小曼谷泰國美食站

营业中

休息中

今日黎到九龍城開到黎銅鑼灣嘅小曼谷，今晚仲有live show添，唱廣東流行曲。泰式燒牛仔骨（$88）燒牛仔骨預先切成三片，很方便分享。牛肉未送進口裏已覺得油香撲鼻，入口果然又嫩又肉味濃郁，配上甜酸醬汁真的停不了口！黃咖喱雞肉（$98）讀過老闆的訪問，小曼谷的咖哩不加椰奶加花奶，所以比較creamy。今日一嚐咖哩汁又香又滑，的確與別不同。因為是黃咖哩，所以味道偏甜，不能吃辣的人都可以試試。呢味咖喱配料豐富，有薯仔、洋蔥、青椒，不過如果雞肉多D就更加好啦，哈哈。豬肉沙爹串燒（$24）食泰菜點可以唔叫串燒，我地呢串有三件肉，肉味十足。泰式鮮蝦炒金邊粉（$98）鮮蝦有四隻，擺盤幾靚，甜味唔算好重，我就最鍾意金邊粉嘅咬口。泰式千層糕（$49）我地平時飲茶嘅薑汁糕、紅棗糕就比較硬身，泰式嘅糕點就係比較軟身，比較黏。斑蘭嘅味道又幾重，甜度唔過份，而且有6件咁多！

好耐冇去過旅行，好耐冇去過泰國，好耐冇食過泰菜，所以好掛住曼谷，好掛住泰國菜，唯有喺香港試吓小曼谷嘅味道啦位於銅鑼灣嘅小曼谷，夜晚仲會有live Band現場演唱，十足十系夜市食泰國菜<黃咖喱雞肉$98>食泰國嘢又點少得咖喱，唔食得辣叫咗黃咖喱🍛，咖喱裏面有好多雞肉、薯仔、洋蔥，應該仲落咗好多椰汁，又香又濃<泰式原味烤餅$45>食咖哩又點可以唔帶返個烤餅呢當烤餅遇上咖喱汁真系perfect match，一份烤餅有四塊，可以同朋友一齊開心share<泰式鮮蝦炒金邊粉$98>Pad Thai 又係食泰菜必點，酸酸甜甜，點炒都係咁好食<小曼谷原隻芒果糯米飯$88>小曼谷嘅芒果糯米飯真係有泰國嘅味道，糯米飯熱辣辣軟熟到不得了，四月份竟然食到甜到入心嘅芒果，正

已經很久沒有機會去泰國了，好在可以到銅鑼灣這間小曼谷感受美味的泰國菜！我們首先點了個海鮮孖寶，有泰式燒聖子和大蜆，我特別喜歡他們家的醬汁，濃濃的牛油香配上蒜蓉，為這兩海鮮生色不少！還有他們家的泰式酸辣醬，簡直和泰國吃燒海鮮沒兩樣！煮食點了泰式乾炒海鮮米粉，有很多魷魚，米粉也是濕潤的，我覺得也做得不錯！這間店除了食物不錯外，他們的裝潢也十分像泰國，隨隨便便也找到不少打卡位，好像我也跟這個火車頭拍拍照，彷彿去了曼谷的火車夜市一樣!

