小火焰韓式咖啡廳 (觀點中心) (已結業)

小火焰係一間韓國餐廳，喺觀塘屹立多年，食物味道一向都唔錯。1.燴牛肋淮山麵（蕃茄濃湯）牛肋燴得好入味，肉質好軟冧、易咬。蕃茄湯底非常濃味，淮山麵會索晒啲湯，好好味！😋仲附送一小碟泡菜添！2.牛肉石鍋飯店員會幫食客撈勻牛肉石鍋飯，然後等2分鐘仲可以食啦！☺️旁邊有小小飯焦，加埋韓式辣醬之後，成碗飯更加惹味！😋牛肉石鍋飯既料都非常足夠，有蛋、牛肉、玉子、醃蘿蔔、甘荀、芽菜、菇等等，口感好豐富👍🏻☺️

觀塘區人氣餐廳之一既小火焰韓式咖啡廳，一直排係龍虎榜既前幾甲位置。平日經過成日都人山人海，今日晏左少少發現意外地無人所以決定試下。餐廳開係一座商業大廈既大堂位置，因為係人氣餐廳同地理位置問題，地方唔算闊落座位擺得算幾逼，亦都談唔上有咩裝修。不過作為食CP值既餐廳，服務員尚算充足同勤快有禮。.餐牌以大堆頭套餐為主，二人餐主要分左兩款。因為想食韓式炸雞所以叫左比較貴個款，有比較多款式可以選擇。.弘大二人套餐 💲488 ⭐️3.7/51️⃣前菜 (3選2)🔸醬油蝦配糖心蛋、手握紫菜飯團🔸三色前菜大大隻生蝦配上濃濃既醬油汁，呢個菜式幾開胃。手握紫菜飯團本身比較硬身無咩味，撈埋醬油汁食唔錯。三色前菜係泡菜、酸蘿蔔同醃海帶，正常發揮。.2️⃣沙津 (3選1)🔸脆米豬手沙津呢個沙津有驚喜，脆米加上豬手咸咸脆脆，沙津份量幾大豬手都有好多件唔欺場，幾好食。.3️⃣炸雞 (4選1)🔸蜂蜜提子脆米炸雞喜歡食甜版既炸雞所以揀左呢款，無額外醬汁只有薄薄既蜂蜜同提子乾調味。一客四件，味道唔錯但略覺乾身，未算係上佳之作。.4️⃣鍋物 (2選1)🔸雪香牛骨湯鍋呢份牛骨湯鍋個人黎講幾滿意，因為一向都鍾意韓國雪濃湯系列既湯鍋。有爐興住熱辣

今日去到觀塘，朋友介紹，話食嘢都未必要到Apm啲連鎖餐廳食嘅，叫咗我去附近嘅勸觀點中心，個邊就多食肆好多，我哋就上左一層已經見到高朋滿座嘅小火焰韓國菜，睇左個menu都感覺幾啱食☺️好多不同種類嘅韓式，款式又多，幾吸引！所以就入去試了佢啲衛生做得幾好，入去前需要消毒，探熱就基本，連枱上面都擺放好消毒噴霧，同紙巾！前菜叫咗combo 醬油配手握紫菜飯，combo其實就係海蝦同鮑魚，各兩隻。鮑魚彈牙易咬，又入味！海蝦都幾鮮，似用左啲酒醃，有酒香氣！ 正！仲有隻溏心蛋！紫菜波波飯加埋啲醬油汁！無得輸！佢提供埋手套比我哋，用手吃更滋味！之後係超期待溶岩芝士炸雞麵包，好靚嘅擺盤，個芝士超級吸引，香氣濃，帶啲奶味，點埋香脆嘅炸雞！拉絲炸雞完成！個脆得黎又夠嫩，多汁，加埋個芝士醬！🥰😍最後我哋叫左泡菜茄子辣炒粉絲！呢個一黎到已經比佢香氣迷左，相都差啲無影，茄子同炒粉絲原來係絕配！再埋佢個韓式辣醬，同翠肉瓜，入面口感豐富，味道剛好！推薦！最後兩杯野飲，提子乳酸梳打幾推薦，完全無藥水味，乳酸味重，仲有梳打水，一路食炸雞，一路飲，踞曬！之後一杯超大嘅曲奇沙冰，非常靚，可以當甜品咁食😆🤩正！

