小曼谷海鮮燒烤屋

营业中

休息中

同朋友一行六人想搵間泰國野食，咁岩成日坐車經九龍城，見到門口有個人仔郁郁下，好似呼喚緊我入去食咁，所以今晚就入去試，果然食泰國野真係特別開心，特別惹味。間野特別在有室外室內，室外佈置得幾靚既竹棚咁，好有泰國地道小食感覺。我地叫左七八樣野左右，其中個泰式蠔餅真係好好食，唔粉之餘，仲加左些泰式香料，出面係食唔到既。呢味雞翼有避風塘風味得來又小小辣，唔似出面淨係食越式牛油雞翼。叫左個炒飯同炒河，炒飯就大路野啦，個炒河就幾有驚喜，好鬼香，食完仲開胃左，唔係係咪放左罌粟。個豬頸肉燒得好香好好味！仲要大大片！啲肉汁鎖到係每片肉度，連炒飯食，個炒飯都多埋豬油，香左頸多！食泰國野循例都要叫我最中意食既生菜包，辣肉碎加埋新鮮既生菜一齊食，清新得黎又有辣既惹味，真係好正呀！椰汁冰大大杯又幾好飲

平日工作忙得喘不過氣來，就連周末假日既早上都要工作，今日便睡到自然醒以是黃昏了，決定寫意地吃個晚飯吧！這間九龍城【小曼谷海鮮燒烤屋】好像是經營了好多年，算係九龍城區泰菜餐廳中既老店呢。畢竟九龍城區泰式食肆競爭都幾激烈。但仲保持有水準又有客源既相信是實屬不錯吧。.在遠處已經見到門口有個吹氣公仔...隻手會一路擺下擺下，Welcome for coming...令人印像深刻都覺得幾溫暖的。一踏進【小曼谷海鮮燒烤屋】，感覺到有點新式既泰式裝演風格加濃烈的泰式烹調味味道，店內的裝飾及擺設都有泰國特色，配合木製的牆壁及枱凳都是令你感到身處泰國一樣。氣氛舒適...店舖座位不多，由小方檯組成，吧檯那邊可以坐兩三個人，室外還有幾個座位，相信帶了狗隻可以坐出面吧。睇睇餐牌，款式比想像中多...一般泰菜外仲有唔少海鮮BBQ類。仲要圖文並荗，款款望落都好吸引...太正了，例如該店的冬蔭功湯、酥炸豬手泰式烤全魚、原隻鮮魷筒釀糯米飯都好吸引..好似大飽口福呢！🔹芒果沙冰 ＄36搭配夏季的時令水果﹣芒果！見到有好多人都有飲到呢款芒果沙冰！都算係小曼谷必點既其中一款飲品，賣相不錯，上面有新鮮芒果粒浮係面頭，下面既沙

自從去完泰國🇹🇭之後，一直對泰國菜念念不忘🥺講起香港邊到有又正宗又好食既泰國菜就一定非九龍城莫熟！而小曼谷海鮮燒烤屋永遠都係我既首選💯泰式生蝦刺身每次去襯泰國餐廳都一定要叫既！蝦🦐好大隻、食落爽口。食得辣既一定要連椒連蒜沾醬食！唔食得辣既可以就咁醬食，都好好味🤤泰皇咖哩法包軟殻蟹一睇 Menu 就俾呢個咖哩法包吸引🤩個法包真係大過我塊面！入面就係滿滿既咖哩汁 ，個汁一啲都唔辣，送包送飯食一流！軟殻蟹既分量都唔少又大隻，沾埋咖哩汁食，簡直絕配。因為太好食，唔覺意越食越多，兩個人只係食淨半個包。泰式炸芝士蝦丸芝士流心乜乜乜又係點都無法抗拒既。呢個芝士蝦丸趁熱食佢仲係流心架！一次過滿足左食炸蝦丸同芝士既味覺享受🤤椰青基本上椰青都會係我每次都會叫既飲品。因為椰青水比較清甜，仲可以幫助解辣添！有得飲椰青水之餘仲可以食埋佢啲肉。正！串燒唔好以為我地飽左，我地仲encore 左4串串燒！串燒就不過不失啦。食到最後我地先發覺個沙嗲醬原封不動.... 先發覺我地完全無沾過，難怪會覺得有啲乾同無乜味啦😂😂😂整體黎講食物都不錯，但唯一唔好既就係無甜品供應。我想食芒果糯米飯呀！😭😭😭