太耐無食泰國菜，所以同朋友都心鬱鬱好想食，朋友說講到美味泰菜他即時想起小曼谷，因為食物夠地道一級棒，而且價錢合理。呢間位於銅鑼灣謝斐道535號地下 小曼谷泰國美食站 交通非常之方便，一行入門口處深深被好大一架泰國夜市火車頭吸引我的目光，另場內都放了好多細緻火車頭裝飾品，慨懷舊嘅時尚於一身，環境都算大，座位舒適，有幾張長方木枱卡位；佈置恰如火車車廂，看到非常之舒適，可惜今次無緣入坐。再加上柔和燈光效果配合下令我不停拍照，是個打卡好地方。餐牌很多選擇，而且圖文並茂，簡潔清楚，有泰式和沙嗲串燒、海鮮BBQ、各款咖喱、沙律、炸物、炒菜、炒飯、炒河、船粉、甜品、特色泰式飲品。兩個人叫了三樣餸：香燒扇貝和滷水豬手煲套餐HK$288鹵水豬手煲（值得推薦）一打開餐牌，就已經吸引住我視線，但我朋友說不要叫太過肥膩，但我堅持一定要食，沒有令我失望完完全全不油膩，鹵豬手燜得軟腍腍又香又入味，連豬皮都一點又不覺得肥騰騰，煲底芥蘭完全吸收鹵水豬手湯汁精華，非常之甘香清甜又爽囗。朋友都不停食都說挺好食，大家不能錯過。香燒扇貝扇貝肉好新鮮，鮮甜又美味，蒜蓉爆出香味還可以增添口感。泰式鮮蝦炒金邊粉（極力推介）HK$9

小曼谷泰國美食站銅鑼灣謝斐道535號Tower 535地庫B02舖一直都有幫襯開係九龍城既小曼谷，食左好好幾年係長期fans, 知道佢地而家係港島區銅鑼灣都開左分店，當然一定要黎試下啦餐廳係商場既B1層，一落扶手電梯就見到，一入餐廳見到大大架火車頭係到，好興奮呀必定要打咭留念啦，好特式即刻令我唸起曼谷既鐵路夜市，好掛住最愛既泰國呀雖然而家疫情嚴重唔可以飛住，但起碼都黎嘆下正宗既泰國美食，頂下癮先啦呢到除左食之外，仲安排左駐場有人即席唱live, 真係好好feel, 香港已經好少餐廳有呢樣嘢，咁岩食食下隔離檯原來有人生日，最後大家仲一齊唱生日歌，好開心呀豬肉碎生菜包---肉碎炒得好乾身，少少辣非常惹味，而生菜大大塊好新鮮，包住肉碎食一流呀泰王咖哩法包軟殼蟹---好濃好香既咖喱味，軟殼蟹炸得好香脆。。。自己最鐘意就係泰式既咖喱，因為加入左洋葱，蛋去整，特別滑，精華所在當然就係個麵包到啦，索晒d汁，好正泰式乾炒海鮮米粉---好足料，有魷魚，帶子，大蝦。。炒得好好味又唔會太乾身，值得推薦

今日同屋企人去開銅鑼灣買野行左成日又攰又餓於是就去左小曼谷坐下休息下順便食返餐好嘅慰勞一下今日做呀四辛苦左成日嘅自己餐廳嘅裝修風格特別以火車裝飾為主調 係面仲會見到啲齒輪飾品 咁啱我地坐正係餐廳嘅駐場歌手前面 一邊聽音樂一邊食飯 真係零舍放鬆黎食泰菜梗係唔少得馬拉𦾟炒通菜啦 火侯十足就不在話下 佢地嘅馬拉𦾟仲比平日食嘅都香 食到停唔到 第二道我地叫左鹽燒馬友 鍾意食魚嘅朋友都知道馬友魚味濃 比好多貴價魚都有過之而無不及 而佢地嘅馬友相當新鮮 上枱一陣我地已經將條魚煎皮拆骨吞哂落肚食左兩個餸點都要黎返個主食 我地就叫左鮮蝦金邊粉 佢地嘅金邊粉食落彈牙 而且完全無油膩感 加上佢地火侯十足 完全無痴口嘅問題食泰國菜點都唔可以少左嘅一定係芒果糯米飯作為一餐嘅總結 佢地嘅芒果糯米飯真係可以稱得上係完美嘅句號~~~~~~~~~~~~~~~~~~~~~~~~~~~~~~小曼谷作為眾所周知嘅泰菜餐廳真係名不虛傳 揾日再黎食下其他野 夏天食泰菜先感受到泰國嘅風情

