小曼谷海鮮燒烤屋

营业中

休息中

實在很久沒吃過泰國菜了，這一晚，決定與老婆仔一起來這間印象蠻好的泰國菜館吃一頓豐富的泰國菜，大快朵頤一番。先來兩杯「芒果沙冰」（$36），冰涼透心，解渴怡神，又好味道。這兒以海鮮燒烤屋為名，當然要吃海鮮和燒烤啦！點來一客兩串的「燒脆皮白鱔」（$112）、「鮮海蝦沙嗲串燒」（$48）、「牛舌串燒」（$28）和「雞腎沙嗲串燒」（$16）兩夫妻一起分嚐。兩夫妻最愛的「燒脆皮白鱔」是各款燒烤中的重頭戲，份量多，也夠香，而且味道也不錯，不過近魚鰭部分魚骨較多，就成為最大的缺點。至於另外三款串燒，「鮮海蝦沙嗲串燒」除了四顆紅彤彤的車厘茄外，還有四隻已捲成一團的海蝦，頗為抵食；「雞腎沙嗲串燒」口感對辦，蘸點沙嗲醬，味道吸引；至於一串四片的「牛舌串燒」，部分燒得較韌，質素就有點參差。總不能不吃點菜吧！鑊氣十足，香氣撲鼻的「鐵板豬頸肉馬拉盞啫通菜」（$89）就最惹味了，嫩綠的通菜，軟嫩的豬頸肉，香辣刺激的味道，使人食欲大增。「鮮芒海鮮炒飯」（$88）材料豐富，份量亦多，鑊氣不錯，既飽肚，又好味，特別是那些肉鬆，更有畫龍點睛之效。兩夫妻都極愛吃泰式芒果糯米飯，當然有預留位置吃這兒的「小曼谷原隻芒果糯米飯」

/泰式生蝦刺身💰118 7⃣分食泰國野點會唔點生蝦呢？佢地提供既蝦肉新鮮大隻，而且十分爽口。記得連埋蒜片一齊食，會更惹味。/香葉辣椒豬肉碎燴飯 💰78 7⃣點5⃣️因為係燴飯，所以保存既湯汁同精華都特別多，每一口都好濃味。而除左本身飯個香味，佢d香草配料等既味道都好出，只係聞個味都可以勾到你心中既魂。黎到佔據半個碟既豬肉碎，份量毫不吝嗇，但味道也偏重，加埋飯食就啱啱好。依個飯有小小辣，鍾意食辣既朋友仔可以必食啦。/泰式炒雜菜 💰72 7⃣️分食左咁多肉，點都要叫款菜去做下過渡，平衡一下。依款菜式唔會太油膩，但味道一樣咁出眾，加上質感都十分清脆爽口。而佢既份量都好足，夠曬幾個人食都得。/明爐香檸汁蒸烏頭 💰208 7⃣️分熱辣辣唔想食咁乾噌噌既菜？咁就叫以款啦！一條大烏頭好似浸浴係一堆配料上，加上酸甜甘香既青檸汁，成為左沖洗夏日炎熱既/泰式冰奶茶 💰28 7⃣️分完全係泰國飲到既奶茶味道，奶味香，茶味濃，泰好喝。/泰式龍眼冰💰28 6⃣️點5⃣️分龍眼比較腍，稍微有點小失望。但味道唔會話係死甜或者糖水咁款，有龍眼既味道，都叫做唔錯。

九龍城不嬲都係食泰國野既好地方～呢間一直人氣高企，今日終於試到喇！我地叫左生蝦（$118）、蟹肉雞絲魚肚羹（$112）、泰式咖喱法包軟殼蟹（$198）、串燒x3 - 牛舌（$28）、牛肉（$16）、墨魚咀（$28）同一杯椰青波波（$45）嚟左杯野飲先，呢杯野飲好得意，佢地係將成個椰肉抽左出嚟，咁就唔駛次次都要自己用匙羹去整d椰肉！好有諗頭既設計！超級吸引既生蝦，配上生蝦專用既醬料，好食到停唔到口，生蝦啖啖肉，醬料較辣，唔食得辣既食兩舊應該就會要抖抖再食～好足料！d魚肚好好食好有口感，不過略微有點咸～個人覺得呢個最好食，亦係我暫時食過咁多法包最好食既，我覺得個主因係咖喱調味，甜甜地好夾個包！包亦好鬆軟，好味到想encore!串燒方面最推係牛肉，同沙嗲醬料好夾。總括係好好食既一餐！有機會一定encore!

