小甜谷 (已結業)

又係姊姊買野食返黎既時間,上次試左3.6奶布甸,今次試埋咖啡三重奏,便可以Close File喇(因為睇其他野似乎麻麻)。面o個朕咖啡蒟蒻粒粒,煙韌之餘,(因為布甸奶成份多,啡味少)佢亦係support布甸的咖啡味,加埋脆片,就錦上添花喇!感覺上咖啡布甸,無牛奶布甸咁滑,不過都好好食。喜歡咖啡味；喜歡三重奏口感

星期日食完中午飯 想去 '小甜谷' 度試下去到剛開舖 坐低時仲準備緊d甜品個個都掛住整野 個經理又忙緊玩手機問佢地有冇'特濃朱古力酒香奶凍' ~ 冇﹗ 有冇凍豆腐花 ~ 未有﹗都唔知點解唔準備好晒先開舖, 個個都係慕名而來....真失望上次睇電視做訪問又話唔甜好健康點知.... 不外如是 名大於實 ~~~ 呃人既 ~ 我碗 '木瓜雪耳糖水' 甜到丫男朋友果碗紅豆豆腐花又'鞋' So Bad 未至於難食 不過冇特別囉唯獨係果幾粒 '炸香芋丸' ok d ~ 冇下次啊

睇完舞火龍, 去咗小甜谷買外賣番屋企同家人一齊品嚐。一直無機會試, 因為好多人、又唔就腳、又怕只不過係明星效應。今次有機會入大坑, 所以決定買外賣一試。由於佢標榜自己係用北海道特選3.6牛乳, 所以就梗係試用牛乳的product啦。我叫咗2個特濃牛奶燉蛋白、1個咖啡三重奏(本來想叫mocha的, 不過無哂)。買到番屋企, 個賣相都無咩點變, 都ok喎…試咗一啖咖啡三重奏 (因為本身我唔like coffee味)…ok可以接受….再試試期待已久的特濃牛奶燉蛋白….味道ok, 都幾滑..不過食唔出係用北海道特選3.6牛乳…唔係話唔好食, $25一杯亦係正路價錢..不過..個味同”大良八記”差不多….未必會特登再入大坑食囉。

和女友在中秋夜逛過了維園及看了火龍後，我這條餓龍又要找吃的了，既在中秋佳節，人月兩團圓，當然要吃湯丸吧，一於找一所甜品店吃吃，走到大坑，當然想試一試人氣小店小甜谷吧。來到的時候，也真的很多人啊，幸好它們也加了點露天的座位，所以座位多了，很快我們也被安排入座，坐下後也先看看餐牌，也有蠻多選擇，由傳統的至新穎的也有，最後除了吃湯丸外，也當然點多兩款一起吃。先來的是特濃牛乳燉蛋白，聽說店家是用了北海道3.6的牛奶，當我用滿有期待的手，用匙羹舀一羹沾上嘴唇已知出事，牛乳燉蛋白都不是很滑吧，跟我上回在澳門保利牛奶公司吃的是兩碼子事，而牛奶味也不是特別強，比澳牛的更弱牛奶味，而蛋白味又真的不太強，真的是兩頭唔到岸，賣上廿五元一小杯，真的物非所值。湯丸三粒只售八元，比正價十六元得五粒更經濟，跟麥提爽的理論背道而馳，湯丸一小碗裝有一點薑湯，薑湯甜度適中，吃起來很辣，對我的口味，若來一碗蕃薯糖水一定很棒，說回那湯丸，湯丸皮偏厚偏韌，咬起來不黏糯沒有油香，在內的麻蓉餡也好不了到那裹，芝麻香不太強而且偏甜，而且可能店家想大家健康一點吧，沒有用上足夠的油開麻蓉，吃起來的麻蓉餡又怎會香呢？見到有酒釀丸子，也曾經

因為上次嚟食唔到特濃牛乳燉蛋白今次特登再嚟試估唔到經驗一樣咁難忘三點幾去到唔係好多人但都冇吉枱咁個位黑口黑面既阿姑就叫我地搭枱啦我地見有一對情侶坐喺四人枱攞緊錢出嚟準備埋單咁咪同個位阿姑講話我地等呢張枱囉點知呢位阿姑竟然話: 呢張枱咁迫你地坐唔到個喎我地一行三人, 佢竟然話我地坐唔到呢張四人枱咁我地咪話: 我地三個人咋但呢位阿姑死都唔比我地坐死都要我地搭枱真係好莫名奇妙囉如果你留咗枱比人咪出聲囉定係你發雞盲見唔到呢張係四人枱呢最後我地都等對情侶走咗坐呢張枱個位阿姑當然黑晒面啦講番啲嘢食叫咗特濃牛乳燉蛋白(因為無熱所以唯有食凍) - 一入口好粉, 唔滑, 奶妹唔夠濃, 食到底就覺得好滑, 唔知點解, 但太遲囉荔枝奶凍 - 濃郁荔枝味, 夠滑, 好食, 但太貴酒心朱古力奶凍 - 面有層朱古力幾特別, 朱古力味夠濃, 好食, 但完全冇酒心味, 接近$30偏貴埋單$81, 比錢多謝都冇句, 仲要望都唔望咁找錢比人, 好似殺咗佢全家咁, 態度惡劣唔知個位年近四十紮住條辮塊面又黑又寸既阿姑係咪谷小姐啲親朋戚友呢我只係想同谷小姐講唔係淨係靠名氣就得就算你啲嘢幾好食啲服務咁差一樣會趕客仲有我唔知大坑既

