小曼谷泰國美食 (已搬遷) 新店位置

我地兩人叫左1) 泰式炒金邊粉(2) 沙爹雞串燒(3) 沙爹牛肉串燒(4) 沙爹豬頸肉串燒(只是這樣的肉夠鮮味)其他的肉類食材不夠新鮮, 煮法很好! 不過抵食!

地址原來係南角道8-11號...2個人食左炒通菜,蝦餅,串燒,炒金邊粉,都唔錯呀~下次試過其他,埋單平,只係$120...抵..

平日八點幾都滿坐, 當然係食物有番咁上下東陰公湯- 好味, 唔太辣, 好鮮串燒- 好大串炒菜- ok無骨鳳爪- 低食, $25, 好辣炒聖子- 味道唔錯, 一蝶6隻左右四個人叫咗8蝶餸, 夠哂, 都係100位

星期二晚有位朋友回來香港,約好今次吃泰國菜,見很多評語介紹小曼谷就來試.剛巧其中一位友人的老公在法國醫院做一個小手術,所以去探他,原本說由我們去拿位,怎知醫生來到談論手術後報告,一講差不多8:00pm,我另外兩位朋友打來說已到,問我訂位未,我說還未叫他們先拿位,好在很快打來說有位,我們到門口時已有一批人在等.入到裡面見友人坐在卡位,心感到幸運,因為地方實在迫.我們即時叫女侍應點菜,其中一位友人最愛生蝦,我見食評都大讚這裡生蝦鮮甜美味,第一時間要個生蝦,誰知那位侍應說"無得吃" 我同朋友感到奇怪,於是問她是否無賣還是沽清,她用半咸半淡廣東話說"依家我地還未有生食牌" 或許太久沒吃泰菜真不知道要拿牌,不知是否其他食肆都一樣呢!朋友知道無生蝦吃後,絕望到無胃口,連點菜心情也沉到谷底,於是隋意點了以下幾樣:1.泰式炒雜菜---很普通(而且得三款菜)2.干炒粉絲(豬肉)---豬肉干巴巴,粉絲一塔塔3.串燒牛,鷄,尤魚各一串---都幾好味4.炒蜆(約有8,9隻)---鮮甜夠大隻5.黃咖哩海鮮---好一般,朋友彈賣相不好6.燒烏頭魚---味道一般,魚身裡面放了香茅(好像是)

琴日同男朋友屋企人去呢度食飯，好多人等，等o左成個鐘先有位，梗係刷番餐勁啦，叫o左泰式生蝦、生菜包、咖哩炒蟹、炒蜆、兩客蒜蓉包、串燒、咸菜豬肚湯、炸蝦餅、蒜蓉通菜，全部都好野味，超鍾意食佢o既蒜蓉包，撈埋咖哩炒蟹既咖哩，食到停唔倒口，生菜包勁辣，蜆好大隻，不過有少少沙，最重要係勁抵，每人$100找數，好開心！

Went at 6.30 last Sun, there were a lot of people waited outside already. Got a ticket and wait. finally got a seat after 1 hour!!just 2 people couldn't tried a lot. Satay - so good, like beef much.Clam - not that spicy and tasted really good as a little sweet. but same comment there are not many on the plate.though the environment is not that good and a bit crowded, but it's cheap and tasted good.Will come again and more people and try more, esp fried shimp cake and curry crab.

我很耐之前(約3~4年前) 試過它的串燒那時仍是小店,我飯後看見有串燒,引不住試了一串,真的不錯!今之終於可以坐下食,由於此區不就我,自從上次後,一直也沒有再到此區!有幸朋友一心請我食(生日),她本選擇"金寶"由我再提議到此!約6:50pm 到鋪,都有4~5張枱吃中老實說, 服務真的不好...叫了幾次都無人應, 及後有一女侍應很惡同我們說:等一等啦點了:1.冬陰公湯(細)$50---很好,有成6~7隻蝦,很多磨茹,看似很少,我同朋友各喝了3碗,最後也飲不晒2.生蝦($45)---有成8隻,朋友說很不錯,我也覺,很新鮮,蝦不細,而且也很彈牙,比食sashimi好食好多!d sauce 我就沒有比較...因今之是我第一次食!3.蒜容包($15)---4件,熱但少勒和味道差點,不建議淨食4.黃咖哩雞($35)---很香,主要叫來點包食,雞件因太飽而沒有試.不辣很好食!5. 炒蜆($45) –很大隻蜆, 大到有手掌咁大, 係好誇張, 有肉感, 味道都幾鮮, 不是雪藏,分量都ok,有成10至11隻, 但有少少沙, 可以接受! 個汁辣辣地,視覺上好滿足, 我同朋友各食了2隻,很飽,吃不下,它是最後

昨天到九龍城半天遊的第二站係小曼谷, 叫了蕃茄仔沙冰, 椰皇沙冰, 雪梨沙冰, 西柚沙冰及扎肉粉絲沙律!西柚沙冰幾好飲, 酸咪咪都好多西柚肉, 我推介媽媽飲我以前最愛既蕃茄仔沙冰就差晒喇, 又稀又甜, 同以前小店時代爭好遠!扎肉粉絲沙律好一般, 粉絲過淋!我們入座後便不再收客了, 因為準備落場, 有其他客人不知就裡推門而入, 一個肥肥地既泰妹同人講完話收左舖之後, 就嘻嘻哈哈同廚房D人講叫人"明天請早啦"在我心目中以前既小曼谷唔係咁架!

