小曼谷海鮮燒烤屋

营业中

休息中

雖然開始入秋，但呢排天氣都仲係好熱，今晚想食d酸酸辣辣既野，所以就約frd去食泰國菜，成日都聽九龍城有好多好食既泰國菜，就search完決定呢間。佢一入門口就有好大個充氣公仔做生招牌，唔怕見唔到，我地大約7:30到，已經見到好多人食緊，除左招牌泰國野之外，呢間仲有串燒食，都幾多元化。我地叫左唔同既串燒，睇menu價錢都好平，多數20蚊內一串。我地叫左包括豬牛雞各一串、雞全翼。估唔到性價平都算高，大大份，特別雞全翼好貼心幫我地分開兩截易d食，用黎配啤酒無得輸。蔬菜方面，我地唔想啖啖肉，就叫左翠肉瓜貼冬菇中和下。翠肉瓜就不過不失啦，但冬菇相當唔錯，一咬菇好多汁，有香濃冬菇鮮味，唔會燒到太乾。除左串燒，我地都叫左青咖喱海鮮同芝士namm餅。青咖喱唔會太辣，入面有鮮魷同青口，加埋namm餅食幾好味。另外，我地叫左細既冬蔭公湯，雖然話係細，但每人都有3碗，飲唔曬咁濟。冬蔭公湯正常發揮，傳統酸辣加少量椰奶味，都可以一試。總括黎講，九龍城泰國菜相當唔錯，價錢中等，食到飽一飽，買單兩個人600蚊到，下次可以再黎食多次。

之前有來過同同事食一次午市 ,不過已經係成年前嘅事啦 !今次就嚟試下佢個晚市啦 !明爐香檸汁蒸烏頭 $208大愛佢個汁,好酸好正,烏頭老咗少少 ,但香檸汁闢咗魚腥味!最鍾意佢有個爐 ,熱住啲湯,食完魚都忍唔住加熱佢附送多嘅一碗湯 ,飲埋佢! 泰式馬拉盞炒通菜 $79夠曬鹹香 ,通菜唔老 ,少少辣 ,必食!小曼谷炒米粉炒得好彈牙,一啲都唔辣 ,配料都好多 !烤白鱔 必食,烤得皮脆肉嫩!第一次是點泰式酸辣醬 ,加少少都幾有風味 !就咁食亦都好好味 。送嘅甜品 ,少少甜椰汁味好重 ,唔錯!椰青椰皇 清甜美味

小曼谷可謂是九龍城泰國菜的代表之一，在我中學時已經曾慕名而來，最近再次到訪覺得裝修後環境比較舒適，但朋友卻認為小曼谷海鮮燒烤屋更加出色，極力推薦一試。環境方面顯然與小曼谷的泰式風味截然不同，裝潢比較新派而醬上更有壁畫塗鴉。冬蔭鮮蝦雲吞湯 ($128)冬蔭功湯原鍋端上並以明火保溫，份量比想像中多，可以分為約四碗，酸辣辛香亦不過分嗆辣。附有五粒巨型雲吞，皮滑餡多而且鮮蝦比例頗多，雖鮮味欠奉但口感爽彈。雞腎沙嗲串燒 ($16) 串爆墨魚咀 ($28)墨魚咀和雞腎均質感爽彈而不乾韌，惟沙嗲醬偏甜但香氣與層次感薄弱。蒜香胡椒炸墨魚咀 ($78)炸墨魚咀淹沒於大量炸蒜胡椒當中，比燒墨魚咀更加香口惹味但油膩感重。泰式燒原隻魷魚 ($148)原隻魷魚配上泰式甜辣醬，本身並沒有多加調味，口感軟彈不會過韌，但感覺平平無奇亦沒有技巧可言。極上燒安格斯西冷牛小排 ($228)牛小排外層燒至微微焦香，肉質較韌且肉味薄弱，油香四溢，不過脂肪比例太高充斥不少肥膏。泰皇咖哩炒海鮮 ($238)咖哩當中有炸大蝦、青口、蜆等海鮮，另加一碗白飯($15)拌飯同吃，咖哩辣度適中，混有陣陣椰香。泰式芝士烤酥餅 ($32)酥餅加

