小火焰韓式咖啡廳 (觀點中心) (已結業)

午餐有飯、麵、烏冬、大醬鍋等等選擇，而且價錢親民，唔怪得咁多觀塘朋友推薦餓底嚟食吓啦😍.🥢辣炒豬腩肉拌飯 68最愛食豬腩肉，半肥瘦嘅腩肉食落有肥肉嘅油香，又有瘦肉嘅口感，絕對係我嘅all time favourite ！而呢度嘅辣炒腩肉都幾出色，味道同醬汁都夠濃，啱晒重口味嘅朋友😍.🥢黑松露炒淮山麵58呢個正呀，賣相已經勁吸引，黑松露同淮山麵呢個配搭，創新得嚟又幾正喎！醬汁夠creamy，亦突出到黑松露嘅香氣，呢個一定要試呀！.🥢大醬黑豚粉絲鍋62黑豚咬落彈牙，肉質鮮嫩，配料又多，配合大醬湯微辣嘅感覺，食完暖笠笠，啱晒而家涼涼哋嘅天氣👍🏼👍🏼.☕️岩鹽焦糖咖啡 （跟餐加$10）陣陣焦糖香味，同咖啡味融合得啱好，而且口味唔會太甜，加上岩鹽提一提味，飲落又有多一個層次，推介之選👍🏼.整體嚟講CP值高，坐得又舒服，有機會可以再嚟試吓晚市🤤

呢度嘅lunch set大概都係$60-70，加埋小食都唔過百😋同朋友趁lunch hour catch up下都唔錯🍴.♦ 太醬海鮮粉絲鍋 ⋆ $78哇😍佢嘅海鮮都俾得好足料下！青口、蜆、蝦、八爪魚、粉絲等等～真係成個鍋都係料架‼️湯底有少少辣，仲惹味左～另外仲有飯同飲品.♦ 豬五花炒粉絲 ⋆ $62又係超大一份～粉絲乾身又煙韌，豬肉就有少少過熟🙈整體都唔錯㗎‼️.♦ 韓式小食 ⋆ 各$10呢度雖然冇韓式前菜提供，不過佢跟餐可以+$10配各款唔同嘅韓式小食🙈我哋今次就加咗炸雞、泡菜同海帶。份量又係唔少嘅，就可以同朋友share～而炸雞$10就有三件，都算係超值啦！

《魷魚水冷麵 $68》夏天最適合食水冷麵😋Menu有幾款選擇，大蝦/魷魚/赤貝等。湯底酸酸甜甜夠冰凍，見到有冰塊，食住都Keep到個溫度。冷麵份量頗多，麵質煙韌，配料有魷魚、半隻蛋、青瓜絲、紅蘿蔔絲、雪梨絲、車厘茄。魷魚先醃製過，味濃爽韌，加埋青瓜雪梨食落清新爽涼。《大醬牛肉粉絲鍋 $62》對於唔食得辣嘅我，見到有大醬牛肉粉絲鍋表示好開心😝牛肉片有7-8塊，韌度適中，唔會過老。我幾鍾意大醬湯咸度控制得幾好，粉絲屬粗身，煙韌彈牙，做到掛湯，飲完成個人都幾暖。另配白飯，食完粉絲可以再將白飯撈落個湯食。《卡邦尼年糕》加$10有小食，以前食過一次卡邦尼年糕，覺得味道幾特別，所以今次有叫左黎試。卡邦尼醬甜甜地好好食，年糕煙韌但就係腍左少少。《甜辣韓式炸雞》$10有3大件又幾抵食，醬汁甜中帶辣，肉質算係肉嫩有汁，唔會過硬過乾，甜甜地辣辣地幾開胃。

位於觀塘觀點中心一樓的小火焰韓式咖啡餐廳，主打韓國料理，提供多款以芝士為主的菜式，非常適合喜歡芝士的食客。我每次去到，溶岩芝士炸雞麵包是必食的。買相十足，麵包內裝滿Parmesan和Mozzarella芝士，將炸得好香脆的雞塊，浸落芝士中，再拉起，好有拉絲效果，口感豐富而滿足，配有沙律和薯片，食完超飽肚。香燒牛扒蕃茄湯鳥冬，濃郁的蕃茄湯底好開胃，鳥冬煙韌，牛扒肉質嫩腍，有香濃的牛肉味，好好味。比利時朱古力和綠茶拿鐵，好滑有層次感，夠水準好。

