小曼谷海鮮燒烤屋

营业中

休息中

九龍城最出名是泰國菜，特地過來這裡來個泰國風情夜。環境舒適，空間算是寬闊，佈置都很有心思。吃泰菜當然例牌先點椰青，解渴解辣的最佳飲品，椰肉鮮甜。小曼谷五星燒雞：可以點半隻或全隻燒雞；一整隻雞份量挺多，分成兩邊放在碟上。燒雞味道香口，薄薄的表皮帶點脆口，肉質結實，鹹香入味，蘸點旁邊的辣醬會更惹味。明爐香檸汁蒸桂花魚：大大條桂花魚，連爐一起上枱，待湯滾了，味道漸漸滲進魚肉裡，放得越久越入味，另外還可以保持魚肉及湯滾熱。平日大多都是蒸鱸魚，餐廳選用桂花魚烹調，細問之下原來因為桂花魚的肉質較滑嫰，所以比鱸魚更加適合。湯頭有青檸、蒜粒、辣椒絲、香菜，青檸味很濃烈，酸酸甜甜，開胃而且能辟除腥味。泰皇咖喱炒海鮮：咖喱香料濃烈但不會很辣，海鮮有魷魚、大蜆、青口、大蝦，隻隻都很巨型，連殼的大蝦很新鮮，一剝殼後肉質彈牙爽滑，記得點碗白飯／麵包蘸咖喱醬一併吃，光是咖喱撈飯吃已經夠津津有味。整體的食物份量均大大份，十分足料，味道亦很惹味。

🐘小曼谷呢個名我聽左好耐了，記得第一次食係係屯門，🤔個陣嘅評價係好抵食！之後過左無耐就發現原來佢係九龍城都有分店。😳今次就係第一次黎九龍城分店食，呢一到另一種感覺，🎤佢呢到有live band架！佢地有時會唱泰文歌，又有時唱英文歌，都幾好聽。🎼🎹🦐🦞黎到梗係食海鮮！🐙🦑⭐️原隻鮮魷筒釀糯米飯🦑鮮魷筒好大條，入面載着滿滿嘅糯米飯，鮮魷好食，糯米飯味道都OK，可能係釀嘅關係所以唔夠乾身，但整體都幾好食，同個醬汁都幾夾。⭐️小曼谷五星燒雞🐔燒雞燒得好香，火候啱啱好，肉質唔會太韌或者煮得太老。好鍾意食泰國嘢都有唔同嘅醬汁點，非常惹味。⭐️泰王咖喱法包軟殼蟹🦀今餐嘅重點菜式，又香又好味又夠飽嘅咖喱法包軟殼蟹。法包本身都烤得幾好，軟殼蟹炸得好脆好香。正。⭐️清甜椰青🥥⭐️青檸梳打🍋

食泰國嘢,第一時間梗係會諗到九龍城, 因為太多選擇, 所以行過見到乾淨企理就入去試一試.食泰國嘢點可以唔叫生蝦🦐🦐, 味道不錯, 最緊要佢夠凍, 仲有叫咗小食拼盤, 大蝦粉絲煲, 同鐵板西冷牛扒🐮🐮，小食樣樣新鮮炸起熱辣辣，粉絲煲有少少乾，但味道不錯，最驚喜嘅一定係塊牛扒，上到枱唔會太熟，下次黎一定會再食，兩個人食差啲食唔晒,分量同價錢來講幾好👍🏻👍🏻👍🏻👍🏻👏🏻👏🏻👏🏻👏🏻😁

九龍城有乜多？當然係泰國餐廳最多，但由於交通方面對我們黎講唔太方便，所以都一段時間無黎朝聖。今日心血來潮唸起小曼谷嘅冬炎香味，咁就黎左九龍城小曼谷喺九龍城已經有多間分店，而且越開越多間。今次我們就揀左喺小曼谷海鮮燒烤屋。海南雞--皮滑肉嫩，最吸引嘅就係佢嘅辣椒醬，味道唔算辣微酸中帶甜，同嫩滑嘅雞肉配搭得好好香芒蟹肉炒飯，香甜嘅芒果密密嘅蟹肉，香口得黎又唔油膩，加上少許嘅肉鬆香更顯層次極上燒安格斯西冷牛小排--牛味濃郁，但其中一條有點過火，咬勁十足。為了它而黎冬炎功湯，酸辣分明，楓柑葉同南姜嘅香味，我一個人飲三碗都唔夠明爐青檸汁蒸桂花魚，魚肉鮮嫩，開胃嘅湯汁，在明爐上滾動，仲擔心會令魚過熟，想叫樓面同事整熄個火，點知侍應話要越滾魚嘅味道越香濃。椰青波波 ，可以不費力氣就享受哂成個椰青肉同飲晒啲椰水大滿足泰式龍眼冰，有啲過甜。總括滿意呢次九龍城晚餐

