小茄子 (已結業)

終於食左成日都排長龍嘅小茄子，諗住會有驚喜啦，點知都係名過其實！手＇去泰國餐廳當然要飲冬蔭功啦！叫左個細嘅，埋到枱已經見到唔多海鮮，飲落都係覺得只有香料味無海鮮味！而且個湯好快已經唔熱，個火好快就熄左，變左只係一碗有香料味嘅湯！大蝦柚子沙律見到張相以為好大碟，上到枱覺得比想像中細！要成$8x就唔係好抵食喇！春卷拼蝦餅個春卷幾好食，個蝦餅就唔得喇，個面好“un”， 又無蝦味，都唔知自己食緊咩.野食其實都過得去，不過樓面喺我食飯咁短嘅時間喺我枱面收左4-5次碟，隻碟一清左就會收!我覺得好騷擾lor!我碟小食夾走晒都未食完個蝦餅，佢連碟醬汁都收埋，雖然出面有人等位你想翻枱想快d, 但係你咁樣做都好趕客！成餐飯我最欣賞冰凍嘅椰青，因為夠凍又好清甜！未食過可以試下嘅，不過我覺得元朗咁多泰國野食唔駛食佢lor!

唔好食, 菠蘿炒飯 得幾塊青口同炒飯 , 另外叫了三碟菜都普通,  價錢亦唔平!! 同埋估唔到佢無service , 都要加一, 叫佢比杯水我, 叫了五次先有人理=.=, 真係有冇攪錯

通常食親泰國菜都會去九龍城食，但落雨濕濕諗起成日經過小茄子見咁多人排隊，又帶埋亜b老公就話去試吓。想食燒魷魚無，叫左刺身蝦，柚子沙律,咖喱蟹，冬陰公加薄餅。野食黎得超快，碟蝦未食完，碟蟹已經黎左，無耐其他都到齊。 講番碟蝦，好味大隻彈牙，是成餐最有驚喜的! 柚子沙律。。柚子肉是澀的，個汁太甜。冬陰公。。唔夠辣一般般。咖喱蟹。。凍左了，有羔但細隻，d腳爪唔見哂d肉有d霉，汁也不值一提。薄餅ok好食但好油。盛惠650大元。 sorry未夠飽諗住叫串燒不過話無牛forget it。 總括，下次想食泰國野都係要出返九龍城。

叫了三道菜1. 芋頭海鮮炒飯: 無乜特式, 普通海鮮炒飯一個, 芋頭一舊舊咁o係d飯入面, 但唔完全唔夾個飯2. 馬拉盞通菜: 唔夠馬拉盞味, 菜味道亦一般3. 三味倉魚: 甜酸冇特別, 但條魚肉質好差, 食落亦有怪味, 好可能係唔新鮮所致, $188完全唔值, $88都俾多佢好難唔俾負評

菠蘿炒飯好味, 加上腰果及肉鬆落D飯度, 好正! 佢為免有人唔食, 是另外用碗上, 挺細心。馬拉盞炒菜, 諗住平平地叫個菜,都好足料, 有蝦乾。飲品叫了耶青, 夠凍, 而且最鍾意刮D 椰子肉黎食。最後, 雖然我地叫得唔多, 佢都送左2件紅豆糕比我地, 好味!男友唔食甜都爭住食~

只點了三個菜，所以未能食出真味！整體很合適一家大小，食品不算太辣，泰國菜來說價錢算頗高，但食物味道很好 。對食泰菜有追求的人，會有點失落，因辣不到喉，香草味不夠濃，酸的帶甜。