觀塘有家人氣爆表的小火焰韓式咖啡餐廳，主打韓國料理，開放式的設計非常有特色，坐位也寬闊舒適。菜式有很多可選擇。泡菜鰻魚燒火鍋飯：熱辣辣鰻魚大大塊，配有泡菜和紫菜，份量十足，口感豐富。香燒牛扒蕃茄湯鳥冬：蕃茄湯底濃郁，烏冬彈牙，牛排肉質嫩腍，有牛肉味。小食涼拌大豆芽：爽口夠健康。卡邦尼小杯年糕：年糕軟糯煙韌，配合卡邦尼忌廉汁好夾又香好好味。比利時朱古力，朱古力味特香，口感順滑又有層次感，緣茶拿鐵夠水准。

星期天差不多下午茶時間到來進餐，店裏還有不少客人，幸餐桌之間有足夠距離，吃得安心。😇餐單厚，代表食物種類繁多，很多韓式菜都做了變化，🤔花了點心思才點定1個前菜、2樣主食。不收加一，食物價錢着實不貴，且質素及份量滿意，難怪有這麼多客人🥰。個人推薦用筷子夾不起的煎餅😆及吃入口煙韌的冷麵。-#韓式煎雜菜蝦餅 $68上桌時還在冒煙🔥，肯定即叫即製👍🏻。顏色搭配燦爛，除了紅蘿蔔絲🥕、椰菜絲，竟然下了羽衣甘藍🤩，各菜份量均勻，全部一起吃時已全然無蔬菜特有青味。煎餅上四隻新鮮大蝦🦐及一團泡菜，此泡菜較獨立前菜爽口。 煎餅皮較薄而料多，麵粉撈得好，吃起來香😋。雖邊皮有點脆，實際吃起來少黏、少軟，整體味道剛好，非重口味之作，混了泡菜吃依然不會覺得很鹹☺️。因料多，煎餅還置於鐵網上，想切成經典薄餅形有難度，夾起更是挑戰，於是直接宣告挑戰失敗，捲起當夾餅吃，哈哈!😂-#牛肉水冷麵 $78麵量🍜極多，女生宜叫少麵! 😊韓式蕎麥麵吃起來較日式有嚼勁，但不是嚼到累那種，偏爽口，較似蒟蒻麵，但比蒟蒻麵有味道。蘿蔔湯底可趁上桌時馬上喝一口，較能喝到清甜😌，因牛肉上有芥末醬，撈勻整碗麵就會令湯濁，喝起來也會愈來愈鹹。碗裏

星期日的下午，冇tea set, 不過lunch set 都好正。我哋叫左一個牛扒溫泉蛋炒飯，一個豬肉炒粉絲（有少少辣），再加左三個小食😂牛扒溫泉蛋炒飯，肉量多，炒飯底可轉白飯，可惜炒飯好似只係加左茄汁入去炒，如果係蛋炒飯會更正！豬肉炒粉絲，粉絲chewy 好食,不過有啲辣.追加小食,叫咗年糕,炸雞,同埋炸生蠔(唔記得影相)年糕份量都唔少,炸雞就有三四件細細地,因為只係加$10左右就有一碟小食,我覺得個份量係對得住個價錢! 買單好似都係$150-160兩個人,性價比很高👍🏻

咁突然想食韓國野，就同朋友揀食邊一間，咁我見到價錢上都幾平睇落又幾抵食，所以就試依一間。咁個次仲係疫情岩岩比堂食冇耐，去到諗住實有位所以冇book檯，點知去到係勁多人，我諗依一間都應該係幾出名既餐廳，咁就唔哂時間，而家就講d食物先。傳統泡菜 - $ 22依個可能有人話我做咩哂錢叫依個haha，但我純粹真係想食泡菜所以忍唔住叫依個，食落就唔係因為菜而辣，純粹係落菜再加辣汁係到撈一撈既感覺。炸紫菜卷 - $ 32依個係幾好食，你咬落去係好滑，因為入面加左糯米，味道係淡左d，但口感夠特別，冇食過既大家可以食下。石板韓風魷魚 - $ 88首先我想講，份量係真係多既，但多在係菜到，整係食菜都好有排食，依個就唔係好抵叫既，寧靜大家試其他野。熔岩芝士炸雞麵包 - $ 148依個我係見好似好多人叫所以試下，炸雞你食落去係好似食緊麥樂雞咁，至於麵包入面全部都係芝士好漏，食到你真係食唔到落去，我覺得真係唔叫依個，又係試其他，依d比相機食就差唔多haha

