小茄子 (已結業)

兩星期前已訂位，訂7：30，亦於前一日double confirm過, 當日我地全部人7：15已到齊，但係小茄子話要等到7：45之後先有位，(其實我見倒入面d客係剛剛入座,未食嘢架, 小茄子似乎都無諗住留枱俾我), 我話我地咁早已經訂左位，況且我地早左15分鐘到，都要等咁耐? 企門口嗰個四眼姐姐話＂我無理由趕人走架？＂（係好串嗰隻），ok，我等。 第一round叫左十樣嘢，食物一般，第二round,叫左六樣嘢食加十杯飲品，食物都係一般。因為我地人多，所以要叫第三round嘢食，點知另外一個四眼姐姐即刻話＂每抬只可叫一次嘢食，無得加單＂（仲要登大隻眼，用好差嘅語氣）。佢地由我訂枱直至到入座都無同我講過只可叫一次嘢食，兼且我地都叫倒兩round, 好明顯係因為佢見倒出面好多人等位，想我地快d埋單，所以唔俾我地叫嘢食。（咁門口個四眼姐姐就唔好話佢地係唔會趕人走啦！）最大問題係我地當時食左唔夠一個鐘，兼且大部分係男士，我地真係唔飽，根本佢都有眼睇。我真係第一次見識到唔俾人叫嘢食嘅舖頭！最後，搞到我地需要去第二間舖頭再食過！總括黎講，食物一般，服務態度其差，價錢又唔係平，（食唔飽都要百幾蚊位），

食物味道差，員工服務態度，我十三個人去，食完第一round 想加單時佢地竟然話唔可以加單，地方細，枱細唔緊要，我十幾人去如果一次過叫晒想嘅野妳都無地方俾我放啦，跟住門口個帶位就黑口黒面走入黎話＂咁快d 叫啦＂嘩，咩服務態度呀，我要俾錢架，真係貼錢買難受，以後唔會再去！

我BOOK 左7:30PM, 大約7:10PM 到, 但因未齊人,唔可以入席, (但裡面有好多張吉台), 老闆娘仲話"你甘早, 等到7:30先啦. 你坐門口等下先), 都唔係差好多啫, 我入去飲住等都得卦 跟住7:25齊人, D位又冇晒, 又要等多一陣先可以入座, 之前有人行去問佢, 有冇位, 佢話 "幾多位?你有冇BOOK位?" 女答"6位,冇BOOK位", "甘你齊人未?" 女答"我就係睇下你有冇位先叫人行過黎", 老闆娘答"有, 你叫佢地過黎啦...甘都得!入座之後, 因為台又唔係大, 我地本想分開幾次叫野食, 甘唔使D野黎到冇位擺, 點知個WAITRESS 話, 只可以落一次單, 唔可以再加單, 真係佛都有火, 我而家唔係只坐唔食喎, 我不停叫野食架WOR...點知叫完, 唔夠15分鐘D野食上晒, 好似食快餐甘...D野食其實冇咩特別, 係青檸梳打特別D, 我地未食完野, 佢地已經攞佢地送既甜品出黎, (意思就好似話, 你地D野黎野, 食埋個甜品好快D走) 我地仲有飲品未飲完, 佢地已經好似狂風掃落葉甘將台面所有餐具收晒, 剩返幾杯未似完既野, D WAITRESS 仲O係你後

星期日專程由東九龍乘車到元朗市中心visit吓姑姐嘅新居，順道更係食埋Dinner啦。她們book左呢間小茄子，呢間小店細細間得個5、6張枱，唔知d野得唔得呢? 試過後真係好食，唔怪之得o的朋友都話元朗多正野食。炭燒豬頸肉好味juicy，燒到佮到好處。串燒牛雞肉呢個就係爭少少，唔夠熱、唔夠炭燒香味，但肉質都okay。泰式什錦拼盤豐富！有炸蝦、魚餅、蝦春卷同炸雞件。食落一d油膩感都無，熱哄哄的。我覺得尤以炸蝦春卷同炸雞最出色。春卷竟以鮮蝦作材料，又脆又爽口，正呀炸雞肉汁多，好滑 Nice!! 泰式肉碎生菜包呢個無甚特別，味道可接受，唯一可取就係大碟。泰式燒鷄好香口，一的都唔鞋，完全達標呢。我想吃多幾件都唔得!! 實在太少啦!! 海鮮農夫包 加 薄餅係一個大農夫包入面裝住d咖哩海鮮。 海鮮算多，有蝦、青口、魷魚、軟殼蟹同魚塊等等... 個包好脆，份量十足，焗得幾香。咖喱味道都重，要趁熱食，否則就會由好脆變成好硬。個包索咗d咖哩，食落軟淋淋，好味!! 而薄餅就熱辣辣，點上咖哩，亦十分好吃!!餐後例送椰汁大菜糕，普通啦~ Overall服務及食物都幾好，價錢唔係貴，6個人食左約$600

