小曼谷海鮮燒烤屋

营业中

休息中

每隔幾個月就要去一次小曼谷回味～今次就揀燒烤呢間，貪佢多海鮮揀！雖然價錢比較貴，不過質素都相對高～叫咗燒蟶子，燒得啱啱好，蟶子肉啱啱熟，perfect！用咗熟蒜燒，調味非常鮮甜！面仲舖咗層炸銀魚仔，食起上來又脆又軟，鮮味double up！串燒豬肉好好味，係泰國先食到嘅味！而且一咬仲有肉汁咇出來，正！燒扎肉都好味，用咗蜜糖燒，出奇地夾～雞肉還好。呢度一定要點蒜蓉包，因為一塊已經係出面嘅四塊，牛油同埋蒜蓉俾足料啊，牛油多到流晒去下面嗰層，抵食！芒果椰子沙冰，聽個名都知好味啦～點少得泰式炒通菜先？不過今次好辣，食咗幾條就放棄咗😭最後叫埋芝士臘腸焗雜菇，味道就唔太夾，同𡊰竹雜菇食到小小嘅草青味整體來講，燒海鮮同蒜蓉包必點，再加杯沙冰，冇補充啦法官大人！

今日和太太往九龍城小曼谷海鮮燒烤屋食晚餐。我們點了海鮮孖寶餐, 燒安格斯牛小排、燒雞扒、蒜蓉炒椰菜苗、油飯、椰青和泰式奶茶。海鮮孖寶餐有牛油蒜蓉燒虎蝦和燒扇貝, 牛油蒜蓉燒虎蝦牛油味香滑, 蒜蓉味濃、虎蝦食落鮮甜彈牙；燒扇貝大大隻, 食落口感鮮甜、配上銀魚乾和蒜蓉帶出扇貝美味；燒安格斯牛小排牛小排燒得剛剛好, 牛肉肉汁鮮甜, 配上醬汁食落醒胃、配菜翠玉瓜和車厘茄食落爽脆鮮甜；燒雞扒賣相吸引, 雞扒大大件肉質鮮嫩, 食落啖啖肉；蒜蓉炒椰菜苗炒得乾身, 椰菜苗食落爽口；油飯食落飯味香濃軟綿；最後泰式奶茶茶味香濃甘甜。餐廳座位舒適, 食物美味高質, 和太太食了一頓高質泰國菜。

九龍城多泰國菜就係人都知，但係究竟應該揀邊間先好食呢？呢間小曼谷就絕對係其中一間啦！喺九龍塘站坐小巴過嚟都好方便，位置一啲都唔難搵今次超肚餓叫咗好多嘢食，首先叫咗牛舌串燒、珍寶帶子串燒，牛舌外脆內軟，帶子都烤得啱啱好！跟住就叫咗生菜包，微微辣同埋微微酸，非常開胃！生蝦刺身，隻隻都超級肥美新鮮，點埋個泰式辣汁無得頂！主食就叫左蝦膏炒飯，非常香口，超多泰式蠟腸粒粒！另外仲有個馬拉盞通菜都好惹味！除咗呢啲傳統泰國菜，仲有啲新潮嘅菜式，叫左個芝士蝦丸，蝦丸本身大大粒，一咬開就有爆漿芝士，食呢個真係要小心辣口！最後仲叫咗兩杯榴槤沙冰，呢兩杯野真係真材實料，超香榴槤味，原本都已經好飽，飲埋呢兩杯野真係要捧住個肚走！超正！

平日普遍食得比較清淡d，今日想食得濃味少少，於是就黎咗小曼谷海鮮燒烤屋雖然泰式料理味道比較濃，但多種唔同嘅調味料，香料混合埋，每次都食得好惹味。泰式生蝦本來睇menu時嫌佢有少少貴，但想食就照叫啦，佢用冰鎮住，擺盤有花心思，一食非常冰凍，同埋原來幾厚肉下，肉質鮮再加埋佢地自家醬汁，辣得黎非常好食。泰式炸芝士蝦丸粒丸幾大粒下，有半個手掌咁上下，建議切開或一小口咁食，以免燙傷，因為佢芝士係流心，好邪惡好好食鐵板豬頸肉通菜每次食泰式料理都會叫碟菜，因為泰式嘅炒菜真係好惹味好香口到停唔到口，呢到仲會用鐵板上，keep住係熱嘅，份量又多，鍾意食菜嘅朋友要試呀。泰式燒盲鰽唔好睇佢樣樣衰衰，甩皮甩骨咁，雖然賣相唔叫好，但打開佢層皮，就會見到好鮮嫩嘅魚肉，魚肚擺咗d香料去燒，味道聞落好香，相比中式成日用到豉油，佢呢個更健康同開胃香燒扇貝餐廳個名有燒烤兩個字，相信燒烤係佢地嘅拿手菜，又點可以唔試呢，扇貝大大隻，肉厚，但火候控制得好嘅關係，燒得啱啱好，唔會韌，鮮味+牛油香+肉質，我俾佢101分，必嗌！

