小曼谷泰國美食 (已搬遷) 新店位置

味道真係唔錯，好地道，味道好似係泰國食一般，服務亦值得一贊。

我比較落後，今晚先至第一次去小曼谷食飯!真係幾正wo 炸蝦餅*****(果然名不虛傳!!!)生蝦**(唔夠新鮮，個汁唔夠特別)明爐烏頭****各式串燒*****馬拉盞通菜*****(好好好好味呀!)炒椰菜芯****(通菜好d)冬蔭公****(唔係太spicy, very good)炒蜆**(無乜味...)無骨鳳爪**(無乜味)炸鴨舌***(都係"老"水好食d)蒜蓉包***木瓜沙律*****(雖然好spicy,但真係好好食)phad thai*****(勁彈牙，超好味!!!)椰皇沙冰*****青檸沙冰****芒果雙色糯米飯****(夠煙x)另外見人地叫海南雞飯都好似好正咁，下次一定要試下

喜歡吃串燒的朋友，一定要試試這間小曼谷呢！我試過雞翼、豬肉、牛肉及豬腩肉串燒，樣樣都好得呀！

個日諗住去大鋪食lunch, 點知原來3pm就要去細鋪, 咁唯有等到晚飯再去啦, 8pm門口人山人海, 因為小曼谷同隔離間野都好多人排, 不過好彩排隊2個人都係等左15mins左右就有個"大堂前門口位"比我地坐, 一坐底見到佢碟頭都唔細, 都係就住叫先, 木瓜沙律$25, 炸蝦餅$40, 生蝦刺身$48同埋雞肉串燒同雞腎串燒(各$7), 芒果沙冰同椰青沙冰(各$12)木瓜沙律都幾大碟, 木瓜硬左d, 加上好脆口嘅花生, 重有紅白蘿蔔絲, 好正! 酸酸辣辣好開胃,食落都幾辣架! 生蝦刺身有6只, 隻隻都有中指咁長, 肉地超新鮮, 好鮮味又彈口, 個酸辣sauce又好正!!!嘩, 都唔知點形容好. 炸蝦餅有五件, 好厚身, 同平日食開個D厚好多, 佢係熱辣辣入而超彈牙, 勁正! 講到野飲, 真係必叫, 因為要來救火, 椰青沙冰有好多一絲絲的椰絲, 好青甜又解渴解辣, 正! 芒果沙冰就有青芒果之味, $12好抵飲!!!串燒就不過不失啦!埋單都係百鬆D, 幾抵食, 見到人地的炒粉麵都好大碟, 湯粉重可以選冬陰公湯底, 成間店都好繁忙, 講真坐同環境就真係認真麻麻, 但係由於食物實在太美味啦,

講起Thai Food...朋友識得個Thai傭，推介九龍城街市果間，而住果頭的朋友就推介泰禾美。好似話有分咩地區...北泰丫..又唔知點既..幾次lunch時間，泰禾美都無開，諗住邊間有人氣就去試下啦。食左個炒河，一個炒飯，一d串燒，一杯泰式奶茶...已經唔多人，但係就等左好耐，食完味蕾無咩特別感覺，我地兩兄弟都係...

吃過幾次，串燒冰沙炒金邊粉酸辣湯全都有水準。冰沙即叫即製，推介椰王冰沙，味道夠清。串燒全都有水準，大夥人去叫數串，一起分享夠滋味。尤其是新開的鋪頭夠大，不怕迫。

首先多謝各位一直以來支持及寶貴意見！在未來的日子裏小曼谷會定期檢視這意見箱。希望各位繼續發表意見！

次次去完小曼谷都好飽, 好抵, 所以好滿足！炸煆餅: 正！(應該叫炸煆球至貼切)串燒豬頸肉: 九成係肥豬肉喎, 點食啞？串燒腎: 好爽, 醬汁惹味木瓜沙津: 我的至愛！咸魚炒芥蘭: 芥蘭好甜, 咸魚亦好香牛丸粉冬陰功湯底: 因為河粉賣晒, 所以要金邊粉。但估唔到金邊粉到幾滑喎, 下次一定要試河粉。牛丸勁彈牙, 但冬陰功唔得, 唔知係味俾粉溝淡呢？扎肉粉: 扎肉唔掂見到隔離食咖喱炒蜆好正, 下次都要試。