九龍城岀名泰國菜，想食泰國野我一般都會黎九龍城，今次就試下呢間搭車成日經過見到既小曼谷，有隻大公仔係岀面揮緊手，好有標誌性😆明爐香檸汁蒸桂花魚 ($248) 見到呢度唔係淨係得烏頭，原來有桂花魚，所以要試下🤪 呢條魚個汁酸酸辣辣，好香好惹味。而且揀桂花魚個肉質係滑好多。泰王咖喱法包軟殼蟹 ($198) 有個裝滿炒咖哩既法包係碟上面，賣相絕對係好吸引🤤 軟殼蟹份量好多，炸到脆一脆。但更加吸引我既係個法包。法包唔係乾爭爭果種，反而係好新鮮，好濕潤好煙韌，點滿哂呢個炒過好香既咖哩，但好食到好誇張，個包完全可以食哂唔哂。小曼谷招牌海南雞 ($188/1隻) 叫咗一隻海南雞，分量超級多，雖然食落唔係真係好似海南雞，似白切雞，但係雞肉係真係好嫩滑，點埋個泰式辣汁，味道不錯。泰式馬拉盞炒通菜 ($79) 通菜炒得好夠鍋氣，好惹味泰式原味烤酥餅 ($30/2塊) 用黎點咖哩汁一流珍多冰 ($36) 泰式龍眼冰 ($28)

很久沒有跟屋企人去食泰國野啦！親友時間相約去九龍城人氣泰菜店，小曼谷海鮮燒烤屋是我爸的最愛！入座後差不多都不用看餐牌，點了幾度招牌菜，地方寬敞舒適而且充滿泰式情懷，被場內熱鬧氣氛所吸引，開開心心的談天說地。明爐香檸汁蒸桂花魚 $248可以說是必食之選，尤其是喜歡明火爐奉上，招牌泰式香檸汁酸辣惹味，正宗泰國風味，非常開胃，我覺得特別適合搭配海鮮及桂花魚，魚肉吃起來都特別鮮甜，是晚的惹味選擇！泰皇咖喱炒海鮮 $238這裏的泰皇咖喱所以說是遠近馳名，手本名菜之一炒海鮮，有彈牙爽口的虎蝦、青口、大蜆肉、魷魚⋯香口惹味，咖喱煮得濃郁甘香，海鮮夠新鮮，整道菜炒出來都風味十足。小曼谷炒飯 $98私心推介的特色炒飯，驟眼看以為是蛋包飯呢！熱辣辣的切開裏面有蟹柳、扎肉、豬頸肉、大蝦；材料還真的很豐富！味道好而且又能夠飽腹。椰青 $38 & 珍多冰 $36招牌飲品透心清涼，一口辣一口甜的滋味無窮！有時候還會遇上駐場樂隊表演，是我跟九龍城好友聚腳首選喔！

小曼谷餐廳有幾出名，我相信唔洗我多講...好多鍾意食泰菜嘅朋友仔一定食過喇！🤤🍴泰式炸豬手有別於西餐嘅鹹豬手，豬皮超級香脆！每啖咬落去都好似食緊薯片咁，脆到無朋友呀！🍴 泰皇咖哩法包軟殻蟹好味到最後一滴咖哩汁都清哂呀！咖啡加入咗蛋花，咖啡汁食到有蛋黃香，香而不辣，味道獨得惹味。🍞而法包內脆內軟，代替碗隻載着咖哩汁，將咖哩汁完完全全索哂入味...呢個配搭簡直係prefect 呀！between...將軟殼蟹點落咖哩汁度，好似隻蟹識「跳水」咁，好可愛喔！🦀🦀🦀豬頸肉通菜用鐵板奉上，非常有鑊氣呀！豬頸肉份量比想像中多，而且通菜仲好大份添呀！食泰菜必點嘅椰青非常新鮮，椰青多心又多汁，椰肉輕而就刮到黎食，清甜解辣，超好味！

