小火焰韓式咖啡廳 (觀點中心) (已結業)

同友人去觀塘海濱睇日落之後，黎到人氣高企嘅小火焰晚餐！👉🏻吹賬水牛芝士牛肉野菌沙律$138絕對係呃like之選，未食已經好吸睛！牛肉份量比想像多，而且好有牛味，配水牛芝士連黑醋，正！👉🏻Bang Bang 薯條$68炸得香脆又金黃，配芝士醬，真係食唔停！👉🏻溶岩芝士炸雞麵包$188另一呃like之選，芝士控必食！拉絲好正，炸雞一d都唔乾，肉汁好juicy，浸入芝士忌廉入面真係好夾好好味，麵包亦烘得脆！👉🏻卡邦尼年糕$98好creamy又濃郁，年糕煙煙韌韌👉🏻吉士蛋糕拼3.6牛乳奶凍$78我真係好中意食奶凍，奶香十足，好滑，好幸福！

✨芒果布朗尼3.6牛乳雪花冰 $88以前去韓國旅行都一定會去食冰！依家冇得去都要搵地方食下韓式冰😛😛 呢度嘅芒果好甜，仲有芒果醬同芒果雪糕，鍾意食芒果嘅人應該會鍾意😙雪花冰好軟綿❄️，口感亦好滑，食到少少奶香😆而且整體食落唔會太甜又唔會太膩👍🏻✨炸雞Combo $88入面有炸雞軟骨、無骨炸雞、同埋芝士薯條🍟～雞軟骨炸得好香脆，有少少調味，好香口😆會令人忍唔住一啖接一啖！炸雞啲肉幾嫩，同埋有啲甜辣醬幾開胃😙薯條上面都好多芝士好正😛✨白桃乳酸特飲 $38整體飲落唔會太甜，白桃味幾出，配炸野好岩😆！

今日慶祝完成新工作第一個項目，有人請食飯，黎到觀塘呢間韓式餐廳一入去服務、招待就好唔錯，唔洗等你叫人，佢地就會主動過黎協助你落單有人請，我又發揮唔客氣的本色，乜都叫下，一個餐又upgrade 野飲，又加下小食🤭結果兩個人叫左7個項目🤫燒鰻魚拌飯，鰻魚不過不失，裏面的泡菜味道口感唔錯，甜辣清爽，如果係石頭鍋飯，再熱辣辣啲就更好燒牛扒蕃茄烏冬，牛扒幾有咬口，加埋醬汁調和，味道唔錯，蕃茄湯底好開胃😋朋友好鍾意佢個甜辣酸蘿蔔，欣賞佢不單有酸味，仲有辣味，食完仲有啲甜味而我最鍾意就係碟炸雞，熱辣辣，外脆內軟，個甜辣醬又好味，作為跟餐加的小食，份量啱啱好雪糕焦糖咖啡杏仁咖啡，飲品味道正正常常，最大驚喜係仲會送塊餅乾比你，好sweet🥰提外話：每枱都會放枝消毒噴霧比你，幾體貼食完咁多野，估下幾錢...原來一共都只係$200, 唔怪得朋友揀呢間黎請食飯啦，真係堅抵總結：食價比高，食物質素又ok,可以再食👍🏻

唔知呢頭有咩糖水舖，就走左入嚟食正餐既地方食甜品😂，好在都冇伏。🍨糯米糍3.6牛乳雪花冰 $68-個冰底質綿密細膩帶牛奶香甜，面頭既朱古力粉再多啲就正，球🍫雪糕唔係雀巢👏，好味🤍。糯米糍口感煙韌甜糯，但就食唔出朱古力味！🥤抹茶拿鐵 $38-幾好飲，大杯又唔會好淡。（飲到唔淡既抹茶都唔太易架😮‍💨）

