小曼谷泰國美食站

营业中

休息中

銅鑼灣出現新既美食區叫tower 535位置係世貿隔離 地區細細 都有4間食店今次挑選泰國餐廳 我個人比較鍾意食餐廳好有泰國風吹 門面有個火車頭 加上 泰國最流行既live music 竟然都有每日8點 都有live 聽有廣東歌 英文如果想聽泰文歌 都可以既逢星期三主廚會出黎唱泰文歌真泰國餐廳呀！ 起碼主廚係泰國人 牛油蒜蓉燒大蜆一上菜 好香好惹味 大大隻蜆上面放滿咗炸既白飯魚 咬落去脆卜卜蜆既底部佈滿鮮牛油同蒜味既味道同蜆既味道非常夾其中有兩三隻仲有蟹仔係蜆既底部係因為蜆食左蟹仔之後一齊煮埋黎俾我地食幾搞笑滷水豬手煲必點推薦滷水豬手煲肉質非常鬆軟 而且好入味再配泰式辣醬 辣辣地 又幾襯煲內有芥蘭 做配菜秘製泰式蒜蓉包呢四塊蒜蓉包焗得好出色時間岩岩好 外面脆得嚟 又唔會太硬仲有好香既蒜香味用嚟代替飯食真係一流椰汁西米糕拼泰式千層糕首先 換左靚靚既餐具增加食物味道兩款糕椰汁味道都好濃但唔會太過甜 口感煙韌慢慢咀嚼一流椰皇沙冰呢杯野物超所值 大大杯一飲落去真係椰汁味嚟 甜得好自然唔似平時係街邊泰國餐廳既椰汁冰都係假甜落左好多糖小曼谷泰國美食站銅鑼灣謝斐道535號Tower 535地庫B02

食物質素固然重要，環境卻可以令到食物質素再提升。小曼谷泰國美食站嘅門口，已經見到佢嘅設計係十分有心思，未食已經覺得值得入去坐低。佢出邊有個大嘅火車頭，花咁多錢去設計，我相信入邊嘅所有菜式都係好花心思去整。泰式酸辣鳯爪：首先嚟嘅係酸辣鳳爪，我叫咗小辣，但其實都好辣，如果鍾意食辣嘅朋友，一定可以滿足到你。酸辣嘅比例做得好好，食落去每一隻鳳爪都冇骨好易入口，好食得來又唔使用腦，酸辣得來又開胃，出色。豬肉碎生菜包：份量十分之足夠，基本上食完都飽咗一半，豬肉碎炒得好香，不過幾咸下，幸好有足夠嘅生菜平衡返，食完真係覺得好滿足。泰式鮮蝦炒金邊粉：好香好好食，佢好貼心咁將啲花生擺埋一邊，因為其實我唔鍾意食花生，所以我特別留意到佢放埋一邊嘅舉動係好貼心，我可以淨係食啲粉唔食花生碎。足料又好食，價錢又唔貴，呢個特別誠意推介大家去食。小曼谷原隻芒果糯米飯：好好食超好食，係我今晚嘅一個最大點綴。大大個芒果放喺旁邊，配合兩款糯米飯，靚得來又好食，就咁望都覺得好開心。佢嗰啲椰汁又夠香，食落口又唔會太膩好好食。加埋真係天衣無縫，實在太好食啦。

因為最近疫情嘅關係, 都好少喺出黎食飯, 真係按捺不住啦, 今日就同朋友, 就喺銅鑼灣度食飯, 呢間餐廳環境衛生不錯, 賦予人信心。先點食一個鹽燒馬友魚, 之後再食一個小曼谷炒麵。鹽燒馬友魚肚藏斑蘭葉、南薑和香茅，傳出陣陣青檸香茅香味，外層用鹽巴裹住再烤到熟，魚的鮮味全鎖在裡面，外層香脆，魚肉吸盡香料的味道，再配上魚露或泰式醬汁, 魚肉香滑, 肉超嫩超鮮, 十分好味, 真是好味到堅離地！小曼谷炒麵, 具列餐廳裏面嘅推介食品, 金黃色嘅麵條咬口不錯, 口感香滑, 最緊要係佢唔算多油, 比較健康, 另外餸料有q彈嘅蝦, 再加埋扎肉, 冬菇等的切粒, 豐富咗個炒麵嘅口感。