放工揾飯食，抽起條根想食泰國菜，就去左九龍城先算。一落車見到哩間好光猛，又落住雨就試下哩間。見到門口餐牌，已經見到幾樣野想食啦，就即刻入去啦。佢個餐牌有好多choice, 串燒海鮮都有好多揀， 連燒魚都有成5,6 種揀。見到好多枱都叫左咖哩炒蟹，但係真係太大份，兩個人食唔哂，唔駛叫其他野！芝心蝦丸流心芝士蝦丸勁大粒，一切開就流心，食完一粒已經夠，好彈牙！安格斯燒西冷牛小排燒得剛剛好，好juicy, 連旁邊d 蕃茄仔同瓜都有燒過，絕對唔hea!燒馬友Highly recommemd!!!好大條，d 魚好嫩，好juicy, 一開塊魚皮出哂煙，好好味，一d 都唔乾！同佢個燒魚汁，好食到佢個鮮味熱龍眼水，都好清甜潤喉叫左枝冰凍象啤食泰國野，正！

諗起食泰國嘢，就會想去九龍城小曼谷。就算平日夜晚嚟食，記住要book定枱！我哋早嚟，好彩what in都仲有位，不過見到啲人晏小小就已經要排隊啦！-叫得做海鮮燒烤屋，當然要食下海鮮。前菜叫咗牛油蒜蓉燒虎蝦$158虎蝦燒得好香，非常惹味開胃！-然後叫咗一個燒安格斯西冷牛扒$228，份量好足夠，牛扒燒到大概七成熟， 唔會太熟之餘可以保留到肉汁，好juicy!-小曼谷炒飯$98其實係一個蛋包飯，但係材料非常之多，有蝦、扎肉、菠蘿等等。-我哋仲嗌左一個椰青同埋泰式青檸梳打解下渴，椰青好甜好新鮮！下次人多啲一齊嚟就可以再食多啲唔同嘅餸菜啦！

在香港吃泰菜，第一時間定必想起九龍城 這個美食天堂難得家人從國外回港 這個月絕對是大吃大喝，放肆的時機 生蝦刺身蝦肉厚身爽甜夾上蒜片，蘸上帶辣的醬汁，把鮮味發揮到一個極致一份六隻，少吃多滋味燒安格斯西冷牛扒 牛扒略熟，幸肉味夠濃，嚼勁不錯 邊位的脂肪不少，吃來甘香泰式小食拼盤(大份)魚餅跟蝦餅都很彈牙惹味 一口接一口的吃著菠蘿炒飯以鮮菠蘿及洋蔥炒成，大量肉鬆增其香，飯粒炒得乾身每口也帶著酸酸果香，頗有層次最後當然要個椰青解解喝當晚菜式整體份量頗多，食材亦具質量九龍城太子道西398號御太子地下1-3號舖

在九龍城食泰菜，相信大部份人麵食過這裡，今晚就係同朋友來這裡食晚飯，這裡嘅食物水準絕不用擔心，反而要人多先可以食得多啲唔同嘅款式，不過食得到都可以點啲自己喜歡嘅款式！泰式拼盤(大)$176，樣樣泰式小食都有啲，最好就係個彈牙爽口嘅蝦餅，夠晒口感，而魚餅亦十分彈牙，春卷夠晒脆口，雞棗就好似燒賣嘅形狀啖啖肉！十分滿足樣樣有啲！泰皇咖喱法包軟殼蟹$198，一個法包內盛滿了香濃嘅泰皇咖喱，旁邊擺放了炸得香脆嘅軟殼蟹，食之前將軟殼蟹浸在濃郁嘅泰皇咖喱內，入口時充滿香濃嘅咖喱味之餘，還有香脆嘅軟殼蟹，雙重味道享受，而個法包吸收了個咖喱汁，入口亦好入味道，加埋焗得十分香脆，唔叫飯，咁食都已經好足夠！極上燒安格斯西冷牛小排$228，燒得啱啱好，入口軟熟，廚師細心已經切開一件件上碟，絕對方便入口！而肉質嫩滑軟熟，入口牛味濃郁，吃肉首選！配埋個特色飲品，真係完全滿足了今晚嘅"肉"望，榴槤沙冰$45，入口香滑，榴槤味道濃郁，上面還有少少嘅榴槤肉，愛吃榴槤嘅另一種享受！

今日兩個人想食泰國嘢，去完百佳買日用品，經過呢一間小曼谷海鮮燒烤屋， 見到有串燒咁特別嘅泰式嘢，就入去試試。入到店內突然又唔想食串燒，因為見到有其他選擇更好， 跟住就叫了 "蒜爆胡椒炒虎蝦" 未試過用損爆同胡椒去炒大蝦聽落幾特別，我最鍾意試新嘢， 虎蝦送到檯面時，見到虎蝦底部有毛數咁多蒜粒同埋胡椒粒，但食落口又唔係好覺有胡椒味，蒜味有少許，虎蝦很大隻，有手板這麼大，虎蝦的做法是走過油的在同蒜蓉粒加胡椒炒過，整體嚟講蝦係新鮮的，但味道就一般。再叫咗一個 "泰皇咖哩炒海鮮" 咖哩送到上檯面時隻碟巨大，海鮮包括有大蝦，鮮魷，青口，大花甲，再加少許洋蔥同菜等。 咖哩味道唔錯，都特別的味道，海鮮樣樣都非常新鮮，這個菜唔錯可以叫個飯去撈汁，但我冇咁做因為唔想太飽，飲品就叫咗我想試嘅椰皇沙冰，椰皇沙冰用新鮮椰皇去做，冰打碎混合而成應該有加少許糖漿，味道頗新鮮還算可以的。