大家都見耐無食韓餐見呢間黎過都幾好就ENCORE呀點左~小火焰拼盤其實係小食拼盤有煎餃子呢個整得幾香口餃子又飽滿推介呀炸薯條炸雞軟骨都係暖暖既薯條略嫌淋左少少雞軟骨正常呀芝士薄餅呢個我唔食朋友話一般餃子雞翼呢個個人覺得有D芝士味所以就麻麻地呀個雞翼面都整得香脆既仲有少少菜沙律可以食番少少菜都好既平行下個油利感~蟹子石頭拌飯都多料既醃蘿蔔絲青瓜絲啦旦絲菇菇蟹子加埋辣醬拌埋一齊有少少飯焦都OＫ既不過我地怕辣就只落左一半辣醬略嫌唔夠味如果加多D辣醬應該又再好味D

今日專程同朋友黎到觀塘朝聖，今日特登收工過嚟試吓。呢到服務態度幾好，好快就安排座位入座，去到嘅時候大概7:30左右 ，都只有剩返一至兩張空台。我哋決定散嗌 ，一份前菜，一份炸雞同埋一份主食 。侍應仲會幫你安排咗先上前菜 ，再食炸雞 ，而最後先上主食。首先前菜係醬油鮑魚蝦，佢隻鮑魚醬油味好濃，鮑魚都煮到到好林，完全唔韌。然後再嚟份熔岩芝士炸雞，佢用麵包裝住滿滿嘅芝士，食得出入面用咗幾種唔同嘅芝士，味道濃郁，用炸雞沾滿芝士再擺落口好有口感。然後輪到主食，我哋嗌左茄子韓國炒粉絲 ，炒粉絲份量啱啱好 ，蔬菜足料，有茄子有翠玉瓜有雜菌 ，味道恰到好處。會再黎幫襯試下其他菜式

上網見到唔少人讚「小火焰」吧韓國菜好食👀，所以跟住去實測一下，睇下係咪網上所講咁好。溶岩芝士炸雞麵包 $158食韓國菜當然唔少得食炸雞啦，見佢有溶岩芝士炸雞所以就叫嚟試試。芝士係有唔少，炸雞沾上濃濃嘅芝士食落好滿足👍🏻，炸雞味道正常。但伴碟嘅薯片就幾碎下。韓式甜辣年糕炸雞（大）$188相比芝士炸雞，個人認為甜辣年糕炸雞更好食👍🏻，甜甜地辣辣地幾開胃。而呢款炸雞比較大舊，食落都啖啖肉。芝士海鮮菜餅 $78見個菜式幾特別所以叫左，但食落無咩味道同海鮮配料唔多，食完都唔知食左咩😅，所以唔推薦大家試。拉絲芝士BB豬肋骨伴泡菜炒飯 $108雖然話泡菜炒飯但就無咩泡菜味，飯質就霖左啲，如果鍾意食粒粒分明嘅飯粒就唔岩你🙅🏻‍♂️。好彩上面有加芝士惹味啲，而豬肋骨就正常唔差。牛肉石鍋飯 $108呢個係嚟到侍應幫你炒，原本未炒就見到一片片嘅牛肉，但炒到啲牛肉好碎，所以變左碎牛飯。。。食唔到牛肉嘅質感，但味道都可以蟹膏海鮮炒年糕 $128呢個炒年糕就唔錯，海鮮有青口、蝦、八瓜魚等材料，都幾足料。而個醬汁加咗蟹膏去煮食落好惹味，配年糕都幾夾👍🏻曲奇沙冰 $48 呢個沙冰完全無曲奇味😵。。唔應該叫曲奇沙冰應該叫

官塘觀點中心「小火焰」係屬於官塘區高人氣韓食餐廳。坐低，店員會畀一個QR code，用code嚟點午市套餐，但如果想點午市套單以外食品，就要搵店員落單豬五花炒粉絲豬五花肥瘦適中，配以洋蔥、翠玉瓜。豬五花口感柔軟得嚟，又有咬口，唔油膩，味道帶少許辣，配上煙韌韓式粉絲，非常好食芝士夾餅薄薄兩塊三角形芝士夾餅，中間芝士軟韌，表面煎至香脆，入口香脆可口細柚茘枝梳打清甜解渴最後，加點咗一份甜品⋯吉士蛋糕拼3.6牛乳奶凍吉士蛋糕微暖，入口軟熟微甜，配上雲呢拿雪糕，軟滑香甜，回味無窮牛乳奶凍，奶味香濃，奶凍入口軟滑，冰冰涼涼，好味飯後甜品