今日天氣慢慢轉涼，放左工唔想咁早返屋企，就約咪閨蜜去觀塘食飯shopping，呢間餐廳已經黎過幾次，但係食極都唔厭，非常有特色，食韓國菜唔使去韓國了，黎呢道都食到。首先我地叫左個炸雞combo，真係一次過滿足晒三個願望，有芝士醬炸薯條，韓式辣炸雞，同咪原味炸雞粒。我個人就最鐘意芝士醬薯條，個醬非常特別。而且好香脆。跟住再叫多個蜂蜜提子脆米炸雞半份，呢個非常香脆可口，唔算太油膩，外脆內軟，肉汁鎖住係入面，唔會好乾。之後再叫個拉絲芝士香燒雞翼伴泡菜炒飯，芝士非常多，拉絲拉到好長，芝士同炒飯一齊食真係十分過引，都係好好味。最後叫多個甜品松露曲奇脆脆3.6牛乳雪花冰，呢個份量十足，閨蜜最喜愛，雪花冰係用牛乳打既，口感一流，而且唔會好甜，最適合女士們。人地話甜品係有另一個胃係真既。食完十分滿足。

觀塘出晒名既韓國野，次次食都咁好味！❤️芝味炸雞 芝士醬+芝士粉勁香芝士味，外皮脆到好脆口，入面仲有肉汁，好好味超邪惡rrrr🧡蕃茄濃湯豬頸肉准山麵 原本睇完韓劇好想食拉麵，但見到呢個蕃茄准山麵咁特別就試下～蕃茄濃湯豬頸肉准山麵 燶邊豬頸肉肉質好爽脆，湯底係好濃既蕃茄味，好出色💛糯米糍3.6牛乳雪花冰 100分既雪花冰，好香奶味但又唔會太甜，朱古力糯米糍好煙韌，如果太多牛奶味就撈d朱古力粉同雪糕，朱古味有訂企😌

👁‍🗨石鍋蟹子彩雲拌飯 (7.5/10) $ 88同朋友都吾係咁肚餓，所以就叫左兩樣野就算😂呢個石鍋飯既名幾好聽😂入面都係有基本既紅蘿蔔絲，青瓜絲，芽菜，菇等等，不過就比起傳統石鍋飯多左蟹子同蛋條🤡吾係好食得辣既我只係吱左兩小圈既韓式甜辣醬撈飯，吾會太辣，岩岩好😎飯入面仲有頗多紫菜，所以成個飯食落好惹味，好香口，個人認爲比起平時食既石頭鍋飯更好食🤣.👁‍🗨原味韓式炸雞 (7/10) $ 98 (半份)半份既韓式原味炸雞有四舊，每一舊都屬於吾同既位置🙃有雞翼，雞腿，雞胸，個皮炸得非常脆身，肉質都算嫩滑juicy,不過太脆就令人邊食邊有罪惡感😭旁面既兩個醬汁分別係韓式燒烤醬同蜜糖芥末醬，前者甜甜地咸咸地，又帶有少少肉桂味咁😂後者就比較香甜，比較易入口，所以我點左兩下韓式燒烤醬之後就轉左沾蜜糖芥末醬啦😂.🔛 整體評分（7/10)

見到咁多人介紹呢間餐廳，我心思思咗好耐，今日終於去到觀塘附近行街，就二話不說去食。點知嚟到餐廳原來好多人排隊，足足等咗半個鐘先有得入，建議大家預鬆啲時間過嚟等位食飯。蟹黃炒淮山麵見到依個淮山麵好特別，我同朋友都二話不說叫佢，佢嘅蟹肉味好香，係有忌廉同蟹膏一齊煮，入面仲有翠玉瓜，蕃茄，洋蔥等緊蔬菜，配搭幾好，好食！溫泉蛋野菜牛肉蕃茄湯烏冬蕃茄湯烏冬本身以為好普通，點知幾好食。佢好食嘅地方就係佢嘅湯底好香番茄味，烏冬唔係出面嗰啲最cheap嘅烏冬，咬落去就散嗰隻，佢係有口感同彈牙。而且溫泉蛋整得好靚，撈埋佢嘅椰菜同牛肉，好味道。糯米糍3.6牛奶乳雪花冰嚟得呢度點會唔叫佢嘅雪花冰呢？我見到隔離枱食呢個牛奶雪花餅好似幾正，本身我都掙扎緊叫士多啤梨味定朱古力味，最後就想食佢嘅糯米糍，所以就叫咗呢一隻味。雪花冰好食，佢嘅糯米糍鷹眼，而且雪花冰好柔細，做到綿綿沙冰😊😊芒果沙冰少甜芒果沙冰個賣相都係超靚，打卡就正了。佢嘅價錢都唔算貴，只係$48 ，但大大杯，我同朋友分享就覺得啱啱好，如果一人一杯就覺得太多了。