食完晚飯, 一行四人, 去咗大坑食甜品 1) 3.6 特濃燉奶 $25 x 2 (味道普通, 差不多食到底時, 我的一杯底部好似有d焦糖, 但朋友的一杯沒有, 他還取笑我"你果杯燉"燶"咗!)(2) 綠豆沙 $16 (淡而無味, 沒有加入香草, 只有幾條海帶, 連香味都冇)(3) 合桃糊蓮子杏仁茶 $20 (內裡有d異物, 都唔知係合桃碎, 蓮子碎定還是杏仁碎)Total : $86名過於實, 唔試也罷 !

係銅鑼灣食完比較濃的晚餐, 味蕾好似差咀D野咁, 原來係要有甜品的中和, 所以就同肥仔嚟左小甜谷. 好好彩啱啱走左轉客, 唔駛等.佢一直都標榜自己用的係日本奶, 咁梗係要試主打嘅特濃牛乳燉蛋白, 另外仲叫左,芒果奶凍 同桂花榚真係估唔到, 個桂花糕係可以用難食嚟形容, 桂花香唔夠, 質地唔夠軟熟,而且佢地控制唔到個甜味, 食完後會有少少酸 只於個芒果奶凍, 個味冇問題, 好香, 但係佢做到個奶凍太軟, 唔夠實, 食到杯底就已經水汪汪.到最期待的特濃牛乳燉蛋白, 好一般, 如果大家有去澳洲或者義順, 一定唔會覺得呢度個特別好食囉.講到底, 呢度最大的賣點唔係好好食的甜品, 而係明星效應

我哋經常去浣紗街食晚飯嘅, 小甜谷亦去過幾次. 今晚六點九去民聲食飯, 咁早係因為怕冇位有排等. 食完民聲去食小甜谷嘅芒果奶凍. 大約七點九去到冇乜人, 就坐橫街開大門嗰張枱, 但係好鬼熱, 就轉張埋邊嘅枱. 雖然當時冇乜人, 但係黏住雪櫃同近水吧嘅六人枱(兩張四人枱黏埋)都有一個同兩個客坐緊, 咁我哋就轉去走廊口嗰張四人枱, 當時有個職員响張枱上面擺咗好多甜品杯預備倒D甜品(好勁咖啡味)落去完後拎去雪. 個着白恤衫黑褲嘅男士(經理啩)叫我哋坐番去開大門口張枱. 我話因為好熱所以啱啱先响嗰張枱轉過嚟. 而且我哋兩杯甜品唔會阻你好多位, 當時又冇其他枱可以坐. 個倒緊甜品嗰位女職員重同我哋講唔好意思. 但嗰個所謂經理就不斷叫我哋轉枱, 隔離枱pair couple啱啱食完, 即刻起身走讓張枱比我哋. 我哋開頭以為個經理咁堅持我哋轉枱, 係驚我哋會汚染倒佢哋入緊杯嘅甜品. 如果係, 點解個經理唔叫佢個職員响雪櫃隔離張六人枱倒甜品呢? 因為當時張六人枱有一邊黏住個雪櫃, 我哋坐唔倒埋去, 六人枱嘅另一邊坐咗人. 但係既然我哋隔離枱走咗, 加上我哋以為佢哋咁講究衛生, 就算啦, 唔係我就會起

