小火焰韓式咖啡廳 (觀點中心) (已結業)

約左朋友係觀塘食晏，都有一段時間無黎呢間小火焰啦，今日就再黎懷緬下🤗專登十二點鬆啲就黎到，唔駛排隊仲有卡位坐😁我地點左一份main menu韓式蟹籽卷蛋，set lunch 泡菜鰻魚燒拌飯，加配$10小食脆香牛油雞翼&甜辣韓式炸雞share，跟餐嗌左杯熱齋啡～兩款小食好快就黎到，新鮮炸起熱辣辣😍炸雞雖然唔及main menu上面果啲醬汁咁平均，但同樣香脆嫰滑，加十蚊超抵👏👏雞翼未食已經聞到非常濃郁既牛油香味！！勁邪惡但好好食🤣第一次試呢度既韓式蟹籽卷蛋，蛋味香濃有層次👍原來裡面仲包住紫菜飯😯 加埋面頭既蟹籽同醬汁，口感味道都好豐富，呢款小食夠晒飽肚😂泡菜鰻魚燒拌飯is my favourite 😋鰻魚燒得夠香兼厚肉，配料紫菜椰菜泡菜勁好送飯，呢個拌飯每次都無令我失望！😍😍即磨齋啡幾香濃，唔會太苦澀亦唔會太酸，仲好窩心咁送左塊酥脆牛油朱古力曲奇，好有誠意👍👏我地一點左右食完果陣已經要嗌飛排隊，真係食得快好世界🤣🤣

觀塘出名多嘢食，呢日就同朋友嚟咗小火焰食野。地點好易搵，一落車就係，仲好多人等緊位添，好彩都係等咗幾分鐘😺😽入到去，我就叫左一份魷魚水冷麵餐，再跟一份泡菜、炸雞拼盤、一杯巨峰乳酸特飲。先講魷魚水冷麵，湯底係蘿蔔湯底，加上D冰水，夏天一食就真係降哂溫。至於份跟餐泡菜，味道真係拍得上係韓國食既正宗泡菜，無失望。炸雞拼盤就真係正到痺，因為佢D炸雞先有韓式醬料，而薯條又香口，加埋炸雞條，真係三種滋味都係齊度。最後飲埋杯巨峰乳酸特飲，爽哂。

小火焰韓式咖啡廳 (觀點中心) (觀塘)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•牛肉水冷麵 $78•牛肉石鍋飯 $98另收加一服務費••••••••••••••••••••••••••••••♥️食評：呢間韓國餐廳係好多人嘅飯堂！佢二人餐同四人餐係非常非常之吸引！價錢唔貴但試到好多款食物😳好可惜當日食咗下午茶先去食，唯有散叫以免浪費啦😩兩款主食都叫咗牛肉做主菜，但兩款牛肉並唔一樣㗎！牛肉水冷麵嘅牛肉偏厚身一啲，肉味比想像中香濃好多，好食！配搭清爽嘅水冷麵，酸酸甜甜好適合夏天食～水冷麵麵身較幼，食起上嚟都有咬口，唔錯！不過我同朋友都更加鐘意牛肉石鍋飯！牛肉石鍋飯嘅牛肉係肥牛嚟，上枱嘅時候並未熟透，靠住石鍋嘅溫度整熱，配以蘿蔔、芽菜、蛋、木耳、紫菜同蛋，拌勻之後可隨個人喜好加入辣醬！份量都幾多，差啲食唔晒啊！••••∩ ∩••••••••••••••∩ ∩•••••••••••••✄( •ω• )♡( •8• )✄( •ω• )♡( •8•

