小菜王 (福榮街)

营业中

休息中

有一天,家人突然想起想食深水步那些用炭爐既羊腩煲,點知原來而家已經搵唔到喇所以最後就唯有搵間好食既去試下啦睇食評搵到呢間好似好好啵,於是去試下啦結果,雖然服務就真真麻麻地,可能佢真係生意太旺所以根本就唔憂做不過d食物就真係幾抵食同埋好好食由其事個羊腩煲同埋炒蜆辣酒煮花螺就略嫌d螺太細粒不過整體都ok既

每年的所有家庭聚會，我家人都愛到這裡吃飯，其實都來了這間吃了很多遍，很多菜式都試過，而我最喜歡就是以下幾種菜式，包括在這寒冷天氣最適合吃的羊肉煲，其實我都怕羊肉腥，這裡羊肉弄得不會腥，還很美味！還有蒜蓉開邊蝦，新鮮得來，味又好！我最喜歡是沙拉骨，其他食店吃的常是多油，又用很多沙拉油去蓋味！這裡的沙拉骨不油，又不會有很多粉！整體來說，都不差啦!

31/1/2008 晚去完迪士尼~又凍又餓~專誠過呢邊食野4個人叫5碟椒鹽鮮"有"~唔太油~夠鮮味~而且係脆得剛好的金銀蛋豆苗~份量多~味道好沙嗲肥牛bowl~唸個就唔係好得啦~又甜又鹹咁~咕嚕肉~味道真係唔錯呀~肥瘦適中~面炸得夠脆~醬汁色澤味道均不錯辣酒東風螺~唔係好夠辣~份量都唔係好多~而且大多都係細細隻~佢d舖位愈開愈多~d人做到無停手~阿姐聲大夾惡~一時話有一時話無~落單又慢~仲要落錯~d碗好油~大家食之前記得洗下啦~埋單$303

很久沒有食過如此有鑊氣的大排檔。黃昏六點開始營業，到六點半鐘，四個舖位連街檔約五十張檯已上座八成；本人七點九離座，門外約有三十多人仍在輪候入座中，在寒風的週末晚上，是甚麼推動力令消費者心甘情願瑟縮在街上耐心等候呢？答案當然是美味的食物！三個人叫了：砵酒牛仔骨–$53，超好味！牛仔骨新鮮,醃到入晒味,有少許肥的帶住,咬落甘香幼嫩,伴碟的洋蔥惹味又爽口，比牛仔骨更快清碟。魚腸焗蛋- $45，魚腸新鮮,份量夠,洗得乾淨,全無腥味,鹹淡適中,不太油,正！小炒王- $48，炒得夠乾身,有七八種材料,其中最好食是菜甫和燈籠椒,清香爽口,咬落口感十足；其次是蝦乾和腰果,沒炸過火,又不太鹹,很好食。腐乳蒸田雞- $48，可能是漏單的關係,比較失色,差的是腐乳芡汁不夠濃,又醃不夠時間,味道入不到田雞中。四個小菜加一枝啤酒一個白飯，埋單$216，不貴！小菜的份量每碟都幾大，鑊氣足夠，與五年前同區的愛文生比較，不遑多讓，絕對是美食愛好者的一個好選擇！

得龍之後，又一失望之晚飯。入了舖，而且是一連幾個舖，不可謂不利害，加上眾多食友的讚賞，對這間自封為王的食肆自然滿有期望。來這些地方當然主力炒炒炸炸的小菜，天寒地凍，其招牌菜羊腩煲又是必然選擇。一早想定，可惜沒有墨魚咀，結果食了：羊腩煲(小)($128)椒鹽鮮魷($55)蒜蓉蒸勝瓜($30)炸大腸($45)焗魚腸($45)避風塘腰果排骨砵酒鱔球煲($68)秘燒豬青羊腩先上，是鑊仔而非煲仔，並不「小」，沒有六、七個人解決不了。滾起來幾香，羊腩亦多，而且是肉多骨少的，夠腍，只嫌沒什羶味。椒鹽鮮魷亦令人滿意，脆漿薄而炸得脆，魷魚也不韌。勝瓜大大碟，蒜香夠，是碟碟肥膩肉食/小菜中的清泉。可惜其他菜式各有失手之處：焗魚腸一看便知太乾，毫無油分，也沒有幾多魚腸香味，怎能說好？！炸大腸也嫌太乾不夠肥。秘燒豬青更似是瘦叉燒，又乾又瘦，不知秘密在那裏。相反鱔球煲就太肥太油，件件鱔球本身都相當肥，還要下了很多油，吃了兩件便不敢再碰。腰果排骨同樣是肥肉多骨少，吃不消了！不過連兩枝大啤及白飯，吃得相當飽，埋單只是$528，又難怪生意不錯。