今日同朋友去咗食泰國野晚餐，就去咗位於銅鑼灣謝斐道535號tower 535地庫B02號舖既【小曼谷泰國美食站】(銅鑼灣)店舖內既設計用咗火車為主題，除咗有卡位模仿火車車箱設計外，亦都有用火車頭及火車模型既擺設，門口仲放置一架好大架既泰國火車添，就好似去咗泰國火車夜市咁。嚟到呢到當然要食泰式沙嗲串燒啦，我揀咗幾款唔同既串燒同朋友一齊食。🐮推介 燒泰國牛根丸 $28 - 好有咬口🐷推介 燒泰國豬肉丸 $28 - 口感特別👅推介 咸牛舌 $38 - 厚身咸牛舌🐔熱賣 雞 $24 - 嫩滑雞肉必食 地道燒臘腸 $28 - 甜甜地又香脆既泰國臘腸🐓必食 雞全翼 $28 - 外皮香脆，肉質嫩滑🐚珍寶帶子(3粒) $49 - 3大粒帶子配3粒小蕃茄🐂極上安格斯牛柳粒串(4粒) $49 - 4粒厚身多汁安格斯牛柳，用咗頂級安格牛柳，入口即溶。🐥雞軟骨 $24 - 香脆雞軟骨😋串燒一定要配埋秘製既沙嗲醬😋🐥海南雞(1/2隻) $148 - 好滑既雞肉，好味道熱賣 泰式原味烤酥餅(2塊) $45店舖好貼心咁切開一半，又香脆又好味。飲品就揀咗：椰青波波 $53好厚既椰青肉，新鮮鮮甜又多汁，重要係100%水

好耐冇去過泰國，好掛住當地美食！朋友介紹銅鑼灣有一間 小曼谷美食餐廳，以火車頭市集做佈置場景，泰國人主理正宗地道美食， 可以一解我相思之苦！餐廳交通方便，就喺總統戲院對面，位處地牢地方十分寬敞，裝修以火車頭市集佈置 ，晚上有live band現場表演，情調浪漫！泰式燒牛仔骨香烤脆口，牛仔骨外層微微燒焦，肉香撲 撲鼻，帶有少許脂肪，油脂甘香，肉質嫩滑有牛味！鹹蛋黃炸雞全翼脆炸雞翼，乾身唔油膩，有牛油香味和鹹蛋黃甘香鹹味。鹹蛋黃份量很多絕不吝嗇，鋪滿雞翼每一寸，粒粒甘脆香口，令人一食停唔到口！泰式海鮮炒飯海鮮有大蝦、帶子、魷魚，鮮甜爽口彈牙。 炒飯乾身唔油膩，煙韌軟熟有咀嚼口，米粒沾滿均勻蛋漿，口感滿足！泰式海鮮乾炒米粉泰式米粉長而幼細，質地偏硬爽口適合乾炒。 泰式炒法香口惹味有鑊氣，海鮮材料豐富，有大蝦帶子，味道一流！

銅鑼灣都有唔少既黃店 💛💛💛💛💛💛今日就試下呢間泰菜😋😋😋😋黃店黎講 呢間真係好好食！ 由於我用foodie影相但係唔知點解有好多相都唔見咗 可以fail to save🤦🏻‍♀️🤦🏻‍♀️ 所以得少少相😭😭😭😭一入嚟就有一個特色火車頭比大家打卡🥴🥴（其實全店既裝修都好有特色） 燒牛肉沙律 正！ 冬陰公湯 （小） 佢話for 3-4 人飲😭我地3個人 都飲左好耐先飲完 應該每人飲左3-4碗😂😂 人地live band飲酒 我地飲冬陰功湯😂😂😂 但冬陰功湯又係食泰菜必要嘅item 同睇呢間泰國菜正唔正宗既方式 而呢間好好飲 同都好辣😍 所以希望佢可以再出一個再細既portion 🤭🤭 又係必叫嘅飛天炒通菜 正 呢個不得了 好似係咩咖喱蜆😋😋😋 啲蜆勁鮮甜同埋好大隻！！ 超好食 我哋叫咗薄餅沾黎食 ！ 正呀！但因為仲有好多汁唔想浪費 我地重叫左個白飯🤣🤣當晚係平日黎都有liveband 聽😍 重唱左神曲-人話 正！ 最後驚喜！因為食多過$500 佢好似送左10定20個口罩！ 咁我地都捐左出去比人送比清潔街道既清潔工人 🙏🏻🙏🏻🙏🏻時代抗疫！ 💛💛💛大家係減少外出食飯既同時 如果咁難

