小蓉麵家

营业中

休息中

每枱都有樽已由餐廳醃製好既酸蘿蔔，先食幾片醒醒胃先~雲吞河，真材實料，大大粒，每粒都有隻大蝦，而且河粉夠彈牙，正呀~再黎個南乳豬手撈麵，南乳味岩岩好，一d都唔會死咸而且仲有兩大塊~正呀!!!而且個麵唔會有太重簡水味，我媽大愛炸魚角，個醬汁有小小thai式feel~呢個必食，又一彈牙之選，小心熱呀~即叫即炸~!我幾中意佢地既自家製豆漿，真係有豆香味，又唔會死甜，唔錯嫁~地方唔算好大，而且都keep係好多人黎食，如果要等位就俾小小耐性喇

雲吞麵牛腩麵係香港特色食品，自己都真係由細食到大，食左咁多年，累積唔少經驗值，都叫做識得分下咩叫高質咩叫劣食，小蓉係我第二次到訪，質素絕對係翻兜的主要原因小蓉近花墟，我今次都係去完睇花花草草之後過黎，喜歡呢間麵家的另一個原因就係佢既整潔，有好多雲吞麵店都會周地「雲吞」，呢度相對來說好乾淨個人好鐘意食醃蘿蔔，酸酸地好開胃，等食物黎之前有野咬下不錯豆漿 ($11)豆漿濃而不甜，健康之選上湯浸菜心 ($20)菜心吸收左上湯就更甜，菜心為當造菜，粗得來一點渣都無上湯雲吞 ($32)由於撈麵唔準雙拼叫雲吞，所以唯有淨叫一碗兩份分，雲吞有大大粒，入面有好大隻鮮蝦XO醬櫻花蝦撈麵 + 配料一款 ($38 +$10)叫左兩碗撈麵，一碗加牛腩而另一碗就加牛筋，牛腩同牛筋非常入味同淋，撈麵的醬油香濃，加埋櫻花蝦味道更上一層樓，麵一點皂水味都無，跟上的上湯亦全無味道，好高質亦好抵食的一碗撈麵，份量好足，相信男士都夠食

我平常舒壓的良方，離不開吃、講、聽、睡。吃美食、跟朋友傾訴心事、聽音樂和睡覺。一年多，原來已經累積了數百篇食評，當中的點點滴滴代表了我的經歷和成長。今天下雨，出門才發現沒有帶雨傘，只好找個地方避雨。這家餐廳裝修簡樸，仿古的棕色磁磚，棕色磚頭牆，還有一面面淡雅的百鳥圖，古色古香。餐牌的選擇不是很多，有小蓉、飯和撈麵等。每一桌都提供了調味料，這裡的醃蘿蔔酸甜清爽，很開胃呢！⭐️熱柑桔$9以柑桔泡浸，但沒有柑桔，入口又鹹又甜。⭐️檸樂$12檸檬配可樂，口感清爽。⭐️手打牛丸撈$34配料有五粒牛丸、菜，還有蠔油，一旁的湯底可以隨自己喜好添加。嚐一口，牛丸紮實彈牙，最好吃是麵底，麵條非常彈牙，「𠽌𠽌𠽌」兩三口就吃完了！魚蛋墨丸麵$33有兩粒魚蛋和兩粒墨丸，魚蛋和墨丸不過不失，吃起來很實在紮實。湯頭透澈，鮮甜不嗆，很順口。麵條彈牙，吃起來很爽身，而且沒有鹼水味，真的很不錯喔！炸水餃$28水餃比雲吞小一點，但很足料，外面炸得「卜卜」脆，裡面熱呼呼的很美味呢！炸招牌雲吞$28炸雲吞很大一顆，每一顆雲吞有一隻蝦仁，鮮甜爽口。還有木耳絲和豬肉碎增加口感。▫️這裏的麵很爽口，我很喜歡。但是小食幾乎清一色是炸物，選擇