今晚一家六口出左去元朗食晚飯，搵左好耐先搵到呢間野，七點三去到已經要等位，等左十五分鐘就有位，叫左六個餸，上菜速度真係好快...呢頭叫完轉個頭就上喇生蝦刺身,個醬汁唔錯菠蘿炒飯麵包咖哩糕蟹...真係好多蟹糕蝦餅..不過不失酸辣豬頸肉...OK粉絲煲...不過不失總體黎講味道不錯...下次可以再黎, 埋單$560 都幾抵食

搬咗嚟元朗區,每次見到好多人等位,而我同老公結婚後又好想食熱氣嘢,所以嚟試吓,其實只睇餐廳名字,好難估到係食泰國嘢,我哋叫咗店員推介咖喱蟹肉包,明爐燒魚配冬蔭公湯(叫少啲辣),咖喱蟹肉包好大個,好濃味,啲包又脆,所以好正,而燒魚都好大條,可以倒少少冬蔭公湯落去,好味!!我食得辣都覺得冬蔭公湯辣辣哋,不過好正~食完後送椰汁糕,好濃椰汁味,好開心食到咁美味嘅嘢!!!

午餐有多種選擇.平均33元左右..價錢合理.店員主動性都高,我相信係泰國華僑.全店都有一至二個泰國員工.環境.只計裝修泰式感覺少,不過坐得舒服.計食物...介乎於中級至笑臉.....芥蘭炒鮮魷:本來叫炒通菜.點知無...轉左芥蘭.芥蘭尚算青緑.鮮魷份量多而爽口.我只嫌辣味不足..只有蝦醬調味.什有港式味道.咖喱牛腩;連埋個鑊一起上..好似火鍋咁..有火煲住.保持溫度...咖喱汁椰子味什重.而且淺色.可以講只有椰子味..而牛腩煲得好林.細細件.吸了椰汁精華...合格薄餅:呢間不是印度餐廳.薄餅當然係來貨...幸好鬆脆..脆的程度如食蝦片,拿上手熱辣辣.令人回味......我點的午餐:前菜.送的例湯..青紅蘿白煲鷄腳..十分清甜.湯的顏色清到見底...凍檸茶:我見到呢間店9成人客都叫...茶深色.而茶味什濃.檸的份量亦多,好飲...泰式豬扒飯..唔合我口味,不是我吃.我唔會評..總括來講....食物唔差...只係無興趣回頭

妹子生日飯，同大伯和伯娘一同慶祝~好多謝他們的疼錫，年年都會和妹子慶祝~今年問妹子想吃什麼？um..有點想吃越南泰國菜之類喇~本住在2間之中選其一，因其中一間之前都試過，所以妹子想試試大伯推薦的小茄子！致電訂位，因是weekend關係所以都幾多人，加上店子地方有限，去到都是要等位的！好了，一行六人到齊了，還欠大家姐一人，不理了..邊食邊等~伯娘有等位期間已選好了幾個，妹子想吃咖喱麵包，問阿姐”青~紅~黃咖喱有什麼分別？”她回答的是”食咖喱海鮮喇！”完全地無視妹子，然後又叫我們點這樣那樣的！好似我們必定要吃他們的招牌菜才可以！聲浪足以掩蓋我們每一人..上菜速度比想像中快，還是密集式的~咖喱海鮮大包比想像中超巨型，佔了枱子不少的位置，2只大大隻青口~軟殼蟹~大頭蝦已急不及待跳出..咖喱汁濃度不稀且不辣，麵包外脆內軟，配咖喱汁一流，若果咖喱汁多點會比較好，最後麵包都吃不完！泰式併盤，妹子最愛炸物，包括有香葉包雞~炸蝦餅~炸魚餅~春卷，併盤好像只獨獨妹子有興趣似的，大家都不動手。只吃了春卷和蝦餅，蝦餅圓碌碌非常彈牙，春卷則一般！泰式醉雞，雞件啖啖肉之餘不太肥，有酒香，咬下帶點啫喱狀，只嫌骨位帶

