小菜王 (福榮街)

营业中

休息中

第一次來小菜王,與同事前往,君子之交淡如水.第二次來小菜王,兩個人來個"偷情羊腩煲",好不浪漫.第三次來小菜王,全因再一次"潮撐"公關,一行十多人,殺聲震天.十多人叫十多個菜,已經數不清,前文ET同P.J已經詳盡地交代過,不再多講.日前在強記吃過的魚腸嚴重失手,這個好得多,更加甘香,魚腸份量亦足,蒜茸蒸勝瓜,勝瓜爽脆,面頭的蒜茸亦惹味非常.沙拉骨仍保持,墨魚咀就沒有上兩次吃過的香脆彈牙了.豬大腸並不肥美,略欠風味,東風螺夠爽甜,沙拉骨仍是老樣子,個人而言同越華會,食得妙等不分上下.椒鹽鮮魷面頭粉漿不厚,很香脆鬆化,佐酒一流.砵酒生蠔煲吃不出砵酒味,但吃得出生蠔的肥美.其他如炒麵太油,不算出色.蜆介鯪魚球質感較淋,不夠彈牙.霸王雞肉質麻麻,雞味一般.追加的墨魚餅,非常彈牙.菜式不停地追加,啤酒不停地添加,埋單千鬆,便宜得令人難以置信.是夜及時退燒,狀態未十足回復,兩杯到肚,仍然頂得住.事後亦記得起菜式的味道,感覺.可喜可賀.上次是強記,今次是小菜王,下一次的話,應該會係.....

有幸被公關邀請去食飯,冇約就當然奉陪啦!! 咁啱得咁橋,就前幾日爐兄相約又係去大排檔,只不過幾街之隔,水準已差好遠. 尤其份量足夠,呢樣都咪話唔緊要呀! 好食得嚟都要夠食先得架,好似我咁大食,想夾多舊都冇就真係激死!!先有焗魚腸,呢個絕對好過強記,就係魚腸都已經多成倍. 蒜蓉蒸勝瓜好味,完全係蒜蓉蒸扇貝嘅味,重有炸香蒜粒,而且勝瓜唔太淋,重爽口,好食呀!椒鹽墨魚咀唔脆,好淋,不過味道幾好.沙拉骨只不過係甜酸骨加沙律醬,因為我個人唔太好沙律醬,只覺甜酸味適中(我夾件冇沙律醬食),所以冇咩特別.霸王雞,只係夾咗一小舊食,感覺好似都幾鞋喎!雜菜煲,冇食,因為唔好菜,不過我估ok嘅.起碼啲菜冇黃哂!東風螺好耐冇食喇,都幾甜,而且因為細隻,唔會太硬.炸大腸唔夠肥,炸得唔夠鬆脆,而且切得太長,太大件.有幸被公關邀請去食飯,冇約就當然奉陪啦!! 咁啱得咁橋,就前幾日爐兄相約又係去大排檔,只不過幾街之隔,水準已差好遠. 尤其份量足夠,呢樣都咪話唔緊要呀! 好食得嚟都要夠食先得架,好似我咁大食,想夾多舊都冇就真係激死! (咦,講講吓好似係我自己問題多啲喎....)先有焗魚腸,呢個絕對好過強記,就係魚腸都

今日傾完PROJECT 路經小菜王去左食飯，一行四人叫左四個餸，有個椒鹽魷魚咀，好爽，送酒一流。然後叫左個蒜蓉西蘭花，無咩特別，我覺得大排檔不嬲炒菜都有番咁上下水準。仲有個牛油黑椒炒蟶子，呢個可以一試呀，我覺得幾好食，幾香。最後來個八珍頭腐煲，呢個不得不提，因為佢d料好多下，本身唔夠，食完之後都好飽啦~價錢又唔太貴，老闆娘又nice~quite good!!!