現在大部分時間都留在家中，減少不必要的外出及飯聚，有時候也會支持黃店，今次去食泰國菜，在銅鑼灣的小曼谷。鮮蝦柚子沙律 $108是必點的開胃前菜，爽口蝦肉，配上超甜沙田柚果肉，還有花生、辣椒碎等好有層次，辣度適中，好好味！泰式干炒海鮮米粉 $93金邊粉、炒飯成日食，就試下炒米粉，米粉是好乾爽，有帶子、大蝦、魷魚等，好豐富足料，很不錯。泰國菜不少得蝦餅 $82，有3件，剪開一半為6件，相當大份！蝦餅好彈牙美味，好經濟。串燒就點了雞全翼 $28、雞腎 $24、豬肉丸 $28，雞翼燒的香脆肉嫩、雞腎爽口、豬肉丸多肉汁。食得好飽，超滿足！

終於捱到4日嘅長假期啦🙈由於疫情關係，去吾到我至愛嘅泰國點都要食下泰菜，回味下「家鄉」嘅感覺😂.打卡指數：🌕🌕🌕🌖進入前要度體溫，是常識吧😎餐廳裝修以「火車」為主題取採自泰國標誌性嘅「美功鐵道市場」無論係門前嘅火車頭，定係火車內嘅一枱一凳都令人好似置身於泰國咁👍.款式指數：🌕🌕🌕🌗款式種類多多，如串燒，小食，前菜主菜，泰式炒炒麵飯，泰式甜品，飲品等樣樣有齊！.泰皇咖哩炒大蜆 $168美味指數：🌕🌕🌕🌕份量黎講，真係勁大一盤滿滿嘅咖哩裝住勁多粒嘅卜卜蜆好似食極都仲有😂咖哩味好香濃，椰香突出吾係好辣但又不失咖哩味每粒卜卜蜆都好肥大，好有咬勁而且吾係好沙，可見清理得好乾淨～.🔸泰式芝士炸酥餅 $48美味指數：🌕🌕🌕🌕🌕如果你係咖哩控，呢個酥餅真係必叫😎size 如一個手掌般大酥餅非常香酥帶濃郁嘅牛油香而中間係極多嘅芝士輕輕一拉就拉到絲架😋配上咖哩蜆一齊食，絕配😍.🔸燒雞全翼，燒雞肉 $24~$28美味指數：🌕🌕🌕🌕🌕一上枱就聞到陣陣香氣雞肉燒得恰到好處，吾會乾吾會柴口感嫩滑帶微微焦香配上自家製沙嗲醬，味道更為提升.🔸椰青波波 $53美味指數：🌕🌕🌕🌕🌕既可作為甜品又可作為飲品一舉兩得😎可以自

一到餐廳門口就見到個火車頭,而舖內更有一行行行李架,而牆上訂上火車齒輪做裝飾。因為不太肚餓,只叫了咸肉炒椰菜苗,海南雞飯,見有推介加98元可叫一個煲仔翅,咁點會唔叫。首先是椰菜苗先到,菜苗炒得非常翠綠,入口脆嫩,正。跟住海南雞飯到,開始以為係碟頭飯,點知原來為和飯係分開上,好似小菜咁,雞肉鮮嫩多汁,雖然是白飯,但非常香口嫩綿煲仔翅就正常,98元不可太要求。最後點可以食泰菜唔叫嘅芒果糯糯米飯,嘩,有一個芒果,好清甜,配上椰漿和糯米飯店,簡直一絕。