請問邊個可以幫下我呀？如果你老婆又要食海鮮，又要食泰國野。結果都係 Open Rice 搵到你。其實咖哩蟹都有好多泰式餐廳都有，但我老婆又唔係好鍾意食蟹。佢最鍾意食魷魚，呢到真係啱晒佢啦！係九龍城，真係大把泰式野食。但開得名有海鮮既，我估應該唔簡單。先黎一份蟶子(牛油蒜蓉燒蟶子)先： 我老婆就讚不絕口，因為隻隻蟶子都大大隻。燒出黎都好野味。但我就先入為主，覺得蒸好食啲。不過…燒既都有另外一番之味，因為佢係用牛油燒既，好重牛油味，成件事係，在不對的地點，遇上對的事物。自己體會啦。泰式燒原隻鮮魷：個經理誠意推介，真係冇介紹錯，超大隻，$150都唔洗，啖啖肉，超大滿足呀。馬拉盞通菜 (鐵板豬頸肉啫通菜)：食泰國菜，我諗唔到有其他選擇，好似泰國就只種通菜一樣，馬拉盞已經好野味架啦，佢仲加埋豬頸肉。真係一試難忘，而且超大碟，鐵板上，食到尾都仲暖既。青咖喱海鮮：用料豐富，有帶子，青口，魷魚，大蝦，豆角，用黎點烤酥餅係一流既。最後都要讚下呢到既服務，我真係好少見會主動添水既服務員架啦⋯⋯，另外，我地唔小心打瀉水，一啲都冇黑面。抵讚。

來到九龍城, 其中有樣要必做既就係食泰菜,食泰菜就一定諗起小曼谷, 因為小曼谷已經係九龍城屹立多年, 又開分店食左好多次都好對辦, 一於再黎食一次!小曼谷位於既就黎開既宋皇台站附近, 希望開左之後唔會點加價啦有海鮮SET幾抵, 一於叫一SET! $228!牛油蒜蓉燒蟶子蝗蟶子皇真係蟶子皇, 好大隻, 而且食落好彈牙, 食得出好新鮮, 而最特別係有牛油蒜蓉加上銀魚仔, 提升左香味同口感, 好特別又好味!鹽燒鮑魚鮑魚大大隻, 有口感之餘又唔會過韌, 品質同火喉都好好先有D個效果香葉辣椒雞肉炒河-$79炒得好有鑊氣, 少少辣, 再加上香葉獨特的香味, 而且滲落去河粉到, 雞肉D個配角都幾嫩口, 整體唔錯飛天通菜-$79通菜都係揀嫩口既, 炒得香口, 但真係好辣, 唔係好食得辣既朋友記住叫佢少辣雞全翼-$18, 珍寶腸-$18, 豬-$16, 牛-$16沙嗲醬好惹味, 配串燒係超夾, 而肉係嫩口, 燒得好香, 岩岩好, 仲保持好多肉汁榴槤沙冰-$45/杯榴槤好香, 超好飲, 甜度足, 所以我地每人都要叫一杯!總結, 小曼谷係傳統中見創意, 好味得黎又舒服, 咁下次黎九龍城, 梗係都要再黎食過啦

適合一班人黎食既泰國野屋企人食飯，唔想食中菜就改去九龍城食泰國野。好在岩岩好唔駛等位，而且餐廳環境幾好坐得舒服既。今次食左辣汁花螺，蝦餅，馬拉盞通菜，燒豬頸肉，串燒，芒果糯米飯。花螺份量好足，個汁係好正既，可惜略嫌唔多夠入味，要“了”出黎點汁先好食。上網見到D人講呢到燒烤係好食，試完燒豬頸肉同串燒果然冇失望，夠晒香。我地每款串燒都叫晒，呢個價錢覺得幾抵下。燒豬頸肉就一定要叫，必食之選。蝦餅彈力有蝦味，有起膠，唔會有假味或者撈粉味。最後食搵個芒果糯米飯結尾就完滿。