大排檔類食物，我一向少吃，因為本身不太好獲氣小炒。不過難得靚靚公關有興致在深水步的小炒王搞局，我和男友當然訓身即到啦！小炒王佔了兩個鋪位，我們剛巧被安排在沒廚房，較光猛整潔的那邊，坐得闊落舒適，令我倆喜出望外。我們一行12人，點了近16碟餸，菜式份量沒我相像中大，有些炸物更可用的骰來形容。食物沒其他大排檔般有獲氣，整體上味道一般，不過價錢就真係幾平，每人只夾了$90元。炸物佔了全晚所點菜式的七成，可惜味道未見突出：炸墨魚咀、芝士白飯魚、炸大腸、椒鹽鮮魷、炸墨魚餅等，全都不夠熱辣香脆，欠缺大排檔特色。這裡的海鮮類食物較出色，砵酒蠔個人認夠最好味，蠔十分大隻，一點也不腥，砵酒味道甜甜的，非常最討好。豉汁蒸鱔男友話OK，圖示的雞算不上滑，不過不失。蒸豬肉餅一般大路水準，最後上的炒麵大家都說很差，食剩哂。再次多謝公關安排這頓充滿歡樂和風味的晚飯。

本來星期日同朋友食餐\便飯,最後溜單情況嚴重,order 左6樣野,1個鐘+再追order,最後只食到4樣野,其餘要取消,食物亦無大家講既咁好食,d 湯淡而無味,一定唔會再去!

....................................................................

因為一個羊腩煲,大家相會在小菜王.兩個人各有心事,與其飲悶酒,不如一起晚餐.靚女朋友提議到屋企樓下的酒家,小弟剛去過,水準一般.不如行多半哩路,去小菜王來個羊腩煲吧.)為何要吃羊腩煲?羊肉我麻麻.怕騷.)咁,小菜王會岩你口味.)天寒地凍,撞正周末日,生意興隆,席上也有很多食客,與羊腩煲打交道.基本上一個四人份量羊腩煲,已能滿足,但無理由吃得如此單調,小弟與友人也是有食力之人.再叫個沙拉骨,椒鹽墨魚咀來送啤酒.沙拉骨保持到水準,味道酸酸甜甜,肉質仍舊鬆化.圖中的墨魚咀,既香口,又彈牙.送啤酒一流.小菜王的羊腩煲,出名唔騷.如果真正羊痴就一定吃得不滿意,但對一個對羊肉喜好程度一般的人來講,也能收貨.羊肉連馬蹄,支竹一起煲.質感稔熟,羊味都係唔夠.這就是小菜王的"特色",其支竹統統吸收羊肉的日月精華.友人吃得不亦樂乎.來自羊腩煲的熱騰騰蒸氣,照成友人面上一面紅霞,加上一些酒精的作用.此時此刻,顯得份外迷人.輕談淺唱,兩杯到肚.大家似乎有訴不盡的心中情.談情說性,世界大事,天南地北胡扯一番.當然,時間一到,就要再覓地方,延續這夜..吃羊腩吃到上火,走到街上,就算寒風迎面而來,也不覺一點寒意.同

冬至找地方食飯, 遲了點訂位子, 終於, 小菜王有位. 都好, 凍凍地食羊腩煲.今次來到, 發覺小菜王又做大了點. 連續五個鋪位, 真有做起了的味道.砵仔焗魚腸: 5分, 之前食過都覺得幾好, 今次食我竟覺得有苦味, 仲越食越苦, 同陳春鬥苦? 但爸媽文迪又唔覺苦. 奇.比蓮香, 益新的焗魚腸差不小.缽酒牛仔骨: 7分, 缽酒香唔夠, 牛仔骨就幾入味. 相比下, 金山的砵酒焗鱔精彩得多.羊腩煲: 6分, 四人食當然叫了個小的, 但都相當豐富. 文迪幫我揀的羊腩都好腍, 浸完一大輪, 當然好入味. 但見爸爸食的羊腩好似唔多得. 相信部份羊腩是偏老. 至於支竹, 馬蹄都吸收了湯的精華, 很美味.但問題就是湯實在太濃, 煲得耐開始轉鹹. 越煲越鹹. 食到尾基本上是難以食落口.嚴重扣分.似乎係做起了, 又做差了.價錢亦向上升了. 但總算經濟的.