觀塘 觀點中心 小火焰韓式咖啡廳，平日一向都深受附近一帶工作嘅人熱捧，今日星期六午飯時段，估唔倒都咁多人，唯有登記左等入座啦。餐廳係觀點中心大堂，係開放式，坐位都幾舒適，價錢非常貼地，難怪咁多人幫襯架。員工亦要讚下，個個都殷勤有禮貌，好值得加許，就係呢度盼發一個獎牌比佢地啦🥇😂。今日order左一個午市套餐🥘大醬牛肉粉絲鍋 - 牛肉份量都幾多，入口都幾嫩滑，湯入邊仲加左脆肉瓜，底部仲有好多韓式粉絲，湯底又唔會好咸，撈埋個白飯🍚，一人份量岩岩好，又唔會太飽。🥢韓味甜蘿蔔 - 味道唔會太咸，入口卜卜脆，用黎送飯幾好😋。🍹青蘋果熱情果梳打，造型攞滿分啦😆，支梳打水倒轉慢慢流入飲品中，所以唔會越飲越淡，反而飲到最尾都充滿氣感。🍮最後order多一個甜品啦😆，吉士蛋糕拼3.6牛乳奶凍，牛乳奶凍奶味濃郁，充滿奶香，又香又滑；吉士蛋糕外層味道質感類似pancake，不過更厚身，更有咬口；中間吉士醬好creamy ，整體唔會太甜，好岩怕甜又鍾意食甜品人士。

呢日出觀塘接朋友收工，上網查見到觀塘都有小火焰，上個禮拜去大圍踩單車時去左小火焰大圍分店覺得好鐘意，今次有機會一於食埋觀塘分店，餐廳未7點幾乎坐滿晒人，睇黎有好多捧場客，好彩我地早到，好快安排到座位韓式蟹籽卷蛋$98+一份6件，卷蛋好滑，每件都好厚身食落口感好好，厚蛋中間仲有紫菜飯，上面佈滿沙律醬同蟹籽，材料醬汁好夾，比到驚喜韓風石板炒野菜$78+鐵板上有滿滿嘅雜菜，椰菜，粟米，翠肉瓜，醬汁咸中帶甜幾特別，份量好大，好抵食石鍋蟹籽彩雲拌飯 $88+飯上鋪滿五顏六色嘅蔬菜菇菌，營養豐富，木耳絲芽菜仔爽口，蟹籽新鮮今次食嘅都係上次未食過嘅，兩次嘅食物質素都好好，好滿意，餐枱同樣已經有曬餐具，水，紙巾同搓手液，幾貼心

每次search觀塘餐廳時 呢間絕對係榜上有名 同埋永遠都係頭幾位 今日難得返半日 食埋lunch先返工啦!我地點左辣炒豬肉拌飯 以及大醬海鮮粉絲鍋午餐 為食既我仲加左卡邦尼年糕 一上枱其實份量都幾驚人 連埋飲品 呢個lunch set 又幾抵食🤩🤩辣炒豬肉拌飯- 醬汁甜甜辣辣 豬肉油香滿滿 好彩有洋蔥既清甜 味道得以平衡大醬海鮮粉絲鍋- 用石鍋上既感覺好似真係去左韓國咁 無諗到係人多繁忙既午市 餐廳都會做石鍋 大醬湯有海鮮既味道 入面既海鮮種類繁多 有蝦 蜆 青口 魷魚等 再加埋索晒海鮮湯精華既粉絲 其實淨食呢啲都飽晒 白飯都未必需要😎卡邦尼年糕 - 年糕質感唔錯 軟硬適中 醬汁夠濃稠 可以做到掛汁效果呢間係觀塘難得韓式餐廳 總括黎講都唔錯 不過lunch time想食就要早啲黎 會排晒長龍架!!!😝😝