講起食泰國菜邊有人唔識九龍城小曼谷今次試下呢間有隻大公仔係門口既分店蝦餅 好大件 3件勁飽呀 ！泰皇咖哩蜆 咖哩好食！ 蜆 不過不失可以下次叫泰皇海鮮/ 蟹再叫薄餅叫多個馬拉盞炒通菜 超香椰青超甜 好多肉 一流埋單一人$200頭飽到上心口

今日去九龍城買野，泊左架車係九龍城廣場。買完野之後，差唔多食晚飯時間。不過左諗右諗，九龍城廣場都無咩好食，禁就行出去出面食，選擇多啲。九龍城，最多人食一定係泰國菜。大人話有啲掛住小曼谷個咖哩炒蜆。得！明晒！即去！😂九龍城大大話話有成3-4間小曼谷，大人想食咖哩炒蜆，我就想食下燒烤，禁就去佢地間燒烤屋喇。去到已經有人等緊位，禁好好彩，我得2個人，好快就安排到入座。海鮮孖寶鹽燒虎蝦+鹽燒鮑魚虎蝦燒得好出色，重有膏！鮑魚亦燒到岩岩好，好彈牙！風味燒豬頸肉豬頸肉份量唔少，配埋個醬汁一流。泰皇咖哩炒蜆+泰式原味烤酥餅+泰式蒜蓉包大人的主角來了！好好味！一定要加埋酥餅或者蒜蓉包，食埋佢啲咖哩。我大貪啲，2樣都叫晒🤤泰式飛天炒通菜今日個菜炒到好辣，不過好惹味芒果沙冰+泰式奶茶所有野都整到好好食，係無咩冷氣😅

搬家到九龍城都有大半年，而小曼谷一直是我吃泰國菜的首選。今晚放假又到吃飯。明爐香檸汁蒸桂花魚$248青檸汁內有辣椒和蒜頭，受熱後滲入桂花魚魚肉內，令到味道突出，這個是很少出現在其他泰式菜館內，所以是必試之選。泰式鹹肉炒芥蘭$82 鑊氣十足，味道適中，芥蘭爽脆，鹹肉有點像中式的燒肉，肉質比較硬，下次考慮不要鹹肉。泰式冰咖啡$28咖啡濃郁，椰糖的味道比較重。泰式炸蝦餅(小)$72雖然是三件，不過份量十足，外脆內軟，蝦肉爽口。泰啤大支裝$365%的酒精，麥味比較濃郁，啤酒加上連個杯都是冰涷，夏天必選。芒果糯米飯$78糯米是熱騰騰的，配上甜甜的芒果🥭和椰漿，令人三扒兩撥就把它吃掉。

朋友回港要食泰菜，當然去九龍城，之前同家人去過小曼谷海鲜燒烤屋慶祝食生日飯，家人都非常满意。要—早book 訂，一到晚市勁多人。大概六點就入去，時間尚早都有三四枱客。地方都寛敞環境坐位舒適。食物多元化多款色。小曼谷五星燒雞。皮脆肉嫩加上店家自家製醬汁酸酸甜甜—齊食，增添味道層次。虎蝦好大隻泰式粉絲焗虎蝦。虎蝦大大隻，啖啖肉好鮮味又彈牙，配角粉絲吸收所有汁料精華。泰式飛天炒通菜。少少辣好野味小曼谷炒米粉。第一次食泰菜叫炒米粉，料多米粉炒得夠乾身。蒜蓉包。熱腾腾焗到金黄色勁多蒜。香噴噴又夠脆。青檸菠蘿沙冰，香濃菠蘿味，最啱現在好清涼夠消暑。

無論係咪住係九龍城既人都一定認識呢間小曼谷🍍😊九龍城小曼谷有兩間，今次我地就黎到小曼谷海鮮燒烤屋。每次經過都會見到有個廚師充氣公仔對住街招手，好似邀請我地入去咁😂餐牌有非常多嘅選擇， 咖哩，海鮮，炒菜，串燒全部都有。好多都想食，為左肚腩仔健康成長，一於食得豐富啲啦😜泰式炸芝士蝦丸第一個必食推介 芝士蝦丸💓💓三粒乒乓球咁大既蝦丸見到都已經垂涎欲滴🦐炸得熱騰騰，香脆可口。切開一半，仲見到芝士流出黎，好滿足呀😋點埋甜酸醬食，好正呀👍雞腎，雞軟骨，墨魚咀串燒方面叫左呢三款。雞腎爽口，雞軟骨同墨魚咀都好嚼口。主角就梗係沙嗲醬啦，香濃美味。蟹肉雞絲魚肚羹第二名我覺得一定要試既菜式😂 胃唔係好舒服所以唔想飲冬陰功湯， 椰子雞湯又比較常見， 所以於是試下呢個魚肚羹，估唔到有驚喜喎👍魚肚非常足料😍😍幾乎成碗羹都係爽軟既魚肚😜不過廚房落得太多胡椒粉，味道比較濃同鹹。豬頸肉炒芥蘭食咁多炸野叫個菜食下先。爽口既豬頸肉炒芥蘭呢個配搭無得輸。仲有其他調味，例如 蝦米仔，令到味道更加香。椰汁西米糕拼泰式千層糕最後點都要叫返個甜品既🍰咁多款泰式甜品入面我嘅最愛，就係泰式千層糕😍 甜甜地煙煙韌韌嘅口感好正😋 至於西米糕