因為早到唔洗等位，我地三個人本來唔想坐門口位，因為怕開關門會又凍又熱，但WAITER話入面張大枱FOR人多用，唔比我地坐，咁算啦，照坐門口位。生蝦 - 好味，又新鮮又大隻，但元朗黎講屬於貴 $7X青咖哩豬扒包 - 好味，足料。 $6X併盤 - OK泰式通菜 - 無泰式味，無鍋氣，仲衰過大排檔!我地叫左個飯黎送咖哩，點知食到最尾剩返個包，無晒汁，因為個包會索汁。諗住問WAITER拿汁，佢又話要等有人客叫，一次過煮先可以比我地，咁咪等，是但土乜汁都好。有人叫之後再問，佢又話要問老闆娘，佢加話驚唔夠汁用，洗唔洗咁吝嗇中呀，拿你少少汁想食埋個包，我地又唔係貪佢便宜，只係唔想浪費食物。 佢請願外面人客等咁耐，都比汁我地快快脆脆食完，真唔識做生意!好食無用，服務先係最重要。

我係住元朗既，呢間餐廳開張果個月，我開始幫襯，周不時都會去，有時午餐，有時晚餐，因為佢既食物都ok，首張果期服務態度都唔錯，但我上星期五同我的家人晚上十點左右去食，當時餐廳內無乜人，而我就食左野，我陪我媽媽同女朋友食，因為當時已較夜，加上女性晚上不會吃太多，她們只叫了兩碗湯河粉，加多一碟菜，其實佢地都食唔到咁多野，但有位中年短髮紅框眼鏡中國女侍應在寫單時面露不悅，起初我亦不以為然，在我們點完菜時，她語氣勁差咁講:就係得咁多啦，之後就攞走桌上的餐牌，她語氣勁差咁講:你要先再問我攞啦，之後我見佢對隔離枱既態度又好唔同，因為人地點佢介紹既野，之後仲xx，佢無啦啦放左碟唔知咩既野係我枱，跟住我女朋友問佢:唔好意思，佢地唔叫過呢樣野，係搞錯左?，個侍應佢發現自己錯左，老羞成怒好串咁話:唔係你地點既，我唔會監你地要既，~~"我呆左囉，邊有人咁做生意嫁，我之前幫襯時同個好似老闆娘既人講過幾句，態度都好友善，同d野食ok ，我都不時介紹朋友去，但經過今次，以後唔會囉，以我所知，元朗飲食競爭好大，之前都有好多唔錯既餐廳就係因為服務態度導致要鳴金收兵囉，呢d員工真係要再培訓，否則成間餐廳可能就係呢d害群之

蝦子餅兩個老友，大老遠從將軍澳跑入元朗揾我地食飯～嗰兩位都係識食之人，為免有損元朗呢個美食之區嘅形象，緊係要揾間口碑好嘅宴客啦之前有 fd 讚過呢間泰國菜，上嚟呢度又見幾多好評，膽粗粗拉大隊殺過去！咖哩軟殼蟹～呢個係食過嘅 fd 推介！咖哩香而不辣！平常食開咖哩炒蟹要　'loon'殼，但軟殼蟹勝在連殼都可以食埋，啱晒我呢種懶人　軟殼蟹雖然浸响咖哩汁裡面，但難得仍然鬆脆，正薄餅～唔油，但唔夠香口。泰式生蝦～ｄ蝦頗大隻，鮮甜爽口，比同區其他泰國菜館嘅出色！最令人回味嘅係佢個汁，酸酸辣辣，超級惹味，但其實都幾辣。朋友Ａ話應該係用魚露、青檸汁、薑蓉、蒜蓉、泰國青辣椒......所炮製而成。朋友Ｂ簡直想入去問個廚點整！可想而知呢個汁有幾好味泰式拼盤～蝦餅、魚餅、蝦春卷都普普通通，但平時拼盤中我最唔吼嘅香葉包雞，竟然係最好食嘅！仲要係我食咗幾十年泰菜、試過無數間泰菜館之中，最最最好食嘅！雞肉唔會好似其他泰菜館咁燒到乾柴柴，肉汁keep得住之餘，仲要有雞味呢下先難得嘛鹽燒烏頭～呢個係大驚喜　厚厚嘅海鹽包裹住條烏頭，用刀叉片起魚皮，魚嘅香味隨住熱騰騰嘅煙一湧而出，大家都忍唔住搶吃，但搶嘅係魚皮！魚皮雖