係觀塘行到攰想食甜點，我推薦大家可以黎依到坐下充充電🎈，價錢唔貴，無論想食粉麵飯炸雞定甜品，依到都有齊🤩，咁當然係Korean Style啦🤣🔻韓式甜辣年糕炸雞半份$88🔻炸雞香脆，甜辣惹味，雖然辣，但係會令你追住食🤤，真係辣得幾過癮👍🏻。半份有少量年糕，4件炸雞，做下午茶係幾唔錯👍🏻🔻糯米糍3.6牛乳雪花冰$58🔻真係雪花咁，入口即溶🤤，表面灑滿朱古力粉🍫，仲有朱古力雪糕同糯米糍😍，煙韌甜糯，充滿牛奶香味同時又有香濃朱古力味🤩，正好為炎熱嘅夏天帶來一個冰涼嘅下午👍🏻🔻芒果沙冰$46🔻特濃芒果味🥭，除左伴碟個幾粒芒果，啲沙冰裏面真係有芒果茸㗎👍🏻，而且半碟嗰幾粒芒果係勁甜，正喎😋，仲有芒果沙冰上面加左鮮忌廉，攪勻之後又滑的😍，係夏日之選👍🏻。

即使數年前韓風襲港，觀塘區主打嘅韓國菜嘅餐廳都唔算多。呢間小火焰韓式咖啡餐廳喺區內多年嚟屹立不倒，可見其魅力。.明洞二人餐 $298.🥗香芒炸雞沙律炸雞同牛肉有啲令人難以抉擇，但女友推介呢度嘅炸雞🍗。炸雞果然香脆美味，令沙律變得更吸引。.🥟韓式煎餃子皮薄餡多有肉汁。亦有附送椰菜沙律。.🦐柚子明蝦水冷麵二人份量嘅午餐份量好多，我哋特地點咗較清新嘅冷麵。柚子為冷麵加上夏日感覺，味道酸甜美味。.🥘鮑魚人蔘鴿配人蔘酒（另加$48）人蔘苦中帶甘，鴿肉鮮嫩，加埋釀入鴿身嘅糯米飯，味道口感層次豐富。.🍌香蕉朱古力窩夫香蕉朱古力果然係皇道組合，而且份量多差啲食唔晒。.整體嚟講小火焰韓式咖啡餐廳嘅明洞二人餐美味而且性價比高。

觀塘市中心呢間韓國餐廳人氣好高，每次嚟都有好多人等位。今日同男朋友食個明洞二人餐。明洞二人餐 ($298 + $48 +10% service charge)🥭香芒炸雞沙律🥟韓式煎餃子🥢鮑魚人蔘鴿配人蔘酒🍜柚子明蝦水冷麵🧇香蕉朱古力窩夫🍻飲品🥭香芒沙律酸甜開胃。炸雞淋上甜辣醬，惹味之餘保持香脆口感，食落好juicy！🥟韓式煎餃子以豬肉做餡料，鮮甜多汁有驚喜。🥢鮑魚人蔘鴿配人蔘酒要加$48，但我地都覺得抵食。因為飲落就知夠滋補，加入人蔘酒後味道好豐富。🍜柚子明蝦水冷麵食落好開胃，加上甜甜嘅梨絲好特別，啱晒夏天食。🧇香蕉朱古力窩夫入口暖暖地，加上香蕉🍌同朱古力🍫好夾。小火焰韓式咖啡餐廳 (觀塘)觀塘觀塘道410號觀點中心1樓1號舖