在OR找到這間大排擋，急不及待就走去試了。豉椒炒蜆︰一大盤的耶﹗拍照時冒出來的熱氣弄得鏡頭蒙蒙的，熱騰騰的超喜歡。份量多，有少許辣味，讚﹗不過呢，就是有些沙，不太乾淨呢。炸墨魚餅︰想不到也蠻好吃的。我覺得炸得很香，又不覺得特別熱氣。而魚餅口感十分彈牙，配上沙拉醬就完美了。可是兩人吃了也飽飽了，男友說下次想吃乳鴿呢。

跟老友記誤打誤撞嚟咗呢度。數一數，差唔多三四年冇來過嘞...想當年叫個羊腩煲，响食剩嘅湯汁之上加兩三個白飯，再打隻雞蛋，成為"羊泡飯"，吃後不羨仙...今晚得兩個人，叫一個煲實食唔晒，都係叫小菜啦...老友記屁股都未坐落去就大叫要食椒鹽鮮魷，再加個菜花炒蝦乾，豉汁蒸鱔，埋尾再嚟個鰻魚炒飯，又過剩la...椒鹽鮮魷脆漿幾薄，魷魚新鮮亦不韌，相當不俗，與上次响天祥食過嘅絕對不遑多讓...菜花冇乜渣，夠大條；蝦乾亦足秤大隻。不過委實落得太多師傅，味太濃，食完喉嚨勁唔舒服...蒸鱔還可以--- 鱔件夠件頭，但肉質太散。不過呢個問題不大，事關要食到野生肉質爽口彈牙嘅鱔，談何容易?炒飯偏濕，油咗D，但炒得粒粒分明，且鰻魚粒大大粒，亦有少許鮮蝦粒，仲想點?叫得做深水埗大牌檔嘅名牌，水準一定唔太差，但價錢亦都稍貴，都算ok la...

之前尼左一次叫左好多野食有沙拉骨芝士牛油焗白飯魚炸大腸魚肚"更" 菜膽雞炒白菜豉椒聖子0魚球今次就叫左沙拉骨墨魚餅上湯肥牛沙拉骨林林地又夠味!!正!!白飯魚雖話淡番d....但係覺得如果濃得滯又會太似普通的炸野魚肚"更"大大碗~~好味又夠抵白菜...不過不失聖子估唔到咁多....但唔夠辣0魚球.....個人一路都不大喜歡....墨魚餅...因為之前食左個好好味的...所以今次真係比下去不過其實都唔差肥牛....賣相唔得....好似打邊爐果d咁其實超級好味就唔係喇....但係咁的價錢食到真係飽到死.....完全用數量取勝!!!上菜又快....d員工又快手...又有禮貌真係幾ok~~~值得一去再去....最好就試埋佢個羊腩blow

今晚男友接放工,大家都想食小菜王,就駕車黎食,嘩!勁好彩有位泊車,坐低二話不說問有無蠔(因上次無)但今次有喇!好開心!叫了:砵洒生蠔煲$68(每次必叫) 蒜蓉蒸勝瓜$30(每次必叫) 椒鹽鮮魷$53砵洒生蠔煲只有幾隻,份量好細,兩至三人就ok,人多不建議, 味道都ok! 我覺得個汁做得太(希)水又多左少少,蠔索唔哂D汁所以只有底下個三隻夠味, 面頭果幾隻就差少少!每次必叫的兩味就一樣出色!我今日食哂成碗飯, 勁呀!P.S 服務很好, 我郁少少就alert 到, 讚!!