黎九龍城當然要食泰國野，第一次黎呢間小曼谷海鮮燒烤屋，野食方面選擇好多，好多好吸引，點左泰皇咖喱大蜆，烤酥餅，芝士流心蝦丸同青檸汁明爐桂花。呢個咖哩勁大碟，有多隻大蜆，重點係個汁好香，推介唔食得辣既朋友試呢個泰皇咖喱，唔太辣但咖哩味好香，仲加左蛋絲，用黎送薄餅一流，蜆肉大大隻。烤酥餅好鬆化，點咖哩正。而流心蝦丸十分巨型，入面有芝士餡，幾彈牙，亦唔錯既~一人食一粒已經好夠。青檸汁明爐桂花都相當唔錯，桂花魚肉好滑，加左豬肉可以去腥味，魚肉食落有酸酸地既青檸味，幾開胃，同埋好大條，幾抵食。野飲點左椰青同芒果椰汁沙冰。整體呢到各樣野食都唔錯，而且環境舒適，適合大班人聚會。

每次同某位朋友諗起泰國菜都即刻會諗起九龍城 地點都方便我哋兩個而且仲有好多間泰國菜館俾我哋揀今次揀左去開依一間 — 小曼谷泰海鮮燒烤屋明爐香檸汁蒸桂花魚湯底淡淡鹹檸味味 酸酸辣辣一整條桂花魚 魚肉嫩滑 最緊要唔多細骨等湯底淆夠 用匙羹兜d湯汁 放入魚肉加上肉碎等伴料一啖食 好味道小酸湯汁令魚唔會腥 充滿泰國風味 極上燒安格斯西冷牛小排牛小排七成熟 裡面見到紅紅地入口牛味香濃 肉質嫩滑 唔錯唔錯伴碟仲有燒蕃茄用翠玉瓜配上既泰式醬汁 酸酸辣辣好過癮泰式鹹魚炒椰菜苗椰菜苗新鮮爽口 見到有鹹魚絲帶點點鹹香味 好香好味道 伴飯一流椰青食泰國菜當然要點返個椰青原隻椰青上 清甜解渴 食埋椰肉好滿足

今日同friend去九龍城食泰國野，黎左呢間小曼谷。一坐低店員就比左幾個餐牌我地，原來有分所有菜式嘅餐牌同埋推介菜式餐牌。首先我地叫左兩杯野飲，一杯係椰青波波，一杯係椰皇沙冰。椰青波波係同椰青一樣味，不過就係起左出黎嘅椰青，都有少少酸酸地咁。椰皇沙冰就比較重椰子味，同埋冇椰青嘅酸味，都幾特別，很好飲。主食方面，我地全部都係叫推介menu入面嘅菜式。首先叫左一個泰式炒金邊粉，金邊粉好香好惹味，亦有酸酸甜甜嘅味，好開胃，入面仲有幾隻蝦，雖然望落唔係好特別，但係好好味。我地仲叫左原隻燒魷筒釀糯米飯。呢個菜式好特別，仲配有酸酸地嘅醬汁，可以點少少一齊食。不過魷魚比較煙韌，口感都幾特別。最後我地叫左一個極上燒安格斯西冷牛小排。牛燒得好好，賣相非常吸引，牛唔會全熟，香得黎肉汁都好夠，十分滋味，而且份量都唔少。兩個人食咁嘅分量已經好足夠喇，呢到店員態度都好好。

