小甜谷 (已結業)

今晚放左工一條友無目的地遊到小甜谷…只想食點甜品平衡一下 試左新野 , 咖啡三重奏 $27面層有點咖啡Jelly粒粒, 咖啡味平均, 不會太濃, (太濃會訓唔著) 質感滑溜, 不過有點貴 ...但在三十度的天氣下有點不夠凍的感覺, 未能回氣, 還有很多新野想試, 結果理智勝了魔鬼, 埋單去Tiff 買麵包 。

因為知道佢地出名係奶類甜品, 所以我地5人盡量都食食奶.d 奶類甜品真係又滑又香牛奶味, 而且唔係好甜感覺健康. 喜歡燉奶既朋友仔食完已經話要再黎.腐竹蛋糖水個蛋, 真係糖心架.比其他傳統糖水舖, 呢間真係有特色. 夏天完前要試下佢地個大碗冰先.

久仰大名的小甜谷，今日終於有機會一試，於銅鑼灣用餐後便走到大坑，等了約15分鐘便有位了......選了我喜愛的芒果，也選了用有名的北海道牛乳而成的芒果奶凍，果然很有奶味，加少許花奶已很足夠，而且也很滑，口感不錯......

好熱鬧的的甜品店,人多,非常擠迫,too bad! 不過,如果食物夠好,我也是不介意,但係.........!!!!!!!!!!北海道牛乳燉蛋白: 話是招牌,所以點了。很可惜也很失望,一啲都唔掂!最基本,連滑都唔夠滑,已經好失敗! 只掛住攪gimmick,標榜北海道牛乳,但最基本都做唔好,好失敗,我阿媽做的燉奶都做得好過佢!加上店員都幾無禮貎,應該不會再去!總之,只是一間明星效應,話自己好有誠意,但實質令人質疑的店子!

還記得不久前的電視節目中, 老闆谷祖林聲稱他們開設此店目的為了讓食客可享用高質素食材的甜品。為了這一句話, 特意慕名到訪。由於天氣太熱, 確實未能一嘗節目中力推的中式滋補甜湯, 見餐牌上唯一有圖片介紹的冰沙系列, 心想人人也賣冰沙或台灣冰等冰類甜品, 以高質素食材作賣點的小甜谷, 應不會死錯人。於是點了"飄雪椰皇冰沙"。我是椰皇粉絲, 凡有椰皇製的甜品我都會試, 不過這裡的椰皇冰沙令我大失所望, 不但沒有一點椰皇的味道, 更不要妄想有椰皇肉, 只有甜而不香的罐裝椰汁味, 如一般泰國菜館有售的椰汁冰一樣, 沒有誠意可言。冰沙是要把冰打成沙一般細滑, 軟軟的綿綿的才為之合格。這裡做的是冰山中混合很多很多如紅豆般大的冰粒。起初吃時, 咯咯有聲, 狀甚有趣, 不過當每一口冰沙中都有3至4 粒冰粒時, 牙關也軟了…結果, 我們一行兩人分享一份, 也剩一大半, 吃不下。眼見其他食客點了各種味道冰沙的, 情況一樣, 也剩下一大半。還點了一客桂花糕。 老實說, 不是非常出色, 不過大熱天時下, 一口涼涼的桂花香, 倒是不錯的選擇。值得一提是店員非常殷勤有禮。

在銅鑼灣吃完晚飯後，跟朋友特地走到大坑試一下小甜谷的甜品。時間差不多１２點多，鋪面很小，但也有蠻多人的。想試招牌的特濃牛乳燉蛋白，但只剩下熱的，這麼熱的天氣可吃不下的啦。再叫奶凍，但他們說所有奶凍也賣光了。再想試一下他們的芒果糯米滋，也賣光了。那最後只好叫冰沙，我們３個人叫了３個，分別是芒果梳打冰沙，藍莓士多啤梨冰沙，還有飄雪椰皇冰沙。剛吃的時候真的有很舒服的感覺，因為天氣真的很熱，可是愈吃愈凍。我看到對面的呀婆也叫了一個藍莓士多啤梨冰沙，她也很不容易的才把它吃光，還吃到咀都歪了，聲音也變了，所以最好２個人吃一份。還有冰沙的味道也不夠。服務方面了，其實心裡也有準備，不會有任何期望，因為這麼小的店，人又這麼多，街坊的服務品質其實也差不多啦，但要記住要早點來，不然只好吃冰吧！