好耐無食過韓國菜啦！今日lunch輪到我掉轉捉左個同事陪我去觀塘試呢間人氣小火焰韓式餐廳🔥等左大約10分鐘就有位啦～望住個餐牌非常十五十六，勁多野想食，眼闊肚窄🙈其實佢啲午餐好抵食，唔駛加一仲可以好平價錢追加唔同款既小食👍👍不過我同同事最後叫左個main menu上面既炸紫菜卷，蟹黃炒淮山麵，同埋芒果窩夫😂炸紫菜卷岩岩炸起熱辣辣，裡面係粉絲，外面脆裡面有趙口，口感幾特別👍 不過我比較貪心🤣 如果可以加埋爽口既野係裡面，例如韓式前菜有既白蘿蔔/黃瓜/芽菜/泡菜咁口感就會更豐富啦👏🏻平時既淮山麵通常都係湯煮，今次見到炒所以忍唔住試下😁不過實物同幅圖有D唔似😂　實物比圖片多汁，而且Ｄ汁幾重奶味幾creamy，感覺比較西式～面頭既蟹籽同蟹肉俾得非常唔吝嗇👍👏🏻　蟹肉有鮮味兼啖啖肉，加埋紅椒同瓜既爽脆，菇類既鮮味，同埋煮得岩岩好唔會太淋既淮山麵，感覺幾新鮮幾特別～窩夫一黎到就覺得個樣好吸引！😍材料非常多，有香濃既芒果雪糕，甜度十分高既芒果，脆脆既窩夫，配埋幼滑既cream同比較硬身既芝士粒，每啖都十分正🤤下次再食呢間一定要早Ｄ黎排隊攞位😝

餐廳係同區內比較少有嘅有質素韓國菜。之前已經黎過幾次食dinner。覺得質素幾好。今日同朋友黎食lunch。發現lunch set性價比十分高。餐廳12點開門。早左5分鐘到門口已經排哂人。接待一開門就問有冇人訂左枱可以安排入先。同朋友訂左枱所以好快就被安排左卡位。lunch menu勁多選擇。不過天氣熱所以一心已經諗住黎食冷麵。揀左魷魚水冷麵。同埋大醬餃子粉絲鍋。lunch set包埋餐飲。+$5轉左latte，勁細心仲配左塊小cookie。估唔到會有呢啲小節位。即刻加分。另外仲可以+$10加小食。加咗泡菜同辛辣炒小杯年糕。個年糕有驚喜。個甜辣醬勁惹味唔會太辣。年糕偏幼身所以更易入味。勁有咬口又唔會太硬。魷魚水冷麵。烤過嘅魷魚口感十分彈牙。韓國麵十分有韌度。配菜配左青瓜紅蘿蔔雪梨。增加口感同清爽度。不過個人口味覺得個汁再酸啲會更開胃。個麵份量超多。加左啲年糕甜辣醬勁正。大醬餃子粉絲鍋。大醬味柔和唔會過咸。有微微胡椒辣味。飲落好舒服。仲可以加啲飯落去做湯飯。韓式餃子好足餡。值得encore 。

好耐冇食過韓國嘢, 嚟到呢間非常受歡迎嘅韓國餐廳, 果然同店名一樣, 火熱程度極高!😍我哋兩個人食, 嗌左豬手沙律, 甜辣炸雞配年糕, 牛肉石頭鍋飯同水冷麵, 食物可以用平靚正黎形容😋必須一讚水冷麵非常足料, 仲加入左魷魚, 麵條食極都有咁, 非常清爽開胃! 👍🏻牛肉石頭鍋飯分量亦非常多, 仲有辣醬係仼落, 辣度可以自己調節👍🏻炸雞份量亦唔少, 用ge全部都係雞脾肉, 又香又嫩, 再加上煙煙韌韌ge韓式年糕, 配埋甜辣醬, 令人食唔停口😻

位於觀點中心既韓式餐廳，地理位置上都幾方便，難怪午市限時都咁多人幫襯。汁燒牛肉溫泉蛋拌飯牛肉嘅脂肪比例比較少，溫泉蛋一啲都唔腥，成個飯好多汁，撈埋紫菜及其他配料，每啖都好滋味。明蝦水冷麵夏天熱辣辣，食呢個水冷麵相當開胃，個汁酸酸地，冷麵好夠凍，食落幾煙韌。辛辣小杯年糕食落又唔算太辣，反而幾惹味。作為跟餐加$10嘅小食，個份量都幾多。甜辣韓式炸雞炸雞好夠熱，咬落去亦都好脆，外皮一啲都唔硬，甜辣醬令到個炸雞冇咁dry。炸紫菜卷一上碟就最好趁熱食。紫菜卷入面係粉絲，都幾有咬口。凍蜂蜜柚子茶柚子味幾濃，可能凍飲嘅關係，蜂蜜嘅味道偏淡，不過整體都唔錯。熱蜂蜜生薑茶底部有唔少切片嘅薑，飲落薑味唔算太出，不過甜度就啱啱好。午市來說，都幾抵食，尤其鍾意跟餐加$10嘅小食，都幾大份，同朋友share可以試到唔同款式嘅小食，係值得encore既餐廳😋