無得去韓國旅行，日日都韓癮大發。試過好多屋企附近既韓式餐廳，無一間岩心水，又唔想出尖沙咀。於是行遠少少，試下觀塘呢間小火焰。唔講食物住，先講下個裝修。大大隻韓文字加上用木色為主既風格，加埋幾部電視不斷播韓國MV，已經有個幾好既印象。今日小試牛刀黎個LUNCH。叫左 酥炸黑豚肉拌飯 泡菜烤雞腿肉拌飯 同埋 泡菜芝士海鮮餅個別評語請看相片。總括黎講，邊食邊感到韓FEEL。應有都有。炸野炸得好好，唔乾唔刮口，保持到肉質鮮嫰。芝士海鮮餅既海鮮唔會靭，芝士可以拉絲亦都好飽滿，比例剛剛好!一定會搵機會再來試A LA CARTE , 想一嚐炸雞同其他牛類食品!值得推介!

這間小火焰地點非常好, “近”APM, 所以唔會迫爆人, 更難得的是：唔使排隊等電梯, 嘥哂D時間~提提大家最好在假期, 第一輪嘅時間, 即係12:00到, 因為人龍不長, 可以好快入座。午餐我地要試新嘢:大醬黑豚粉絲鍋$68, 免費跟咖啡粉絲熱辣辣上枱, 豚肉分量不少,每口粉絲都索哂濃濃嘅湯, 真係可以餸碗白飯架+$12甜辣韓式炸雞, 都有4、5嚿,淺嚐韓式炸雞, 係外脆內嫩的, 唔錯喎另點海鮮炒淮山麪$78, 好多海鮮, 真材實料, 原來淮山麫都幾彈牙, 加個迷你明蝦蕃茄沙律+$18做前菜, 好有清新嘅口感加杯凍蜂蜜柚子茶都係+$3成餐飯最貴就係芒果布朗尼3.6牛乳雪花沙冰$88, 上枱時真係同張相一樣喎, 原來貴在於用3.6牛乳黎制雪花冰, 唔怪之得D冰好creamy滑溜啦! 物有所值呢!再要讚的是服務員好勤快但又不失禮貌, 難得!

見係觀塘人氣餐廳，就嚟試吓！招牌溶岩芝士炸雞麵包🍞-芝士喺麵包入邊係有看頭嘅，芝士同卡邦尼都係夾嘅，所以味道幾好。不過啲雞略嫌太乾，食咗三件，舌頭好像戒傷咗嘅感覺… 所以冇食晒-有啲沙律菜喺旁邊，睇落唔似太新鮮，應該隔咗好耐…… 吹脹水牛芝士牛肉野菌沙律🥗- 見到個芝士吹到咁大，好有驚喜！ 不過篤穿之後，咬落去好似膠質地，真係吞唔到-牛肉唔係咁新鮮，有啲黑黑地⋯⋯- 沙律菜有啲發黃 ……總結： 點咗兩個嘢食都要$360，未飽啊！ 咁樣，每人都要 $180性價比低唔會有下次

Aidan 小火焰🔥好掛住喺觀塘番工嘅日子呢間都係我好鍾意嘅餐廳～以前成日去😅😅今日經開～好想食呀門口仍然係排滿人～要等一陣點咗兩個Lunch Set海鮮炒淮山麵 $78呢個真係好好食😋咁多次都冇失水準！個重點係個醬汁同埋麵質～淮山麵炒得好爽口，個醬好惹味👍🏻大醬湯餃子粉絲鍋$68兩隻辣椒，真係偏辣，餃子大大粒脹卜卜，好足料，下面粉絲都好多👍🏻唔錯追加小食 $15 芝味炸雞其實呢度嘅芝士炸雞都係好出名$15有三件好抵，好好食好Juicy未食過嘅建議可以食熔岩芝士麵包炸雞，嗰個都好正👍🏻平時都食雪花冰，今次試吓個芒果窩夫$78 🧇賣相真係冇得頂，四件傳統窩夫，上面有好甜嘅芒果，有一球芒果雪糕，四小粒芝士蛋糕😋 但感覺窩夫一邊脆一邊唔脆，一邊熱，一邊又唔熱🤔🤔🤔但我地係同一時間食兩邊😅其實佢仲有好多嘢食都好唔錯，只係兩個人真係食唔到咁多

