小曼谷泰國美食 (已搬遷) 新店位置

都食過好幾次...串燒... 正, 好香, 沙嗲汁好味, 但上碟多少串都一大堆咁,唔美觀,下面d比d汁浸住食到尾時又無咁好食燒魚... 只有鳥頭, 都可以... 燒香d更好咖哩蟹... 正, 個汁好好味(但有1次失準得好犀利,蟹唔新鮮d汁又水汪汪)炒通菜... 好吃, 但沒特別之處炒大蜆... 時好時壞...好時就好美味,有時太重水氣咁就痳痳地,炒時間唔夠?明爐魚... 都係烏頭, 好吃, 但沒特別之處生蝦... 好好味:-) 當然係高風險食品一個唔記得名,好多皮蛋的... 我就ok 但朋友話唔好吃泰式鳳爪... okay la ... 酸酸地辣辣地...蒜溶飽... 唔夠香食物同服務態度都有時好時壞的問題,價錢都算經濟既...

這家店得到許多網友的讚賞，所以特地來這裡一試，結果是不負眾望，平靚正!!青咖哩海鮮----較一般，奶略多~~泰式拼盤------很好吃！包括香葉包雞、炸蝦餅、春卷及魚餅，份量大，味道好!!炸軟殼蟹------多肉酥脆咸魚炒芥蘭----不太特別，故亦不失水準!串燒(雞翼、腎、牛、雞)---勝在抵吃，汁又香!!青檸梳打沙冰---------超抵又解辣又好喝!!($12一杯)整餐味道很滿足，不過坐位就不要有任何期望了，想舒服不要來這裡，因為訂了位還要等，但想吃平價高質素的泰菜就是九龍區必然之選~~

見大家都讚, 四個人去開九龍城就試下:香葉包雞- 幾好食, 好香好脆, 不過多油左d, 個汁好味; 明爐烏頭- 都可以, 個湯好飲; 菠蘿炒飯- 呢個唔得, 碟底好多油, 味唔夠出; 椰青海鮮焗飯- 一般, 無咩椰青味; 泰式炒菜- 都係咁啦~ 仲食左甜品椰汁糕, 飽到叫救命, 不過都幾平~

今日lunch趁住人少少同女友竄左落去九龍城食泰國野.入左去小曼谷,環境一般啦,不過都好乾淨.Lunch套餐可選一個飯(有炒飯,海南雞飯,炒河等等),加一個湯(冬蔭功),一杯龍眼冰或酸梅冰,再包一個甜品.先來了冬蔭功,味道好正宗但稍辣.飯方面自己點左肉片炒河,女友點左海南雞飯,兩個都好大碟好好味!酸梅冰同甜品就一般,可能唔啱口味啦.另外點左三串串燒,豬牛雞各一,加上沙嗲汁十分入味,下次去都會定再點來食!有機會去的朋友定要一試呀!!

上星期壽星女上網睇到九龍城南角道既小曼谷既食評唔錯，所以就提議去試試，我地當然冇問題啦！我地尋晚五個人，七點幾去到，門外等位既人唔多，不過店內都坐得八八九九，好彩我地之前有訂位。我地叫左好多野：冬陰公：味道唔錯！唔太辣，好多蝦，d蝦又大隻。泰式沙律：海鮮有鮮魷、蜆肉、粉絲、大堆洋蔥同辣椒粒，嘩！好辣，辣到嘴都腫埋。香草海鮮炒飯：味道一般。炸蝦餅：好鍾意。(我本身都好鍾意食蝦餅)炒雜菜：味道唔錯，不過份量較少。咖喱炒蟹：蟹都好大隻，咖喱汁唔太辣，個汁好香濃，點蒜蓉包一流。蒜蓉包：好好味，夠脆，蒜蓉味夠濃，點咖喱汁食最正。食泰國菜當然唔少得串燒啦！我地叫左三串(雞翼、牛肉同魷魚)，好掂！超級正！沙爹醬唔錯。炒蜆：好大隻，又新鮮，不過有部分係冇肉，得個殼，有少少沙，扣少少分，個汁好好味。朱古力沙冰：味道同賣相都唔錯。菠蘿冰：唔太甜，味道一般。青擰梳打沙冰：好似無乜青檸味。泰啤就苦左d。服務唔掂當，訂位又mark 錯日子(星期五又mark 左15號)，碟菜催幾次都唔尼，又成日要我地移位，差唔多食完既時候又好似催促我地埋單咁。總括尼講：食物唔錯，價錢ok，招呼較差。