九龍城出名多泰國菜，今日試呢間小曼谷，餐牌選擇幾多，簡左好耐先諗好食咩！叫左個生蝦、香辣豬肉碎炒飯、馬拉盞炒通菜、泰式鳯爪。泰國菜又點少得生蝦，生蝦上面有蒜片同辣椒片，一碟有六隻，蝦幾厚肉，食落好彈牙，好新鮮！而且配上特色醬汁，係開胃菜既好選擇！馬拉盞炒通菜好大碟！而且好惹味！通菜好爽口！同係泰國食到既味道好似啊！平時食馬拉盞好易食到過咸，但呢碟菜剛好。香葉辣椒豬肉碎炒飯都好食，飯炒到乾身，入面有豬肉碎，有豆角粒，有辣椒片，好夠味！如果唔鐘意炒飯都可以叫番白飯底！泰式鳳爪既汁酸酸辣辣，鳯爪爽口，又係好開胃！ 野飲方面叫左泰式凍奶茶，好地道的味道！呢到都幾抵食，份量多而且味道正宗，想念泰國味道可以一試啊！

知道九龍城出名多嘢食，又見依間餐廳上網好多食評，於是今日同朋友兩個一齊離依度覓食。搭巴士嚟一車就到，交通好方便，你都見到店面好大好闊落，等左一陣就有得入，裏便都坐得幾舒服，服務員全程都好熱情好有禮貌，食得好開心😙菜單好多泰國特色小食，好似去咗泰國咁。叫咗馬拉盞炒芥蘭菜，同平時香港食嘅唔一樣，芥蘭係深綠色，好有菜味，仲有蝦米，配上馬拉盞，炒得好惹味呢。泰式燒蔓曹，依條魚係原條燒，好有魚味，魚雞配上鹽、香茅、芫荽，鮮味！牛油蒜蓉燒青口，最驚喜嘅係有啲脆脆銀魚喺上邊，青口同牛油蒜蓉嘅味道好夾，超正泰式拼盤，好推介依個，包羅萬有勁高性價比，有蝦餅、魚餅、春卷、雞棗，份量十足！蝦餅成粒都係鮮蝦嚟，香港好少何咁足料！牛仔骨，依個都唔錯，牛仔骨入味泰式醃粉絲海鮮沙律，味道酸酸甜甜幾開胃

週末在家頹廢兩天，晚上帶上室友一起過來小曼谷吃泰國菜！餐廳位置很好，將來就在地鐵口旁邊，通車之後，生意一定會更好。就算是現在市場低迷的時候，他們家也是爆滿！大家都是衝著味道來的，不過，卻是很好吃。鮮柚子沙律簡直就是我的最愛！柚子很甜，一點都不像超市裡面的，應該是空運來的，扮上花生🥜紅棗絲還有其他特殊的調料，入口味道很豐富，清爽口感無與倫比。我室友見我這麼喜歡😘都想再叫一份。炒金邊粉也是一樣好吃😋芽菜，蒜粒，花生🥜還有泰式辣醬🌶️的調味下面，味道酸甜開胃，金邊粉軟滑滑，新鮮出爐！椰青也是很新鮮很甜！還可以吃到裡面的椰肉⋯⋯爽歪歪，我室友的芒果沙冰也是用新鮮的芒果🥭鮮榨出來的。芝士蝦球是我室友的最愛，也是其他食家推薦的。個人不太喜歡芝士，不過聽我室友描述，就是那種既滿足又罪惡的感覺！

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。飲品方面我就叫咗個好鮮甜嘅椰青飲最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！總結3個人食了$1076 但食得非常之開心 環境

泰式柚子沙律用了好多柚子肉，是不錯的appetizer。青芒果絲伴筍殼魚，條魚經油炸，魚皮及魚鰭好脆，魚肉則好幼滑，細骨也唔多。伴碟的青芒果絲、花生、甘筍絲...混上碟底的魚露，可作沙律食。原隻魷魚筒釀糯米飯，尤魚肉雖厚，但都算爽。跟碟上的醬汁酸酸辣辣，用黎點海鮮係好正架!食完泰式風情薄餅後，我覺得用了甚麼配料已不重要。因為個餅底真的好酥脆，就像酥皮湯的酥皮那樣。椰青波波是將棷青「內膽」原個起出來，啱晒鐘意邊飲邊刮棷青肉咬的我，真的方便好多。