A.前菜 醬油蝦配糖心蛋手握紫菜飯 糖心蛋同手握紫菜飯正常發揮，醬油蝦略嫌唔夠新鮮三色前菜呢個有驚喜😍泡菜+辣海帶+餣蘿蔔，酸酸辣辣好開胃😋B.沙律脆米豬手沙律最初以為有豬手個沙律會太濃味，但食落豬手同沙律出奇地夾😋豬手份量亦都毫不吝嗇，整體唔錯👍🏽C. 炸雞芝味炸雞呢個反而有啲失望🙁佢係炸雞上面撒上芝士粉同芝士醬，芝士味算濃，但炸雞肉質一般，比較乾身同鞋，以韓式餐廳水準黎講略欠質素😕D. 鍋物雪香牛肉湯鍋牛骨湯底配粉絲，娃娃菜，豆腐，幾片牛肉。湯底偏濃，有啲似味精湯😂不過有誠意既係佢連個火爐上🤩咁啲湯就唔會凍啦😌E. 主食泡菜肥牛炒粉絲依個粉絲極之出色😍韓式粉絲煙韌有口感，有大量高麗菜同菇，配合肥牛片，味道一流🤤咁多個入面最好味係佢！F. 甜品香蕉朱古力窩夫呢個窩夫外型好靚😍朱古力雪糕好味，唔太甜，香蕉都係新鮮唔會霉霉爛爛，但個窩夫略嫌薄身同太乾😕G.飲品凱獅啤酒巨峰提子乳酸特飲正常發揮，餐廳都提供好多樣化嘅飲品，大家可以揀適合自己嘅特飲😎不過要留意韓國燒酒要額外加錢總括而言，食物質素不過不失，但份量幾多，二人餐非常飽肚，不過建議單點會好啲😉

小火焰韓式咖啡廳放假梗係要食好啲啦，見到有唔少人推介過都係好評多。menu有唔同款式既韓國菜式同小食，有唔少芝士為主既食物，仲有韓式甜品同雪花冰 。仲要價格唔算好貴，大部份嘢食都係１００內，午市套餐就仲抵食，＄50-＄60已經有，仲可以額外平價加配各款韓式小食。。午市套餐泡菜肥牛炒准山麵 $62呢款Menu到有標明係辣既，平時唔算好食得辣，但都接受到。肥牛都有唔少，另外再加咗啲泡菜蔬菜落去一齊炒，食落味道都唔錯，少少辣就更開胃，會越食越想食。成碟既份量都幾多，但食到最後嗰啲會比較油。。芝士夾餅 $15係套餐加配既，見到唔算好貴就試下，可能因為我地唔係一嚟就即食，所以我地食個時已經淋咗，中間夾咗層芝士，味道更香，如果骨脆可能仲好食。。熱紫薯拿鐵 $10，凍綠茶拿鐵 $13套餐包左一杯普通飲品，亦都可以加錢轉特飲。紫薯拿鐵只提供熱飲，真係好濃紫薯味，可以唔使再加糖都夠甜，飲到個底仲飲到啲紫薯粒，味道濃郁。綠茶拿鐵都好重綠茶同奶味。。拉絲芝士香燒雞翼件泡菜炒飯 $88邪惡既芝士，即焗出嚟一夾就有拉絲效果，下面有四隻雞翼，另外個飯係泡菜炒飯 ，好有韓式味道。。松露曲奇脆脆3.6牛乳雪花冰 $6

今日約咗朋友過嚟觀塘度行吓，想搵啲性價比高、價錢又平嘅韓式餐廳，於是我哋過咗嚟依間位於觀塘地鐵站附近嘅小火焰餐廳🍴你都好有韓國嘅氣氛，因為餐廳播晒韓國歌，仲有我最鍾意嘅kpop音樂，氣氛感十足🤩而且依度嘅嘢食價錢好平，我哋過到嚟嘅時候係午餐時間，所以有lunch meun，抵食又好食😊首先我叫咗一個BB骨蕃茄烏冬湯底10分濃郁，好香嘅番茄味，而且配料同埋麵分開上，所以BB骨唔會變濕同埋變林，可以保持到原汁原味，超級香口😛芝士夾餅食韓國嘢點可以唔少得芝士夾餅，飽肚又好食😋酥脆蘑菇雞翼我最鍾意係蘑菇雞翼呀！雞翼嘅肉質超級鮮嫩，勁多汁，裏邊仲要有蘑菇餡，非常有層次👌🏻最後仲叫埋咖啡☕️同埋檸檬茶🧃

