小曼谷泰國美食 (已搬遷) 新店位置

見好評都唔少就去試下, 地方算大, 但茶餐廳格局, 好彩早去有卡位坐泰式拼盆($65) - 除了魚餅有d味道外, 其他都好淡, 蝦餅太油, 春卷無味, 香葉雞最唔掂, 好乾, 又無雞味, 好難食蒜香炸田雞($40) - 幾香口, 送酒唔錯雞, 腎各一串($14) - 雞燒得太乾, 而腎普通再叫了兩支啤酒($44), 不用加一, 埋單$163, 價錢唔算貴, 但食物質素唔掂, 尤其泰式拼盆真係唔好食, 應該唔會再幫襯

同事請食飯，去咗小曼谷試吓。五個人食咗好多嘢︰推介︰炸蝦餅---好好味，食咗兩碟冬陰功湯（大）---酸辣度適中，正串燒---個沙爹汁好味其他︰燒烏頭---ok0架喱蟹---一般馬拉盞炒通菜---咸咗少少，都ok泰式炒蜆---個汁幾好味，不過啲蜆有沙蝦刺身---我冇食，不過啲同事話幾好加一碗白飯、兩碟赫蓉包、一個椰青、珍多冰同兩支啤酒，埋單$588，都幾抵食。小曼谷擴張之後應該係而加個新地址，係南角道，係城寨風情隔離。

我同我女朋友前排成日食小曼谷丫..我地通常一定叫佢個蝦刺身..係好新鮮..加埋佢d汁...好味..而冬陰功湯都係必叫架...好香好好味..串燒就唔洗講架啦..我相信去到有8-9成人都一定會叫...好味..仲有佢地其他野都算平均...值得去..而且價錢平.^^

第二次去啦~~都係好食! 晚上10點幾都9成滿, 好厲害!!2個人去點了3樣: 紅咖喱炒飯(+雞) + 炒金邊粉, 點炒野因為呢度鑊氣夠~~仲有蒜容包, 好脆呀!紅咖喱炒飯-- 最岩可以食辣既人啦~ 上面d香草唔食得架....炒金邊粉--如果d蝦有番d蝦味會好d.....總結係最好4人以上先去, 因為可以share多d野食, 價錢又唔貴, 正!

講真九龍城好食既泰國菜館有好多，但小曼谷一家唔會係最好食個間。佢仲係細鋪時我就真係佢既捧場客，但自從佢轉左大鋪之後我就覺得食物水準差左好多，雖然未到難食但係真係冇咩特別可言。上個星期中午約左朋友去九龍城食野，因為時間尚早(12:00)有好多鋪都未開門，而我朋友又未食過小曼谷，於是唔信邪就同朋友入左去。首先叫左3杯野飲，1杯芒果沙冰，1杯蕃茄仔沙冰，1杯椰皇沙冰--- 芒果沙冰芒果味唔夠香唔夠濃，冰既比例太多，街市頂樓既芒果沙冰就做得比佢出色好多。蕃茄仔沙冰亦唔係傳聞中既好飲，一樣亦係冰太多，令蕃茄味好淡。反而我朋友叫左杯椰皇沙冰就比較清甜。泰式拼盆--- 有蝦餅魚餅香葉雞同春卷，除左蝦餅之外其他都唔係太掂，香葉雞太乾太硬，春卷好一般，魚餅太多油。菠蘿炒飯--- 就好似之前有位網友所講，碟飯真係無唔夠味，雞肉冇醃過，炒得亦不夠乾身。炸軟殼蟹--- 普普通通，冇乜鮮味~埋單2個人百零蚊，平係平，但係講真佢開妯鋪時d野真係唔錯而且夠地道，而家食物求其左味道又偏向香港人口味(味道唔夠濃烈)，有d似茶餐廳做出黎既港式泰菜，奉勸各位，如果想食地道風咪，可以試下小曼谷對面既泰式燒王又或者右手邊既隆姐