依間韓國餐廳我食咗幾次，但次次都唔記得咗影相，今次就決心幫佢影靚靚相同埋寫食評。呢一間餐廳嘅價位唔算高，價錢都真係幾親民嘅，如果下晝嚟食飯，仲唔使加一添！柚子蜜糖雞翼炒年糕柚子蜜糖雞翼有五隻，加埋炒年糕，都係$98已經有啦，雖然呢一個唔係午餐入面嘅Menu，但係如果夜晚嚟食要加一，所以我就午餐嚟食，好似會抵啲咁樣，而且佢嘅蜜糖雞翼超香，年糕亦都好煙韌，好食㗎！😍😍😍韓式小魚餅加$10已經有兩塊，好抵叫，又係午餐時間先有依個優惠。佢入面有少少蔬菜，魚餅都香嘅！🥰🥰🥰熱蜂蜜生薑茶跟餐叫杯嘢飲，熱蜂蜜生薑茶呢啲特飲，呢度竟然唔使加錢，我就梗係叫一杯養吓生啦。佢嘅薑味唔會太嗆喉，配埋蜂蜜味就啱啱好了。😎😎😎

之前一直想試呢間餐廳，今日終於約到朋友一齊試，餐廳環境舒服，同埋好多都係卡位，有足夠空間比三五知己傾下計。菜式都算好多，由前菜，炸物，石鍋飯同甜品應有盡有。醬油漬鮑魚好鮮味，咸香彈牙，配埋酸菜伴菜超開胃，同埋附送既飯糰加左飯素，味道好夠。甜辣年糕炸雞都好出色，因為我同朋友都擔心食唔到太辣，店員表示醬可以分開上，好貼心。炸雞香脆，原味本身都好食，加埋甜辣醬就更加惹味，如果年糕份量再多啲就好喇。朋友好欣賞呢度既凍咖啡，除左咖啡濃郁之外，帶有奶油味，好creamy，就算冰溶左都唔會淡，值得一試。

泡菜豆腐鍋配白飯（單點$68），表面鋪有芝麻、香蔥，好足料，有大量泡菜、豆腐、娃娃菜、粉絲、雜菌，食落好惹味。甜薯咖喱吉列豬扒飯（單點$65），份量多，吉列豬扒口感酥脆，咖喱有驚喜，內有牛肉、蘿蔔、洋蔥，味道微辣，太陽蛋配以白飯，味道更佳，甜薯口感綿密，味道清甜，附有車厘茄椰菜絲沙律。迷你明蝦番茄沙律（跟餐$18），表面鋪滿芝士碎，明蝦口感彈牙，味道鮮甜，羅馬生菜、車厘茄，食落好新鮮。甜辣韓式炸雞（跟餐$10），炸雞口感外香脆內嫩滑，味道香辣偏甜。辛辣小杯年糕（跟餐$10），年糕口感煙韌，食落好入味，味道甜辣，附有泡菜。3.6牛乳奶凍（跟餐$10），口感滑溜，奶香味濃，甜度適中。紫薯拿鐵（跟餐$10），表面鋪有紫薯粉，內有紫薯粒，奶味濃厚，味道香甜；附有朱古力曲奇，口感薄脆，內有朱古力粒。拿鐵咖啡（跟餐$5），鮮奶、咖啡比例適中，咖啡味道香濃、不苦澀；附有朱古力曲奇。

第二次去食依間餐廳，雖然已經唔多記得第一次食果陣食咗啲咩嘢，但係記得依間餐廳啲嘢食唔錯😂😁😚。今次試咗幾款。🏷溶岩芝士炸雞麵包（$188）炸雞炸得唔油膩，亦唔會過火。農夫包裝住咗啲忌廉芝士溶漿，可以將炸雞點落去啲溶漿嗰度，令炸雞充滿淡淡的芝士味和濃濃的忌廉味，幾好味🤤。另外，仲附帶啲新鮮嘅沙律菜🥗，同埋粉味偏重嘅粟米🌽片🙊🙈，個人認為粟米片嘅味道和口感一般。🏷芝士海鮮菜餅（$88）餅底好薄，海鮮有蝦🦐同埋魷魚🦑，另外仲有芝士同埋泡菜，雖然成個菜餅睇落好細個，但係餡料好多😚。雖然餐牌標記呢一款菜式有半條辣椒🌶️嘅辣度，但小編覺得唔算好辣😬，唔食得辣嘅人都可以試吓。🏷脆米豬手沙律（$108）利用豬手薄片同埋各款沙律菜做成沙律🥗，令原本食完豬手會有嘅罪惡感無咗🤪。成個沙律味道酸酸的，十分開胃。🏷芒果布朗尼3.6牛乳雪花冰（$88）雪花冰充滿3.6牛乳味，唔會太甜或太腬，🤤好鬼正。面頭嘅芒果🥭很鮮甜、唔酸，撈埋芒果雪糕食，好有層次感😚，越食越過癮。*另有加一服務費