小曼谷泰國美食 (已搬遷) 新店位置

收工同班同事特登搭的士去九龍城食野,,聽聞哩間餐廳好正,,我都係第一次去,,一開始食果隻蝦刺身,,就已經好甜,,再加d汁食,,真係超正,,雖然係勁辣,,搞到我不停飲野!!之後再食個蝦餅都好有口感,,同埋個蝦醬炒芥蘭都好入味,,好正..仲叫左好多味野食,,好似燒魚,,海鮮炒粉之類都唔錯,,最可惜就係,,冬陰功個湯我無飲到,,因為食左禁多野都真係太辣了,,我再飲唔落lu~

同男朋友見到咁多人排隊咁就入去試下啦!!! 1.生蝦: D汁夠得幾好味呀~~~ d蝦雖然新鮮但好鬼細隻..... 2.炸蝦餅: 好彈牙!!! 同埋有成4-5件~~~ 算係咁啦!3.串燒: 見到好多人都叫串燒未叫來試下! 沙o爹汁係幾香... 但好不幸地串豬既串燒全都係肥肉...實在唔多鐘意肥肉...所以唔多高興...4.泰式炒通菜一向都係我至愛... 但果度炒得好差...一d都唔好食..........5.香葉炒河: 非常細碟! 每人夾左一碗已冇乜幾多剩...... 味道一般!總結: 冇咩好感!!!

早一兩晚心血來潮想食泰國野，諗起朋友推介過呢度，所以專登搭車入去食，可能我早到啦，唔駛等已經有位坐；食咗幾樣野( 包括黃咖哩抄海鮮、泰式抄蜆及多款串燒) ，感想如下……黃咖哩調製得幾好味，送飯一流，但海鮮用料唔多，感覺上唔係咁抵食；泰式抄蜆既蜆好大隻，每隻連殼足足有成兩吋咁長，不過唔多隻，而且蜆肉可能因為大隻既關係，口感比較韌，但整體黎講牒抄蜆都係OK既；串燒真係值得一讚，沙嗲汁調製得好味不在下話，每串串燒都燒到熱辣辣，特別係珍寶腸燒到成條起哂脆皮至送過黎，連沙嗲汁一齊食簡直正到暈。Service就一般啦，太多人食野叫野搞到D夥計個個做到鞋口鞋面；不過我兩個人又食咖哩海鮮又食抄大蜆再食成十幾串串燒埋單都係兩舊水到( 印象中好似無收加一)，你仲想點？

星期日下午Cheap太公幹回港﹐接完機(唔join一眾食家行山的最大理由﹐嘻嘻)雖然時間尚早﹐但還是決定回家放低行李就提前食晚餐。Cheap太吃了多天中餐﹐決定去九龍城食泰菜﹐想起珍姐已失當年風采﹐就選了小曼谷。七時未到居然已要排隊﹐證明生意做得很好。應該是很多排在前面的人不耐煩走了﹐結果只等了10分鐘左右就入座﹐有點運氣。點了肉碎生菜包﹐冬蔭功湯﹐雜錦沙嗲半打﹐小曼谷炒飯及兩個沙冰。生菜包的肉碎賣相一般﹐但味道調得香而不太辣﹐cheap太很喜歡﹐只是對我來說﹐再辣一點刺激一點會更好味。沙嗲依然是小曼谷的強項﹐豬﹑雞肉都烤得香味十足﹐配上沙嗲汁更惹味﹐唯一不合格是魚餅﹐口感太軟又無味。再上來的是冬蔭功湯﹐賣相很好﹐做得很香濃而酸辣度適中﹐吃不得辣也可試﹐蝦有五隻亦算足料﹐是整晚最出色的一道。最後上的是小曼谷炒飯﹐掛上招牌﹐卻是無論味道及賣相都平平無奇的一碟蛋包炒蛋飯﹐除非是很喜歡吃炒蛋的人否則應該避之則吉。沙冰是每次來這裡必叫的﹐今次要了菠蘿沙冰及雪梨沙冰﹐菠蘿沙冰很新鮮開胃﹐雪梨沙冰則甜了一點﹐雪梨味淡了而且擺久了也不像以前般會“變色”﹐似乎比起以前﹐雪梨是用少了。下次還是試另一款吧

成日都好想試o下佢o既串燒...今日去o左試o下...絏共叫o左5 串...有:牛/腎/豬頸肉/雞/雞翼價錢有7 - 10 蚊不等...本來見到佢menu 上面話如果要拆簽...就每串加3 蚊...但係上檯時都已經拆晒簽...感覺唔錯...牛肉覺得熟o左d..雞肉幾香...豬頸肉好大o舊...雞翼比較肥...腎係最好味o既...仲好細心...每人都俾杯冰水...服務唔錯!!