我在4月25日去加o左價我最愛的炸蝦餅~~~~~~~~~由來已$36有6件.......現在加到$40得5件~~~~~~~~~唔開心呀........還我蝦餅~~好食都唔可以加得咁勁o架嘛不過間野次次食都好好味......仲有個芒果沙冰..正

母親節正日，晚上九時半，唔駛等位，不過都坐得幾滿。今次係第二次黎，同女友兩個人叫左：魚蛋金邊冬蔭公湯底($35)、辣椒膏炒青口($45)、生蝦剌身($48)同牛肉($7)豬頸肉($10)串燒各一。串燒保持水準，沙爹醬非常香口。金邊粉好大碗，魚蛋普通貨色，湯底唔夠，好快比o的粉索晒。生蝦好新鮮，做得好乾淨好仔細，點酸辣汁食一啖一隻，食落彈牙爽口，正！炒青口亦係一絕，青口非常新鮮大隻份量又足(好似超過十隻)，配料以洋蔥、蛋及紅椒為主。炒得好惹味，可惜o的汁食唔晒，浪費了。飲品要了一杯薏米冰($12)，無乜特別不過唔夠甜。埋單共$157，依舊抵食！PS. agree with 猿渡久美子that 城寨風情個接待處阿姐勁無禮貌, 藐嘴藐舌

上次去到, 三人晚飯, 吼準六時入坐不需要等. 因為一晚了實在好多客人在街齊齊等位.招呼確實不錯, 但最失望的是食物非常一般, 唔明為何那麼多人等, 先講串燒, 無論牛肉抑或其他...全部無肉味, 亦燒到無晒肉汁了, 當然點了沙爹汁就有醬汁味, 但無肉味才最唔滿意, 之前去"金泰", 環境差, 但串燒就好得多, 牛肉味非常濃而且尚有肉汁最難得; 再者, 點選了香葉包雞, 又係"無肉味", 竟然連香葉的味都沒有才離奇? 只有後上的炒蜆才最"似樣", 可是...味道一流, 真的.真的很不錯! 但......有好多蜆都仍有砂!!! 我姑姐直情想告訴店員有一半以上有砂, 但我又認為講了之後, 難道他們會取消此DISH? (我們又確實食了部份) 所以最後決定不說了...最後來了菠蘿炒飯, 非常大碟頭, 但有誰想到泰國菜館連最容易令客人開心吃的一款炒飯都唔太OK?? 因為整碟飯除了是黃色"似樣"外, 一來無香味, 二來真是無什麼味, 炒的雞肉是無味的, 似乎沒有醃過...只有肉鬆是有味道...真想不到是這樣的啊! 很失望亦很奇怪, 因為真的經常好多人等位呀??

20050505 8pm我去o既係南角道新舖.小曼谷新舖倒是第一次o黎, 其實本來諗住試隔離o既城寨風情, 但係佢門口個接待處阿姐勁無禮貌, 藐嘴藐舌, 男友聞到小曼谷o的串燒好香, 就寧願過o黎逼逼地食沙嗲都唔鬼等佢o的位. 2人吃-* 串燒- 牛x 1($7), 雞x 1($7), 豬頸肉x 1$10), 魷魚x 1$10), 魚餅x 1($10), 魷魚係鮮魷, 魚餅最差(其實上次食過都係覺得佢唔係幾好食但係唔知點解又再叫多次), 豬頸肉最好.* 蝦膏炒通菜- 無乜蝦膏味, 不過o的通菜好靚, 夠嫩口.* 菠蘿炒飯- 配雞, 幾好, 不過呢味就金寶會好食o的其實.* 芒果白糯米- 好古怪, 佢係有黑糯米提供, 但係你要配芒果的話就只準配白糯米, 味道好, 不過熱得滯, 整熱晒o的芒果-_-* 青檸沙冰- 男朋友飲呢個, 佢勁讚wor!* 蕃茄仔沙冰- my all time's favourite, 小小甜, 好味到爆.環境比舊舖好, 光猛同空氣流通又夠大, 不過我同男朋友得兩個人, 分到個要面壁o既2人卡座, 好自修室feel.全數泰籍女侍, 能操相當流利廣東話. 仲好有禮貌o

