小曼谷海鮮燒烤屋

营业中

休息中

位於九龍城太子道西398號御太子地舖的小曼谷海鮮燒烤屋，主打泰國菜。之前有來吃過，水準頗不錯，所以再來光顧。有不少上班族也點了客飯的午市套餐，也可以單點菜式。小曼谷炒飯來到了，煎蛋的份量十分慷慨，每一口飯都會吃到香口的煎蛋。輕輕切開，會有炒得乾身的飯、蟹柳、豬頸肉、蝦等。炒飯頗有鑊氣，不消一會便吃掉了。之後來到的是泰式鐵板蠔餅，侍應拿著滿滿的一盤上桌，十分震撼。炸漿厚薄剛剛好，蠔餅脆卜卜。還可以點少許正宗的泰式辣醬，味道先是微甜，然後辣味再滲出。最後是明爐香檸汁蒸桂花魚，湯底是酸辣湯，所以這菜式是辛辣的。酸辣湯的味道醒神刺激，十分驚喜，個人喜愛用碗盛載少許酸辣湯，邊吃魚肉邊飲湯。桂花魚肉也十分鮮甜，肉質頗滑溜，而且骨不多，酸辣湯吊起了魚的甜味。這是飲品椰青波波。其實是整個椰殼去掉了，只剩下球體的椰肉和裡面的椰青水，味道十分清甜。朋友則點了椰皇沙冰，沙冰口感幼滑，更加爽。

好耐冇去小曼谷食嘢，今天有事要去一轉九龍城，辦完事我立即叫老公過來一齊食晚飯，因為我好掛住小曼谷的美食，尤其是海南雞，一食難忘，今晚又可以回味一下了！現場有Live 表演，一邊聽歌和音樂，另一邊享受美食，真的一樂也！小曼谷招牌海南雞 ：真係食極都唔厭，幾時食丨都甘好味！海南雞新鮮有雞味，肉質鮮嫩，連皮也是爽的，醬汁又是特別調製，真的是食過都會翻尋味！明爐香檸汁蒸桂花魚：桂花魚新鮮又大條，肉質鮮嫩，用香檸特別調製的汁蒸，味道酸中帶辣，用火熱住魚上枱，保持溫度，食得慢也不怕凍了不好食。泰式干炒肉片河 ：炒得夠鑊氣，肉片入味，河粉滑滑的，十分惹味！椰汁涼粉冰：椰汁味香濃又夠甜，涼粉滑滑的，冰凍好飲。象啤(大支裝) ：夠凍又夠啤酒味。

《小曼谷海鮮燒烤屋》講起九龍城泰式餐廳有成千上萬間，唯獨小曼谷令我回頭率最高 。餐廳於晚餐時段更有現場歌唱表演，設有室外座位，可以帶同愛犬一同進餐。燒脆皮白鱔 $118/2串白鱔燒得剛剛好皮脆肉嫩 ，加上少少七味粉吊味妙不可言。近乎百二蚊兩串抵唔抵就見仁見智，但個人認為性價比高 。燒鱔出邊都咁上下價錢。泰式炸芝士蝦丸 $94/3粒 （細)兩人食關係叫咗份細有三大粒 ！呢份芝士蝦丸真係粒粒都大得離譜，入邊仲要滿滿流心芝士 ，邪惡指數直達100，所以食完一粒都有啲飽意。不過蝦丸確係爽口彈牙，配埋炸脆嘅外層同軟軟嘅芝士，正！泰式芝士烤薄餅 $32/2塊芝士蝦丸同呢個薄餅都係必點菜式之一。薄餅酥脆可口，配上面層如此誘人嘅烤芝士，撕開一絲絲咁享用更清晰可見薄餅嘅層次，正！串爆墨魚嘴 $28墨魚嘴過韌，完全咬唔開咁制，有點伏 。翠玉瓜沙嗲串燒 $16可以燒耐啲會更好，所謂沙嗲串燒其實係另上沙嗲醬汁，而唔係搽上串燒上邊一齊燒，醬汁偏淡同稀調味唔太食到。雞肉沙嗲串燒 $16燒嘅時間剛剛好，肉汁係有。雞腎沙嗲串燒 $16爽口有嚼勁，食完想再食嘅感覺。泰式鹹魚炒椰菜苗 $82鹹魚成為椰菜苗嘅點聚炒得夠香，

