小蓉麵家

营业中

休息中

喺太子買完花，閒逛一下醫醫肚。見到呢間麵店門面裝修光猛又帶點古典味，感覺企理舒適，最緊要唔會坐得逼逼澀澀，又有位放花!!見到店名【小蓉麵家】，心想雲吞必定係招牌菜。不過睇吓menu心多多最後叫咗我最愛既牛腩~配撈麵!牛腩撈麵，最正就係有牛腩汁!好多時撈哂d汁..食完個麵最後先食餸~柱候醬味道香濃，入口醇厚入味~牛腩鬆而不實，非常甘香惹味。好中意呢度既竹昇麵條，條條幼細，爽口有彈性，仲好少鹼水味添!附上既湯，估計係用大地魚烹製而成，湯頭順喉，鮮甜中帶點蝦子粒!!見隔離食客點既招牌雲吞大大粒，最後都忍唔住點咗個炸既雲吞試吓~一客有4粒($28)，皮脆餡滿，粒粒都有蝦肉，蝦肉仲係新鮮彈牙既!最後飲咗杯凍豆漿($11)，消消熱氣，輕甜又有豆香，仲幾大杯添!

係太子出入咁耐，一直都吾知原來有間咁好食既麵店，其實吾難搵，係警察會付近地方十分乾淨，坐得好舒服，用雲石枱特別有風味可以說是廉價美食，大部份都不多於$40每枱有一大樽腌制的酸蘿蔔，好爽口炸水餃，水餃皮好脆，水餃肉鮮又有木耳爽口蘿蔔牛腩飯，牛腩炆得好琳，蘿蔔夠色又入味而且牛腩好大舊，份量也不少，牛腩汁好香牛腩味，又濃郁南乳豬手撈麵，好味到不行，好有膠質，由皮到肉都炆到好入味，南乳汁撈麵都已經好好味熱柑桔，好香柑桔味，好開胃消滯涷柚子蜜以呢個價錢，質素完全超越了，十分讚

今日一早同媽媽出太子搞銀行野，不知不覺搞到十一點，乜都未食，肚仔打鼓，經過見尼間小蓉麵家門口幾別緻，坐低食碗麵先門面吸引到我幾有特色內在環境更加驚喜，好有中國特色，好有意境，地方非常整潔食物都好多選擇，有湯麵，撈麵，飯，小食，油菜，飲品等等......我地叫左個XO醬櫻花🌸蝦撈麵配牛腩同淨水餃🥟share食尼個撈麵正咼，麵質爽口彈牙，軟硬度剛剛好，無鹼水味，味道好有層次，食得出用左薑，蔥，鼓油，熟油撈的，加上櫻花🌸蝦嘅鮮味同埋XO醬嘅惹味，味道難以形容牛腩無肥肉，但好林好入味，食落有d似五香肉丁，好味淨水餃🥟一碗有四大隻，餡料有蝦，豬肉，木耳同荀，皮薄餡料新鮮西生菜好嫩綠新鮮爽最後嘆埋支忌廉，滿足走人，去番工了走時人開始多，好彩我地早d黎食啫，真醒目

坐車常路過小蓉麵家，店子裝修雅緻帶點中國風，星期六的下午，刻意來吃一碗麵🍜店內整潔非常，木製的坐位，雲石枱面帶點書卷味，就是在吃麵🍜的人也顯得文質彬彬的😋每枱都有自家製酸蘿蔔，公雞🐔小牒甚有水墨畫意，如雪般白嘅蘿蔔片，酸甜合度，惹人垂涎😋牛腩入味腍滑，牛筋可以輕易咬開，而且有回彈嘅感覺，當柱侯汁滲透到蛋黃幼麵，連湯連麵啖啖入口，牛腩香、麵綿綿，家傳牛腩麵確係值得發揚光大。手工雲吞自家製作，鮮虾做餡料，原隻明蝦🦐新鮮爽口，雲吞皮炸得甘香鬆脆，滋味無窮。👍👍👍就是一道青菜也優雅展現，今個下午，家傳牛腩麵#炸手工雲吞#小蓉麵家# ，幸會認識你😘

小蓉麵家位於太子界限街在E出口轉彎,要走到見到自在素食鋪位對面的一間小店。鋪入去座位有十數個,有卡位也有圓枱,人流都算旺盛,都幾香港地道的一家麵家。2人入座後叫了出名的XO醬櫻花蝦撈麵,雲吞水餃麵, 薑蔥豬潤以及炸雲吞。不得不讚份量真的公道的, 份量都算大。一開始試了個XO醬櫻花蝦撈麵加牛腩,發現廚師都中意加薑落麵度,不知是否用來辟鹼水味, 但是略嫌薑味有點重。吃到少少的XO醬味, 蝦味不太出。牛腩方面是容易入口及香口, 不會太硬。 整體而言價錢賣相都可以! 之後試招牌雲吞水餃麵, 共5粒,而每粒都有相當份量。根據老闆娘說, 蝦及豬肉🐷都是新鮮及人手包的, 所以吃得出爽口彈牙👍🏻, 不會死實實。水餃都正宗,加了雲耳絲來提升口感。但麵方面可以煮得再軟一點, 咁比較有𡁻口。至於湯, 應該不是用大地魚去烹調, 是一般高湯。 再試豬潤, 不算有好大份量, 只有6-7片。同樣都是加了薑絲辟腥, 都做到無血水味,咬落去爽口帶綿, 不會太乾, 相信都是用了新鮮的豬潤。不過份量可以多少少。 整晚最深印象的就是炸雲吞, 脆口又不太油膩, 入面的餡料跟水餃材料差不多。當中有個酸甜醬加來提升味道。食完又想再