有好幾個朋友介紹小茄子給我！全部有讚無彈！所以去試試！ 海南雞河粉的湯是越式牛肉湯，味道不錯，牛肉味濃！可是雞肉無味又肉質乾和鞋！個點雞汁都唔得！只有豉油和薑味！其實碟雞和牛肉湯唔係好夾！清湯會比較好！黃咖哩雞包也只是味道平凡，質素普通的菜式！咖哩味道不夠香濃，一點也不辣，一點也不似泰國咖哩！薯仔多個雞！個農夫包大大個，內裏也非常軟！只可惜咖哩不好吃！失望！泰式小食拼盤裏的蝦餅和魚餅好味！蝦肉爽又彈牙！但蝦春卷和無香葉包住的香菜雞就非常麻麻!!!!  春卷內得隻細蝦, 被多層的春卷皮包着, 食唔到蝦肉, 更吃不到蝦味!!!!  我比較喜歡蔬菜嗰種!!!!  香葉雞是免冶雞肉加入了香料, 跟着整成肉丸.  完全唔係我食過的香葉雞!!!  仲有跟菜單的相有好大分別!!!!   我不太滿意這間泰菜的味道, 所以都係唔會再嚟, 亦唔會推介!!!!!  

食過兩次小茄子,食物ok, 但服務態度越來越差。星期四晚唔算多人, 7:15pm 入座, 一半係吉枱, 食到尾其實都冇人等位。入到去坐低唔夠 5 分鐘, 催左我地 3 次落 order ! 睇野都要時間麻 !之後叫佢埋黎, 先講野飲, 佢好大聲話, "下, 叫野飲?!"咁既反應肯定係驚我地淨飲唔食, 超乞人憎!3 個人叫左 4 樣野食, 青咖哩包, 薄餅, 生菜包, 炒金邊粉, 3 柸青檸梳打, 全部ok。食左大半個鐘, 全程係咁收碟, 一夾完即收碟果種 !最後收淨我地 3 大柸野飲, 我地 d 野飲都未飲完, 全部仲有半柸以上!!佢見我地仲未走, 竟然將幾個乾淨碗筷放落枱面, 客人未走喎! 超冇禮貌, 擺明趕客!個乞人憎既短髮女人, 唔知係咪老闆娘 !服務態度預左你冇, 但趕客唔洗趕得咁過份 ! 離晒譜 !

再落街搵食, 話說食完個飯,不多飽,但又想食甜品去左呢間野 食mango糯米飯!!!個mange大大舊, 好甜...原先仲expect可能好酸!d椰汁仲要好多tim,糯米夠"林" 同 份量適中 , 唔怕食滯上次係泰國食, 一試難忘估唔到呢間都係泰國人做既, 感覺好似冇係泰國咁正, 但都好味個環境都幾好, 唔迫女友都話ok~~~有下次

小茄子之前已經食過數次, 當然食物是不錯. 但訂位服務準則好似唔清唔楚. 一開始訂位, 該女士已經話要人齊等一陣先會有位, 但係冇諗過係1個鐘. 等左約20分鐘問我坐唔坐戶外, 我話唔考慮,因為天氣都熱. 如果一開始攞位時同我講, 我會考慮, 唔係等左20分鐘後先問. 等左約一個鐘, 佢話有張4人枱, 但我地5個人, 佢問要唔要, 當時我話要, 因為唔知仲要等幾耐, 轉頭我地見到有張大枱埋單, 我問該女士可唔可以轉大枱, 佢話要比人, 我話訂左枱都要等咁耐, 佢仲話係呀, 你下次唔好訂囉, WALK-IN可能快啲. 仲話你想轉大枱要再等...... 咩世界!!!! 如果佢唔知咩叫訂枱, 可以參考下其它餐廳, 訂枱係會留枱比客人, 唔係要黎度等成粒鐘.講真元朗大把好野食, 我未必會再幫食佢. 都係果句"花無百日紅"!!!