今日突然想食雲吞麵 但係喺油尖旺區一直都係貴價嘅食物 有啲唔抵食 今日俾我發現位於界限街太子附近嘅呢間小蓉麵家 價錢唔算貴味道仲唔錯添 應該可以成為我嘅長期飯堂 午餐呢到客人勁多 要搭枱 座位比較窄 但係裝修幾新淨 感覺衛生炸醬撈麵 炸醬酸酸甜甜勁開胃 而且有肉絲仲有冬菇絲 算係幾足料 用嚟撈麵一流 面底冇鹼水味之餘仲勁彈牙 分量都唔細朋友就叫咗冬菇牛腩飯 醬汁偏濃味 但係牛腩炆得夠冧 而且有肥有瘦 牛味十足 冬菇同樣大大隻 仲有兩隻添 索曬牛腩汁嘅味道 仲有蘿蔔 夠曬豐富 酥炸餛飩 餛飩皮炸得脆卜卜 入面餡料有豬肉同大蝦蝦肉都幾新鮮 點埋泰式辣醬好食

呢日黎到附近做野 晏就想食下麵 揀左呢間小店 12點左右黎到 人唔係太多 唔洗等位就坐得✌🏻裝修有點舊港式風格 但好企理 而且價錢唔貴👍🏻我叫左碗牛腩河同通菜 再加杯熱咸檸蜜🤤講左個牛腩河先 牛腩炆得好淋❤️ 而且牛腩都比得好多❤️❤️河粉好滑煮得岩岩好 牛腩同河粉真係絕配👍🏻湯底好鮮甜 而且因爲有牛腩汁 更加惹味🤤🤤通菜烚完整齊放好 賣相好靚👍🏻 點埋旁邊嘅腐乳一齊食 真係冇得頂☺️☺️最後杯熱咸檸蜜都好正 因為我喉嚨有少少痛 飲完真係爽好多👍🏻😂

每次同朋友去逛旺角花墟，也會趁機在太子一帶覓食。 今日天氣有少少涼，朋友想吃些正氣及暖胃食物。 大家一路行一路看，遠遠看見一間＂小蓉麵家＂。 中式麵這就是我們這一刻想找的。牆𤩹也貼上花及鳥圖案牆紙，增添中式元素每張枱放有一樽自家醃漬白蘿蔔，旁邊更放了些公雞小碟，方便放白蘿蔔。凍豆漿，熱柚子蜜雲吞水餃麵有3粒雲吞2粒水餃，大大粒皮薄餡靚。南乳豬手炇得夠稔，好味炸墨魚丸內有粒粒墨魚肉，好有咬口。炸雲吞外層脆卜卜，大大粒好足料。

每晚行經呢間餐廳都好想入去叫碗細蓉食下，今日終於有機會啦！「淨蘿蔔牛腩」$55蘿蔔夠哂入咪，牛腩夠哂淋，腩汁夠哂濃，超！雙拼「鮮蝦雲吞魚角麵」$33湯底夠味，鮮蝦雲吞大大粒，裡面包住既鮮蝦爽口彈牙，雲吞皮夠薄夠滑；魚角香口好食「南乳豬手撈」$34兩隻大大隻既豬手，超有口感，南乳香味入哂豬手到十分野味，口感嫩滑肥美又彈牙，「煙煙銀銀」超有骨膠原呀！好正呀！「炸墨魚丸」$28一碟4粒，炸得金金黃黃，卜卜脆，墨丸十分彈牙