放假去太子食久違的小蓉麵家，就是夠地道，有香港特色。而且餐廳夠大夠整潔，座位夠寬敞。先來豆味鮮甜的豆漿，至於每檯的醃蘿蔔片就一般。雲吞水餃麵 $36🥢麵質好彈牙，湯底也是鮮甜入味。薄薄雲吞皮包原隻鮮蝦🦐及豬肉，大粒彈牙，相當美味。😋😋而水餃用料十足，有爽口木耳絲、鮮蝦、豬肉，皮薄餡靚，好好味。👍🏻👍🏻南乳豬手河 $29有2大件豬手，啖啖肉又入味。食麵多數叫碟通菜夠健康，腐乳通菜我最喜歡食！

今日想食D香港嘢去左食小蓉麵家，入到去台上有罌醃蘿蔔好開胃，叫左碗雲吞水餃麵🍜加左紫菜，D麵好彈牙，同D紫菜好match，雲吞同水餃好足料，有好多有蝦又有菜，好好味我朋友叫左個冬菇牛腩飯，D牛腩好鬆化又唔痴牙，唔鞋口，個腩汁好rich，仲有個冬菇好juicy。兩個主食的份量都啱啱好。個炸雲吞超脆，外脆內又脆，又唔會炸得好油。D蝦同韭菜同個皮好夾，炸黃金魚角好彈牙。個自家製豆漿🥛唔會好甜，好有豆味，好香好滑。

近排食得太多野食濟咗，今日就想食返d唔太heavy嘅dinner. 依間麵店地理位置有d偏辟，但食飯時間都算係幾多人幫襯。餐廳內部新淨整潔企理，枱凳係中式圓形款，都幾特別同配合到食雲吞麵嘅感覺。枱頭有一大罐泡菜。我同朋友各點咗一個五香牛筋湯麵同鮮蝦雲吞湯麵，都只係$29一碗，好掋食。而且葱佢有分開用匙羹裝起，好貼心。另外我地仲叫咗兩杯凍豆漿($11)，都幾大杯。五香牛筋舊舊都好腍夠哂入味，而且佢比咗都幾多舊牛筋我，個湯底都唔算太肥。值得一提係個麵，好有咬口！好耐都冇食過依個質感嘅麵條，而且佢冇鹼水味。雲吞麵d雲吞入面有size都幾大嘅蝦，個餡整得幾入味。我地初初驚唔夠食仲叫多咗每人一個小食。炸墨魚丸同炸雲吞。墨魚丸夠彈牙。小食炸咗食落更香口，配合埋個泰式辣醬食更開胃。

今日肥妹仔我下就去咗太子果邊，太子旺角出名多野食，可惜天氣太熱了，肥妹仔我都無心情周圍共去揾野食，經個小蓉麵家，見到價錢唔貴，又有冷氣，就鼠咗入去食個小蓉先!!!雲吞墨丸河粉 $ 34黎到呢d專食小蓉既麵店又點可以唔叫小蓉呢？？不過肥妹仔我貪心d,叫咗個雙拼，拼墨魚丸!雲吞都幾大粒，入面係豬肉餡同一隻蝦，蝦同豬肉都算幾彈牙，個味調得唔錯，而個雲吞皮無咩梘水味，至於粒墨丸都幾好食，好爽口實淨，而個河粉如果無咁諗就仲好啦!!個湯都幾清，飲完唔會頸渴，ok!腐乳通菜 $16有得揀既話肥妹仔我都會叫番碟菜食，因為可以balance下。個通菜灼得幾爽脆，無咩渣，新鮮唔駛任何調味就已經好好食了!炸魚皮 $18呢個肥妹仔我叫黎點湯食，魚皮唔係炸到好硬果隻，有少少胡椒粉喺面，好惹味，點上湯汁食一流!!!炸招牌雲吞 $28同湯雲吞一樣味，只不過個外表炸得金黃鬆脆，點上甜酸醬好滋味!凍柚子蜜 $11咁熱天氣淨係冷氣並唔夠，要叫番杯凍飲先得!!柚子蜜酸酸甜甜，夠唒解暑!!!