今晚又同愛人共進晚餐.食下泰國野先....行左去好多人推介的呢間:7:00pm去到,無咩人.叫左:生菜包豬肉--偏辣,喜辣者一定鍾意泰式拼盤--$65,份量十分多,好抵食,蝦餅最好味青咖哩雞- 差,咖哩唔夠味,而雞的份量也很少,很重雪味蕃茄仔沙冰-幾好,很青甜青檸疏打--全杯都係冰,飲得兩淡便無>.<去到8點後十分多人等位,一於讓坐走人埋單$126,好抵食.環境-茶餐廳格局味道-可以接受服務-幾好抵食-抵乾淨-眼見都ok

叫左椰青&青檸沙冰,生蝦,串燒,好辣既木瓜沙律泰式炒蜆足半隻手掌大,D汁很惹美,撈飯一流!最尾加叫個扎肉河,吃了一半才發現有隻吾知乜既昆蟲翅,叫了門口叫飛既哥哥仔,他即SAY SORRY同取消左去, 都OK既!很滿足一頓飯!PS樓下小曼谷發言人可是不是那哥仔呢?

去九龍城食泰國菜,去得最多係街市泰苑,貪佢夠平,水準又唔錯,見到小曼谷o既食評一般都幾好,決定試一試呢間!八點幾去到要等位,三個人等o左十五分鐘左右就有位喇....入到去見間舖冇乜裝修,而且座位好迫o下,環境就真係麻麻~食物方面都幾有水準:炸蝦餅($40) - 見好多人都話好,梗要試o下! 一咬落熱辣辣,應該係即炸o既,非常彈牙之餘仲有蝦味,我想信蝦膠係全蝦冇滲魚肉或豬肉。呢個真係值得推介,一碟六件好抵食!!炸軟殼蟹($50) - 亦係即炸o既,不過普普通通,冇乜鮮味~泰式炒通菜($30) - 通菜好嫩,o係呢個時候(四月初)食到咁o既通菜幾難得,仲有好夠鑊氣。小曼谷炒河($30) - 賣相唔掂,但食落味道不錯,配料有原隻大蝦、蛋、生菜同菜脯粒。串燒- 牛肉($7): 有牛肉味,好多肉汁!珍寶腸($8): 唔夠熱,唔夠脆皮, 我懷疑佢烚熟之後再係咁意燒兩野然後交貨~魷魚($10): 普通,唔抵食,如果可以加o的蜜糖會正好多!雞翼($8): 賣相幾好,冇食到,唔知味道如何........魚餅(送o既): 唔掂,完全冇燒烤果種風味~另外串燒有幾款醬可以揀,我地揀左辣汁,但同串燒唔夾,應該揀

都係果句.. 真係多謝大家o既支持!更多謝係大家o既批評...如果唔係點進步呢!我們一定會努力!為你服務,多走一步!

活蝦刺身, 好夠味, 不過好辣, 好鮮味. 泰式鳳爪都好好~不過, 最吸引0既都係串燒, 我就最好雞翼喇!真係好入味, 如果唔怕油膩的話可以試吓豬頸肉, 燒得好香口~炒菜方面可以叫炒椰菜苖, 幾特別!其他, 食咗生菜包, 唔食得辣就要呢個啦!仲有, 小曼谷0既椰皇沙冰好好味架, 好清甜~小曼谷0既感覺, 真係好似去咗曼谷0既食店咁, 好有當地情懷.

由未有咁出名到開始有小小名氣既時候,我都有食過.最初去既時候,人服務態度好好,野食又好味,最記得波蘿炒飯真係好好食,生蝦夠新鮮!後來人開始多左,生意好左,連坐都要坐到出晒街,我再去食,企係條街好耐都冇人招呼,好似睇我唔到,問佢有冇位又唔答,好無奈.仲有舖頭油煙好大.....我決定以後都唔會再去.