工作繁重沒空外遊，唯有週末到九龍城按摩品嚐泰菜，當作小出走。之前乘車經過見此店的招牌公仔，是夜見到高朋滿座，決定一試。天氣炎熱來個椰青消暑，清甜肉多。飛天通菜夠鑊氣，加入辣椒豆豉同炒，非常惹味。青木瓜沙律十分爽脆，醬汁酸甜微辣，十分開胃。Pad Thai 大大碟，微酸熱辣，蝦肉鮮味濃，尚算不錯。沙嗲雞肉串燒表面脆口，雞肉香嫩，醬汁微辣充滿花生香，風味十足。牛油蒜蓉燒蜆，肉厚無砂，加入小魚乾增添爽脆口感，香氣濃郁。咖哩炒青口，肉厚味鮮，一碟有十多隻，份量毫不吝嗇。咖哩微辣充滿椰香，洋蔥青椒保持爽脆，伴咖哩吃十分惹味。飲後還有Live Music 助慶，生色不少，值得再訪。

九龍城大把泰國野好多人都知！今次又過黎食正野喇！小曼谷海鮮燒烤屋有兩間分店，今次去左大鋪！鋪面大啲，坐得冇咁逼！一黎到必點生蝦同埋冬陰公，生蝦好鮮甜好爽口，配埋辣椒同埋蒜食真係極品！細冬陰公個size都好多！偏酸唔算辣，岩曬啲怕辣嘅人士！又有兩大隻蝦，好爽口好好味！好足料呀！豬肉生菜包味道唔辣，生菜份量都好夠兩個人食！而飛天炒通菜就有啲辣喇！平時成日食馬拉盞炒通菜，今次要試下新口味！唔錯唔錯！岩曬我呢啲小辣椒！牛柳粒串燒就比較普通，可能其他實在太出色喇！最最最impressive係榴蓮沙味！平時已經好少泰國菜有榴蓮沙冰飲，呢度啲榴蓮沙冰真係超好飲！好夠榴蓮味，奶味又香，又有果肉！超正！椰青夠大個，又多椰汁飲，夠消暑！下次再黎一定會再飲榴蓮沙冰！一試難忘！

如果你問我大熱天時食甚麼菜式最適合，我一定答你是泰國菜，原因係清新菜式有，開胃菜式亦有，所以今晚我揀左去小曼谷這間餐廳座落九龍城已很多年，在競爭激烈的地方能屹立不倒，當然食物質素有保証餐牌有齊各式各樣泰式食物串燒珍寶帶子厚切帶子串即叫即燒，帶子夠鮮味，表皮有很燒烤味鮮虎蝦球串蝦球燒得甘香，蝦味經過燒烤後更突出泰式雞絲海蜇沙律泰式沙律絕對係最開胃的一種，泰式酸甜汁配上海蜇及多款什菜，味道極為清新泰式蒜茸包一客四件，即叫即焗，蒜蓉味道完全滲透整件法包，外皮超級香脆，點上咖喱汁味道更佳咖喱牛腩泰式紅咖喱汁超香濃，應該用上了不少泰式香料，牛腩不算太大，入口軟身 ，完全吸收了咖喱香味泰式炸蝦餅四件圓形蝦餅極之龐大，表皮炸得香口，蝦膠彈牙夠蝦味，超美味椰皇沙冰及菠蘿沙冰小暴谷泰式沙冰絕對係推介，新鮮生果打成，椰皇整杯充滿椰青味道，椰味香到不得了，菠蘿沙冰亦然，菠蘿味純天然甜味，真係差點想多叫一杯泰式椰汁糕及千層糕千層糕樣子有點怪，花形狀，但味道絕不差，質地煙靭，椰味芬香，椰汁糕香滑，入邊有粟米和西米粒，亦相當可口九龍城泰菜絕對是正宗，小曼谷更加是表表者，下次想吃泰菜，此處是不二之選