見麵包兄在這裡寫了幾篇食評，早前來過也就隨筆一寫。是損友們飯局，只得9，幸好損友都是屬於爐兄級的人士，一人等於三人食量，點菜方面是無難度，隨便點了羊腩煲、炸大腸、脆炸鬼$38、炸墨魚餅$38、椒鹽墨魚咀$38、缽酒牛仔骨$48、炒雙魷$48、霸王雞$70/半隻、生炒骨$43沙拉骨$43及蒜蓉蒸勝瓜$30等小菜，本來打算試埋魚腸但近期淡水魚又出事，連西苑都只得兩缽何況這裡？訂了十人檯，A、B、C、D．．．區清楚分明，打個電話比阿妹自己識搵上來，加埋吹到叫人頭痛的強勁冷氣，風味雖然較痞街邊差，但吃熱辣辣的羊腩煲有強勁冷氣做後援，大汗如偶者都唔會吃到滿額是汗。唔洗8分鐘，羊腩煲先上（大/$138）支竹、馬蹄滾著，羊腩有邊位有腩位伴生菜一碟，損友有的話羊肉「鞋口」、有的話唔夠「羶」、有的話唔夠「腍」、又有的話唔夠「羊味」，偶話$138/9，每位唔洗$15，羊味是差咁少少，但街坊價錢炆得又腍又入味，仲想點？其他的小炒有讚有彈，阿妹話的「蒸魚汁」淋霸王雞，試一啖汁又真的好蒸魚feel，是蒸好雞後淋上去的，搞笑成分居多。脆炸鬼、炸墨魚餅、椒鹽墨魚咀，脆炸鬼是墨魚膠釀油炸鬼，炸得麻麻死實實的油條絕不討

晚上八點三，四個舖位巳經擠滿「餓」人。帶涼的晚上，不少人點了羊腩鍋和各式煲仔菜。店員認出係老爸，很快便有入座。老爸拖著老媽去選水產，結果點了條荀殼魚、兩隻瀨尿蝦。另點了墨魚餅、雜菜煲。可惜今晚沒有焗魚腸…還不是淡水魚產的近不利消息…！！！另點一飯一粥，埋單$389，免加一收費。貴在果兩隻蝦。最先來的就是「海味雜菜煲」（$45），有蝦米、菜心、小白菜、雲耳、粉絲、鮮魷，湯底偏鹹，老爸說：「鹹到苦！」我估係D 蝦米和雞粉出事！再來就是「香煎墨魚餅」（$38），呢個超美味，炸得唔油膩，彈牙得來又唔會硬，甘筍等配料增加口感。（推介！）「尿蝦皇」（$216 / 十八兩），體積係珍寶級數。但肉其實唔係好多。無膏亦無黃油。個人認為「富臨漁港」那$88 珍寶瀨尿蝦還吸引。當然，食海鮮係要睇天氣和撞手神…。最後，「荀殼魚」（$78）出場。炸得好油膩，還淋上滾油才上枱。單是睇見巳經覺得膩。肉好幼滑，但奈何肉少且薄，加上外層炸得幾硬，吃兩口巳經「界」捐口腔。不甚吸引。另點一個「白飯」（$6）和一個「白粥」（$6）。粥係潮州粥。個人認為，只有煎墨魚餅比較好味。瀨尿蝦over-priced。荀殼魚衰在炸得唔好。

親戚來港，當然要招呼一，她想食賴尿蝦、所以選擇了這間。我們叫了清蒸賴尿蝦、清炒豆苗、秘燒豬頸肉、椒鹽鮮魷和東風螺。清蒸賴尿蝦- 大大隻，新鮮嫩滑，雖然食時幾麻煩，但味道實在出色，比茸蒜炒更食得出鮮味。清炒豆苗- 新鮮當做，那有唔好食的道理。秘燒豬頸肉- 肉質幾好，可惜偏乾身和偏硬。椒鹽鮮魷- 在大排檔食炒，一定夠火喉，鮮魷幾新鮮，粉醬炸得好脆。東風螺- 看到幾新鮮，外國也唔多見有得食，當然要來試試，味道鮮甜，親戚不停說好食。價錢平，味道出色，外國少有的食物，實在值得一試再試。

