小王牛肉麵 (已結業)

同朋友二人分享，共叫了蚵仔煎，一口雞，招牌牛肉幼麵，食完份量也飽！牛肉麵，湯汁濃，本人很喜歡，肉質淋，好入味，幼麵口感滑，整體麵份量很多一口雞，香脆，大件，朋友質疑一口係吃不完的😂蚵仔煎雖然不像台灣的，但口感亦香脆，喜愛像中式煎餅的朋有，也可一試，但份量亦是很多

返工嘅時候無聊碌碌手機ig見到台灣野食，秒速懷念起台灣夜市瘋狂掃街食食食的無限快樂。左手拎住鹽酥雞，右手拎住珍珠奶茶，尾指仲要勾住一包自選滷水雜錦。都仲未計朋友手上果堆。放工實在好想食台灣野，所以專登經過小王牛。雖然一直覺得呢間野未到特別好味，但係勝在分店夠多嘛。結果就見到有新menu! 而最後我覺得真係冇泥錯。揀左呢個麻辣牛肚牛𦟌拌冷面係因為佢寫出泥嘅每一樣野都係我鍾意食嘅～一送到泥第一個感覺係賣相唔錯同好大碗。開心佢有跟青瓜絲！拌面夠多汁，唔會拌到一半覺得乾。同埋餸都好夠🙆🏻麻辣我覺得香嘅同唔算太辣，不過可能有一路飲住珍珠奶茶幫個嘴降溫😂牛肚同牛𦟌都幾入味。珍珠奶茶就有點太甜，同珍珠有啲硬。意想不到呢個拌面咁好味（其他野食就唔包啦，有啲一般）。但係結果我咁樣算唔算有食到台灣野🤔

之前食過，野食唔熱都算食完同行幾個朋友都肚柯隔左好耐比多次機會佢點知。。牛肉面無味，得d藥材味，d色望落好濃但完全無味我今次叫麻辣牛𦟌牛肚拌面，口水雞個d味來完全失望，加上成碗麵得d辣油有味最好味係係蚵仔煎，但依家入面好多菜，無乜蚵仔唔會再食，加上價錢都唔係平

難得和媽媽二人外出吃午餐，平日除了吃茶餐廳以外都是吃茶餐廳，但是媽媽對非中式食物又不太有好感，所以簡簡單單就選了台式食物，以貼近媽媽的口味。加上之前我也在此吃過晚飯，印象不錯，於是有信心再光顧午市定食以麵食為主，飯的選擇都有，富有台式風味不過想吃得清淡一點就有難度，以濃味食物及炸物居多由於中午天氣炎熱，胃口麻麻，所以就選了兩個麵，再追加了一款小食雖然不是牛魔王，但每列台灣及台式食台都難敵誘惑，店內本身已經有一陣牛肉麵湯的味道洋溢著，當然不會錯過牛肉麵 (粗麵)Peachy.foodie rating: ＊＊＊＊(4/5)牛肉麵可選全肉或半筋半肉，識食緊係食後者！就如港式炆牛腩，牛筋才是精髓！此碗麵肉和筋的比例均勻，肉的質地略為粗糙，不過都幾入味，就筋而言就有點令人失望，不阿腍身是問題。水準比之前來吃是下降了，失禮台式牛肉麵。麵條要了粗麵，彈牙有口感，配上濃湯，好味。湯底又香又濃，味精味有少少，不過都可以收貨。 (粗麵) 56Peachy.foodie rating: ＊＊＊(3/5)另外一款麵，叫了新品推介。一心是為了滷蛋才叫的，不過單看顏色就知道蛋沒有怎麼滷過，失望。滷肉有些少肥和肉

呢間野環境吾錯，坐左卡位幾舒服。要讚下佢提供既係檸水，好飲！之後點左台式肉燥飯，飯份量都幾多，肉燥成份同洋蔥比例剛好，d汁撈入飯到幾野味，青瓜都幾fresh,吾錯！食完都好飽，

第一，落完單頗久才給我落單紙，一看才知佢落錯單。第二，牛肉很硬。第三，珍珠奶茶的珍珠是酸的。經理重申廚房全部珍珠是沒有問題，但又唔肯嘗試吃我杯中的珍珠，言語間暗示是我的問題（可能此店的食物及服務質素一向如此，我剛聽到隔離枱客人投訴超難吃，以後唔幫襯）。第四，我惟有要飲蜂蜜冰茶，只有勁甜味，沒有香味，很難喝！

懶得煮lunch 突然想食牛肉麵 咪去小王。其實好內冇去 一直覺得麻麻地 今日俾多次機 都是失望而回。午餐～半筋半肉粗麵 送蜂蜜綠茶。先講粗麵 太硬。兩三條痴埋一堆 中間好像未煮透咁。牛肉 只有一舊。肉質幾軟 但冇咩牛肉味。牛筋一夾就爛 同樣係冇咩味。湯底 得個咸字 叫做有點八角味咁囉。食完之後仲要好口渴。味精濃厚。蜂蜜綠茶 冇茶味 但勁甜。盛惠$62 下次無論如何 唔會再食。👎🏻👎🏻

每次到小王牛肉麵，都只有散點。今天到荷李活廣場的小王牛肉麵，見有午市套餐。Honey必點的：半筋半肉牛肉麵不知是否牛市套餐的關係，筋和肉都少過散點。肉稔熟，入味！湯頭甜美！珍珠奶茶也不錯！奶茶滑。但是，珍珠有點酸酸的，怪怪的。未試過小王的拌麵，所以，點了牛肚拌麵。拌麵好好味！似上海館子的蔥油拌麵。醬油濃而不鹹，也不膩。蔥油非常香口！綠茶多多也不錯，綠茶甘香。一頓美味的午餐