終於寫到最後一餐生日飯，連日食幾累的，這頓由我拍板就選了去小茄子吃泰菜，貪其味道好又有親切感，而且特別近我家!　知道餐廳食客不少，特別提早訂位，是日四人也可就坐較光猛闊落的舊翼（新翼那邊環境會較差的!）。是晚一行四人共點了：　　龍眼冰($17)-靚女友人的飲品，看來頗足料清甜，不過我還是飲自己的熱茶，情願晚上回家飲家中的美酒好了!　　咸檸七($17)x2-另一位靚女與老公的飲品，由圖可見兩杯飲品冰量十分懸殊，正正道出女生不宜飲太多冰飲的金科玉律。　泰式醉雞($78)-雞件鮮香、飽滿、酒香醉人，就是好吃。何必再深研泰菜是否真有此中式口味的醉雞?　青咖哩牛腩包($78)-個人至愛的菜式，今次咖哩沒有上次的洶湧澎湃，質感更為濃厚，口味更為濃郁；牛腩則繼續軟稔鬆化入味，麵包也保持外脆內軟，整體仍是美味，得到友人一致讚賞。結果，我再一次吃到停不了口，估計單是這包，就佔去我全晚8成胃納!　馬拉盞炒通菜($38)-簡單清爽的炒菜，正好可中和各項肉類菜式的膩滯感，不錯。　海鮮炒茄子($48)-好奇想試小茄子的茄子菜式，又點了這味小菜。菜式中的海鮮較為平凡，主要是襯托軟稔可口的茄子，而整味最突出是九層塔

一行六日,約8約去到...佢地有2個舖位..好彩咁岩有張6人枱..真係好似boko左咁.其實未食過lee間野見開飯都好似講到唔錯咁就去試下la. 生蝦-唔係太多隻好似得唔知8定10隻..$78有d貴呀..不過算大隻同好新鮮個汁好正~~ 拼盤中size-好彩叫左中size因為都有好多...包括春卷,雞,魚餅同蝦餅我覺得個蝦餅好好味呀..好彈牙熱辣辣..個魚餅都唔錯呀. 粉綠雜菜煲-冇乜特別..d粉絲仲要好碎tim... 醉雞-奇怪地泰國舖有醉雞食..不過又整得幾好味呀..仲好味過出名食lee d既餐廳.. 鳳爪-好味呀...辣辣地但可以接受..好多配料但主角亦都好多..冇記錯好似係$48..食極都仲有鳳爪 黃咖喱豬扒包-入面都有好多塊豬扒..個黃咖喱好香..但個包就硬左d ja..同埋唔夠汁. 飲品-2支泰beer, 1杯龍眼冰, 2杯青檸梳打 第一次飲泰beer,好易入又夠凍幾好. 龍眼冰入面有8粒龍眼好大杯正...青檸梳打唔知我冇飲過但佢d梳打係來自泰國入口既.因應得個樽.最後仲送埋甜品..係芋頭西米.鐘意食芋頭會得唔錯.唔算好甜總括黎講lee間野係好味ga...價錢又唔係貴6個人

慶祝朋友的生日飯　原先想去NEW YORK CAFE 可惜FULL 了經朋友介紹 BOOK 了小茄子　(聽個名都唔似係食THAI FOOD)我地早半日打電話去BOOK 台 所以去到唔使等位但係早到左 所以都係門口等齊人先入去未入去之前 有位店員先比MENU我地點食物 都幾幾NICE! 我地4個大胃王,埋單$410 食左咁多野都係咁既價錢 真係好抵啊!雖然呢度好似唔係好正宗既THAI FOOD但係坐得算舒服 環境都OK 乾淨原先佢地要收每人$15 切餅費 $15 x 4 =hkd60 　（個CAKE 都係hkd68 ）如果要收真係有D 唔抵~可能因為食完都已經10pm 冇咩人　所以最後冇收到下次可以同屋企人黎試下～

得人介紹 呢間thai既咖哩包幾正 於是就去左試喇!唔知係咪12點太早 入面全部都係男人(係地盤人)..嚇親我見佢地個個都食海南雞飯 好似好正咁 我地都點左一個 另點多一個大頭蝦咖哩包海南雞飯 個飯唔錯.啲雞無乜好評 朋友話個汁好味 我無咩感覺 不過整個感覺良好 幾好味大頭蝦咖哩包 麵包得入面食得 外面係石頭咖哩聞落唔係好香 但係食落都好好味既 唔辣!大頭蝦個頭好味 有膏 但係個身就多肉無味 但有咖哩送都ok~得一隻蝦 貴左啲2個人食 超飽..一路食啲人走 終於有番啲家庭黎...個店員同老闆娘都幾好既 有學生餐畀我 雖然我無著校服(我grad左)