今日黎到九龍城 筆者以前都係係距離喱到不遠既新蒲崗返工 所以都幾熟路架 係新蒲崗行下 行過黎食飯 又平又多選擇 九龍城最出名就係夠泰國菜食。今次就簡左喱間小曼谷dinner 啦～出面係好大個吹氣公仔 都幾顯眼 6點幾入到去以為會冇人 原來都已經坐左起碼5枱人客~ 平時食泰國菜次次都叫金邊粉豬頸肉。今次同朋友講好要試新野 叫左個咖哩軟殼蟹焗包 蟶子同埋半隻燒雞-餐牌上寫住係推介菜式架咖喱軟殻蟹超足料，一上到我同朋友都嘩嘩聲，超大份呀，淨係睇個包都覺得飽haha, 但係絕對唔係淨係得包，入面一筆落去已經有好多料，最難得係軟殻蟹脆得黎唔硬，點埋咖喱汁係超好吃～蟶子都冇令我地失望，雖然海鮮份量一定唔多，但喱碟蟶子啖啖肉，好鮮甜呀～上面既配料都好配合味道～不過，雖然平時一D都唔鐘意食雞，但今次最好吃的我覺得係燒雞，食燒雞最怕就係雞肉太乾，但喱到既燒雞，皮燒得剛剛好，有香味得來肉質保持嫩滑，醬汁酸酸甜甜，好開胃架，難怪係喱到既推介菜式，半隻雞兩個人食其實都有D太多～最好就係有多幾個朋友黎，可以試多幾樣菜啦

響九龍城絕對人人都聽過小曼谷，因為佢分店有好多間，今日終於的起心肝去試試。只是六點有多，鋪頭已經開始要搭枱，雖然座位係有啲迫，但見大家仍然食得咁開心一定有原因。牛油蟶子、燒烤雞翼、豬肉和粟米係我哋今晚要試嘅燒烤食品，牛油蟶子好食到不得了，濃濃的蒜蓉牛油味加上新鮮出爐的烤蟶子，最後灑上銀魚乾，絕對值得試。其餘幾樣只要你喜歡燒烤食物，無論味道同燒烤嘅真心程度絕對冇得輸，平日好多泰式餐廳嘅串燒扮烤但只係油炸，但小曼谷嘅燒烤食品你會食到一陣炭燒味，的確有誠意。

食咁多間泰國菜，呢間係少數食完想再食既餐廳，佢唔單止上菜速度快，仲要好好食。唔怪得佢門口咁多人排隊。食親泰國野，點生蝦係基本野啦，佢啲生蝦好大隻，好似厚切咁，肉質好結實，點辣醬食真心一流，我一口氣食曬我份量既3隻。🙃個燒雞有分全隻同半隻，兩個人既關係叫左半隻，原本都擔心會「鞋」，因為我地都鍾意食滑雞。黎到之後，唔可以話好滑，但佢烤乾左啲雞油，雞肉都仲keep到好嫩，點埋佢個辣汁，啲醬汁即刻比雞肉吸曬，無誇張，好好味🤤明爐魚只要蒸既時間岩岩好，魚夠新鮮，都好難整得難食，呢間佢兩樣都有🤤，加左青檸，成碟魚好清新，兩個人都清得曬🥰聽朋友講過，只有新鮮椰子既果肉先會易畢，呢間既椰子好易畢，係咪啫係好新鮮既意思🙃兩個女仔加一個白飯，食完唔會太飽，岩岩好，好滿足😋

好少會出九龍城食飯今日咁岩黎到就搵左呢間野食 一入到去就已經好有泰國風情裝修得唔錯 佢有分室內同埋室外座位 室外都有冷氣餐牌有好多選擇 兩個人黎食叫唔到好多野食所以多啲人黎食會好啲魷魚筒糯米飯好特別，我原本就鐘意食魷魚，佢將魷魚烤得好香，入面配埋糯米飯，口感唔錯，不過味道就可能唔夠，可以配埋佢既醬料一齊食呢個炒金邊粉一定要食，好正宗有泰國風味，份量夠多，入面有鮮蝦，豆腐等等既配菜，好豐富又好食因為見呢到既咖哩好出名，所以我地都叫左一碟咖哩炒虎蝦，佢仲有青咖哩可以選擇。咖哩味道真係唔錯，唔會好辣但又夠惹味。可以配埋薄餅或者蒜蓉包黎食啊，唔洗浪費左呢杯芒果沙冰有好濃芒果汁同埋芒果粒係入面，好滿足既味道泰式奶茶唔會好甜，不過咁岩去果時冇晒珍珠，如果唔係可以飲珍珠泰奶最黎兩個人食左$600幾，真係好飽好滿足