同朋友去九龍城食晚飯，我哋揀咗小曼谷泰國菜，因為餐廳門口有個吹氣公仔，好吸睛啊(〃∀〃)~~鐵板豬頸肉通菜好有鑊氣(σ′▽‵)′▽‵)σ，上到枱時仲會渣渣聲，通菜好惹味而且好香，仲有好多豬頸肉~~泰式鐵板蠔餅就有小小失望，因為蠔仔嘅份量唔算多ヽ(・×・´)ゞ，幸好蠔餅整得唔算油膩，點埋個醬就會好食啲~. 我幾鍾意食泰式炸蝦餅，蝦餅金黃香脆，肉質彈牙有口感，仲食到少少既蝦粒!!!!!海鮮孖寶好抵食，我哋揀咗泰式燒盲鰽同燒脆皮白鱔，白鱔肉質肥美，而且都好新鮮，不過我比較喜歡將魚皮燒得乾身香脆，如果可以燒到脆卜卜我一定更加鍾意！( ^ω^)燒盲鰽唔錯呢，啖啖魚肉，而且好嫩，一啲都唔乾，火候拿捏得好，醃料足夠，所以唔點醬汁，都已經好好食~~ 同朋友叫左椰青同椰皇，同樣清甜解渴~~如果唔係因爲太飽，我地都想叫埋芒果糯米飯!!!小曼谷海鮮燒烤屋 地址:九龍城太子道西398號御太子地下1-3號舖

好多泰國菜館都叫小曼谷，呢間特別多人捧場，每次經過都見到有人嚮門口等位。串燒除有豬/牛/雞肉外，還有很多選擇的。隨便order了幾串試下，確實燒得幾好--外面有少少焦香，裡面則剛剛熟透。食既時候點些少泰式沙爹醬會惹味好多好多。酥炸雞全翼有陣陣乾蒜香，落籃前已斬件，所以能方便進食。如果有手套供應會更好。泰式鉄板豬頸肉炒通菜，用的是幼身那種，色澤翠綠，食落好嫩。淨係聽個名，唔會知小曼谷炒飯有乜材料。我會用鮮蝦泰式蛋包飯去形容，簡單得黎好貼切。涼粉冰係合時消暑飲品，好冰涼，棷汁味亦好重，好好飲!

講到食泰國野，實係去九龍城喇！我諗無人唔認同掛，哈哈。由於怕花多眼亂嘅關係，所以今次我地簡左呢間一落車就見到嘅：小曼谷海鮮燒烤屋泰式生蝦刺身我諗無人食泰國野但唔食生蝦掛，生蝦好新鮮，好鮮甜，醬汁應該係有按反香港人口味，唔會太辣👍泰皇咖哩炒蜆泰皇咖哩係偏甜，唔辣同埋辛香味好香，好送飯吖，蜆好大隻，份量都好足，起碼有成十隻😍😍鐵板豬頸肉啫通菜一上枱真係比佢大到，勁大碟😂肉唔算太多，因為佢唔係重點，個重點係佢用左豬油炒啲通菜吖👍重有有陣特別嘅豬油香，同埋啲通菜炒出黎係特別滑架👍真心推薦👍冬蔭公湯（細）細都有起碼3-4人份，酸辣適中，值得一提係啲蝦，好新鮮，好大隻。係蝦背劏左一刀，將蝦腸乾淨去走，仲方便食，唔洗用手，匙羹加筷子就可以輕易起肉👍肉碎燴飯肉碎係生菜包的肉碎，所以配飯一流👍仲有隻半生熟嘅荷包蛋，我唔講喇，你自己諗😂👍總括黎講：野食超級大份，味道酸辣等都有特別按反香港人口味調整，所以好岩我自己口味，位置都好方便（對於路痴嘅我，一落車就係，係超級無敵吸引👍）所以可以放入pocket list 😎

九龍城最出名肯定係泰國菜，小曼谷應該都算係九龍城裏面其中一間最出名既泰國餐館，淨係九龍城裹面已經有四間分店真係唔講得笑其實小曼谷係香港扎根左甘多年，大部份菜色都調教到比較適合香港人既口味我覺得算係比較有香港特色既泰國菜現在曼谷非常流行既椰青波波，用刀一下一下甘批走椰殼，淨反椰肉同入面既椰青水，等你唔使攞支匙更再慢慢刮啲椰肉非常方便依個串燒牛肉好正粒粒牛肉都唔韌又夠香每次必食既生菜包，水準依然保持到泰式鳳爪，普遍香港食到既都唔太辣，係泰國食果啲多數都辣好多馬拉盞炒通菜，炒得都好香