果然只係名星效應, 食物質素同報導名不副實, 食完超失望。1. 招牌北海道牛乳燉蛋白: 唔知有乜咁好味, 一啲都唔滑, 又唔係食到好香既奶味, 真係普通過唔普通囉, 呢啲質素, 周街都係...2. 特濃朱古力酒心奶凍: 面頭有層好假既朱古力, 係敗筆之處, 下面啲奶凍同個燉蛋白一樣, 只係變左朱古力味, 唔知2者有乜分別, 仲有最諷刺係食唔到酒味囉....仲有面頭無拉拉有幾條橙皮, 但係個名明明無話有橙, 如果唔鐘意食橙既人叫左一定好失望...3. 梅子西瓜冰山, 見圖成個西瓜好靚, 但係黎到原來係無原個西瓜, 好呃人, 咁落單個時應該講清楚, 咁食都食得甘心啲。黎到食唔到有梅味, 佢話幫我地換個一個, 原來只係面頭多左粒梅咁大把, 且仲要細份左好多, 超失望, 好心佢就唔好叫梅子西瓜冰, 就咁叫西瓜冰都仲可接受!!原本仲有叫左個紅豆味既冰山, 但係等十世都未黎, 催左幾次都無反應, 決定走人 !!希望佢地會檢討一下, 控制下品質既穏定性....仲有唔好再請阿呆做伙計...

最初係見到呢間野用個菠蘿同西瓜做底幾得意先有D興趣去試下...(之前d食評有圖).....點知..竟然被人呃o左...o黎到o既時候竟然唔係的....問d職員佢話而家已經唔係了...但係佢個menu係清楚寫明係(原隻)同埋d圖都show埋出黎.....未食前已經扣左分。點了一個檸蜜菠蘿冰山 及 藍莓菠蘿冰山 , 檸蜜菠蘿冰山 - 太甜...d味好怪...藍莓菠蘿冰山 - 好少少喇.....但好似冇菠蘿味咁....HKD$32 真唔抵食。

聽聞係谷祖琳開嘅甜品舖，特意前往見識見識。試了一客北海道特濃牛乳燉蛋白。奶味濃度都OK嘅，不過唔夠滑同香。老實說，質素和其他甜品屋差不多，未必會再特意光顧。

今天與朋友吃完晚飯，意猶未盡，想去吃甜品，於是去了小甜谷。因為明星效應，所以很多人等位，我們都等了差不多15分鐘才有位。間舖太細，又人多，所以很擠迫。我與友人叫了兩個蜂蜜菠蘿冰山，一個藍莓菠蘿冰山。過了一會，朋友的蜂蜜菠蘿冰山已經到了。等了差不多半個鐘頭，我的藍莓菠蘿冰山遲遲未到，但我看見另一枱比我們遲黎的都已經有藍莓菠蘿冰山，於是向店員詢問，佢話兩杯藍莓一齊做的，好快就到。於是我又等。再過一會，我發現佢地出的冰山唔係藍莓味，而是鄰座的椰子味，於是我又向店員查詢。那時一個身穿白色恤衫的男人走過黎，我將事情告訴佢，佢就好串話，人多做唔切，我話等了差不多45分鐘都未到，佢話咁駛唔駛同你取消order…嘩, 態度勁差，劉德華都有講啦, 今時今日咁既服務態度唔得架….呢間店舖仲要係藝人谷祖琳開，咁既服務簡直唔掂。我話我唔等都等了咁耐，你快點整好比我…於是佢地很快就攞了一個西瓜冰山，我咪話我係要藍莓味, 唔係西瓜味。於是佢地又換，最後等了差不多一個鐘頭，我的藍莓冰山終於到手。但是無論在味道顏色與鄰座的相比都很差，因為鄰座的顏色很深色，而我那一個好明顯係求其整比我。總結而論，無論在服務，食物味道方

一行三人慕名而來點了咖啡三重奏: 賣相不錯 不過沒什麼太大驚喜木瓜雪耳: 朋友說有點太甜淮山杏仁茶: 我覺得很滑 夠白 亦不太甜~不過溫度差一點，不夠熱~那晚星期日 11點多來到人很多不過伙計仲多7個伙計、6張台......以食物份量計，收費貴了點，特別是木瓜雪耳.....伙計態度真係差d，叫三次先知我地想睇menu

I went there with my friends the other night. It's not 9pm yet and it's packed already!We waited for awhile and finally got a table. I highly recommend 荔枝奶凍!We tried the 豆腐花 too, but it's only so so!!!