昨日和老公一起去小曼谷食，叫了我最喜愛的炸蝦餅、海南雞飯、燒烏頭和椰菜咸肉，真的好好味！炸蝦餅是我的首選，即叫即炸又香脆又彈牙！海南雞飯很夠味，雞也夠滑！燒烏頭很鮮甜，外皮脆脆地很惹味！最後椰菜咸肉也特別，不是一般街市買到的椰菜，它很爽口！可惜吃得太飽，真想再試試其他！

以前去九龍城都喜歡到小曼谷食串燒及飲冬蔭功, 串燒新鮮熱辣, 冬蔭功香辣濃味, 可惜地方淺窄, 坐得唔舒服, 現在搬了大舖, 地方大了, 可坐下慢慢享用, 但星期日, 七時過後就開始等位, 唔想等就要食早一點. 其實搬了大舖後, 食物味道都沒有大改變, 串燒及冬蔭功仍是我的最愛. 炸蝦餅也值得一試, 即叫即炸, 新鮮彈牙.

小曼谷老店的泰式炒河,蝦膏炒飯,曾是我的最愛,百吃不厭.小別兩年,小曼谷不再小,已經開左間大舖,在城寨風情隔離.串燒例牌豬牛雞各一,味道依舊,風味迴異.Tom Yum唔夠刺激,烏魚仲好香氣四溢,泰式海南雞肉都叫幾滑.雞味係略欠少少.炒粉麵鑊氣比老店差點火喉.軟殼蟹送啤酒一流.錯綜複雜的一餐,眾人異口同聲話下次上街市去.

路過食左串雞肉串燒,手勢麻麻地,雞肉裡面唔夠熱,明顯加熱o個陣時有D求其.雞肉肉質幾好,仲有D彈口,唔系淋晒咁,汁料都有幾款選擇,唔錯!

今晚去o左食, 9點鬆d, 等o左2, 3 個字就有位, 不過環境就麻麻喇, 好迫, 但都唔太dirty o既要o左:1)生蝦- 新鮮, 而且無雪味, 都ok 大ga , 唔錯!2)串燒腎- 好好味道!又爽又唔un!! 3)串燒'由'魚- 又係好味!! 仲好彈牙tim!~4)炸魚蛋- 好重味精, 不過好惹味, 夾生菜好食!5)豬肚湯- 又係好味精,不過個湯好清d 豬肚都ok clean, 但係一d pepper 味都無!6)咸魚炒芥蘭- 一般啦7)咖哩炒crab - d crab 好新鮮, 肉質唔錯, 不過無咖哩味8)蕃茄仔沙冰- 好特別, 味道都ok, 仲好足料o下9) banana 沙冰- 好似食緊蕉o甘lor!我o地4人食o左$365, 都唔平, 不過d 味道又都ok ar, 我都會想再o黎o既!

星期四去食dinner, 雖然坐左九成半啦, 但好好彩無咩人唔駛排隊就有得食, 坐底叫左生蝦$68, 冬蔭公扎肉湯河$28, 串燒(雞, 牛, 腎各一, 各$7), 蝦餅$38五件, 炸雞塊$38生蝦依舊好味, 但雪得唔夠涷, 咁會令人擔心佢個衛生問題, 涷d"感覺"上安全d, 講番味道先, 蝦肉依舊好爽夾滑, 個汁先係成碟野的精華, 香辣加酸甜味, 認真醒神開胃!! 串燒熱辣辣, 腎係散件上, 好爽又唔會un無咩筋, 幾好喎, 牛肉有d un同埋痴住支籤, 雞都有d過左時, 少少un但可接受冬蔭公扎肉湯河個湯好正, 味辣香草味多, 但又唔會辣到無知覺, 好香~~~ 扎肉就一般水準啦, 無咩特別, 河粉都唔係話好滑個d, 一般水準蝦餅比起上次差左好多, 炸過時搞到個皮硬晒, 個d蝦肉又無上次咁彈牙, 唔知係咪上之第一次食感覺新鮮所以正d啦!!炸雞塊係搵笨之作, 佢個碟全部都係雞肋同骨的部分, 無肉食不特止, 重要炸到un晒好鞋個隻, 味道只係炸鹽水雞咁, 好唔掂~~~~~~~~~~~~~點解會退步架, 莫非間間食肆都係多人幫襯之後就失水準??