26/9 時同友人慶祝生日~我想食大排檔~第一時間諗起小菜王~因為食過覺得幾好味~入到去等左陣~20分鐘到啦~但多人去就要早d~兩個人就好快ke~叫左三個餸~蒜蓉蒸勝瓜~係網度見好多人話好食~一試真係唔錯~只需30大元~但味道好濃~送飯真係一流~叫左個黃金蝦~都唔錯~d 蝦炸得幾香~但兩個人會食到好漏....真係要多d人叫先好......仲有一個係腰果排骨~送酒真係一流~腰果炸得香~只係略嫌d肉硬左d~但辣辣地~送酒必選~~埋單都係$200~唔錯唔錯~

With my new girl came to there on July, 2007!She felt very interest and well!

o個日同朋友兩個行完旺角, 我地兩個都唔知食好, 諗起好耐都無黎食, 於是搭的士過左黎! 本來我想去隔離增輝, 但係朋友話佢地d水準依家差左, 咁我地就去左小菜王!我地叫左豉椒炒蟶子- 同個menu個圖份量小左起碼一半, 圖片與事實不相符, 味道一般.蒜蓉西蘭花- 乜依家d西蘭花好貴咩, 同朋友兩個人每人夾左幾舊依經無哂, 又炒得黃, 食菜呢樣大忌黎架麻!!!薑蔥魚頭煲- ok啦, 不過不失!叫左幾支啤酒, 埋單三百幾, 因為朋友請, 唔知價!

朋友話黑椒牛油蟶子好多人讚, 即管一試完全不對口味, 牛油同蟶子格格不入, 加埋黑椒上去真係奧賣葛!!避風堂蝦好正, 因為味精好足夠XD豉椒炒蜆變o左水煮蜆炒返個獻汁, 唉蝦醬通菜都幾好, 不過真係太多油牛仔骨普通魷魚不錯, 炸得幾乾身幾好味蒜蓉勝瓜都好一般反而沙拉骨我覺得係最好味既超出所想又係o個句, 同朋友仔食飯點都係開心既~食物唔太好味唔係難食就過得去, 無服務就係好服務講起服務, 點解阿姐會比紙叫我地寫低想食咩? 係咪呢間食店o既特色?

五一假期, 去了姊妹J屋企玩, 跟住拉大隊吃飯. 當然係近近地, 去她樓下的小菜王.再一次來這裡, 都大概知道叫乜. 主打煎炸類就無錯. 弟兄C, 不好意思了, 菜式不大對你胃口.14個人, 坐得幾迫, 環境繼續係無裝修同衛生麻麻. 要了17道菜.沙拉骨$43: 6分, 加上沙律醬係面頭, 味道都幾搶, 但肉質麻麻, 當然也不可要求太高.蒜蓉蒸勝瓜$30: 8分, 大大碟, 加上蒜蓉去蒸的勝瓜, 油了點, 但蒜蓉好香, 連吃兩件也覺幾好.砵酒牛仔骨$48: 5分, 砵酒味淡淡的, 加上牛仔骨有明顯化學品痕跡, 一般.炸大腸$45: 8分, 炸得好香口, 大腸皮脆卜卜的, 幾肥, 好吸引, 一陣就比我們掃清.椒鹽九肚魚$43: 8分, 炸得好香口, 還有點點九肚魚的鮮味, 只分吃了半件, 不夠喉.炸墨魚餅$38: 7分, 跟神廚當然比不上, 亦不要比了. 口感比較差, 但仲算彈牙的, 炸得都係幾香口的, 點沙律醬去吃都唔錯的.豉椒炒蜆$43: 5分, 太多空殼, 更加多沙, 勉強找到小小肉食, 不太新鮮, 係靠豉椒汁去掩蓋, 而個汁係幾搶味的.芝士牛油焗白飯魚$65: 6分, 比上次吃差

百花小棠菜唔錯,墨魚嘴.正~ 每次必備炒聖子就一時時...有時又多又大隻,有時淨係炒d殼比你開邊蝦麻麻地... 唔算抵食lo... 去酒樓食蝦會好d牛油白飯魚...好大條...不過乜味都無