小火焰韓式咖啡廳 (觀點中心) (已結業)

/小火焰韓式咖啡廳🇭🇰/#sa觀塘篇 #sa下午茶➖➖➖<大份夾抵食嘅韓式餐廳•黑松露+朱古力特別體驗> ➖➖➖睇過其他人嘅評價同實物覺得雪花冰好吸引🤤🤤本身其實係為佢而來但最後又唔想食到成肚水就叫左佢另一款甜品 但都好大份未食正餐關係都叫左半份炸雞試下➖➖➖1️⃣爐板燒布朗尼 $68店員送過黎嘅時候連埋個爐實物比我想像中大份～底層係朱古力布朗尼同脆米朱古力布朗尼味道濃郁 少少甜放左係爐板上面 口感香脆～好似岩岩新鮮焗起咁🤤🤤🤤覺得雪糕面頭層淋醬幾特別除咗朱古力味 仲會食到陣松露味🤣初初送上黎嘅時候雪糕質感較硬唔算好快溶 影相嘅話都hold 到一陣亦有流心效果 係幾吸睛💕味道唔錯 share 食無咁膩➖➖➖分數:7.9/10 ➖➖➖2️⃣芝味炸雞 (半份) $88 炸雞有幾個部位 雞脾、雞胸、雞翼即叫即炸 送上黎都好新鮮 熱辣辣食落唔似翻炸😆 皮脆肉質尚算嫩滑加埋面頭嘅芝士醬係幾惹味如果芝士味可以再濃啲就好啦～不過朋友話食到有黑椒味覺得唔太夾➖➖➖分數:7.2/10 ➖➖➖3️⃣蜜桃乳酸特飲 $34 底部食到有桃肉 本身覺得較為甜 搞勻之後剛好最後主要飲到梳打水食完炸雞、甜品再飲都

飛唔到去韓國，今日比我搵到呢間韓國餐廳，感覺好開揚，坐得舒適。下午茶時段，揀咗個Tea Set「泡菜黑豚鍋飯 配 茶碗蒸」本身跟埋飲品$45個餐已經超平，原來仲可以追加小食...樣樣都想食，韓國野緊係要食炸雞啦．再追加雞翼．鰻魚．辛辣小杯年糕，店員速度好有效率👍🏻「茶碗蒸」熱辣辣．滑嘟嘟😋鰻魚好夠汁...倒埋汁嚟撈飯，正年糕好有口感，辣辣地好惹味。炸雞同雞翼都好脆口，炸完雞肉依然Juicy😋擺到成枱食物，食到好滿足，埋單都係百零蚊賣單，好抵食。平日過咗Lunch hour依然坐滿食客。下次夜晚同屋企人再嚟，可以再試多d唔同款式。

疫情下經偶爾會小火焰餐廳買外賣自取滿二佰减二十或自取八折甚劃算，今天吃番茄烏冬猪頸肉份量足，烏冬爽口彈牙，$48包飲品覺得滿意，謹作一打油詩抒懷~😋🍜🍖🍗韓式餐飲樣樣有午膳堂食常等候足證佳餚受歡迎打工一族感享受😋🍲🍜🍵

觀塘係有好多不同種類餐廳但好味韓國餐廳真係好少 西餐廳比較多哩間餐廳係觀塘算係數一數二好味韓國菜每次收工6點幾去左已經開始見多人排隊 餐廳地方唔大 座位比較密 傾計大聲d隔離位應該會聽到3-4人可以坐到卡位會比較好店內裝左好多電視播係k-pop 有套餐選擇 份量都幾多多人食可以考慮 必食**溶岩芝士炸雞麵包麵內裝滿左芝士，同圖一樣可以做到拉絲效果重芝士味 芝士唔太稠 雞唔太膩 炸雞配芝士 好滋味旁邊有d沙律同墨西哥片 必食**炸雞combo有薯條 炸雞粒 雞膇香脆可口沙律總括: 價錢唔貴 味道唔錯 – 性價比高

之前都食過一次, 覺得幾好, 所以今日又返來試下。2個人住4人卡位, 坐得闊又舒服。同男朋友叫左個明洞二人餐, 有沙律,前菜,2個main, 甜品同飲品。 $298今時今日食到咁多野算平。香芒炸雞沙律沙律菜正正常常, 但佢有d個樣似粉絲既, 食落好爽口, 另外舊炸雞都好好食, 唔係hea人。韓燒豬頸肉好重炭香味, 正。而且有好多塊, 岩晒食肉獸。泡菜肥牛炒粉絲有少少辣, 幾開胃。鮑魚人參鴿呢個湯要另外加$48, 因為想飲下湯。一上菜, 會有侍應來幫手剪開隻鴿, 分成4件。仲有一小杯酒, 可以加入湯調味。食隻鴿就有d論盡, 都係雞岩我地多d。個湯好鮮甜,加小小酒會有多一層層次,但得一試。牛乳奶凍正常味道, 不過不失la。飲品點左白桃乳酸特飲同海特芒果啤酒, 個啤酒比我想像中好飲。