九龍城係香港ge小泰國，以前阿爸成日帶我哋一家四口去食，近年去泰式超市買料返去煮多D。今晚戚起條筋，search 咗search,就衝咗去擦咗餐泰dinner～鐵板豬頸肉啫椰菜苗馬拉盞上枱時咋咋聲，碟菜面頭全部都係好新鮮好嫩嘅椰菜苗，豬頸肉呢就係墊底嘅，因為咁樣鐵板先至可以煎香D豬頸肉，當我地炒一炒，翻一翻個菜之後豬頸肉嘅數量都幾多，而且因為比鐵板煎過所以仲好香添！香燒原隻扇貝隻扇貝有¾隻碟咁大粒肉仲好口添，有啲銀魚仔喺面度炸得脆卜卜，加上D香蒜，無諗過係泰國菜餐廳食到咁滿意ge鮮，真心好食抵食過西貢海鮮檔。青檸菠蘿沙冰沙冰面有啲菠蘿喺度，飲落唔係太甜，應該冇特別再加糖水，飲完係開胃嘅，今晚食ge唔係熱辣辣鐵板，就係辣同濃味，呢杯沙冰可以清清Balance返件事同refresh吓味蕾泰式青檸梳打泰式青檸梳打都幾新鮮，個酸味都幾出，我諗佢應該響個梳打入面有先落到青檸汁，所以唔係淨係擺咗塊青檸咁簡單泰式燒盲鰽呢間泰菜ge海鮮真係有返咁上下，條盲鰽外面燒得好乾身，但切開入面都仲係好多汁，平時常食泰式鱸魚，酸酸辣辣，但今晚燒盲鰽，唔蘸泰式汁齋食個魚味仲開心！泰皇咖喱法包軟殼蟹呢個咖喱法包軟殻蟹

跟朋友慶生，朋友表示想食泰國菜，無錯，夏天食甜甜酸酸係寧舍開胃同舒暢，我地選址九龍城既小曼谷，因為陸路交通好方便，放工黎，再返家都一定有車走。大概幾年前都黎過食，格局都係冇乜太大改善，所有野都保持到新淨及整齊。望住餐牌，真的五花八門，應有盡有。泰式鮮蝦柚子沙律 $98蝦多柚子又多，而且醬汁是甜甜酸酸，很開胃，作為一個餐前小吃十分出色，而且加上柚子皮溝埋一齊食，份外清新。泰式生蝦刺身 $118有6隻蝦，每隻蝦上都附有一片蒜片及一片辣椒，蝦肉新鮮又彈牙，望落晶瑩剔透，蘸一蘸秘製辣汁，真係辣得過癮。泰式馬拉盞炒椰菜苗 $82一遞上黎，就聞到很香的馬拉盞味，椰菜苗翠綠新鮮，軟硬適中，而且索哂馬拉盞味，鹹鹹辣辣，感覺可以不斷食!!!泰式鮮蝦炒金邊粉 $88配料很多，有大大隻蝦、蛋、韮菜、芽菜、側邊仲有碎花生，如食之前加上青檸灑一圈，更添上一份清新感，金邊粉條條分明，沒有痴埋一堆。泰式炸蝦餅(小份) $72有三大舊，並且細心地一開二，方便咀嚼。外皮炸得香脆，內裡食到有粒粒蝦肉，蘸了甜辣泰式醬，份外滋味。榴槤沙冰 $45很香濃的榴槤味，而且咬到有榴槤肉，飲哂一杯都唔覺濟，溝埋有少少椰奶香，唔錯!青檸

