小火焰韓式咖啡廳 (觀點中心) (已結業)

今日天氣慢慢轉涼，放左工唔想咁早返屋企，就約咪閨蜜去觀塘食飯shopping，呢間餐廳已經黎過幾次，但係食極都唔厭，非常有特色，食韓國菜唔使去韓國了，黎呢道都食到。首先我地叫左個炸雞combo，真係一次過滿足晒三個願望，有芝士醬炸薯條，韓式辣炸雞，同咪原味炸雞粒。我個人就最鐘意芝士醬薯條，個醬非常特別。而且好香脆。跟住再叫多個蜂蜜提子脆米炸雞半份，呢個非常香脆可口，唔算太油膩，外脆內軟，肉汁鎖住係入面，唔會好乾。之後再叫個拉絲芝士香燒雞翼伴泡菜炒飯，芝士非常多，拉絲拉到好長，芝士同炒飯一齊食真係十分過引，都係好好味。最後叫多個甜品松露曲奇脆脆3.6牛乳雪花冰，呢個份量十足，閨蜜最喜愛，雪花冰係用牛乳打既，口感一流，而且唔會好甜，最適合女士們。人地話甜品係有另一個胃係真既。食完十分滿足。