已經一個多月沒有出外堂食😭, 今日難得放假💖, 就去小火焰🔥食個韓式午餐啦!🥰💕🧀拉絲芝士香燒雞翼伴泡菜炒飯 $78食韓國菜點可以唔拉絲!🧀🤣 雞翼燒得皮香肉嫩又JUICY, 😍加上拉絲芝士🧀, 勁滋味!🤩💕鰻魚燒蕃茄湯烏冬 $78🐟鰻魚肥美, 而且有好多鰻魚汁, 分開另上夠細心! ❤️彈牙嘅烏冬, 配上濃郁蕃茄湯, 🍅而且湯帶少少韓式泡菜辣味,🌶️ 成件事有日韓FUSION菜嘅感覺!🤩💕凍綠茶拿鐵 跟餐加$13綠茶🍵及牛奶🥛味平衡, 最上層仲有奶泡, 整體香滑甜美!🤗💕荔枝乳酸特飲 跟餐加$12清甜荔枝味, 加上乳酸, 唔錯!😚💕涼拌海帶 $10係好開胃嘅韓式前菜, 而且辣得過癮! 🌶️

來到『小火焰』點咗個『明洞二人套餐』，内有『香芒炸雞沙律』，啲芒果又香又甜，配上炸雞恰到好處;『韓燒豬頸肉』，豬頸肉好大舊，食起來好有满足感，更何況係表面香脆，内里柔軟嗰隻。『迷你肥牛粉絲鍋』，粉絲係我喜歡的韓國粉絲，肥牛有牛味，正。『柚子明蝦水冷麵』從未試過的冷麵新品，柚子清新，蝦大大隻，點可能唔鍾意，仲有蛋，青瓜絲，蘿卜絲，好掂。两杯飲品亦好好飲。貪心又嗌咗個『糯米糍3.6牛奶乳雪花冰』，未試過咁綿滑的雪花冰，陶醉了

早幾日喺觀塘約朋友食 lunch🍽佢話想去食翻好耐無食嘅小火焰食韓國野🇰🇷.醬燒豬頸肉蕃茄湯烏冬🍜豬勁肉肉質偏韌🐖燒完之後勁香👍🏻而且同韓式辣醬好夾🌶蕃茄湯底濃郁，比較清甜嘅蕃茄味🍅仲有紫菜、葱花同粟米🌽.汁燒牛肉溫泉蛋便當🍚牛肉有少少筋位🥓所以食落腍得尼又有啲咬口😆配埋大量嘅紫菜、椰菜、蘿蔔絲🥕溫泉蛋🍳連埋個甜甜哋嘅醬汁撈埋一齊食好好味🤤.草莓 3.6 牛乳雪花冰🍧雪花冰奶香味濃，入口軟綿香甜🥛圍住雪花冰有粒粒士多啤梨🍓同埋芝士蛋糕🍰然後有一層 cream 同士多啤梨醬😍面頭仲有個淋左士多啤梨醬嘅曲奇雪糕🍨望落好似勁甜🤔但其實係完美配搭😋.即磨咖啡☕️奶味偏濃，唔落糖都唔會覺得好苦☺️附送一塊牛油果仁曲奇🍪.仲可以免費轉汽水🥤不過就得雪碧同可樂

Fatbrown 超級鍾意食韓國嘢，但係平時食韓國嘢真幾貴，普通一個lunch set閒閒地都要百零蚊，對於一個打工仔來講都咪話唔貴觀塘多嘢食就係人都知嫁啦，點知原來食韓國嘢都平過鬧市好多<野菜烤雞腿肉拌飯$52>照燒雞扒其實唔算好韓式，不過見隔離枱叫左，賣相一流，照板叫左客雞扒大過手掌，照燒汁好香好入味<大醬餃子粉絲鍋$62>餃子皮薄餡靚，湯底有少少辣，送飯一流<脆香牛油雞翼$10>牛油雞翼，有少少鹹蛋黃香喎，加$10有兩隻，抵食<卡邦尼小杯年糕$10>雖然話係小杯年糕，但係計計埋埋都有成十幾條年糕卡邦尼醬好正，但係食完真係好飽<松露曲奇脆脆3.6牛乳雪花冰$58>松露醬主要係鋪系雪糕上面層cream 度，所以雪糕入口非常之香牛乳雪花冰牛乳味重啲會好食啲，不過比起出邊成舊水一個雪花冰，真係好抵食