野食普通唔太過特別好食好多tailand food好過依間平過e間服務態度奇差嗌佢5次落單得番黎answer係等陣等完又唔過黎嗌jum水又唔jum樣樣野都要吹叫佢快d睇都唔睇就話煮緊黑口黑面下次比錢我都唔去食

平時見多人等位都會買外賣走，尋晚九點半去到，旺到連門口都開左一檯食客，入去收銀處買外賣，表明來意之後等左個收銀小姐七、八分鐘，佢先好晦氣咁大大聲兜口兜面大哎「外買？冇呀！」嘩！仲慘過同妳乞，繁忙時間唔做外賣都唔駛咁惡掛？咁串咪以後唔黎囉，妳想客人返轉頭幫趁就難遮？想人以後唔幾咁易呀？咁態度咪聽執囉！

星期四晚七點左右去到, 差不多全場已爆滿. 見大部份都係order 咖哩蟹, 不過因為我地只有兩人, 食唔嗮, 所以想食都唔敢叫~~串燒$7-10/串, 我地叫左好多串, satay 味道very good!! 一定會再去食

第三次去食，未試過咁早去到，點知原來開六點，等一個鐘嘛...炸蝦餅、冬陰功&串燒係必食，沙爹汁依然好正，但蝦餅個皮有少少硬，冬陰功又酸，少少失望。今次推介︰炸軟殼蟹- 正正正，食晒仲想食炸鴨舌- 平時唔食鴨舌0既我都話好好味青檸梳打沙冰- 好好味其他︰炸魚餅- 都幾好，咸少少紅喱炒飯（雞）- 少少辣，都ok，但唔好揀雞，雞完全冇味完全唔掂︰海南雞飯- 之前見好多人食，食評又話幾好，點知好失望，成碟飯都唔知整好幾耐，凍冰冰，飯一舊舊，係個汁好味，一定唔會再食要食就要早去，六點半八成滿，六點九已經要等位喇。

上兩個星期,一行三人去o左小曼谷食晚飯,一到門口,見到入面o既格局好似茶餐廳咁,有少少意外(失望同冇乜胃口),但見到門口好多人等位,心就估唔通真係好好食?初初仲估咁o既格局,d service 都冇乜保証,仲以為就算book o左位都一定冇人理,要等餐死... 點知出乎意料之外,又幾快有位喎...入到去,見到枱枱叫到滿晒,好似唔使錢咁,真係有d奇怪(因為我仲因為環境問題未恢復原來o既胃口...但其實唔係十分差,真係好似一般o既茶餐廳,同我原先以為o既商場餐廳有d出入tse...) 一打開menu,好多o野都好想食,最終就叫o左1) 生蝦刺生- $48/7隻,比我之後食o既抵好多,同覺得個汁好味d..(2) 冬蔭公- ok, 不過不失(3) 串燒- 好似$7/串,叫齊鷄,牛,豬,鷄腎, 唔錯o既,但d牛有少少韌(4) 炒蜆- 從未見過咁大隻蜆,大到真係好誇張,真懷疑其實係蚌,好有肉感,味道幾鮮,但略嫌太少,只有六隻,殼就有八/九隻..(5) 蟹膏炒飯- ok, 幾香!除o左食物質素有驚喜外,埋單都幾意外,三個人食飽飽都只是$208..真係幾抵!

琴日第一次都光臨，原因是因為佢到之前的食評不俗，而且都未試過食正宗的秦國野，所以一試。7點去到門口已經見到要等位(但附近的尚有空)，雖然人多，但只等了5分鐘就有位了。地方都算大。我地叫了幾個大路的: 有生蝦，小食拼盤，蝦膏海鮮炒飯，泰式炒蜆，馬拉炒通菜，炸鴨舌，焗芋頭飯，泰式雞腳等等。味道真係幾不俗，最特別是個炸鴨舌，味道同台灣的鹵水鴨舌有十分大的分別，炸十分香口，但又不失鮮，美。抵讚！！泰式炒蜆個汁就十分一流，辣得來有小小甜，可能係加了椰汁，如果叫多個白飯真係perfect了。最後埋單人人$77，都係幾超值。但最後返到屋企有小小唔舒服，唔知係因為太辣定係唔乾淨呢?

等一次食小曼谷..7點零去到...座位都滿得7788...啊!好似會幾好食咁啵~2個人點左以下食物:1. 炸蝦餅熱辣辣..好彈牙..又唔油膩..炸粉厚度亦剛剛好~2. 豬肉生菜包(另有牛肉/ 雞肉)豬肉應該係穩紮o既選擇...佢地加左少少辣椒粉..惹味!! 但略嫌肉碎下太多水(汁)..3. 蝦膏炒通菜菜新鮮...蝦膏味稍淡...><我唔知點解食到有條毛..4. 白飯x2本來想叫個炒金邊粉..但個fd話驚食唔哂... 可惜-_-"5. 芒果沙冰、青檸梳打芒果沙冰無許留山整得咁好飲...同埋我唔明點解會貴$3...其他生果沙冰都係$12之嘛... 青檸梳打略甜..價錢都ok...值~*太可惜無食到串燒同生蝦... 下次叫多d人去會好d~