芒果沙冰....無可能正到咁....咸魚炒芥蘭....好香....冬蔭功...香港好少地方係好味囉....仲有D串燒同蒜蓉包....十個正...諗起都想去食~~~不過要坐卡位囉~~~

我好多時經過九龍城都會幫趁小曼谷﹐因為覺得D野幾好﹐尤其是沙冰類﹐唔錯﹗最愛芒果﹑雪梨﹑椰青。串燒類則一向都有水準﹐尤其是醬汁﹐做得相當惹味。只食過一次燒牛丸外熱內冷﹐衰左。而我自己比較喜歡細鋪多一點﹐因為感覺比較有親切感﹐大鋪則較適合一班朋友聚會﹐(其實4個人食已經要去大鋪﹐細鋪會坐得好辛苦)食物方面雖然小曼谷未必係九龍城最好的﹐但兩邊鋪都KEEP 到﹐水準都算穩定﹐希望可以一直保持。知道小曼谷有發言人睇Openrice我就放心了(仲要好難得老實地評自己衛生為“2”)。至於價錢方面好似比以前未有大鋪之前貴左少少﹐唔知係為左同大鋪一視同仁定係成本的確上升左﹐雖然如此﹐而家個價錢都仲係值的﹐但小曼谷係從街邊小店走進大鋪﹐價錢能夠保持﹐係吸引更多客的原因之一﹐希望小曼谷可以繼續“街坊價”。

多謝多年來支持,我地細舖一定繼續做.由於舖面問題未能兼故某類食品,我們會致力改善~~ 多謝寶貴意見!

其實我已光顧了小曼谷很久了，它的食物好食又抵食係人都知，所以我都唔多講。之但係有一樣我想跟你們分享，就是它細舖的味道好味過大舖好多(個人意見)，你們可以試比較！另外，我早兩日食才發現細舖有些食物係唔會做，例如蝦餅，香蕉沙冰，見到這樣唔多唔少都有些失望，我現在只怕他會將細舖結業，留番間大舖就算，到時又少了一個好地方！

細鋪開大鋪，一睇就知有料到啦！我的至愛：　青檸加菠羅沙冰（熟客先識叫）　生蝦８隻　泰式ｂｂｑ～　冬陰功海鮮湯　咖哩炒海鮮　蒜蓉飽　泰式炒通菜　　約＄２００抵．．十成飽　　有好多型男索女．．．同啱明星去食野　至正就係有金毛尋回犬ｍｉｃｈｅａｌ　同古代木羊ｊｏｒｄａｎ兩大神犬為客人看車同玩樂哈哈哈～～～

前兩個星期入到九龍城同小肥撐枱腳,原先諗住食個間因為找不到,行過這間新舖,記起喺屯門市中心Food Court(已經執咗)幫趁過幾好食,便即管等一等,好快就有位(大約七時半後).間舖無裝修但光猛,也尚算乾淨.點了:1.(檸檬香茅???)蜆湯:有陣陣檸檬果香,酸酸辣辣,很fresh很好喝.2.串燒魷魚:唔夠香口,兼且用咗生蝦刺身的辣汁,有D無癮.3.生蝦刺身:夠大隻,肉爽口,但唔夠鮮味,汁也太辣,覺得街市那檔較好味及抵食(因送埋炸蝦頭).4.泰式炒金邊粉:大大碟,好好食.5.椰菜苗炒咸肉:椰菜苗好有咬口,同金寶至愛炒椰芯有得揮(雖食味不同,但也很滋味),咸肉望落似燒肉,細細舊,不太咸但配椰菜苗是不俗的配搭.本來重落左串燒雞翼及牛,但漏單也太飽所以沒要,下似一定要試雞翼.埋單只是佰鬆蚊很抵食呢.

推介食品:1. 魚餅串燒- 十蚊大大串, 必食!2. 芒果沙冰- cool!3. 牛丸河冬陰功湯底- 牛丸彈牙, 冬陰功正宗, Perfect Match!4. 海南雞飯午市套餐- 三十零蚊有大大碟黃油海南雞飯, 冬陰功湯, 飲品及甜品, 夫復可求???價錢平過黃珍珍好多, 新店坐得舒服, 但係卡位有限(4-5張), 晚市想坐得舒服d就早d去呀!