之前已經聽到朋友介紹，如果去開太子呢邊，可以試吓呢間「小蓉麵家」，今日終於有機會試吓門面給我的感覺，是古色古香，仿磚牆的設計加上黑色玻璃，營造出獨有的格調，門口還擺放着酸枝座位以供客人等候。內在環境光潔舒服，牆上印着桃花的壁畫，空間感十足，令人坐得舒服，值得一讚桌面上放着自製的蘿蔔任君享用，餐牌簡潔清楚，我們很快便選擇到自己想要的食物柱候牛腩撈麵，不得不讚這個牛腩與別不同，有點五香肉味，筋和肉的部分平均，入口甘香且帶肉味，無需太費勁兒，配上上湯，在這炎炎夏日，確是上佳選擇主打的雲吞麵，鮮蝦雲吞大大粒，湯底清澈而味濃，終於明白朋友為何極力推薦，雲吞麵自問都食過許多，但這裏的雲吞，鮮蝦和肉餡的比例，個人特別喜歡，美味極炸黃金魚角，金黃色的外表，咬落香脆又彈牙，魚肉味濃，配上泰式醬汁，非常滋味，這款小食值得推薦加埋飲品每人平均都係幾十蚊，坐得舒服，食物質素又高，下次來開太子都一定會過嚟再幫襯

我不愛吃飯, 較喜歡吃麵, 雲吞麵對我來說是百吃不厭的東西, 我喜歡中式麵多於日式的拉麵, 拉麵對我來說太濃重。今天在太子shopping完, 簡簡單單在附近食個雲吞麵先回家。有免費前菜酸蘿蔔食, 酸酸微微又爽口, 喜歡的可以多吃幾片。豆漿$11豆漿味道十分濃郁, 豆味香濃, 有濃稠感, 甜度適中, 可以的話下次會叫走飲管。(每次都這樣說但每次都忘記><)雲吞水餃麵$36雲吞同水餃都脹卜卜, 皮薄而餡料足, 兩者都有鮮蝦同肉, 水餃有筍絲、木耳等, 有一定調味, 突顯鮮味。而湯底, 亦都有突出的鮮味。炸墨魚丸$28細細粒, 外層薄薄炸過, 感覺不會太熱氣, 墨魚丸咬落有些墨魚粒粒, 鮮味不錯, 那些粒粒又有點像軟骨。

太子上堂搵野食，同同學一起食，乜都試下。其實自己唔太喜歡梘水麵, 點了京都炸醬麵，甜甜的，肉醬算幾好味，麵是爽的，如略嫌太乾可混附上的湯，配上一條生菜，少是少了一點，但是有心的食肆才會俾健康食品。醃蘿蔔任食，好味，又傳統，不易找到醃蘿蔔這些傳統風味。豬手另叫有4件，味道不錯，汁都好正! 我都拿來撈麵。

本人十點左右去食，唔知幾點關門，見佢無攔住就入去食。一坐低，侍應姐姐面不耐煩，催要落單，本來都諗好吃什麼，只是循例望下餐牌，我愕然，答睇緊menu. 跟著也很快下單。食物上台，味道ok, 跟著也自動自覺放低100等侍應姐姐收錢，佢行了幾次先發現跟著收錢找錢。放下錢時再加一句「我地收la！」我即刻走！其實關門可以唔做我生意，咁樣迫客走非常差，無下次！

香港特色食物之一雲吞麵，其實我都好鍾意食。我成日四處尋求一家好味的雲吞麵店。😀😀前排太子界限街近富臨酒家開了一間雲吞麵店叫“小蓉麵家”。 麵店裝修得非常企理，座位寬敞及很光猛 給人感覺清潔乾淨。餐牌上都有好多選擇，好似牛腩都好食咁。 嚟到我的心都係想食雲吞麵，所以今次就食雲吞麵囉～一碗裡面有四粒雲吞，雲吞剛好一口size, 不會過大粒也會太細。 味道就一般普通啦，沒太大驚喜，麵都是一般算彈牙，但唔係最好食， 我覺得試一次就已經好足夠。

去旺角接完媽咪收工， 就係小巴站附近搵食， 見到有間新開，裝潢又幾乾淨企理嘅港式麵檔—「小蓉麵家」， 就入去試下。😏 除左傳統湯麵和撈麵外， 還有特式麵和飯類套餐呢！😯 南乳豬手撈（$34） 豬手有兩大件，炆得入味， 南乳味香又惹味， 又有豐富嘅骨膠原質感， 麵條質感爽滑和有麵香，沒有太大鹼水味，不錯吃！😋 五香牛筋撈（$34） 牛筋份量多， 炆煮得軟腍入味， 加上爽滑麵條和腩汁拌起來一起吃，正！😎 食撈麵膩得濟， 可以試下桌上自家製醃蘿蔔， 係免費任食架！😏 而家好少地方會有醃蘿蔔食，酸香醒胃！ 炸黃金魚角（$28） 用魚漿製成嘅魚片頭，切成三角狀， 放入油鍋以慢火油炸， 吃來既脆口又乾身，魚味十足！ 小時候嘅小編最愛吃炸雲吞， 以前我爸返工之前就會去茶餐廳買下午茶比我食，係兒時回憶呀～ 炸招牌雲吞（$28） 炸得脆卜卜嘅炸雲吞皮薄餡靚， 鮮味十足，蘸上酸辣醬更惹味呢！👍🏾 自家製豆漿（$11） 豆漿豆香十足，唔會太甜，哎喲不錯啊！😏