朋友黎過幾次都讚不絕口, 昨晚收工有時間就過來試下~~1行3人, 叫左幾個菜式:泰式海鮮粉絲:呢個係全晚最好味, D海鮮雖少但尚算新鮮, 粉絲索晒D辣椒好入味, 不過真係好辣呀, 我地食到流晒眼水炒蜆: 朋友極力推介, 亦見好多柗上出現, 一放入口, 竟然係冰涷的....再換一碟過來, 蜆殼就有好多, 蜆肉得幾隻, 大而不鮮, 咁樣收50蚊真係不值椰菜苗炒咸肉: 椰菜苗OK, 但汁太咸泰式炒金邊粉: 呢個係我每次食泰菜必叫項目, 呢度個粉量太少, 蛋及花生碎落得不夠, 又冇芽菜同大荵, 唔得春卷: 好似去左素菜館食0個D春卷咁, 冇乜味道西柚沙冰:幾FRESH, 唔錯食完呢幾樣,十分不滿, 朋友再叫幾個串燒, 為佢平反~~叫左豬頸肉, 雞同魷魚, 除左豬頸肉太肥太咸, 其他叫好少少....認同其他人所講, 呢度服務非常一般, 食食下個WAITRESS 拎杯西瓜沙冰過來, 我地話冇叫過, 佢竟呼喝我地:咩呀!你地叫左2個西柚1個西瓜WOR!!!跟本我地冇講過"西瓜"呢2個字, 而且我地叫左2杯野之MA....呢間野我唔會再來

6樣野如圖上...食左$411唯一田雞一般....無食炸軟X蟹其它都好好味...

青珈喱豬: 唔夠辣, 又唔係幾夠熱, 啲豬肉有啲嚡嚡地, 只係一般咖喱炒蟹: 啲咖喱加埋啲蛋花, 好”結”身, 好香, 好味, 如果辣啲仲正, 因為佢個汁同個青咖喱, 食左成半碗飯, 好飽串燒豬, 雞, 豬頸肉: 豬同雞都好好味, 但係豬頸肉就真係好唔得, 全部都係肥肉, 而個汁都好正, 送飯一流!芒果沙冰: 只係試左少少, 好濃既芒果汁, 不過我估佢應該加左啲青檸汁, 因為酸酸地, 飲得多都唔會覺得好滯, 幾好!炸蝦餅: 鬆化得黎又好彈牙, 好好味, 正!馬拉盞炒芥蘭: 反而個菜就一般, 媽咪話呢個季節食芥蘭唔靚喎, 啲葉好Un, 但係啲莖我就覺得OK, 但係個汁太喊, 喊到食唔到落口, 食剩晒!木瓜沙律: 呢個好辣, 唔知係咪食到啲seeds, 真係辣到無晒知覺, 但係酸酸辣辣咁, 好開胃, 不過好大碟, 都食唔晒. 如果加啲生菜會無咁單調, 不過都好味

我地一行九人去小曼谷，好彩一早就book位，如果唔係既話，就可能要排成半個鐘。我地叫左十碟餸左右，再加上三十條串燒，( 佢話就話爆單，但係d食物都黎得幾快，食唔停)總共約八百二十元，大家都食到奉住個肚走。每人約九十元，抵食！！！推介食品：炒金邊粉(記住落多少少青檸汁)雞串(不得不食的佳餚)蝦餅(好食到停唔到口)菜(d炒菜好入味)不推介：牛串(牛肉比較老，唔適合做串燒)賢串(牙力唔好既人都唔好叫)

