小菜王 (福榮街)

营业中

休息中

2006年1月5日和老公的舊同學一行5人飯敘於此。羊腩煲($128)大- 好大煲，大塊腩有皮有肉湯濃料多，老公和朋友們食得好味，小頭反而喜歡增輝的古法羊腩煲，因為小菜王的這味很夠羶(小頭怕羊羶)。但老公就較喜歡這兒，他嫌增輝的羊腩少又不夠大塊吃得不盡興。芝士牛油焗白飯魚- 白飯魚大大條，幾香脆但味道略淡，略油。窩貼小棠菜- 另一味香口下酒菜，幾好味，墨魚膠中有些墨魚粒好有咬口。豉汁蒸鱔- 麻麻，可以不叫。紅燒乳鴿($28隻) - 鴿又好大隻，香脆可口。其實都夠食，但見別檯的炒蜆好有鑊氣，幾吸引，加多味。豉椒炒蜆- 少許辣很惹味，很少食到沙，不錯不錯。總的來說和增輝各有千秋，但我覺得增輝的炸物較有水準，炸得較乾身和不油膩。埋單約$470，自紅酒不另收費。

三個人呢度食晚飯點羊腩煲、焗魚腸、炒聖子, 因為我平時都不太喜歡食羊腩煲, 所以對焗魚腸比較有期望! 點知呢味菜另我失望, 比我想像中少魚腸又有腥味(已經落好多胡椒粉)蛋太多又唔夠滑, 味道又淡少少, 炒聖子都可以接受, 但炒得唔夠入味, 反而羊腩煲係最好味, 羊腩好"淋"好入味汁又夠味我重叫白飯撈汁, 羊腩煲~正!

上個星期六去食,本來想叫羊腩煲, 但我地得兩個人,驚食唔哂! 最後叫咗炸墨魚餅,椒鹽豆腐,帯子炒西蘭花,粟米魚肚羹.兩個人食,好飽好滿足! 下次一定要叫多d人一齊去食羊腩煲....

禽晚去左小菜王食飯,三大兩小叫左: :羊腩窩( $98(細) (奇實已很大了,夠四五個人食,)算幾有水準,不過大家一至認為老豆做的更好味,所以唔會再試,你地就緊係要試啦! 芝士牛油白飯魚(有成7吋長一條,幾香脆,無咩芝士味,只有牛油味,但都好食,凍左味道更出!)燒豬頸肉(個樣似又乾又瘦0既叉燒,但食落又脆脆地,幾得意,厚番D就好la!)焗魚腸(頂級推介,魚腸勁多又甘香,味道調得0岩0岩好,好大砵,(三十幾蚊)又有少少辣,好正! 總括來講,這店是我的心水推介!它的正確位置是在深水步站B1出口,上左地面一直向左行, (約兩至四個街口,無數過)當你見倒你右邊馬路對面是永享銀行,你再望番你0既左手面條街,已可見到增輝個招牌,再沿住增輝轉灣,便是小菜皇了!

經KC介紹, 話呢度既羊腩煲好好食, 加上天氣轉涼又凍凍地, 星期六同女友專程嚟食. 叫左細的羊腩煲, 炒硯, 椒鹽墨魚咀和2枝藍妹.羊腩煲好大煲, 羊腩好多好大塊, 如果全部都係肥腩仲好, 羊腩好腍, 好入味, 個汁味道好濃，完全唔使點腐乳. 椒鹽墨魚咀-炸得又脆又爽，好好食, 送酒一絕。炒硯唔掂, 好多沙, 但鑊氣夠, 好香.食完羊腩煲已經好飽, 奉勸各位拖友想清楚才叫, 如果唔係就無得再試其他既菜式. 但唔叫羊腩煲你一定會後悔!! (真係好難揀)食完飽到行唔到, 埋單230幾, 非常抵食。一定會再嚟!!!

三五知己想啤啤佢又食得飽,這而是必選之一.各款小菜有特色,尤其喜歡焗魚腸,白飯魚,黃金蝦.

咕嚕肉和生炒骨,夠脆口.夠香口芥蘭炒鮮魷,味道算不錯乾炒牛河,夠晒火候又唔係貴! 合理!

兩個人去一d高級的餐廳食飯，飲下酒，當然好啦！但買外賣回家飲酒食飯，又是另一樣感覺、另一樣享受。我們係無飯家庭，很少會在家食飯，除了買外賣之外。早前我們便在小菜王買了芝士牛油焗白飯魚、菠蘿咕嚕肉和蒜茸炒通菜。芝士牛油焗白飯魚- 很脆很好味，送酒一流，飲酒不可不叫。菠蘿咕嚕肉- 酸甜汁味道唔錯，雖然唔算好脆，但也可一試。蒜茸炒通菜- 通菜很新鮮，但蒜茸味唔多夠，所以炒得唔係好香，好在味道幾好。

7除8扣，本來就唔足29之數，再減去已經食過的，淨底的約10間倒。今次揀中呢間，食幾個店主推介的小炒。有蝦有蟹有魚，其中芝士白飯魚好香口。送下酒咁又食晒。味道唔錯，但主要係食香口野飲啤酒，試唔晒其他食物。

今晚9點左右同男友到此食supper,雖然時候吾太早,但仍人頭湧湧,我地坐左入舖裏面,但冷氣不足.我地叫左3個小菜:洋蔥大鱔煲$68,粉絲什菜煲$38,椒鹽骨$43洋蔥大鱔煲---水準之作!鱔肉相當嫩口滑且入味!洋蔥亦爆得頗香口!粉絲什菜煲---份量頗大,什菜亦十分鮮甜,唯較油膩!椒鹽骨---也不賴!炸得挺乾身,而且肉質仍可保持juicy且夠入味!埋單$149,overall來說是值得一試!但畢竟大排檔既菜色始終系偏油,不能多吃.