往酒吧睇波前打算隨便搵食醫肚。行經呢間叫小蓉的，裝潢不錯，又乾淨，改變我對傳統雲吞麵店的印象。愛吃酸蘿蔔的他，看見這一大瓶酸蘿蔔簡直雙眼發光！食物還未到便巳開蓋打開吃了幾口！他要了五香牛筋撈幼，牛筋彈牙入味，麵不帶硯水味，撈麵附送的湯味道剛好！幾啖麵再改口湯，不錯！本來只想試雲吞，但看見隔離枱的水餃不錯又想試下，所以我叫了雲吞水餃雙併！水餃雲吞都大粒！饀料充足，蝦又大隻！麵又彈牙！香炸黃金魚角和炸水餃。我還以為是有蛋黃黃金的魚角，小吃來到放進咀巴，才知道是我誤會了，黃金的意思是金黃而已，不過也很脆有魚味，厚薄適中！我那碗雙併上的水餃太好味了，三數隻還不夠喉，所以這個炸水餃能讓我延續了剛才的美味。水餃被炸過後，香脆可口，又不失鮮蝦的美味！還叫了兩杯豆漿，很不錯，可是趕著去睇波，沒有時間問及是否自家制，唯有下次再來吧！

成日周圍搵野食既我，有時真係諗唔到食咩好！日日都出街食，要快靚正就係食雲吞麵！又夠飽，份量岩岩好！岩晒繁忙都市人，收工食完就回家休息！係太子經過幾次，見佢裝修唔錯，想試幾次架啦！今次終於有機會啦！麵條質地：（河粉）河粉條比較厚，食落都滑！但係因為厚身所以令到口感一般！湯底方面：叫左清湯，都係好普通既湯地！冇咩特別！雲吞方面：呢個做得比較出色，皮薄！仲有原隻鮮蝦做餡！唔錯唔錯！服務：真係一般般，正常茶餐廳咁，唔會話好好禮貌，但會應您！總結：所有食物都係一般，普通野！係唯獨是個雲吞做得比較出色！

途經太子界限街，見到一間名字好特別嘅麵店~ 小蓉麵家，「小蓉」即係「細蓉」，「細蓉」即係雲吞麵， 叫得這個名稱，應該係以雲吞出名，老公鍾意食雲吞，就入去睇下這個「小蓉」有幾好味。大多數喺香港見到既麵家裝修都係比較簡單、地方不太乾淨，但小蓉麵家嘅裝潢不但乾淨企理，位與位之間不會侷促，甚至係外觀雅緻，有古色古香嘅情懷， 實屬難得。食物方面，當然要同「小蓉」有關， 先來一碗雲吞撈麵及炸招牌雲吞。招牌雲吞撈麵($34)麵條嘅口感係彈牙及有咬勁， 雲吞皮薄餡多，吃得到整隻蝦Q彈飽滿，蝦肉緊實甜美，當家花旦實至名歸。炸招牌雲吞($28)口感酥脆，外脆內嫩，沾上甜酸醬，滋味無窮。除了雲吞好味之外， 其他食品也製作不錯。XO醬櫻花蝦撈麵($38)加魚角(加$10) XO醬既味道鮮中帶辣，用來撈麵一流 ; 魚角非常香口，彈牙爽脆，令人回味無窮。炸墨魚丸($28) 炸至金黃色，口感爽脆細嫩，加上雪白嘅肉質，賣相很好。自家製豆漿($11)及檸檬水($11)

行完金都，同男朋友食晚飯，因想輕食為主，最後揀左食雲吞面我就揀大雲吞魚角味味道唔錯，湯底幾甜又好香，雲吞麵最緊要係個湯底（個人認為）面質岩岩好，爽口又有咬口氣，唔會林哂脹哂咁雲吞有大大粒蝦肉細細碗面配上足料配料魚角就香口彈牙，好中意男朋友就揀左XO醬牛筋撈面份量唔算大，但都夠飽既（大食朋友另計）撈起牛筋唔算好多，但黏黏地口又好香牛味XO醬撈埋面食真係唔錯個人認為佢呢到既生面唔錯不論湯面定撈面都可以整得幾出色，控制個軟硬度岩岩好最後叫多個小食-炸招牌雲吞湯雲吞食過，再食炸雲吞大大粒肉，香脆可口點埋泰式辣醬都好好味埋單都係100頭，平靚正性價比高既面店

