小王牛肉麵 (已結業)

之後去過另一間小王牛肉麵食過，覺得不錯。今日黎到鑽石山又見到小王，而且冇人排隊，於是決定黎食晚餐。叫咗個鹽穌雞飯，雞扒超大份，外層炸得好鬆脆可口，唔會過咸，內里的雞肉都有肉汁。不過雞扒雖然size大，但好薄身，冇咩口感。配埋旁邊啲青瓜一齊食感覺清新啲，唔會咁“劉”。整體還是不錯的。

今日行山完成要獎勵自已去食小王，今次超大份量，一個半筋半腩粗面，鹽酥雞，珍珠奶茶$100左右都合理好味道半筋半腩好淋身而香口，好有牛肉香加上有藥材湯汁更香濃，面質選擇粗身面，口感一流加上面身夠滑身的確好味道，但今次湯汁淡左少少有點失望鹽酥雞炸得香口而吾油身，咬落去皮脆口而雞肉嫩滑，份量不少，推介必食小食珍珠奶茶失望，淡口冇奶茶味，珍珠淋而冇口感

環境幾好，剛好過了午餐時間，可以兩個人坐卡位。半筋半肉粗麵: 筋不太入味，肉半肥瘦，入口易咬，但湯底偏咸追加酥炸花枝: 28蚊4粒，無特別珍珠奶茶:凍飲用碎冰，未食到珍珠，先要食冰

每次要在鑽石山荷李活商場搵食都令我痛苦萬分，可以選擇的實在幾多，如自己一個人，到最後很多時都會走進這間從台灣傳過來的牛肉麵店，每次不會有太大驚喜，但總不會令人失望。自己每次來，點的東西都大同小異，首先麻醬A菜是必然之選，一定不會令你失望，沙律，菜的新鮮度是首要條件，這裡的菜每次都非常爽口，配上麻醬，簡簡單單但已是一度非常好的開胃前菜。今天選了牛三寶配粗麵，三寶即時牛肚，牛筋和牛腩，湯底味道是偏濃的，初開業時他的湯都帶有濃烈的中藥味，可能要配合香港人口味，現在的湯頭已比較清淡。麵質方面，吃了幾次總覺水準比較飄忽，以今天為例，就感覺煮得過稔，失了台灣人常說的QQ口感，算是今天比較令人失望的地方。另一個點的小吃是一口鹽酥雞，係好熱氣，但又真係好香口，淮鹽的份量落得剛好，不會過咸，炸粉比例亦不會令人咬落成口粉，對比今天主角牛肉麵，這個小吃做得更加出色。每次來小王，可能不會令你十分滿足，但總不會在你步出餐廳時感覺被搵笨

元旦夜喺鑽石山食咩好？好似度度都咁多人⋯最後簡左小王牛肉麵。貪佢個肉燥飯唔大碗，食唔哂唔洗浪費！不過味道好似比以前遜色⋯⋯偏淡！又唔夠汁⋯⋯ 老公叫左個半筋肉幼面⋯⋯ 牛筋夠林但係唔入味(或者根本就係冇味………) 牛肉切得太大舊所以唔夠林！而牛肉面最重要嘅湯底，佢都做得比較淡…就算啲酸菜落到成碗都係都挽救唔到………我地叫左個沙茶茄子四季豆⋯⋯ 沙茶醬ok但偏咸⋯⋯茄子也偏林⋯⋯一般中的一般，價錢就偏貴⋯⋯下次唔會再考慮！我地仲叫左個滷豬大腸⋯⋯ 上枱果陣見佢都大大碟諗住都抵食丫，點知一夾成層豆腐墊底實則大腸都冇乜幾多舊………不過佢個大腸都Ok入味，不過啲異味辟唔走，呢點要扣分……P.S. 啲豆腐好實，一啲都唔好食…………