和同事一行七人到這裡吃午餐，幾好又抵食喎。我地夾埋叫左五個餐（一個午餐30蚊），share一齊食。每個餐都有例湯（那天有冬蔭功湯和紫菜湯）、龍眼冰和甜品。食物的味道都幾好，唔會好辣和好鹹，都幾o岩香港人的口味。不過甜品就略甜，食完之後再飲龍眼冰就冇晒味。特別一提，侍應姐姐見我地咁多人，仲送多二個甜品俾我們，抵！

成間舖最好味是串燒, 豬牛雞都是七蚊串, 還有牛丸,雞翼,魷魚等其他選擇. 沙爹汁夠水準, 但酸汁夠辣更加不容錯過. 泰式炒蜆夠大隻, 肉質鮮甜. 芋頭海鮮飯三十五元大大煲, 兩個人吃不完.咁抵食, 當然要早到, 六時半後就滿座.

聽朋友話小曼谷D野好食，但好滿，做埋今晚又內部裝修，咁一於趁早同老公去撐吓檯腳啦。為免向隅，知佢地六點開，咁未夠六點就去到等。人地五點搭十一開門，我地就即刻入去坐定定等食嘞。食到七點左右己經全場滿座，門口仲有班人喺度等位。我地好彩到得早，有卡位坐，都算舒服啦。幫我地落單個侍應冇咩笑容，慒口慒面咁，但上菜同收碟嗰個幾好笑容。我地驚佢地裝修冇得食，所以今晚最後衝刺，佢又介紹我地去附近佢地另一間細D嘅舖，幾好傾呀。我地得兩個人，唔食得多，只係食咗：生蝦沙律（八只）：爽甜彈牙，D汁酸酸地，少少辣，好開胃，好味；咖喱蟹（一只）：隻肉蟹D肉幾甜，算幾大隻，最好係連個殼都少少膏，D汁幾香滑；蒜蓉法包（四件）：熱辣辣嗰陣食好脆，點咖喱蟹D汁食最啱。但擺耐咗就韌晒；泰式炒蜆（十一大只）：好似貴妃蚌咁大隻，鮮甜爽口又冇沙。但D洋葱唔掂，變變地味，青椒又淋晒；杧果沙冰：好香杧果味，唔太甜，真材實料；椰王沙冰：椰子味好濃，都係真材實料；杧果糯米飯：杧果甜，D飯更甜。白糯米軟滑，黑糯米煙韌，椰奶又香，熱辣辣，真係好好味！食到最後，爭D飽到上心口都唔捨得唔食。兩個人食咗三百零四蚊，畀咗三百一免找都仲覺得好抵食呀！

生蝦：大隻+好味，個汁都几辣~咖哩蟹：蟹就一般喇，咖哩汁唔辣，可以照顧到唔食辣既朋友，餸咗三碟蒜蓉包，成碟掃晒~蒜蓉包：好脆，不過無乜蒜蓉味。...冬陰功湯：...無乜香茅味，又唔算辣，同正宗既爭好遠。串燒：豬肉同埋雞肉都几好，不過牛肉就太韌，總結係其他街邊鋪好食D。炸蝦餅：一般，泰菀好食D~菠蘿海鮮炒飯：唔錯~都食得過既，不過無乜驚喜之作~

今日興之所至，去左九龍塘諗住食太國野。本來想去個間太多人，所以改左去小曼谷食。叫左個蝦餅，波蘿雞炒飯，三個串燒重有個通x炒飯幾好食, 但係都幾油~~但係串燒唔係咁好食, 其他野都ok啦但係d人好似叫幾下先有反應.. 但係咁多人, 都正常既~~

本身都幾喜歡同埋都成日食泰國菜,不過呢間就第1次食姐。d食物都好好味,咖哩蟹有水準,d汁好好味,所以要叫d蒜蓉飽黎蘸汁食,唔好"口徒"左d汁呀...跟住d串燒都幾好,尤其是個沙爹汁都幾好.飲左2款冬陰功,1款冬陰功海鮮,另一款就係魚......個人覺得海鮮好飲d.仲食左生蝦,燒豬頸肉,烏頭魚...呢d就大家喜歡就叫啦,都係好味的.我就覺得呢間d野食好味過一d名牌泰國菜館...(個人意見)美中不足鋪頭較迫..而且多人,等位需時.