今晚又來到九龍城小曼谷海鮮泰國菜。 阿囝生日，加上我哋好耐冇食泰菜， 不期然又想起九龍城嘅小曼谷，因為呢度嘅食物水準都幾穩定。每隔一段時間都會有新嘅推介美食。今晚試咗"泰式粉絲焗蟹煲"。 足有四大隻虎蝦。 超多嘅粉絲墊底盡吸蝦嘅精華。 配襯嘅仲有泰式嘅香葉， 芹菜，芫茜。味道獨特，唔係一般廣東嘅粉絲蝦煲。 如果粉絲能夠更乾爽一點更perfect! 泰皇咖哩法包軟殼蟹$198 泰式咖哩連小朋友都可以食，甜甜哋又有蛋香， 完全唔辣。 大大個法包盛滿咖哩汁， 眼球超滿足! 咖哩汁配法包超正， 法包一定要趁熱食因為出爐嘅時候仲係脆身。差點忘記隔離嘅炸軟殼蟹， 但稍為炸得over了一點， 配上香濃嘅泰式咖哩汁亦非常美味!椰青$38飲品梗係唔少得佢嘅椰青。 椰青水非常清甜， 完全唔帶酸， 裏面嘅椰肉更加係又厚又滑， 有得飲又有得食!芒果沙冰$36即叫即打嘅芒果沙冰， 芒果味香濃沙冰軟滑， 唔會太甜冇加糖水，小朋友嘅至愛!明爐蒸桂花魚$248 (唔辣)明爐桂花魚有辣有唔辣做法。 辣嘅做法鮮味更被提升， 因為之前食過而且今次帶住小朋友還是選擇唔辣。 明爐鍋熱辣辣超正， 配上泰式嘅魚湯， 仲有各種泰式

之前食過覺得好食 見掛住泰國野就食反佢 不過對比之前 好失望！！先係蝦粉絲 好普通好失望 原本最期待嘅 但係味完全唔掂 先唔講同泰國嘅比較 但係粉絲個味好似普通豉油汁咁 最重要等好耐都冇到！其次係蒜蓉包 好乾好硬好油 已經係即到即食 但係都好油咁 好濟 掂咖哩食先好少少咁個印度酥餅 普普通通唔太差唔太特別 而個咖哩 個人覺得太椰汁 唔夠香西冷牛排 出奇地好食！肉眼好好 唔係好硬好難食 而且加埋啲香料好食！值得一試芝心蝦丸 好食！5粒完全唔夠喉 炸得酥脆 又香芝士味又重 正！！！串燒 算係泰國必食一環 豬串好好食 好有味口感好好 不過牛串好硬好乾 相比下豬好得多相比之前 今次真係好失望 食物質素退步咗

九龍城真係個美食天堂，每次黎多數都係食泰國菜/ 打邊爐。今日同男朋友黎到呢家老字號品牌，係正街口一d都唔難搵。入座後冇耐都漸漸坐滿客泰式生蝦刺身 $118無人不知既生蝦刺身，生蝦大隻又爽口彈牙，配上生蒜 & 泰式醬汁係幾襯嫁☺️ 做小食係個唔錯既選擇燒安格斯西冷牛扒 $228絕對對得起呢個價錢！因為份量好多，差不多有成20片西冷牛扒肉，燒得好有火喉但唔會太過火，牛扒呈少少粉嫩色，而且肥瘦均勻，係juicy既牛扒肉，好味道啊❤️另外點左呢個泰皇咖喱炒海鮮 $238估唔到又係大大盤放上枱，入面既海鮮多不勝數，見到佢呢個咖喱咁多汁都忍唔坐點左份蒜蓉包沾黎食，吸收左咖喱汁既蒜蓉包真係好鬼正啊🤤🤤🤤 咖喱唔係辣果款，因為有雞蛋關係汁有Dd杰身但唔會過份杰，帶有椰香同奶香味青口，蜆肉，魷魚，仲有兩隻好大既虎蝦，海鮮都係新鮮的，虎蝦肉實的的同有彈性，青口同蜆都係大型size，咖喱因為味道唔算好濃所以仲可以嘗到海鮮既味道，因為叫左蒜蓉包關係連個咖喱汁都食左一大半，真係好滿足既一晚呢!近期男朋友愛上既咸檸7，不過呢度用既係酸梅，味道其實都係酸酸甜甜，開胃既飲品泰式椰青飲得多，椰青波波真係第一次，呢個正正就係