想食泰國野通常都會去九龍城❗️因為個度有好多泰國餐廳❗️平時食開另一間小曼谷一場黎到就試下九龍城既小曼谷👍🏼當然要叫個冬陰功湯🍲呢度個冬陰功唔會太辣味道岩岩好😋個湯入面有兩大隻虎蝦🦐煲！平時d餐廳都係用海蝦🤔虎蝦既蝦味更香濃而且仲有蝦膏😍因為咖哩蟹🦀係跟時價的🤔太貴了要$490一隻😱所以叫左咖哩蝦加蒜蓉多士🍞佢個多士係即叫即烘，蒜蓉好足料好香加埋佢個咖哩汁真係無得頂！個芒果沙冰🥭都必叫😋邊食辣野邊飲🥤爽❗️

九龍城泰國菜不嬲出名，咁岩去開呢區，就簡左呢間近大馬路既。價錢合理，每份都好大碟，性價比高。#青咖哩海鮮 $98咖哩唔算辣，反而有種甜味，而且有好香既花奶味，唔食得辣都絕對可以食到份量都唔少，除左多款海鮮，仲有迷利泰國茄子，特別中意帶子，非常嫩。#泰式鮮蝦炒金邊粉 $88每次食泰國菜必叫，配料多，濕潤度中等，可惜個人比較中意甜酸味重啲。#泰皇咖哩法包軟殼蟹 $198黃咖哩濃郁杰身，辣度比青咖哩高，咖哩入面仲有啲蔬菜。麵包即叫即焗，外脆內軟，沾上咖哩食特別滋味。記得要趁熱食，放耐左，麵包會有點點硬。#榴槤糯米飯 $88用上貓山皇榴槤，攪成蓉，食落仲有一絲絲榴槤，估唔到榴槤同糯米飯都夾到。#青檸菠蘿沙冰 $36幾特別，整體偏酦，好解辣，好岩一邊食咖哩，一邊飲。#芒果椰汁沙冰 $36必試!! 入口香甜，好解渴。歡迎 follow IG: fatsnow02，睇更多好食玩分享。

好耐冇去過泰國，有啲想食泰國菜，於是今日就去咗泰國菜必去嘅地方九龍城都搵吓有咩食啦。最後朋友建議試吓呢一間都幾出名嘅小曼谷。我哋第一樣就叫咗一個東子大蝦沙律，柚子肉好甜，一啲都唔苦澀味，大坑都有好多隻，好足料啊！我哋再每人叫咗兩杯嘢飲，我就叫咗椰青沙冰，朋友叫左青檸梳打。椰青沙冰超級清甜，好有椰青嘅味道，唔係平時出街飲嗰啲好假嘅椰子糖漿味。青檸梳打好夠氣，而且唔會太甜。我哋驚太多串燒食唔晒，叫咗一串牛肉同埋一串雞肉 share 食，串燒好香口，雞肉好嫩滑，牛肉一啲都唔韌。最掛住嘅泰國菜一定係馬拉盞炒通菜，呢啲通菜嘅份量都幾多，而且食得出啲菜幾新鮮，炒得幾香口，有泰國嘅味道啊。到最後每一次食泰國菜我一定一定會叫嘅就係芒果糯米飯，啲芒果超級甜，好似同喺曼谷食嘅芒果一樣，糯米飯相嘅時候仲係熱㗎，食入口好好咬口，加埋椰香味，係好完美嘅結尾啊。

來到九龍城，我當然食泰菜，小曼谷是也！時間還早，未有live band。榴槤沙冰 $45上檯已傳來陣陣的榴槤果香，好誘人。每一口是榴槤沙冰，相當濃郁，還有香滑榴槤肉，好正！香葉辣椒雞肉炒河 $78炒得幾乾身，雞肉滑，份量又多，而且辣度十足，好辣但又想繼續食，太惹味。沙嗲串燒 $16一串都幾經濟豬牛雞各點一串，豬肉juicy多汁、牛肉濃郁肉香、雞肉嫩滑，每款都好味，火候剛好。$228 點了海鮮孖寶有鹽燒虎蝦，3隻都十分大隻，表面有魚仔乾，應該是泰國特色，蝦肉彈牙，鹽燒帶出海鮮鮮味。香燒扇貝，有牛油香味，啖啖肉的扇貝好滿足。小曼谷原隻芒果糯米飯 $78糯米飯是熱騰騰的，質感好軟熟可口，芒果清甜帶花香。