本來今個用放大假係去布吉，因為肺炎取消左，唯有食下泰國菜餐廳裝修都幾特別，門口有個火車頭可以影下相。兩個人叫左5樣野食，好大份又好味，完全食唔晒😅馬拉盞炒通菜 - 炒得好有水準，唔會太咸或者乾生菜包叫左少辣，岩晒唔食得太辣但又想原汁原味既我地😂，啲肉碎唔會太多肥豬肉，同啲香料勁夾，生菜有10塊倒炸豬餅- 蝦肉彈牙，外皮炸到好脆風味燒豬頸肉-推薦！！勁juicy ,外層仲要脆脆地，加埋個秘製醬汁，令人食唔停口冬陰公湯（二人份）-唔記得小辣，有兩隻虎蝦，好大隻新鮮，湯有香矛，蘑菇，洋蔥等配料，酸酸辣辣咁，飲完個人暖晒🥰Overall ,佢價錢唔算平，但每份食物都大份，推介！

太耐冇去泰國啦同埋而家疫情都唔夠膽去只能夠留港消費呢間泰國餐廳做得好好入鋪頭之前要量體溫同用搓手液做得非常好 而且物資又足仲準備買紙袋俾我哋放口罩讚而且座位安排得好好相隔一台先安排坐 非常之放心唔會坐到好迫一去到門口見到架大火車 啱晒打卡影相用好有特色啊 之後見到牆上面都有幾架嘅小火車 好特別啊好啦講返食物質素先叫咗個袖子大蝦沙律首先個份量好多 袖子嘅酸甜味再加上有花生味道好新鮮 適合 開胃之後叫咗份海鮮炒金邊粉金邊粉嘅硬度適中唔會軟同太硬而且味道好夠 好香有當地的特色再叫咗個青咖喱雞加一份薄餅咖喱唔會太淡 再加上薄餅新鮮製造好香熱辣辣 配合埋個咖喱簡直一流再叫咗一杯菠蘿青檸沙冰酸酸甜甜 正正子

開喺香港嘅泰國美食餐廳真係多不勝數，不過「小曼谷泰國美食站」係最令我印象深刻嘅餐廳之一，佢嘅環境設計好有心思，店面擺放住火車裝飾，非常吸睛，可以打下卡影相，環境乾淨，仲有泰籍駐場歌手唱Live聽下。泰式燒盲鰽，魚皮燒得好香脆，魚肉嫩滑，味道偏重口味、充滿鮮味，食落好有咸香，魚肚放左斑蘭葉、南薑、香茅、檸檬葉等香料，再以粗鹽包裹燒製，鮮味全鎖曬落魚身，啖啖肉，配上魚露、泰式醬汁食用，味道更正宗。泰式酸辣鳳爪，鳳爪好入味，食落惹味、酸酸甜甜開胃，配搭芹菜、洋葱條食用，口感、味道更清爽。泰式炸蝦餅，口感外脆內軟，蝦肉好彈牙，配搭泰式辣醬味道更佳。菠蘿雞肉炒飯，炒飯放左適量咖喱粉，加上香甜嘅鮮菠蘿粒、爽彈嘅鮮蝦、魷魚、腰果、肉鬆，非常足料，飯粒夠乾身、粒粒分明，雞肉肉汁滲入炒飯之中，所以味道都幾香口，菠蘿令成個炒飯食落好清新。泰式干炒海鮮米粉，海鮮鮮甜，米粉炒得好乾爽。泰式龍眼冰，味道清甜，有幾粒桂圓乾。