地，好開胃，碟上士多啤梨脆脆好好味，好香好甜，好有咬口走既時候先留意度出面甜品櫃，真係好吸引，下次同啲姐妹一定會再黎high tea 都好食飽又要濕平了