觀塘有一間小火焰食韓國菜，坐位有唔少，但都一直有好多人排隊，質素應該都唔錯，我晏晝去都已經要等位。午餐價錢相當大眾化，而且可以追加小食。小食嘅份量細細份，平平地，啱晒貪新鮮想試味嘅人。溫泉蛋野菜蕃茄牛肉湯烏冬$52呢種蕃茄同平時食嘅蕃茄味道有少少唔同，佢唔係用茄膏整，溫泉蛋加埋牛肉令到牛肉更加滑，烏冬彈牙，唔會一夾就斷，呢個價錢算抵食。青蘋果熱情果梳打$52呢杯絕對兩個人飲都冇問題，成支梳打汽水插起杯上面，大大杯，造型好獨特，而且夏天飲好清新，有青蘋果加熱情果酸酸地，味道好解渴。大醬黑豚粉絲鍋$62大醬有少少辣味，配埋豚肉粉絲好開胃，用嚟送飯唔錯。而且豚肉份量都唔少，而且口味都幾貼近香港人，易入口。涼拌海帶、辛辣小杯年糕、芝士夾餅 涼拌海帶好爽口，加少少麻油同醋作為前菜，辛辣小杯年糕味道幾特別，除咗辣味之外仲有少少甜醬嘅味道。芝士夾餅相當香口，而且又唔會過膩，作為小食值得一試。

今日為『牛奶乳雪花冰』而來，係個網友推介的。正值中午時分，亦嗌咗『汁燒牛肉溫泉蛋拌飯』和『魷魚水冷麵』两個餐，食到捧住個肚走。熱愛海鮮的我點咗個『Combo醬油配手握紫菜飯』作為呢餐的前哨戰，有2隻大蝦，有2隻鮑魚和溫泉蛋，開心死我啦，醬油製作的蝦，蟹，鮑魚似乎係韓國的强項，出哂名，D醬油味溶入海鮮中，别有一番滋味。朋友真係冇介紹錯，『糯米糍3.6牛奶乳雪花冰』實在係好味之選，3.6牛奶好滑，糯米糍好Q彈，好似雪花的杏仁片亦增添口感，如果係六角形的雪花可能睇來會更吸引，但估計製作有困難

小火焰Aidancafe 位於觀塘觀點中心，附近工商廈林立，人流極多，午餐時段全場爆滿，每次都需要輪候一段時間。餐廳以韓式料理為主，選擇非常多，而且價錢頗為大眾化，大部份午餐價錢為$5x-$7x，份量多而且相當好食。是日午餐泡菜牛肉炒淮山麵，第一次食炒淮山麵就有意料之外，喜出望外感覺，麵身偏硬有咬口，泡菜牛肉帶少辣，整體配合一流，$62實在物超所值，更可以每款$10價錢添加多款小食，雞翼，泡菜，餃子，甜品等等，值得一試。

小火焰在觀塘APM附近一個商場，地點算方便。鋪頭都四正又可坐埋出商場位置，變相位置多 ，可容納多啲食客。我們點了二人餐，有五款自選食物加野飲都只是$328仲要冇加一，成件事都好抵。前菜點選牛肉沙律，想不到份量不少而且有溫泉蛋幾好食小食有醋汁豬肉餅，醬汁係靈魂來呀鍋物係迷你肥牛粉絲鍋，湯底應該是豬骨湯好好味😋仲要有年糕另外再來烤辣豬肉蓋飯，已叫小辣但都微辣，如不太食倒，記得同職員講小辣最後加左28蚊升級要雪糕香蕉夾餅yummy今天食到非常滿足的午餐😛