台灣本土攞晒獎，香港都有幾間分店，環境裝修有特色，坐位寬敞，最唔好就係用膳限時一個鐘，除了正餐，都有其他不少特色飲品同甜品說回食物本身，普遍味道偏淡，喜歡濃味的朋友或許唔喜歡牛肉麵湯底帶有類似藥材的味道，微辣，麵就有粗幼選擇，個人喜歡粗麵，同台灣刀削麵差不多，清清淡淡都ok，肉燥飯反而濃味少少，個鹽酥雞又炸得幾香口，但係個拼盤就唔係好得，好淡，牛筋是霖果種，唔夠彈牙，總括黎講可以一試，但又未至於要再三回味果種

今日去左Hollywood Plaza shopping,之後去到小王牛肉麵high 個tea,我叫左碗半牛筋粗麵，份量好少，牛筋都幾香，但稔左D無乜頭，湯底好鹹，應該唔係用牛骨餚湯，一般。

小王依家開到邊度都係Tea time都幾抵，三十幾蚊都有碗麵仲有杯野飲半筋半牛粗，粗面算彈牙，牛筋都幾林，但味道普通，一定唔會有台灣正宗嘅牛肉麵咁好食架啦，不過收住貨先啦，起碼可以頂呀個肚，都唔差既。貪吃的女孩另外食埋鹽酥拼盤同埋滷水拼盤，未到全部都麻麻，食材不是特別新鮮，但我覺得也可以接受。唯一值得欣賞嘅係鹽酥菇，都幾彈牙，咬落口有鮮汁流出，味道不錯。總結:好掛住台灣

戴返個頭盔先，茶記呢，就唔是貶義，係好有香港特式咁解。咁一間台灣嘢，食完冇返咗台灣嘅感覺，都唔係佢嘅錯嚟，咁事實上佢真係喺香港嘛。好喇，講返個牛肉麵先，啲肉同筋係炆得幾腍嘅，麵呢就係刀削麵咁嘅口感啦，而最重要嘅湯底呢，就咁飲係冇咩問題嘅，但就係冇牛肉麵最緊要嗰種藥材味，即係好似參選港男嘅仔仔咁，有樣，有筋肉，但冇腦，咁有L用咩？除咗牛肉麵，波波仲叫咗個滷味併盤小食，真係想講句你滷味，咁似波波樓下燒味賣嗰啲滷味嘅喂？！唔係難食嘅，但就冇乜驚喜囉，即係好似睇大台咁，一定係開心跳起Yeah架啦，就算有唔同，都係純屬意外嚟！對於呢一餐，平平無奇，波波一啲都唔意外，連鎖式台灣嘢，仲可以要求啲咩呢？CP值：

7月1日公眾長假，難得知道荷里活廣場的最新泊車優惠是穿著運動上衣，不用消費可免3小時泊車，便去戲院睇場戲，附帶消費是shopping和dining!小王牛肉麵與戲院同層, 盡享地利, 星期日2點幾鐘等位叫號都等了10分鐘, 為的是一碗熱辣辣的台灣牛肉面。這間餐廳很適合一家大細去, 3至4個人可以坐大檯, 兩個人側有機會坐中間的「豬肉檯」! 我們就是坐在中間, 不過餐廳十分有空間感, 不覺得逼。點面的時候, 侍應會問你要不要酸菜, 這碗正宗牛肉面, 加上酸菜, 把牛肉的「蘇」香發揮出來。面條可以選擇粗或幼, 這兩碗都選了幼面。牛筋咬感沒有牛肉般實在, 軟軟的, 而半筋半肉就適合樣樣都想試下的人~和台灣一樣的湯底, 有些碗的側邊更印有「高雄小王」- 是香港台食的好去處!

星期四7：30隻身到鑽石山荷里活搵食，其他食肆已有不少食客係外面等位，見小王牛肉麵較少就入左去，入座時店員話1個鐘就要離座。一上麵，店員細心提示碗好熱要小心。根位軟林，牛肉唔夠入味，其中一舊甚至係硬到咬唔開，湯底可以，麵簡左幼麵，無咩特別。唔係難食，但比起價錢，味道未到位。

星期五７：３０荷李活廣場，只有這間幾人乎不用等位就有得入，旁邊丼丼屋排到天光，心恐想牛肉麵不能太差吧，而且規定只有一小時用餐時間，應該有點保證。果然不是太差，卻沒有驚喜，如只是為了裹腹，應該是合格的，當然不會有高分。牛肉麵是香港各牛肉專門店最差的一碗，侍應端來，有濃烈的花辣八角及牛肉香味，令人十分期待，湯底入口濃郁可口，真材實料吾口渴無味精，依稀有小小中藥的甘味或彷似肉骨茶味，我差不多飲了大部份的湯，粗扁麵彈性有咬口，主角的牛肉是近似牛展，卻是劣等貨色，入口並不鬆化，欠缺口感，也沒有牛味，奇怪湯底的牛味從何而來，牛肉麵的主角牛肉如此不濟，店名叫小王牛肉麵真是拆招牌!炸雞排飯，雞排有大量淮鹽，皮也炸得香脆，有豪大大感覺，肉尚嫩口只是有小小雪味。牛肉餅要改名牛肉麵包，沒有牛肉味更沒有肉汁，只是小小餡，咬落一嚿粉，似食隔夜麵包店買淨十元三個的餐包!飲品很一般，已經叫冬瓜茶及黑糖茶，完全沒有台灣特色，只是超市普通飲品。