羊煲味濃料豐炸物香脆可口安坐街邊啤一啤遙看石硤尾的呆板新廈唇亡齒寒

總覺得要食好的飯菜, 一定要到大排檔, 才會感受到固有的滋味....難怪每每有客人來香港, 總要求到有風味的食店享受當中的奧妙!!一行十三人, 先點了8 道小菜:1) 焗魚腸(本身對呢款食物不敢興趣, 總覺得散發魚的腥味, 不過親友都大讚好味道, 而鴨公又說可以入口, 相信都不是太差)2) 菜膽雞(可以的話, 不點為妙...雞味沒有, 而且有點生, 獻汁也很少)3) 魚腐炒勝瓜(勝瓜味道清甜, 而魚腐也不腥)4) 沙拉骨(跟一般飯店沒有分別, 大路菜式)5) 豉椒炒檉子(稍為不夠豉椒味, 而肉質也似乎過了火氣)6) 豉椒炒花甲(花甲沒有沙粒, 如檉子一樣, 不夠豉椒味, 相信廚師也要為這兩款菜加點功夫才對)7) 炸大腸(恰到好處, 不油膩)8) 九菜豬紅(不明白現今的飯店只用鴨血去代替豬血, 始終都覺得以前做得好)以上的菜式只是作小食吧....真正到戲肉才是海鮮出場:1) 辣椒花蝦(蝦肉味道鮮味, 蝦殼亦滿佈辣椒味道, 一流)2) 烚大蝦(完全是另一蝦的食法, 味道亦很鮮甜)3) 薑蔥炒膏蟹(蟹肉+ 蟹膏很多, 兩者混和一起食, 味道一流, 難怪小朋友也用蟹膏送飯一起食)4) 清蒸奄仔

31/7/2006之前同朋友女o既飯聚因私事一拖再拖,但黎到呢晚終於大家都得閒,原先簡左幾間唔同形式o既食店供佢\選擇但到最後都係選左呢樹,另因只得2個人關係只係叫左....椒鹽魷魚--魷魚大大件另望落d炸粉比較厚而咬落肉質比較實,普通!菠蘿生炒骨—上檯時賣相唔錯,咬落都脆口甜酸度都適中另有骨落地只係唔係太大舊變相有d冇咩肉食,但都有水準!豉汁蒸鱔-鱔肉咬落夠肥美味道唔錯但個汁料唔太夠令到香味唔太足似清蒸後加豉油咁蒜蓉蒸勝瓜—簡單o既一味餸好難整得會差,上碟時生熟蒜好香另勝瓜蒸得好淋同希蒜香味最適合食返幾件用黎中和返之前o既煎炸熱氣o野加多兩支特價大啤埋單$220,食物黎講整體都有一定水準但以炸物計隔離”增輝”比較優勝其他就大家差唔多,碟頭方面就”小菜王”贏返一仗,地方呢樹都叫乾淨同比較企理只係當全場爆晒人之後有時d阿姐話轉頭先但都唔見佢\轉個頭返黎!

遠記同遠嫂約左班舊同事一齊去呢間新野度試下,因為之前其中一對couple都試過黎好幾次架當日叫左以下咁多樣 1.蒜蓉蒸勝瓜－坐落見個個都會叫的,所以都唔蝕底,味道都唔錯,一d都唔會黃,上面落左生熟蒜,令到個勝瓜好香同甜2.紅燒乳鴿－不過不失,勝在夠熱3.腐乳椒絲炒通菜－好大碟4.炸大腸,一d腥味都冇5.京都骨,送飯一流6.椒鹽魷魚－嫌佢多粉漿得滯,一定要熱食,若果唔係淋左7.半隻霸王雞－雖然我地唔食皮,但都好彈牙,味道好正8.清蒸斑腩－好淡9.豉椒炒蜆－好鬼辣10.豉椒炒蟶子－味道岩岩好,蟶子肥美,冇沙, 六個人食,飲左六枝啤酒,同三個白飯,每人要俾$110,都算抵食. 跟住我地去左出名糖水正的松記糖水,叫左幻彩明珠,楊枝甘露,楊枝珍珠露,喳咋,我都好欣賞佢個楊枝珍珠露,因為d西米有別於平時食開那些,中間有粒好似芝麻的東西,正,又多芒果,甜度岩岩好.