其實我地兩個都好長時間無專登搵泰國野食，今日係因為有野做要去九龍城，先會食泰國野。呢間小曼谷似曾相識，咁又係，好多泰國野都係咁嘅名，但我覺得呢間係最正嘅。一般泰國菜嘅裝修，都唔會話好逼狹，而且我地好早入座，當時都未係好多人。不過過左7點零，開始人多，始終係星期六，最好訂訂位就穩陣呢度嘅menu夠哂多選擇，小食好似蝦餅、春卷呢D都好好食；另外仲有沙律、串燒類，我地就多數點咖喱或者海鮮煲，兩個人食啱啱好。粉絲蝦煲好豐富，賣相吸引，餐牌寫到明4隻大蝦，蝦肉夠大隻，肉質食落都仲幾爽添，朋友都大讚夠入味。下面有好多粉絲，加少少蔥、香料炒，唔會好鹹，果然唔錯多數我朋友就點明爐魚，但佢今日話想食香辣汁筍殼魚，其實我第一次食咋，感覺唔錯喎。條魚炸過，所以外層好香脆，我地淋少少泰式酸辣汁上去，更加惹味。始終唔係蒸魚，魚肉會實淨D，送飯或者單食都唔錯，唔會太重口味。最後點左個炒菜，鐵板上熱辣辣，值得一讚係原本店員落錯單，上左另一款菜，佢地發現之後都立即幫我地改番同埋重新上。椰菜苗又嫩又爽口，加埋豬頸肉，一份餸有兩款野食，抵至於我食泰國野就一定會飲芒果沙冰，呢度算數一數二，因為芒果味好濃，完全唔假，勁香甜。

評語:今日一行14人去食泰國菜，我地訂左枱本來係講明要圓枱，但去到只係俾張長長的枱我們，真係討厭，傾偈都唔方便！但都冇辦法，冇理由依家轉地點，所以就有得佢了。等齊人後就睇睇餐牌有咩好食，見餐牌的食物好多花款，真係睇到人地眼花撩亂呀！但因為我地有十幾個人，睇隔離枱的碟頭唔係太大碟，所以每一款都要打雙份叫。等我講一講先！泰式生蝦刺身好新鮮，爽口，配埋個醬一流！👍串燒叫了牛，豬，雞，他切成一片片，口感唔夠，味道一般，冇乜特別！菠蘿炒飯飯夠乾身，面頭有幾片雞肉，旁邊有肉鬆伴碟，味道尚算好味！泰式拼盤有蝦餅，魚餅，春卷，味道可以，似是在外內賣回來，不是自已店內做的，所以冇乜特別。芝士蝦球芝士雖然唔多，但好似咬橡膠的感覺，如果冇芝士應該會好食好多！咖喱軟殼蟹啖啖肉，配有大大個麵包，咖喱汁香濃，送麵包一流！　值得推介！👍泰式無骨鳳爪，酸辣適中，好有泰國風味！咖喱青口，青口新鮮，大大隻，咖喱一樣香濃，都幾好食！炒雜菜，面頭好多菇，好足料，食落幾香，唔錯！泰式馬拉盞炒通菜，馬拉盞好夠味，通菜爽口！泰式馬拉盞炒椰菜苗，椰菜苗好嫰，爽口！泰式鹹魚炒椰菜苗，鹹魚好惹味，椰菜苗爽嫰！椰汁西米糕拼泰式千層糕，西米

