小曼谷泰國美食 (已搬遷) 新店位置

今日同BF 去呢度食野~~~ 之前都想試, 不過佢地以前間鋪太細, 次次去親都好多人, 依家佢地開左間好大既鋪, 終於有得試~~我地去既時候只係6點半, 人唔多, 我地應該係晚市第一台既客... 我地叫左4樣野~~生蝦刺身: 樣新鮮, 食落雖冇咩味但係都幾鮮~~~ 48蚊有8隻, 同九龍城街市果間比就冇咁抵....蟹肉炒飯: 比較一般, 味道清, 不過份量多, 30蚊~~ 醃豬頊頸肉沙律: 幾好食, 味道幾特別, d 豬頸肉整熟之後用好多調味料醃, 不過有一舊豬頸肉好dirty, 有好多毛~炸蝦餅:40蚊有5大舊!!!! 真係幾大舊架!! 又好食, o係呢4味菜入面, 最抵同最好食既相信係呢味菜!!! 同3/f街市比, 呢度反而比較好!!埋單兩個人只係148, 食得幾飽~~~ 如果同3樓街市比, 兩間都有可取之處, 街市d野比較好食同抵d, 不過小曼谷就坐得舒服d~!!!!

After moving to the new location, it is now a lot more spacious to accomodate more customers.We had 串燒beef balls and 猪neck肉. I preferred the pork. It was tender and tasty.Then we had a fried Ho Fan and Hainanese Chicken rice. Generous portion, tasty ...delicious! Of course, how can I miss my favourite, Tom Yum Gung Soup....we ordered a small bowl...but turn out to be STILL very big and have around 4-5 prawns.And we had the lime 沙冰, very cooling for the hot summer.

20040912 10pm響又一城睇完<The Village>, 飛的過o黎食.3人食-* 活蝦刺身- 鮮甜! 但辣汁太辣.* 蝦膏海鮮炒飯- 海鮮太韌啦! 蝦膏炒飯本身就OK.* 串燒沙嗲($7) - 豬x1, 牛x 1, 雞x1, 掂!* 串燒沙嗲($10) - 魚餅x 1, 唔得, 香茅味太重.* 串燒沙嗲($10) - 豬頸肉x 1, good, 但偏肥同切得較厚.* 咖喱炒蟹- 分開o黎睇, 肉蟹大隻, 咖喱汁好味, 但係一o的味都無滲到落隻蟹到. 同埋飯太早上無得撈汁, 失策.* 鹹魚炒芥蘭- 芥蘭唔算靚, average.* 鹹檸七沙冰x 1* 芒果沙冰x 1* 鮮蕃茄仔沙冰x 1 - 推! 唔太甜, 解辣一流.埋單$320.ok是ok, 但是有點煲得過譽啦呢度.

尋晚單拖落九龍城諗住去金泰食燒烤﹐點知去到門口對閘拉埋左一半﹐上面有張紙寫住“東主有事﹐休息三天”但望入去﹐嘩﹐沙塵滾滾﹐似係裝修緊﹐邊有可能只停業三天﹖希望“金泰”唔係執笠啦﹐幫襯開都覺幾抵食。於是做左無主孤魂﹐遊下遊下﹐見到一間叫小曼谷的泰國燒烤﹐哼哼﹐發達。不到黃河心不死﹐專程黎九龍城食泰式燒烤﹐食唔到點訓得著﹖鋪位好細﹐但剛好有張細檯﹐環境就真係一般﹐感覺唔係太乾淨。叫左幾串雞﹑豬串燒﹐一碟香草辣椒雞炒粉﹐同埋一碟酸辣粉絲肉碎。串燒做得真係唔錯﹐甚至比金泰仲要好少少﹐但價錢較貴﹐一分錢一分貨﹐打個平手﹐同樣高分。碟炒粉上檯時嚇一跳﹐D香草呢﹖辣椒呢﹖原來落單個個唔係幾識聽中文﹐一味靠估﹐聽到我有“炒粉”&“雞”兩個字就整左碟炒雞粉俾我! 結果當然我唔想再等多次﹐於是照食﹐味道唔錯﹐不過真係好多油﹐多到我食唔落最尾一部份﹐呢樣真係要改善...結果我當然唔開心﹐又落錯單﹐碟粉又多油﹐呢$28 真係唔想比。(而且幾位店員都無講過一聲對唔住﹐只係解釋話可能落單個個聽錯﹐態度一般)唉﹐我一向都認為﹐店員同顧客溝通好重要﹐聽唔清楚就要問清楚﹐否則上錯菜﹐輕則少左個回頭客﹐重則口角。各位食店

同男友仔食消夜,一諗就諗到要黎食呢度0既雞翼,今日黎食,真係正,我諗到到燒0既雞翼都係差唔多架喇,但係D汁我諗佢地有人認第二(好味),都唔會有人認第一,因為真係好鬼野味,好D翼好夾,好香口,正呀,其他串燒都好,個人推介朱頸肉,又係食落口水流!~ 不過呢,D服務態度麻麻地,,,,,,,改善~!