九龍城有唔少泰菜餐廳, 食過好幾間其實味道唔錯, 最令人回味無窮既一定係小曼谷! 特別假日入夜時份, 全餐廳都定必坐滿食客, 於是今日同屋企人為避開人流, 所以提早係太陽落山前食dinner~基本每次黎, 都一定會點冬蔭功同埋咖哩, 係香港食過咁多間泰菜, 呢兩款真係冇邊間好食過小曼谷! 咖哩款式多, 所以每次都可以點唔同既菜式。【冬蔭鮮蝦雲吞湯】HK$128 小火爐興住熱辣辣既冬蔭功上檯, 份量有四飯碗左右, 冬蔭功湯中有唔少泰國香料、五粒鮮蝦雲吞同埋秀珍菇。雲吞大大粒而且足料, 啖啖都有鮮甜爽口既蝦肉, 湯底酸酸辣辣, 惹味又開胃!! 【泰皇咖哩法包軟殻蟹】HK$198話明呢度咖哩正, 係正到連汁都要清埋! 於是今次我地就揀左呢款有埋包可以點埋咖哩食既菜式。咖哩置於手掌般大既法包入面, 法包表面稍為烘過, 包面微微脆身, 軟殻蟹雖然份量唔多, 但酥脆唔會油膩, 點咖哩食, 正啊! 咖哩偏杰, 當中加入了蛋花, 咖哩味道甜甜又有微微蛋香, 法包內裡軟熟, 點咖哩食簡直一流!【原隻鮮魷筒釀糯米飯】HK$188魷魚中釀入糯米飯, 再切食一卡卡方便食, 魷魚爽口唔會韌到咬唔開, 糯米飯帶少

九龍城這個地方對我來說不算就腳，所以差不多每次都是約有駕駛的朋友才會來。兩個人吃不了太多，所以只點的一個飯、一碟菜和一條魚。*椰青海鮮焗飯 ($108)看到焗飯的賣相已經感染到很開心的心情；而且真的不要小看焗飯的份量，我們兩個都不能吃光光；海鮮焗飯很夠料，中間有不同的海鮮，有蝦、尤魚、蟹柳等的；飯是濕潤的，很有椰香味。*泰式咸肉炒椰菜 ($82)只有炒椰菜的話可能有點悶；加了咸肉增添的層次；菜和咸肉一起吃就不會覺得太咸了。*鹽燒馬友魚 ($198)這條鹽燒馬友真的是超水準；魚燒得剛剛好，魚肉超嫩滑的。*椰青 ($38)很清甜，而且椰肉很嫩。*熱龍眼水 ($28)朋友點的

去到九龍城一定要食泰國嘢啦🤩🤩今次就去咗喺九龍城有幾間分店嘅小曼谷😁星期五夜晚八點去到，大把位，唔使等位，就怕有少少伏，上網睇咗一陣，好似都可以就入去坐低🧐叫咗一個椰青(個椰青唔係好甜但都幾多水👍)叫咗一個馬拉盞通菜🌶份量都幾多，味道尚可，但唔係好夠辣之後叫咗個鮮蝦金邊粉，啲蝦都幾大隻幾新鮮🦐🦐個金邊粉都炒得幾好味食到呢度其實已經有啲飽，但見到隔離枱叫燒鱔好似好香，幾好味咁，所以加咗兩串，味道唔錯，幾厚肉，不過有骨😞

生蝦刺身好彈牙一台人分，食得一兩隻真唔夠喉醬汁酸甜好開胃冬蔭公（大）因為一行5人，叫左個大嘅湯，份量夠，每人飲到1.5-2碗。味道好正，唔會太辣，酸味剛好，好香椰汁/香茅味蘑菇亦入味，都幾多料蝦都唔少，彈牙馬拉盞炒椰菜苗椰菜苗略為大棵，如果細點嫩點更好。炒得好香夠獲氣，味道辣辣咸咸好正咖哩炒峴峴都幾多粒，成廿隻都有，冇沙個咖喱汁係主角，好香濃椰汁咖喱味，當然我地叫埋蒜蓉包：叫了兩盤，焗得外脆內軟，牛油亦夠，好香，加埋咖喱汁係絕配本來朋友扭計要食金邊粉，我沒什麼期望。但一試真的有驚喜！炒得夠獲氣有微微焦香味，調得好惹味，魚露味突出