因為放假  所以去friends去爽下可能因為心情超靚  所以覺得呢餐飯食得好開心 黎食泰國菜就梗係嗌個椰青先啦普通椰青味  好似圖中咁都大個同埋佢雪凍左比你  好飲確保飽肚  嗌左個波羅炒飯  好味道啊但係我地太高估自己個胃容量  食完其他野已經飽飽地最後食唔哂如果係餓果時食會覺得好正  有好多肉鬆係面同埋仲有d蝦係入面 good!我呢d 餵食既  對於泰國既炸野真係鍾情啦簡直有春卷啦  蝦餅啦呢d  但係唯一當中幾舊扎肉咁既野唔好食 ><但係其他都真係好味道  尤其個蝦餅 I LOVE IT仲有叫左幾串串燒  雞串豬肉串好味啊但都10幾蚊串唔算好平  但d肉都好大舊既總括黎講呢間野都食得過  坐耐d都無所謂同朋友食飯呢間都係好選擇黎嫁 

之前聽d朋友講小茄子出品既泰菜唔錯,所以是日就同另外3個朋友一齊黎小茄子飯聚...我地大約8點鐘到,可能係平日所以唔洗等位一座底就feel到裏面好凍,好彩我朋友有帶褸借俾我著今次叫左生蝦刺身,泰式炒飯,泰式炒粉絲,豬同雞串燒各3串,1客薄餅生蝦刺身話咁快就黎到,本人覺得乜汁都唔洗點就己經好鮮甜好好味反而點左佢附上既蒜辣汁會搶左生蝦本身既鮮甜仲有佢個泰式炒粉絲都值得一試,料好足,味道似炒金邊粉果隻味,不錯的!不過泰式炒飯就麻麻地,雖然有蛋皮包住好似有d特式,但入面d炒飯就好普通,而且加左大量好大塊未切開既雜菜,實在有d奇怪... 大廚,唔該先幫我切絲啊~另外豬同雞串燒,薄餅都ok,可以一試

一直想在這裡表達一下食後感，今晚終於的起心肝寫我的第一編食評。三年前已開始幫襯這小茄子，當初的感覺是平、靚、正，之後也去過不下十次，但後來真的覺得差了，已有一年沒去過。今日媽說想去元朗食泰菜，一想就想起小茄子，訂了枱也不用等就可入坐。酸辣鳯瓜 - 不夠凍也不夠酸，除了辣也沒有其他味道，口感也不太爽。咖哩軟殼蟹包 -咖哩汁還夠香，蟹同包也可以，但只有五小件蟹收費$88，跟包要加$30，$118吃這碟菜也真的有點貴，汁也非常少。冬陰功湯- 這算全晚最好的，夠熱夠辣夠酸蝦也多，值得一讚！👍👍炸蝦餅和串燒-這兩款沒什麼特別也不難吃。豬濕炒河粉- 非常難吃，好似有六小片瘦肉加河粉一起再打個獻上去咁，越食越火😡最後還有一個什麼原隻椰青焗飯，沒有原隻椰青改用碟上也不要緊，也不要淡到同冇料到好似食白飯咁😡😡😡本來每次都會食埋甜品，但因太失望而不吃了。走時見到仍有好多人等，心想他們知道這已不是以前的「小茄子」嗎？最後一提是接電話訂枱的女士非常沒禮貌，我訂7-8位，其實只是相差一位，為何她用不耐煩語氣說：究竟七位定八位？是否七位比六人枱人位比十人枱呢？記得以前的小茄子很親切，尤其老闆娘，但現在已是不耐煩的

食泰國菜又點小得生蝦,,一坐低就叫左3碟生蝦,夠晒冰凍,汁料味道剛好,不太酸又不太辣。店員推介咖喱蟹包,但大家一至認為咖喱牛腩,好食d.大蝦冬陰公,虾頭勁多羔,其他食品沒什麼特別,都算不錯,但馬拉盞通菜千萬不要選擇了普通家庭食反,也是一個好選擇,低食服務冇

超人氣的泰菜~由泰國人主理,樣樣都係水準之作!!!必食推介: 泰國生蝦,冬蔭公湯,生菜包泰國生蝦,非常肥大肉厚,連同苦瓜食,清涼消暑,即係食埋炸蝦餅都唔怕熱氣~豬肉碎生菜包:炒得辣辣地,再加上生菜可以加(好似冇收錢),真係好開胃大蝦冬蔭公:唔會得酸同鹹,真正大頭蝦~~蝦頭仲有羔,正呀~