已不是第一次來到小王，也許是對高雄有一份情結吧，對這台灣二線城市有莫名的偏愛，那牛肉麵的滋味最是讓人難忘。這家小王已光顧多次，每次總是覺得還是牛肉麵最好吃。這次跟老公前來，被他搶先點了我的心頭好半筋牛肉麵，而我就被桌面的台南菜式推廣所吸引，點了台南新竹炒米粉。滷豬手($39)炆得非常軟稔入味，滷香十足，老公十分喜歡。 半筋牛肉麵($58)深茶色的湯底，呷一口是濃濃的肉香，帶點藥材的香氣，味精當亦不可或缺。 扁身白麵非常Q彈有靭性，掛汁力强。牛肉味濃重，炆得稔滑，牛筋更是炆得起膠，鬆化易入口，且件數不少，讓人吃得滿足。台南炒新竹炒米粉($62)為了我的台南情結而點上台南新竹炒米粉，卻是讓人失望的。 新竹米粉爽身度不足，是一早炒好的，也欠了點鑊氣，配料十分大路，肉絲，菜絲，唯一的古早味來自那點點豬油，可惜一點也不香口，吃起來就像尋常茶餐廳炒物，是欠缺誠意之作。一層之隔的莆田做得比這兒好得多。老公最愛朱古力雪香($24)，可可粉下得重手，奶味較輕，一貫的台灣飲品濃甜，味道中規中矩吧!而我還是鍾情珍珠奶茶($24+2)，這兒的茶味甘濃，不過甜度高了一點。加配的燒仙草比配珍珠來得特别，才只加2元

大型商場成日見到有分店通常都麻麻地即管試試，牛肉麵湯底嗅落好重藥材味不過飲落似豉油水，牛肉夠林不過已經冇晒牛味，鹽酥蚵仔粉漿又厚炸到乾晒都唔知食緊咩，麻醬A菜最穩陣淨淋麻醬，洛神花雪梨茶全無味道只係飲緊小小紅色既水，個牛肉餅都唔知咩味又騷又糊杰好嘔，咁貴價錢食餐失望飯

午飯時間， 一家三口行到好倦， 搵到呢間食， 我們都是第一次來。點了個半筋半肉粗麵， 老水三寶。擔仔麵最唔掂係個擔仔麵， 無咩湯， 問佢地仲咩咁少湯， 侍應話是這樣的， 但湯是沒有把所有蓋著， 只是有三分一湯， 好離譜。其餘既半筋半肉粗麵同老水三寶就好正， 麵既湯好濃， 牛肉好諗好正， 我仔好鐘意。 個三寶有牛肚， 牛展， 牛筋， 份量唔少， 牛肚好諗， 好入味， 牛展既筋好有咬口， 好煙韌， 牛筋當然都好諗， 所以都唔錯， 底部還有青豆， 豆腐， 都唔錯。

因為去新蒲崗開會，完會後剛好是午餐時間，大顆兒去了荷里活廣場找吃，同事甲話想食小王牛肉麵，就是這樣，今日的午餐就食台灣菜了！先來的係同事的牛肉麵，我夾左一塊牛肉來吃，的確炆得幾鬆化又夠入味嘅！我叫左肉燥鹽酥雞排飯$65， 大概等左十分鐘先上枱，明顯地雞件係即叫即炸，單看份量都有大半塊 豪大X雞扒 的大小。至於味道呢！？鹽酥雞外皮好脆，但好咸，食左一啖就感到好口渴，應該味精都下得不少，肉燥，入口係帶少量甜，我覺得尚算正宗吧~加錢點了花枝丸，都是同一問題，好咸！所以一粒起兩粒止就算，不過口感都算幾彈牙！另外點了 蚵仔煎，都是即叫即煎，不過一上台全場呆左，咁o既樣的！哈！成個煎餅食落粉都下得幾多，質感偏向軟淋，沒太大的酥化感，所以都幾膩口，所以食左一件我已經投降了～總括來說，味精太重，應該無下次啦！

今日去小王牛肉麵吃午餐吃了～點了3個菜, 二人吃。 沒人等位,所以很快取到位了。肉燥飯(圖上) :好味，夠滑！夠汁,甜甜的,我喜歡。半筋半牛肉麵(圖下右方): 全部都夠滑啊！最喜歡滑滑的牛肉～蒜炒油麥菜味道一般,清淡,夠健康。不過吃完有點口渴～比較適合白天吃～全部連加一後162元，合理價錢，因環境挺好,坐得舒服。