朋友帶了我去這間位於九龍城的小曼谷食泰國菜。餐廳面向大馬路，剛好太陽可以曬入餐廳，所以十分光猛。有套餐亦有散叫，價錢合理但份量十足。泰式芝士炸蝦丸炸蝦丸超大個，外面炸得香脆，中間有流心芝士，蝦丸肉質爽彈。冬陰公湯湯底不算太辣太酸，適合港人口味，裏面有大量的香料味道，還有大隻蝦肉及菇，十分開胃。鮮菠蘿海鮮炒飯炒飯爽口，裏面有很多海鮮如蝦、帶子及魷魚等，還有些肉鬆的咸味，十分足料。泰式青檸梳打及椰青波波前者酸甜很解渴；後者是原個椰青起肉，椰青水清甜。

九龍城最出名是甚麼？一定是泰國菜啦！今次同朋友去了小曼谷海鮮燒烤屋食午餐。榴槤沙冰&芒果椰汁沙冰：朋友最愛食榴槤，見到這個沙冰急不及待就點了杯，我離遠都嗅到榴槤香味，朋友話榴槤香十足，不會太甜，十分足料；後者有粒粒芒果肉，再加上椰汁香味，味道香甜。泰皇咖哩炒海鮮：海鮮有多款，有蝦、蜆、青口等等，海鮮新鮮，蝦肉彈牙，蜆肉大隻無沙，咖哩裏面有很多的泰式香料，咖哩味道不辣，帶點椰汁香味。泰脆豬手：豬手足兩磅，表皮十分香脆，一咬入去聽到卜卜聲，但豬手仍然保留到肉汁，肉質嫩腍不鞋口，旁邊還有些酸蘿蔔，可以減輕油膩感，還有些炸蝦片伴碟。整體食物質素中上，價錢中等但份量真是十足，大件夾抵食。

中秋節同一班女"太空人"🤣追月 (但其實我地無欣賞過個月亮🙈) 去左試小曼谷，由於人多，可以盡情叫野食😍 上枱我地一致嘩一聲既係豬頸肉！因為無諗過係咁大份😳 食落口邊位香脆，肉質彈牙，醬汁鮮味，一流👍🏻生菜包 d 菜份量慷慨，肉碎帶小小辣好惹味😋 咖哩蜆好正，可惜個蒜蓉包唔係即刻黎，d 咖哩凍左，雖然加埋一齊食真係無敵，不過如果熱 d 就更上一層樓😅 炒金邊粉甜甜的易入口~ 一定會叫既冬蔭功係香港人口味，酸辣平衡幾好~ 最正係 d 蝦又大又彈牙，我平時唔食蝦都食哂成隻🤤 差唔多有我拳頭咁大既係芝士蝦丸男友實驗證明係爭 d 可以拉絲拉到去對面朋友果度 (喂呢個 game 黎架喎🤣) 不過都係要熱食，凍左就滯。馬拉盞炒椰菜苗好食喎，唔會話好鹹。最後黎埋條明爐烏頭，正常地嫩滑結實無泥味~ 朋友果杯榴櫣沙冰好榴櫣♥️ 以後黎九龍城又多個選擇✌🏻

富有夏日風情裝潢，門前又有生動招牌吹氣公仔坐鎮。包裝可以提升價值，呢家系最好既例證！價錢比其他餐廳貴一截，仲會收取加一，但系食物吾見得比其他好。明爐香檸汁蒸桂花魚 $208，精美器皿盛住魚，慢火溫煮著，上湯有辣椒青檸配料，桂花魚細小但無細骨，可惜吾入味，加上處理不當，食到中間部份，魚肉苦澀。泰皇咖哩法包軟殼蟹 $168，不過不失，睇落好大份既，不過都系咖哩汁同蔬菜。法包本身口感就硬既，個人就食吾慣，要用咖哩汁浸軟。咖哩汁香濃椰奶，加入蛋漿更稠緊黏滑。仲試左碳燒魷魚、串燒、炸蝦餅、沙冰，普通，冇話好突出。

之前諗住去九龍城唱k 點知去唔到 好傷心 就只好食個lunch補返數 就入咗去嚟間好似幾抵食嘅泰國餐廳同朋友不約而同咁叫咗個咖哩雞排飯 覺得四十幾蚊嘅午飯都幾抵食！佢配有冬蔭公湯 幾香同埋唔算好油 酸酸地幾不錯 雖然有好多我唔太鐘意嘅莞茜 不過味道係好嘅碟飯其實份量好夠！食完勁飽 而且咖哩汁幾惹味 好香 雞排仲煎得適中 硬度適中 同咖喱汁好配合 好正好好食飲品仲可以免費加配凍泰式奶茶或者荔枝茶 個人幾鐘意個奶茶 幾滑好好飲🤤 呢個價錢食到咁飽同味道好食性價比幾高！