因為同朋友係觀塘有活動，所以就隨便係附近食埋晚餐。當然選擇大家都鍾意嘅韓國菜🥰辣炒豬腩肉拌飯好食👍🏻豬腩肉無腥臊味，又唔會好肥好油，而且配埋蔬菜、醬汁、紫菜，搞拌一齊🥣好好食，我哋好快就清左韓式甜辣年糕炸雞🍗今日嘅vip💫，年糕好煙韌，炸雞炸得好好配埋醬汁食，係會食唔停口，最後我哋又order一份。同埋好醬汁嘅我，覺得炸雞嘅醬係萬能，差唔多今餐樣樣餸都點個醬食炸紫菜卷正常，無咩特別。平時食係連辣炒年糕啲醬食，今次無叫，就連埋炸雞啲醬食，絕配😌海鮮煎餅成晚最差👎🏻嘅食物，個餅煎得唔脆，好濕好淋，又無味。都係因為炸雞醬搭救，好味少少。但真心唔推薦叫

< 性價比高嘅韓式餐廳 >.早幾日喺觀塘返完工，同朋友搵緊食嗰陣行過觀點中心，見到呢間勁多人排晒長龍，應該有保證，就試一試先叫咗野菜炒粉絲同蕃茄湯底嘅豬頸肉淮山麵 : 炒得好有鑊氣；豬頸肉個醬汁好食，淮山麵滑嘟嘟.叫咗杯凍mocha都唔錯，咖啡味同朱古力味幾平衡，面頭嘅cream啱啱好.埋單 $200 有找，高CP值，唔怪之得 people mountain people sea.個 menu 仲有勁多菜式，下次再嚟試吓其他

記得對上一次食仲係有二人限聚令，同埋屋企人四個人都要分兩台，中間隔一塊板。當然係因為嗰陣時食過覺得唔錯，今次就再翻啅，不過今次就等得耐啦，因為二人限聚變成四人限聚，而家已經好多人出嚟食嘢，而呢一間觀塘少有嘅韓式嘢質素唔錯，疫情之前都係好多人排隊，如今更加係兩點幾都排左成大半個鐘，證明質素有保證囉。依然係最鍾意佢個芝士牛肋骨，芝士真係拉絲嘅，而且牛骨醬汁濃厚，好入味！炸雞嘅質素唔會比淨係食炸雞嘅舖頭遜色。

晏晝同朋友係觀塘食午餐，今次韓癮發作，就搵咗呢間小火焰🔥。食物嘅選擇都好多，價錢都抵。我哋叫咗一個蜜糖芥末雞扒焗泡菜炒飯，佢個份量好多，個泡菜炒飯底味道唔太濃，令到食嗰陣冇咁膩同時又有新鮮感，雞扒都大大件，加埋蜜糖芥茉醬幾特別。另外有叫大醬黑豚粉絲鍋，佢有配一個飯，餐牌寫住係辣，但味道都容易接受嘅，黑豚肉我同朋友都覺得好好食，係有醃過嘅鹹鹹地味，加埋啲粉絲好飽肚，下次再嚟會encore。另外佢有好多可以用優惠價追加嘅小食，我哋有叫年糕，炸雞，雞翼，同埋有個甜品芝士蛋糕，好多係$10 ，可以試好多小食好滿足。

自從上次同事介紹我食之後，呢度變咗我平時放工嘅飯堂，最正係地理位置優勝，地鐵站幾步就到！呢度啲韓國菜分量蟹又好食😋！泡菜鰻魚燒拌飯$108🐟鰻魚好厚肉！加埋紫菜泡菜同粟米🌽！好韓式嘅鰻魚拌飯！味道超夾！石頭鍋好保暖不過就要小心辣到！雪香牛骨湯鍋$128🐮熱辣辣滾住上！除咗有好食嘅韓國牛仔骨！入面仲有好多我鍾意食嘅配料！粟米仔秋葵豆腐粉絲！飲埋佢個豬骨湯底！絕對係健康又好味😋平平地，放工食飯傾偈好地方！下次都會再嚟❤️#韓國菜#食咗先講#HongKongFoodies#相機食先#鰻魚拌飯#hkfoodie#觀塘美食#小火焰#aidancafe