續mimosa的食評於mimosa帶走兩件拿破崩後便往小甜谷進發友人說天后跟大坑距離很近如果是平常的日子大概趣談幾句就到了只是在滂沱大雨的今天從電氣道走到小甜谷足以使人狼狽不堪的確來小甜谷是本來沒打算的所以也不知道原來這裡三點才開店和朋友到達店外是兩時四十五分左右知道店員有需要為開店打點一切雖半身濕透 也不敢問可不可以先進去什麼的原以為要在外頭撐著傘等上十五分鐘了但未到三點 店員探頭出來說可以先進去雖然也等了個十分鐘 但體貼客人的心還是有的坐下後便見牆上多幅的明星照明星效應也無妨吧 大家也受落嘛友人點了朱古力奶凍一號和二號記得一個是mocha一個是酒香朱古力 只是我不會分了另外也有點桂花糕自己則是叫了一杯紅豆冰沙奶凍和桂花糕有淺嚐一下我原來就不怎麼喜歡朱古力的奶凍感覺就像是溝了很多水的朱古力再凝固還忘不了pancake colours的惡夢所以這兩款朱古力奶凍我也覺不討好但也許喜歡它的人會認為不錯的?像友人就說不錯吃桂花糕像在吃大菜糕~沒有其他味道紅豆冰沙很大杯紅豆味是很重的 不過味道只屬一般跟紅豆冰是完全的兩回事呢總括而言~沒有什麼教人驚喜的地方就是一間食物款式較新穎 有個明星老闆的

家住附近， 聽聞有很多人幫襯， 即管會一會。到達時人很多， 叫外賣。兩個中式糖水， 芝麻糊和合桃露。很普通， 有點淡， 水多了。相信是外賣的原因， 俾多次機會。叫了兩杯奶， 芒果同木瓜。 一般jeh下次不會再去。

成日經過大坑都想試吓小甜谷嘅甜品 , 人人都話好正 , 更加大期望. 咁啱做完 seminar , 有d肚餓想食野 , 就去試吓以牛奶特濃出名嘅甜品.去到大約下晝5點多d , 都有成4張枱 , 生意都幾好 , 唔怪得d人話晚飯時間後 , 一定要排隊啦. 我叫左個熱嘅"特濃牛奶薑汁燉蛋". 店員於10秘內張個燉蛋送到 , 摸吓個瓷杯 , 唔多熱喎. 雖然個賣相唔錯 , 但係一個熱嘅甜品唔夠熱 , 已經有d失望. 食落更加失望 , 完全無薑汁味 , 牛奶味亦唔濃 , 蛋味就一般. 質地無疑是非常滑 , 但係我覺得似食緊台灣統一雞蛋布丁多d.

姊姊又買野食番來。「order」了特濃牛乳燉蛋白,唔知係咪帶走關係,響盒度焗住,番到黎,有好多一個個氣孔,唔靚仔。食味,連小吃甜品的爸爸和老公,都第一句話,嘩!好勁奶味呀!「3.6」果然係唔同D。質感黏黏軟軟的,好好食!今日沒有咖啡三重奏(真係太失望了),揀了荔枝奶凍,由於天氣太熱,佢都溶溶地喇。那朕荔枝味重到,都唔知佢係真荔枝,定係罐頭荔枝味,係遍甜的!奶味就正正是配角了。Anyway,都幾好食,「3.6牛奶」萬歲!

來到大坑,就順道來試一下小甜谷幸好早了食晚飯,所以7時多來到只有1檯人我想大家還是剛開始食飯中吧~不用同人迫和等位已經好好了看了一陣餐牌,好多東西都想試,奈何只得2個人最後選了"荔枝奶凍" & "西瓜沙冰"先嘗一口奶凍,真的是好濃的奶味,反而荔枝味是淡淡的,是特色嗎?之後西瓜一上就有點失望了,因為沒有西瓜仔陪襯是否因為成本高改了做法?還是因為西瓜剛好沒有了西瓜沙冰好清甜,好透心涼,在嚴熱的晚上帶來了一絲涼快不得不提那顆梅子,真的好好味如果下次再來時,要試下其他甜品店中的牆上都排滿了明星的友情客串照片,等甜品來時都可細細欣賞下

3/9(四) 9pm"皇悅"一役後,我倆沿銅鑼灣道徒步至"小甜谷",欲撫平味蕾,來了碗百花蜜杮燉蘋果$20及土耳其無花果燉黃耳$22.百花蜜杮燉蘋果--友人呷一小口已面有難色,味道瞎甜得來有點不迫真,不是我們的那杯茶...土耳其無花果燉黃耳--比起前者,此道來得清甜傳神多,甜度剛好的無花果配以爽口的黃耳,不錯!平日的晚上,此店也人氣高企,難怪已將版圖擴大至西環.至於是否名過於實,或許有待下回分解.

一路行一路"媽" 既一餐飯後, 要搵d 甜品順順氣呢 朱古力奶凍 $29 : 下午茶先食左awfully 朱古力雪糕, 今晚又黎多濟, 真有點頂唔順, 不過唔係我叫既, 所以無問題呢, 點都試一啖, 面有點橙皮, 濃郁朱古力味…好溜啊 芝麻紅豆沙(凍) $18 : 呢到出品既紅豆沙係我心目中有一點地位, 而芝麻夠香滑,凍冰冰又不太甜, 真係實在太好啦 !