石鍋蟹籽彩雲拌飯$88琴晚係萬聖節嚟到觀塘小火焰餐廳，侍應都有Cosplay魷魚遊戲入面幾個角色，好應節好有氣氛石鍋蟹籽彩雲拌飯$88上枱熱辣辣而且色彩繽紛賣相好靚，石鍋一路熱飯一路會有飯香出，未食都流曬口水🤤入面有黃色醃蘿蔔、青瓜、菇、紅蘿蔔絲、蟹籽、紫菜等等，連埋韓式醬撈埋一齊食更有風味韓式甜辣醬年糕炸雞半份$108年糕唔係平時食開手指咁粗個款，而係幼一半，沾到好多醬汁幾惹味。炸雞有4件左右，雞上髀同雞腿都有，炸得外脆內軟，唔會太辣韓風石板炒野菜 $78食完炸雞食返蔬菜黎減低罪惡感，份量好多，多款蔬菜炒埋一齊，放上鐵板都幾特別😼

行開觀塘一諗起韓國菜即時諗起呢間抵食餐廳基本上每次都會點炸雞棉花冰今次都唔例外炸物combo其實有三重奏雙重滋味薯條配上芝士粉芝士醬中間有一口韓式辣醬炸雞左邊仲有鹽酥雞軟骨炸雞今次點左蜜糖提子炸雞加埋脆脆米係雙重口感既享受另一種必叫係BBQ 芝士雞翼炒飯輕輕拉絲極度邪惡極微辣的棉花冰方面今次試左松露牛奶冰係芝士奶蓋上加左松露 非常特別都幾大份量兩個人分享剛剛好不次會再光顧人均大幾二百蚊已經捧住肚子落樓

📍觀塘高質抵食韓國菜‼️·必食松露曲奇雪花冰❄️ -- 小火焰 🔥•Follow @pigfoodiexhk for more food!🐷💛#pigfoodiexhk_觀塘#pigfoodiexhk_韓國菜=======================行過觀塘成日都見到呢間韓國餐廳坐滿人，而且價錢唔算太貴～前幾日就同朋友嚟試試🤩------------------------------⭐️蟹黃炒淮山麵 $98 (4.5/5)呢個好大碟‼️😳2-3人share都ok~蟹黃醬超濃稠，鹹香十足🤩淮山麵口感煙韌有咬口，掛滿晒醬汁，啖啖都好滿足😍推介👍------------------------------⭐️韓式蟹子卷蛋 $78 (4.3/5)蛋卷有六大件，每件都好厚身😍雞蛋口感都嫩滑，內餡夾住紫菜糯米飯，加埋蟹子、淋面嘅沙律醬、茄汁調味，整體味道好豐富！------------------------------⭐️松露曲奇3.6牛乳雪花冰 $78 （4.7/5)呢個好味又抵食，真心必點‼️面頭嘅松露曲奇同埋松露忌廉超級香😭鹹甜交錯令人食唔停口！牛奶冰口感綿密，富奶香，加埋曲奇雪糕一齊食真係好正😭

觀塘美食多，但係食食下其實好多都已經食過。今次就搵左小火焰韓式咖啡廳。經觀點中心搭扶手電梯上去，餐廳長期都比較full,中午去到都要等下位。睇下個menu，第一頁主要係日式飯 吉列豬扒咖喱飯，日式定食，第二頁開始先係韓國美食，各式各樣嘅拌飯，豬腩肉鰻魚牛肉都有。因為太多選擇，我就求其叫咗個酥炸黑豚肉拌飯加上一杯凍咖啡。另外加$10左右就可以追加小食，有年糕炸雞雞翼，想試嘅朋友可以自己叫。因為嗰日有啲飽所以就決定唔叫啦。至於個飯送到上嚟嘅時候上面嗰層全部都係菜加上一些黃色嘅韓國醬汁，你第一眼係見唔到裡面啲肉。醬汁有啲帶鹹同埋算酸，豚肉就炸得中規中矩，唔算特別好食，但係咁樣價錢都冇咩好投訴。中午如果諗唔到食乜都可以試試。