同老公專登揸車黎試試,鋪頭唔大,不過都已經坐滿,仲有幾個客人等緊枱,於是我地決定外賣,由於我同老公都幾飽,所以淨係叫一碗芝麻胡算數,不過等外賣都等左5分鐘,攞左之後我地上車食,不過碗野係激熱,不過就好香芝麻胡既味道,過左一陣打開黎食,都嘩嘩聲~~~~~芝麻胡好似水咁第一啖唔算甜,不過好粉,好似開唔勻咁再食多兩三啖就越食越甜,芝麻胡內有蓮子,蓮子超超超甜,同碗芝麻胡一d都唔夾結果我地兩個人就連一碗芝麻胡都食唔哂,因為真係好難食,但係都要$16一碗,如果阿谷姐姐有睇呢d網站既話,麻煩再比d心機去做先得喇,人地大良八記都係收$16一碗,不過真係好好食!怕且短時間內都唔會再去幫襯住喇,遲D再跟進下D食評先喇!

星期日跟舊同學食完晚飯，來了大坑的小甜谷吃糖水。 如果沒有興趣細看內容，我簡單一個字評分 - 「劣」。 餐牌上的甜品款式不多，我不喜歡沙冰，八月的香港天氣也不容我點熱騰騰的中式糖水；經驗告訴我除非是專賣豆製品的，否則大部份糖水鋪的豆腐花都是沒豆味的塊狀石膏，替我們落單的待應沒有更正我以上發言。心想：「那應該不要點豆腐花吧。」最後我點了個簡單的芒果西米露 ... ... 一碗白色的液體端上枱，拿起匙來攪動一下，才發現零碎的西米與長闊均為 5mm 的芒果薄片，可能因為客人多，材料不夠應用，別怪他。芒果是酸的，夾雜在整碗像加了大量糖的椰汁 ... 西米十分爽口彈牙。且慢，我不是在大坑吃魚蛋粉! 西米還未煮腍吧! 禮貌地要求待應容許我更換另一款糖水，待應再拿餐牌過來，今次她終於有個提議 ...「妳唔鐘意食甜野就叫豆腐花啦，得豆腐花唔甜咋喎。」奇怪，喜歡甜食的人會大匙大匙地把糖送進口的嗎? 算了，既然沒有太多選擇，就聽待應小姐的話，換了一客芝麻糊豆腐花。 這次換了一碗黑色的液體端上枱，大家也以為來錯單，後來撈了好幾下才可以看見零碎瓦解的塊狀石膏。吃了一小口，芝麻糊很杰，應該是雪得太久，水份被抽乾

最近，市面上更不停湧現標榜 「3.6」 的副產品，例如銅鑼灣的北海道牧場餐廳以「3.6」北海道牛乳炒蛋博出位，就連位於荃灣的台式奶茶店也以 「3.6」 牛乳沖茶作招徠。究竟這種據稱乳脂量達 3.6% 的北海道牛乳有何過人之處呢？為了一嚐 「3.6」北海道牛乳的攝人魅力，某晚在銅鑼灣吃過晚飯後，決定拉大隊入大坑幫襯「3.6」始祖 － 小甜谷。到達時已是十時多，但店內外人流不絕，看來特色甜品加上明星效應，人氣是必然的，也值得為美食等一等。入座後不用細想，立即點了熱的「特濃牛乳燉蛋白」及「特濃牛乳薑汁燉蛋」各一客，其他朋友則點了較傳統的中式糖水潤一潤喉。由於被安排坐於店外，在暗黃燈光下，影出來的相片失敗透極，也分不出杯中物是蛋白還是蛋黃了。話說回來，以日式小杯盛載的燉蛋白及燉蛋賣相十分討人歡喜，味道則沒有太大的驚喜。首先，「特濃牛乳燉蛋白」散發出來的奶味實可跟澳洲牛奶公司、義順齊名，絕對夠濃夠重，而燉蛋白的質地如常滑溜，惜份量偏少；而「特濃牛乳薑汁燉蛋」則教人有點失望，牛乳味及薑汁味嚴重失衡，有如陳年廣告話齋，「如果太多牛奶味，薑汁味就無掟企」，薑汁味全無下，這客燉蛋的味道其實跟燉蛋白沒有分