逛完花墟經過小蓉麵家, 二話不說就入嚟叫返碗雲吞水餃麵。雲吞水餃麵$36一碗雲吞水餃麵有2隻水餃, 3隻雲吞, 隻隻都包得靚仔飽滿, 雲吞皮非常滑溜, 薄得透光, 餡料有滿滿嘅豬肉同鮮蝦, 水餃更加入木耳絲, 爽口鮮味。XO醬櫻花蝦撈麵(+$10 柱侯牛腩) $48朋友點嘅撈麵, 就相對濃味。麵條幼細卻很有彈性, 鹼水味不重, 撈上XO醬同櫻花蝦, 鹹香惹味。柱侯牛腩燜得夠腍, 仲好入味。墨魚丸新鮮炸起, 外層金黃咬落彈牙。炸雲吞當然比不上傳統清湯雲吞, 但一試亦無妨。

午餐過了去這間在太子的麵舖，由佢開張到現在都間唔時會幫襯一下。最鍾意就係有醃蘿蔔，酸酸甜甜又開胃。這裏除了雲呑水餃好食之外，我自己覺得牛腩都做得不錯，還可以配飯。牛腩撈粗粗麵爽口彈牙，牛腩炆得入味且腍，腩汁夠香不過略嫌較少，還附上一碗清湯。水餃墨丸麵水餃裏面蝦肉爽口，墨丸彈牙，麵質爽口。炸雲呑香脆，蝦面蝦肉十足，新鮮彈牙，配上甜酸醬去減油膩感。炸魚角外皮煙韌，質感爽彈有魚肉鮮味。豆漿濃郁而且不稀身。

好友一星期見一次，大家閒聊抒發日事，分享後把負面情緒釋放，回歸正向，如你有壓力，不開心，快快約多幾位好友傾吐，食飯Gathering，換個好心情，重新開始另一天！中午隨意找間好評的麵店試試，價錢合理味道也不錯，還有免費的浸蘿蔔給客人作前菜 ，醒醒大家胃口才開餐。在太子站地鐵A出口，向深水埗方向走3分鐘左右，方便易找，店面設計也不錯，怪不得越食越多客人。雲吞麵$29.-雲吞即叫即煮，有蝦有肉，蝦子大小適中爽口，配少肥多瘦的豬肉，皮薄，湯底甜，清澈夠味不肥膩，加上彈牙幼麵，不會有鹼水味。牛筋幼麵$29.-牛筋腍滑非常，煮得入味又不過濃，雖粘上少許肥但不會膩，湯底加上淡淡腩汁，不會是死鹹的味道，不錯。清甜蘿蔔 $25.-沒有改錯名，湯底清甜，而且蘿蔔沒有渣，一口一嚿(我不可以)，很快給我們食完。腐乳通菜 $16.-不油膩的油菜，通菜幼嫩不老，腐乳不會太鹹。

來開太子，都會忍唔住來幫襯下「小蓉麵家」，由佢新開張到而家越做越旺，睇住佢啲客人越來越多，證明好嘢當然有人欣賞，始終香港人係識飲識食古色古香嘅室內設計，光猛又舒服，餐牌嘅選擇，實而不華，秉承傳統麵家的精神傳統雲吞麵係我的至愛，次次嚟呢度都要試吓，而每次都不會令我失望，除咗雲吞大大粒之外,裏面足料的新鮮海蝦，爽口彈牙，餡料豐富美味，真係食到我上晒癮，唔食唔安樂當然牛腩亦係主角之一，肉腍味香，有咬口，唔韌無渣，滷水汁特別香濃，麵底爽滑彈牙炸墨魚丸，外面炸得金黃，裹面酥軟又有墨魚香味，爽口彈牙配上自家製豆槳和柑桔蜂蜜，滋補養生兼潤喉，平均消費每人都係六、七十元左右，平、靚、正，又坐得舒舒服服，很不錯的選擇