今日同朋友黎左九龍城食泰國菜，我地成日搭車經過都會比佢既招牌公仔吸引到，今日終於過黎食呢間餐廳啦！食泰國菜當然係要點冬蔭公湯啦，我地兩個人叫左個細既冬蔭公湯，雖然係細既，但係都好大份。冬蔭公湯用左原隻虎蝦，湯落左好多香料，味道好豐富！我地仲叫左個必食既原隻鮮魷筒釀糯米飯，佢既魷筒燒得好香，配埋糯米飯食簡直一流啊！蔬菜方面，我地叫左個馬拉盞炒通菜，好惹味！仲有呢個推介既泰式炸芝士蝦餅，入面有流心既芝士，蝦餅又彈牙，正！飲品方面，我地叫左珍多冰同埋芒果椰汁沙冰。

收工後同朋友去九龍城食泰國菜，呢度有好多間我地選擇小曼谷海鮮燒烤屋，因門口有個大大個公仔系度揮手好吸引人入去。點左海鮮孖寶泰式盲鰽和鮑魚$288。鹽燒飽魚鮑魚都好大隻，又燒到好香又彈牙爽口。雞腎燒到香又彈牙和臘腸串燒都好好味不會油膩。蟹肉雞絲魚肚羹，真是好足料有蟹肉，雞絲和好多魚肚魚肚好爽口。小曼谷炒米粉，材料十足又有蝦大大隻又彈牙，味道適中米粉又不會好淋又炒到好香。泰式燒盲鰽，魚肚位又放入一些香料入去燒，令香料索入魚肉里，魚肉嫩滑又肥美沾上醬汁更加野味。椰汁西米糕拼泰式千層糕，椰汁西米糕底下有西米和芋頭粒幾香口又不會太甜泰式千層糕又幾煙韌。束青夠凍又清甜。

去親九龍城食晚餐都一定係食小曼谷泰皇咖啡炒虎蝦虎蝦好爽口又大隻，另外叫左蒜蓉包點咖哩汁食冬陰公湯味道好正宗，入面有好多菇同2大隻虎蝦串燒～豬，墨魚咀即燒，香口，沙嗲醬好香椰香花生味芒果沙冰芒果🥭勁甜又有芒果肉粒

早兩日 Happy friday 幾個女仔聚一聚 一早book左枱但可能五點幾開餐太過早 我哋食完嘅時候舖頭都唔需要等位入座。木瓜沙律少少辣 但可以接受 黃咖哩海鮮都算多料，有青口有魷魚，唔算太辣，夾埋烤餅一齊食幾match。炒金邊粉唔會油或者痴埋一pat pat。馬拉盞通菜好惹味。串燒豬牛羊各叫左一串，唔算多汁但不過不失，配埋佢個醬就有啲特色。場內有live music 佈置，但食完都係7點幾可能未開場，下次有緣坐低聽下歌先。

今日聽朋友介紹話e間泰國菜比較好食，所以放工那那臨臨住雨過黎😋原本去到太子道西果間full左，好彩店員馬上安排我地去到旁邊另外一個鋪位，雖然舒服d又好傾d🙊今日我同friend都好餓，所以叫左好多嘢食：大家估下lee個咩黎？雪芭？錯！係椰青波波！姐係椰青剝左殼，入面保留住原整椰青皮同汁，好特別。至於點正，我點都諗唔到😅首先黎到係泰式鹹魚抄椰菜苗，黎到鹹魚味香噴噴，食落入味，個菜索嗮d鹹魚汁，快快趣清左（5/5）然後黎左蒜香胡椒炸雞全翼，如果鍾意避風塘抄辣蟹geh人會好enjoy，炸到脆一脆，如果怕蒜太咸ge朋友可以點泰式辣醬中和下（4/5）我同朋友各叫左一串雞、牛、豬，泰式串燒最緊要係個沙爹醬，淡淡肉連埋沙爹汁，最緊要襯熱食，個人比較鍾意牛同雞（4/5）👍🏿最後，押族登場！鹽燒馬友魚！鹽燒ge味道由魚皮帶入魚肉，而佢最驚喜係非常大條，我曾經去其他地方食過，但如果細條就會意猶未盡，e條就淡淡魚肉。(5/5)食到一半起左魚骨再影：總括黎講，以我第一次係九龍城食泰國菜黎係pleasant，食到好飽好滿足😄