星期日同D朋友專程由元朗出到o黎食，天氣好凍當然要叫番個羊腩煲食la!細的羊腩煲份量都不小，羊腩、枝竹、馬蹄同蔥等材料十足，羊肉好腍夠晒入味、馬蹄又爽又清甜，羊腩汁味道好濃，所以還叫了一碟手切肥牛，來加落羊腩煲到，我冇食，佢o地話d肥牛入口鬆化亦入晒味。指定動作的生炒骨，似咕嚕肉多D，因為冇骨落地，肉質其實唔錯，可惜炸得唔夠脆口，甜酸度適中，可惜又係d汁較浠。椒鹽墨魚咀-炸得脆又爽，椒鹽味唔夠，要問佢扲多個碗椒鹽來點。炒西蘭花-ok!幾爽口。焗魚腸-大家一致贊好，買相焗得好靚，面頭焗得脆脆、沒有粉絲係底，真係只有好多大大條的魚腸，雞蛋同油炸鬼，就算唔落胡椒粉都唔覺得腥。連埋四枝啤酒，埋單到係360，極之抵食。p.s.多謝KC指點地步。

星期四(3月3日),我們約了二個朋友再來這裡食晚飯;因朋友之前食過這裡的羊腩煲很好味,今次說一定要再食,所以我們還是吃小菜,沒有打邊爐(原本我想打邊爐的).我們叫了細的羊腩煲- 還是這麼好味,但今次羊肉少了一點,唔知係唔係人多,所以...豉油王豆腐- 很脆,好味.但豉油味唔多夠.味菜炒豬青- 最差的一味,味菜太多,豬肉太少,味道太濃,每人只食了小小.椒鹽九肚魚- 很脆,很好味,送酒一流;但自已還是喜歡芝士牛油焗白飯魚多一點,比較上香d,好味d.

星期日晚和兩個朋友及辣椒女,來這裡慶祝生日.我帶了一支白酒去飲,他們也說唔錯.我們首先叫了羊腩煲- 好好味,四個人食剛剛好,馬蹄和支竹,也唔錯.食完這個羊腩煲,也差不多半飽,好抵!芝士牛油焗白飯魚- 這是送酒最好的食物,點可以無呢!好味,好脆,正! 蝦仁炒蛋- 蝦仁很大隻很新鮮,唔錯.可惜今次炒得過火了一點,蛋比較實,麻麻地.油泡田雞腿- 雞腿今次比較少肉,雖然都好好味,但就比較少了dd.全部食物也在水準之上,是一間很不錯的小店.

上次錯過左同一眾食家黎呢度一嚐羊腩煲見今日天氣仲涼涼地又去開旺角睇戲一於晚飯就黎呢度解決啦七點三左右黎到已經坐滿晒人只係剩番少量o係路邊既細檯坐低未睇菜牌已經第一時間叫左個細既羊腩煲因為朋友想食蜆於是再點多個豉汁炒蜆同豉油王豆腐羊腩煲轉眼就到已經係叫細架喇但點解都係咁大煲既加熱後香到不得了急不及待食左件羊腩嘩!好淋呀!好入味!有好香既花椒八角味又唔"so"o岩晒我呢個咁怕"so"既人食唔點腐乳己經好好食點埋就錦上添花枝竹同馬蹄都係好入味好正隨煲附送既生菜好新鮮淥一淥吸左d汁好好食食左好耐又夾左好多件但仍然有好多羊腩o係個煲度98蚊真係好抵食呀食左好耐d小菜先上檯蜆好大碟但d蜆肉就細粒d以前食過廟街既30蚊得細細碟又一早炒定呢度都只係45蚊但起碼大碟成一倍有多呀又新鮮即炒好有鑊氣唔錯呢一味招牌菜豉油王豆腐其實係炸布包豆腐包鯪魚肉個皮炸到好脆但入面d豆腐仍然係滑lu lu好好食但衰左等得耐左d如果唔係食住羊腩煲等真係會餓死食完八點幾走時見到好多人等位而佢d檯已經排到後街有幾好可想而知丫不過真係好抵食大部份小菜都係四十幾蚊但樣樣都大大碟平時茶餐廳o個d四十幾蚊少呢度一半都有呀得閒叫多d朋友黎

如果不是和openrice 飯聚﹐根本不會到深水步吃飯﹐亦不會到大牌檔食。難得的是食物非常美味﹐價錢又平﹐在樓上坐看起來較為乾淨﹐雖然冷氣不夠﹐但熱鬧的氣氛彌補的所有的不足。主打的是羊腩煲﹐來時是滿滿的羊腩﹐非常夠味。之後吃其他小菜後﹐再想食多幾件都沒有了。我給它第三名。蝦仁炒蛋﹐越簡單的菜越難煮得好食。蛋夠滑﹐蝦非常大隻﹐有半個飯碗咁大﹐十分爽口。我給它第二名。豉汁炒蜆﹐蜆肉很少﹐Cat 為我夾了不少﹐先叫做食到。回鍋肉﹐很咸﹐一起抄的菜很辣﹐初吃覺得很怪﹐但越吃越滋味﹐尤其是辣的菜覺得非常特別。我給他第四名。芝士牛油焗白飯魚吃到芝士和牛油的香味﹐沒有很粉的感覺。我給它第一名。菜膽雞﹐是我叫的﹐因為我喜歡吃雞﹐亦喜歡蒸這個煮法﹐通常用來圍邊的芥菜都好淋。但可能如KC 所說﹐大牌檔都是炒的菜色較出色﹐所以這個菜一般喇。油泡田雞腿、牛仔骨和爆雙魷﹐我都冇食。大夥兒之後冒著寒風去吃甜品﹐下回分解。