小曼谷輝煌時代已經過去，印像中小曼谷最正係街邊大排檔舊鋪個陣，雖然要坐街邊又熱上菜又等得耐，起碼好味又抵食。而家搬左去新店，換左班唔多想做野既泰妹，招呼都幾晦氣，點菜想諗下，停一停佢就粒聲唔出自動行開，費事啋你，味精比以前重手，炒蜆一碟得十隻，雖然隻隻兩吋長，但係隻隻都勁多沙又韌，望下佢地Ｄ面口，我都費事叫佢換，埋單走人算數。

又去九龍城, 今次又係食泰國野,見呢間鋪up up dup dup, 又咁多人, 實係正野~~三個人叫左三樣野....泰式炒蜆, 菜炒蝦, 同埋椰青焗飯炒蜆真係好野味, 辣辣地~見到周圍十枱有九枱都叫呢個炒蜆, 真係冇叫錯個炒蝦就冇咁特別~ 好清淡, 不過d 蝦都ok 新鮮!最正係個椰青焗飯~ 好香椰子味, 又多料, 有蝦, 蜆, 魷魚,加埋d 提子乾, 勁正~ d 椰青肉仲可以括埋出黎食, 好好味!!服務就真係麻麻喇... 落錯晒單...出黎果陣出面勁多人等位!! 冇去錯, 埋單@$41

以前是小曼谷的fan 屎, 但只限當年在舊舖年代, 搬了大舖後, 食物的水準每況愈下, 好失望呀! 1/7去完朋友在九龍城的新居, 一行四人晚上去了小曼谷食野, 9點幾唔駛等位, 是次叫了4杯沙冰, 串燒3串, 蝦餅, 豬肉碎生菜包, 冬蔭公湯(小), 清炒椰菜苗, 生蝦, 蝦醬炒飯, 蒜茸包!一坐低先點了幾杯沙泳解解暑, 我要了至愛的蕃茄仔沙冰, 沙泳來到但係唔知點解係好稀既, 唔同左以前好思樂冰feel的, 其他口味都是一樣咁稀.....串燒唔夠香, 梗係同以前舖仔年代爭好遠呀;蝦餅都還ok, 夠熱辣辣;豬肉碎生菜包就過得去啦;冬蔭公湯就算得上係走樣走得最緊要既, 一d都唔辣, 只係酸咪咪的一個湯, 好在蝦都算新鮮, 但係就縮左水;清炒椰菜苗就幾好, 不過主要係d椰菜苗靚;生蝦又係變晒囉, 如果我冇記錯, 以前響小曼谷食開既生蝦係有好多生蒜茸等香料佈滿每隻蝦上, 但今次居然係齋幾隻蝦, 仲要望落係乾爭爭似的, 只跟一碟汁, 點生蝦的汁又係一d都唔辣....唉;蝦醬炒飯都係好一般啦, 唔係好香蝦醬味......唔知係咪出左名之後, 為左迎合更多本地人的口味, 搞到錯晒呢? 真係睇住

有一排成日同女友出九龍城食野，貪佢平呀嘛～又多泰國野食喎，我地又鬼咁中意食炸蝦餅喎～講番果次既經歷先～話說我地已經去過好幾次，見人地果個咖哩炒海鮮幾好食咁喎～咪跟下風囉～兩個人粗粗地叫左一份，大份到阿媽都唔認得！食落又幾好味喎，Ｄ咖哩汁真係唔錯～～勁香甜～食飽飽見有淨就打包番屋企啦，諗住自己煮飯再撈黎食啦～過左一晚，超唔對勁啦！我勁肚痛。。。痛到咩野街咁～！跟住就睇醫生啦......強調：『盒野仲係雪櫃未食，一定唔係我既問題！！』轉頭又到我女友領野～到佢痛。。又嘔。。。搞左幾日，搞到我同佢請到幾日假，加埋睇左成４次醫生！！我諗我有排唔敢去呢Ｄ地方食野。。。我同我女友果幾日就好似死屍咁灘係張床度......無計...自己搬左出黎...無人理..等死... 等左4日...