小曼谷泰國美食 (教育路) (已結業)

今日去咗元朗搵女朋友同埋佢屋企人食飯 到咗呢間小曼谷泰國餐廳 雖然環境就比較迫啲 但係女朋友就極力推薦話呢間嘢好好食 所以一於決定入去試下黃咖哩牛腩 牛腩肥瘦適中 炆得好冧 而且牛肉味都幾重 加上黃咖哩嘅辛辣味道 成個菜式令人胃口大開馬拉盞炒通菜 通菜本身都屬於高纖維嘅蔬菜 所以出街食飯最好都食番個菜 呢個通菜冇乜粗嘅纖維 幾有咬口 加上馬拉盞嘅鹹香味道 成個配搭一流泰式鐵板蠔餅 蠔餅煎得好脆身 蠔仔亦都幾大隻 海水味十足菠蘿海鮮炒飯 我同埋uncle都好鍾意食飯 所以就叫咗呢個海鮮炒飯 海鮮份量十分足料 加上乾身嘅炒飯同埋酸酸甜甜嘅菠蘿 令到大家都唔會有飽膩感芒果沙冰 最後梗係整番杯泰式嘅芒果沙冰啦 喺夏天飲返啲杯沙冰 透心涼之餘又甜入心 為今餐劃上完美句號