九龍城一向都係出名食泰菜嘅地方區內住埋咁多泰國人想食正宗泰國菜一定冇難度！而呢間小曼谷同佢門口fing晒手嘅公仔直情係地標黎但原來佢喺九龍城有唔止一間分店架如果book位要留意喇～講返d食物先我地兩個人嗌左個細冬陰公湯（基本上食泰菜必點），一個Pad Thai一個青咖哩豬配一客原味烤酥餅同埋一個馬拉盞炒椰菜苗基本上每一樣嘅份量都好大我地嗌嘅野夠四個人食冬陰公湯夠辣而且夠晒足料有兩隻大蝦喺入面啱晒嗜辣人士！青咖哩豬上枱嘅時候仲有個爐仔熱住夠晒細心未食已經聞到好大浸椰香味配埋個烤餅食簡直一流睇menu見到話烤餅一份得兩塊仲驚唔夠喉但食落原來啱啱好因為一塊烤餅都幾大塊！作為一個澱粉控一定要叫返個Pad Thai!佢嘅Pad Thai唔會太酸唔太重味配埋個椰菜苗食就啱啱好勒！

好味的不妨一吃再吃，前排家人生日，相約親朋戚友去九龍城小曼谷一齊慶祝。冬蔭公湯家人最愛冬蔭公湯，味道濃中帶一點酸帶一點辣，非常開胃，海蝦非常大隻，口感爽彈。沙嗲串燒點了豬肉、牛肉、雞肉，個人比較喜歡雞肉串燒，肉質較嫰配上沙嗲汁更為美味。泰皇咖哩炒羔蟹主角出場了，羔蟹啖啖肉十分新鮮，肉質鮮嫰，不要忘記碟上有另一主角，咖哩汁，我們為了這個汁點一份泰式原味烤薄餅，每吃一口都沾汁，簡單的食材都會變成美食。菠蘿海解炒飯炒得夠乾身，份量也滿多，見到有飯就自然再將咖哩蟹的汁再加進去，明明點了一個炒飯，但可以有兩種味道，物有所值。泰式炒馬拉盞椰菜苗風味十足，不會過鹹，吃點蔬菜減減油膩感。象啤來這裡不能不點象啤，喝一啖聊聊天、消消暑，為生日聚會劃上完美句號。

家人一年一度生日飯一家人就去了九龍城食泰國菜當晚家人吃得開懷，泰開心了菠蘿炒飯以鮮菠蘿及洋蔥炒成，飯粒炒得乾身，大量肉鬆增其香每口也帶著酸酸果香，不錯以豐富食材熬製的冬蔭功鮮蝦帶豐厚蝦膏，讓湯底更添濃香鮮味與酸味皆強咖哩炒膏蟹 份量十足的膏解，極多鮮味蟹膏掛著既香且滑的椰香咖哩醬汁，少辣微甜，非常滋味伴飯一流！馬拉盞炒椰菜苗 味道不會過咸，滿滿咸鮮醬汁盡掛椰菜苗上沙嗲串燒，豬，牛，雞(各兩串)惹味香料，肉質入口嫩滑沙嗲漿汁調得非常惹味內里更混上了粗粒花生最後當然要來杯透心涼象啤 九龍城太子道西398號御太子地下1-3號舖

今次嚟到比較遠嘅九龍城覓食，朋友介紹落呢間泰菜唔錯，所以遠少少都黎試吓啦呢度嘅環境氣氛唔錯，有啲藝術氣質環境地方都舒服，而且餐具嗰啲都好整齊乾淨一般普通出面食到嘅泰菜呢度都有，款式選擇都多一黎就叫一個開胃小菜先，叫咗一個泰式酸辣鳳爪， 鳳爪係無骨架，啱晒我呢啲懶人啦，酸酸辣辣咁樣好開胃，仲有啲唔同既配菜。之後就叫左一個鐵板豬頸肉馬拉盞通菜，唔會剩係得菜咁齋，加咗少少肉去炒之後，有少少提鮮既作品， 個菜都唔會太鹹，拎嚟送飯都啱啱好，一上枱嗰時仲係熱辣辣㗎。再嚟就係我最愛嘅海鮮菠蘿炒飯，每次食泰國嘢都會嗌，個炒飯鑊氣都夠，加上啲海鮮全部都好大件，肉鬆有少少甜甜地嘅味道，撈落個飯度成個口感好豐富最後點少得甜品啦，叫咗一個椰汁西米糕拼泰式千層糕。個千層糕做得好煙韌，啱啱整起無耐仲有啲暖暖地嘅感覺，而且又唔會太甜。佢呢度嘅西米糕特別嘅係個底有粒粒嘅芋頭喺度㗎，令到成個好有咬感