▪️海鮮孖寶(牛油蒜蓉燒大蟶子+鹽燒鮑魚) ▪️$288蟶子上面鋪咗d蒜蓉，用牛油燒香，最後撒上脆嘅魚乾，但係味道係有d奇怪。牛油同d調味其實同蟶子唔太夾，估計係牛油唔係我地平時普遍市面嘅牛油，味道有d怪，恕我地唔太識欣賞啦。而#鮑魚 就調味燒完，再撒上脆魚乾，味道口感中規中矩。▫️泰式生蝦刺身▫️ $118黎到最好奇嘅#生蝦刺身 ，生蝦剝殻切開鋪係冰粒上面，每隻蝦上放咗一粒蒜頭同一粒辣椒，充滿挑戰精神嘅我地梗係試下食哂落肚😤食完個下以為冇事，但係吞咗過多幾秒，陣辣味爆出黎，哈哈😆生蝦嘅口感係處於唔算爽口又唔淋嘅程度，係幾得意嘅😬▪️泰式飛天炒通菜▪️ $79普通有咸有辣嘅炒通菜。▫️椰青波波▫️ $45椰青波波就係椰子去殼，成隻椰子嘅果肉可以全部食哂，椰汁冇雪藏味，清清甜甜。不過好似椰青波波係現成品，見到staff將包裝拆開，再拎黎俾我地🤭▪️原隻榴槤冰棒▪️ $28都係現成品，不過原粒榴連去核再整成雪條，真係幾好食，一次完成兩個願望🤩

自從搬屋之後都好耐無黎九龍城食泰國野喇！！超掛住今次揀左男朋友同同事食開既小曼谷～唔知weekend係咪會有駐唱呢？可惜今晚無～食泰國野點少得飲椰青同椰汁沙冰椰青好解渴，再清甜啲就perfect!沙冰打得夠幼細，椰香十足又唔會過甜Pad thai $88不嬲都鍾意食pad thai ，甜甜地，好開胃，乾濕度適中蝦都幾爽口彈牙，再多一兩隻就更加好。泰式豬頸肉沙律味道方面正常，值得讚既係佢既豬頸肉燒得啱啱好，推薦！泰皇咖哩炒海鮮超推薦  有蜆、大蝦、魷魚同青口，全部都大大隻，無煮過龍，口感極佳，食起黎除左有咖哩味之外仲有海鮮本身既鮮甜味，好正而且價錢又合理！咖哩唔辣，大人細路都啱食～食咖哩又點少得蒜蓉包上菜快，店員又會主動換碟，服務唔錯：）

好耐冇食泰國野，今日專登落九龍城食，揀左呢間都幾多人食嘅小曼谷，我地坐低時都未夠6點，都已經好多人，仲不停見到有客walk in，幾好生意。枱櫈都唔會太密，一般泰國菜館都差唔多。menu選擇非常多，由小食、沙律、前菜啊、串燒、海鮮、咖喱、飯等等果D都有。價錢唔算好平，但人多都ok嘅，唔會話好貴首先點左個粉絲蝦煲，非常豐富，見餐牌寫4隻，以為少左，原來大蝦藏左喺粉絲下面架，唔洗擔心蝦肉大隻，唔算好結實，勝在幾入味。底層嘅粉絲唔會好鹹，但個人鐘意D乾身嘅粉絲。另外點左個鐵板豬頸肉啫椰菜苗，食泰國野我地最鐘意椰菜苗，試左個鐵板，上枱熱辣辣，油份略多。椰菜苗幾嫩，而且索哂啲味，好濃。豬頸肉係有嘅，但份量唔多。平時多數食明爐魚，今日試下D唔同嘅野，揀左香辣汁筍殼魚，賣相都唔錯，面頭淋上泰式酸辣醬魚皮炸到好脆口，魚肉就稱唔上滑，不過唔會散收收，撈少少酸辣汁，都唔錯，但個人會比較鐘意明爐魚。呢度嘅飲品日正，我最鐘意芒果沙冰，好大杯，而且足料，芒果味濃郁，唔會甜椰椰，面頭仲放幾粒芒果肉，正