聚點新年過後，約左班中同食飯聚一聚。想食泰國野，所以就揀左呢間小曼谷。一入去，鋪頭準備左一張大枱比我，我地8個人坐都仲有凸，唔會逼埋一齊。一坐底就早左杯野飲先，佢有個「椰青波波」，一開頭仲好好奇係咩黎，所以早左杯黎飲，點知原來係泰國好出名既去殻椰青，可以飲到椰青水之餘仲可以大啖大啖食啲椰肉，好滿足。唔洗特登去泰國食，原來香港都有。之後叫左碟泰皇咖喱炒海鮮，佢啲咖喱唔係辣咖喱，配埋啲海喱一流，啲咖喱唔會遮住哂啲海鮮既鮮味，令到食落口既時候海鮮既味有少少咖喱既點綴，不知不覺就食哂成大碟。之後仲叫左碟泰式燒盲曹，碟魚我好好奇點樣先可以令到魚皮咁脆又帶點咸香，魚一黎到，個個都搶哂啲皮食，啲肉雖然唔係好滑，但好夠味，咩調味都唔洗落就已經好好食，魚落枱唔夠幾分鐘，已經得反副骨，場面好誇張。仲有泰式鮮蝦炒金邊粉，呢碟金邊粉好足料，而且煮得啱啱好，唔會太乾之餘，仲保留到金邊粉既質感。呢碟安格斯西冷牛小排係我最喜愛既菜式之一，佢煮到大約7成熟，牛肉入面仲保留到少少粉紅色既部分，入口唔會覺得粗糙，配埋佢個黑淑汁同埋泰式辣醬感覺超一流。最後仲叫左個泰式拼盤，入面有蝦餅、魚餅、春卷同埋雞棗，當中我最鍾意蝦餅，

🔹泰皇咖喱法包軟殼蟹 $198一送上黎就有好香脆既味道軟殻蟹唔係好肥美大隻果種，但堅脆身，食得好爽就算唔太鍾意食海鮮既老婆，都食唔停口咖哩偏杰身，同甜甜地，用法包上簡直係絕配唔使自己再叫一籃包.🔹明爐香檸汁爇桂花魚 $248好夠酸味辣味，個味同平時泰式生蝦配既果個味一樣只係質地水啲，個汁好出色！一啖魚一啖汁，真係超惹味魚唔係勁大條，兩個人食或者分享食，size剛剛好魚肉都幾嫩，同埋熱住食真係無得輸.🔹泰式炸芝士蝦丸 $94(3粒) $134(5粒)有得叫3粒或者5粒，低估左佢叫左5粒唔係乒乓波size, 直程好似5球大雪糕咁大炸皮好薄好脆，蝦肉新鮮彈牙唔係空氣丸，咬落口感好實在，啖啖蝦肉咬開裡面又係爆漿咁多既芝士，好滿足建議兩個人都係食3粒夠皮，食完已經有啲飽🤣.🔹椰王沙冰 $32🔹榴槤沙冰 $45兩杯沙冰都好似，個人較推薦椰王事關兩杯都好有椰味但榴槤o個杯~榴槤味唔係好勁，但口覺軟杰，唔太解渴

黎九龍城當然食泰菜小曼谷是我心水推介，要認住門口有趣的吹氣公仔~內裡的油畫好靚，有時更有人彈結他唱歌～青檸菠蘿沙冰 $36清甜加開胃的酸味，好fresh~~好似身在泰國榴槤沙冰 $45榴槤味好重，再加左椰奶打多種香滑，超好飲！當甜品都ok泰式馬拉盞炒椰菜苗 $82菜苗清甜但不會太鹹，有鑊氣！香葉辣椒雞肉炒河 $78除了雞肉嫩滑，河粉都好入味，有惹味的洋蔥、香辣的調味，超正。泰式粉絲焗虎蝦 $238端上檯就傳來陣陣香味虎蝦大隻彈牙新鮮，而粉絲吸收全球精華好惹味。菜式好大碟經濟，3碟已經勁飽~~所以好多人幫襯，要食最好訂位。