見到openrice咁多like就走黎試下，點知原來係伏黎既,一肚氣。因為肺炎其實客人既數量都唔多，點完餐就同朋友傾下計 傾傾下都覺得唔對路，左邊嗰枱同我地點餐時間差唔多都上左差唔多食完，而右邊個枱啱啱坐低點完都上左餐，我再偷望佢個餐同我點一樣既，心知不妙，即刻同餐廳侍應問下等左成大半個中至少仲要等幾耐。得到個回覆係幫你問下，問完出黎，竟然問番我點左啲咩，重新幫我落單再煮過，火到黎，2條友坐左喺度咁耐，完全無人理會過有無上過野食，主動問完，仲要同我講無左張單連一個誠懇既道歉都無，有無搞錯。即刻調頭走，唔會再試，唔會再幫襯！！！

原來公司附近有一間咁正嘅韓式餐廳😍 lunch 趁人少少出去食個晏！因為太耐無出去食飯喇🥺 ，消費下希望啲餐廳都可以捱過疫情💪🏻小火焰正中間有一排播緊韓國MV嘅電視，被韓風包圍，韓粉一定要黎潮拜😆 拉絲芝士香燒雞翼伴泡菜炒飯，小小辣好惹味！滿滿嘅芝士忌廉汁，十分邪惡，啱晒我呢個餓鬼。叉起隻香烤雞翼拉絲出晒黎，炒飯底唔馬虎，連埋韓式紫菜夠晒風味。醬油蝦配糖心蛋手握紫菜 ，醬油蝦係我至愛，呢個汁甜甜地，唔會鹹，醃得啱啱。蝦肉滋味多汁，滿滿嘅蝦肉，希望出埋醬油蟹😍凍烤杏仁咖啡，嚟返杯飯後咖啡，返工都無咁易釣魚。食到好香嘅杏仁碎，飲到好香烘焙嘅咖啡，十分滿足😋Perfect.

Long time no Korean food. This time our target restaurant was 小火焰韓式咖啡餐廳, a cafe in Kwun Tong. We came here for lunch on a weekday. Seating was reasonably comfortable with a disinfecting spray on each table.There were a lot of choices on their lunch menus, including curry, mixed rice, udon, cold noodles, soup fun si etc. There was no additional service charge. There were choices to add on for snacks or special drinks. A hot drink with quite a few choices was included in each lunch set.We had not

啲朋友成日都叫我嚟呢間餐廳試吓，因為佢性價比都幾高。你個餐廳冇諗過疫情期間都幾多人嚟食，但好彩我哋唔使排隊！ 餐廳最吸引竟然係有呢個雪花冰食！呢個芝士熔岩炸雞，最滿足嘅竟然係有大量嘅薯片配襯！而且啲芝士仲可以做到拉斯嘅效果，好適合我打卡😂😂而我好鍾意食石頭鍋飯，呢一個牛肉石頭鍋飯無論係佢啲牛肉定係啲配菜，都好足料，我唯一覺得佢嘅辣椒醬唔夠辣，而且佢份量都好多！佢啲黃瓜、青瓜、蘿蔔都好新鮮，食落口口感好好！

喺APM食嘢食到好悶，所以就睇吓觀塘地鐵站附近有啲咩餐廳可以食。點知上網見到呢一間韓國餐廳，見到價錢同食物種類都幾符合我，所以就走咗去試吓啦。餐牌上嘅選擇好多，而且仲有午餐嘅選擇，餐廳嘅防疫措施做得好足，見到啲員工係咁清潔啲餐枱。食韓國餐廳梗係要食炸雞，仲要係芝士炸雞咁邪惡先好食㗎嘛！呢一個唔使$150，但係有沙律有農夫包加芝士，有芝士薯片同埋五六舊炸雞，食完都覺得已經好飽！ 而呢個水冷麵質素都幾好，而且佢啲面一份量非常之多，個人最欣賞係佢上面隻蛋，唔知點解覺得好match，好好食！

觀塘出名係咩國菜都幾乎有齊晒，今日就約左呀妹去食韓國野，位於觀點中心1樓既小火焰韓式咖啡餐廳，主打韓國菜，Lunch去仲有set 可以叫添，仲要唔加一呀！今次我地就叫左散叫既menu，咁可以試多啲唔同既野🤣.1. 熔岩芝士炸雞麵包 $148 充滿芝士嘅麵包配以炸雞再加埋墨西哥片，配搭簡直一流，叉住舊炸雞浸入去芝士醬既中心，芝士就好似熔岩咁流出黎，視覺效果非常震撼🥰而且炸雞火喉亦控制得好好，咬落去仲有汁.2. 牛肉水冷麵 $78呢個係餐廳既推薦菜之一，夏天咁熱最岩就食涼浸浸既冷麵，入口既時候冰涼而且麵仲係爽口彈牙☺️配上牛肉及雞蛋，非常足料.3. 糯米糍3.6牛奶雪花冰 $58最後甜品梗係要揀一個透心涼既雪花冰，呢個甜品要預番少少時間叫呀，因為係即叫即整，大大粒既糯米糍加上朱古力粉，係幸福既味道🤤雪花冰一層一層，一睇就知真材實料