同男友入到九龍城，就諗住食泰國菜做午餐，於是想試下小曼谷，佢真係太細間啦，過左都唔覺要返轉頭先搵到。仲要等左一陣先有位。我地叫左海南豬頸肉飯，泰式炒金邊粉同阿華田沙冰，本來叫左個豬肉串燒，不過佢漏單咁我地又已經好飽就無要到勒。海南豬頸肉飯~d飯已經入左味，呈啡黃色，用黎點豬頸肉既汁先最正，我愛的辣!泰式炒金邊粉~我覺得炒得唔錯，好好味喎，而且都好夠份量。阿華田沙冰~唔似沙冰，似凍阿華田咋雖然佢既味道唔係話好突出，因為九龍城其他泰菜館有d都好好味，不過小曼谷既水準好似幾穩定，係間舖太迫太細，埋單$68，抵!

我都認為唔太值得等咁耐..我差不多等左成粒鐘先有位..其實佢地既味道都唔錯,但係又唔係特別出色,皆因九龍城實在有太多呢類型既食物,平過佢又唔駛等既都有唔少..其中一間係叫熱煲既(openrice好似未add),有個泰式既牛骨火都幾一流,因為佢個牛骨湯底真係好好味,雖然幾heavy,但係都飲到唔停得口..正~

完全唔明點解咁多人排隊,佢既炒粉勁oily,鋪位又勁細,焗促到死,食都食得唔舒服.水準同其他鋪仔差唔多之嘛!

三個人, 去到無位, 因為間舖實在細得可憐, 得八個位~ 最後要坐街邊~冬蔭公(大$60) - 料係蝦同草菇, 味道唔錯~泰式鳳爪- 好辣~串燒($6-$10一串) - 牛肉, 雞肉, 肉丸, 豬頸肉各一, ok~泰式炒什菜- 一般~炸田雞- 幾香, d田雞好大隻~西柚沙冰, 檸檬梳打沙冰x2 - 唔覺係沙冰喎~埋單$207, 好抵~

於附近打牌至半夜，見這裡有間類似大排檔的泰式食店，檯椅擺出街，睇個樣幾地道，亦有唔少客人，所有就來幫襯了。兩個人叫了燒魚餅及雞腎同牛丸河，友人還叫了海鮮蝦膏炒飯。串燒有水準，燒得惹味又香口，所以之後又叫了豬頸肉；牛丸河有很多豆芽，份量都唔少；友人的炒飯香噴噴，料亦很多，食到非常飽，以消夜來說是超額完成。埋單才百多，幾抵食。

大家都知九龍城有好多大大小小0既泰國食店. 小曼谷就係其中一間比較小規模0既食店. 上個星期終於有機會試下, 因為之前想食都有好多人等位. 而且都有雜誌介紹過, 都話食物唔錯. 0個日去到都有幾個人等位, 小曼谷真係好小, 全店只得4張檯. 我同男朋友2個人叫左泰式炒蜆, 好惹味, 唔算辣, 但係d蜆好大隻, 而且好大碟添. 炒什菜, ok啦, 都有幾款菜, 唔太油. 冬陰公金邊粉配肉碎同魚蛋. 個湯底唔錯, 辣度適中. 但係d金邊粉就硬左少少. 魚蛋唔腥, 都幾爽口. 仲有幾串串燒. 牛肉夠味, 但係乾左d, 有d韌... 雞腎, 好食, 好爽. 雞翼, 好大隻, 不過'火農'左dd. 豬頸肉, 勁爽. 雖然有d肥, 但係入口好甘香, 好好味. 沙爹汁好香, 小小辣啦. 芒果沙冰, 即叫即做, 都好味, 好有芒果味. 唔太甜.我諗小曼谷都係d家庭式經營, 幾個人一腳踢. 雖然係咁, 但係d服務都唔錯, 有求必應. 我地走0既時候, 收銀姐姐都問我地好唔好食, 多謝前多謝後.食物同服務都好好, 但係衛生就真係麻麻, 我見到d羹都仲有d污糟, 未洗乾淨. 呢樣就唔係好得啦. 2個人埋單$