今日食野邪惡一d,叫左椒鹽雞扒加肉燥飯~塊雞扒有成隻手板咁大~炸得好正~入面d肉仲係濕潤o既~超滿足! 但d椒鹽略為咸左少少...d肉燥飯都唔錯,但個主角始終都係塊雞扒,d碟飯絕對可以兩個人食~

9月14日, 我地不嬲都有一股台灣牛肉麵情意結, 喺台灣食過地道嘅牛肉麵, 返到嚟香港一直都食唔番嗰隻味, 食過好多話正宗但係都好鬼失望... 今日嚟到鑽石山荷里活廣場, 見到呢間連鎖式台灣牛肉麵店, 我地屢敗屢試精神又出現, 係要食個牛肉麵不可~::: 原汁牛肉麵 ::: $42個牛肉麵睇嚟唔錯, 仲配有好似咸酸菜應該會係一個賣點. 加上牛肉好似份量都幾多, 望落都好似幾正宗咁~ 當然要知正宗與否只要飲啖湯就知, 一飲就知係出事... 湯底應該係精髓, 要重口味香濃但係唔會嗆喉, 仲應該有種回甘嘅味道~ 之但係呢個湯唔夠味, 只可以話口味夠重, 但係絶冇香料味... 濃得嚟只係可以用有咸來形容. 牛肉都尚算可以, 但係唔夠淋仲有幾多筋. 麵條亦唔夠煙韌又唔入味... 個咸菜好似用來點綴個麵, 但係食落又唔係好夾, 冇乜特別. 求其喺台灣一個夜市其中一檔都好味過佢.::: 油炸大排飯 ::: $48本身以為呢個大排飯係鹽酥肉排嗰d, 但原來係一塊炸豬排, 調味十分重, 又椒鹽又黑椒咁... 豬排較瘦, 炸得比較乾, 咬落亦較韌亦唔夠嫩.幸好有幾塊拍青瓜可以中和下d濃味乾瘦豬排... 食

一般水準...和朋友看完電影後逛到這間頗為著名的台式餐廳,正好是晚飯時間,於是入座一試馳名的牛肉麵我叫了一碗半筋半肉麵($59)麵底有粗麵及幼麵可選.我選了粗麵.對這個選擇,我後來有點後悔麵身軟硬不一,咬起來好像在吃湯圓皮,不甚討好.整體賣相一般,牛肉煮得剛好,但牛筋煮得十分軟,讓人以為是脂肪.湯底還算可以,但整體來說個人認為不值這個價錢.

同朋友 放假 齊齊睇早埸 睇完戲 都下午一點幾 係時候醫吓肚啦 朋友話 不如試吓呢間丫 當時一點三左右 唔太多人 一般咁啦 至少唔洗等位 有午餐 但因為朋友唔食牛肉嘅關係 佢叫咗個豬手面 60蚊加一 我就叫咗個半筋半肉面 58加一 嗯 個面一嚟 第一時間要飲吓個湯先 好濃好味 但如果無咁咸就更加好

其實呢間野喺假日都算多人排隊，幸好我星期日晚去都只係排左一陣。間野嘅環境唔差，坐位都尚算舒適。我點左個酥炸雞排配台灣肉燥飯，一開始見到塊雞排以為會炸到好乾，但驚喜地佢d雞排仲有好多肉汁，而且炸得好鬆化。係略嫌佢d炸粉都有點兒厚，同埋都頗咸。而d肉燥配飯都唔錯，整體個飯幾好，份量都合適。另外我都叫左個滷水豬大腸，佢d豬腸幾靚，而且都滷得幾入味，但令我驚喜嘅係佢鋪喺底嘅炸豆腐，大細適中，仲好入味。由於個雞排有d咸，我都叫左杯珍珠奶茶，茶味幾香，而d“珍珠”都幾煙韌，幾有咬口。整體黎講唔錯，我係同屋企人去食嘅，佢都點左個牛肉麵，2個人夾埋都係接近200蚊到，價錢都可以接受。