Hello Mini Bangkok Thai Food Station🇹🇭💛💛💛🌴🍴💫..貴為泰國達人💁‍♂️胡慧沖：香港必食泰國菜2019，可見呢間泰國菜絕對不能看輕吧。餐廳以泰國🇹🇭火車主題為裝修風格，門口位置有大大個大型火車頭裝飾，卡位亦模仿車廂佈置，真的令人感覺彷如置身於泰國火車夜市呢。而且餐廳仲有駐場歌手🕺🎤🎼🎵🎶 表演，一邊唱著輕快音樂，不同歌曲 但音樂同樣動聽悅耳呢。令人用餐感覺更放鬆，感覺更relax。ll $92Pork Salad生菜包🥬 泰國菜不能少吧。用香葉炒香肉碎🐽，再用新鮮爽脆生菜葉包著吃，份量隨自己添加，動手吃 更滿足。ll $82Fried Chinese Kale With Salted Fish曬乾既鹹魚🐟，泰國製法 但同樣具備鹹魚香，用以伴炒芥蘭，香咪令芥蘭味道更獨特，但不失應有既爽脆口感。ll $98Thai Fried Noodles With Shrimp (Pad Thai)金邊粉Pad Thai，亦係泰國菜代表呢。煙韌粉條 加上酸酸甜甜醬汁，令人很開胃。加上大蝦🍤、花生碎🥜、青檸汁同吃，很有泰式風味。ll $40Spicy Tom Yam

有一日行街見到謝斐道開了新美食商場，原來有小曼谷，一直想試，原來港島區都開了！入到去之後非常有驚喜，因為有live Band演唱，唱得好好聽好有feel，鍾意聽音樂嘅一定要試吓！環境都好舒適，坐得好舒服！食物款式非常多，有辣有不辣，有肉類有海鮮！泰菜必點串燒，我們點了串燒扎肉和串燒牛肉，串燒都燒得好夠火喉，好香，沾上甜甜的沙嗲醬非常惹味！吃泰菜又怎少得咖哩，非常推介這個泰皇咖喱法包軟殼蟹，將法包挖空，法包烘到好脆，裡面放入咖哩，有青椒、洋蔥，咖哩極香不辣，法包點咖哩汁已經非常美味！軟殼蟹也炸得非常香脆，又多肉有蟹膏，整個配搭非法好！還點了我最愛的鮮菠蘿海鮮炒飯！好多材料炒成，蝦肉彈牙，還有魷魚，炒飯粒粒分明，肉鬆也令炒飯生色不少！要讚一下這裡上菜都幾有效率，不會等很久！

大家對小曼谷呢個名一點也不陌生吧，有日經過銅鑼灣，見到有小曼谷餐廳，立即入去食返餐泰菜先！ 餐廳坐位很好坐，非常寬闊，而且就像一間火車的主題餐廳，裝潢，飾品，燈具都是火車系列的。泰式炸蝦餅，小份三件，大份五件。點了一份小份，開半切成六件，熱辣辣，香脆可口，而且蝦膠十分彈牙！食泰菜必點咖哩，經店長介紹泰皇咖哩炒大蜆，就點了一份來試試。咖哩炒蜆十分有驚喜，黃咖哩甜甜的，椰香味重而不覺膩口，令人愛不釋手。建議大家可以叫一份烤酥餅or蒜蓉包沾咖哩吃，絕對不會失望！燒盲曹，香茅味又香又重，用炭燒的盲曹，又不會燒得太乾身，魚肉十分嫩滑，點上餐廳特製的醬汁，讚！泥到食泰國菜，梗係要點支泰啤飲下啦，小辣的泰菜配上一口冰凍的啤酒，這就是人生！

講到出名食泰國菜大家應該會諗到九龍城，不過原來銅鑼灣一個商場嘅地牢入面都有間由九龍城開過嚟嘅泰國菜餐廳，門面竟然有架參考自泰國嘅火車夜市既火車頭😯 最近同朋友去開銅鑼灣所以夜晚就決定食泰菜💜_🥣青咖哩牛腩 （$98 + $38泰式原味烤酥餅）青咖哩汁非常濃郁，椰香味好出好滑👍🏻店員建議我地推介我哋加碗白飯或者酥餅配汁食💛牛腩好入味而且分量充足，配埋香脆可口既酥餅一齊食更有特色😋_🦐泰式炸蝦餅 （$82@3件）唔好以為三件好少份量，呢度既炸蝦餅外貌有D似冬甩，所以三件已經等於6小件㗎啦，蝦餅非常彈牙，外層炸得很香脆😆_🍍鮮菠蘿雞肉炒飯 （$78）炒飯旁邊加了肉鬆，配上酸甜的菠蘿十分開胃，炸飯非常有鑊氣，同朋友一齊分享食最啱_🍢泰式串燒呢度嘅串燒每串$19至$49不等，我哋就叫左牛肉沙爹/豬肉沙爹/雞肉沙爹/牛舌，串燒配上被秘製醬汁非常配合，食落去也不會太乾身

好耐冇食過泰國菜，今晚同屋企人嚟到銅鑼灣tower 535地庫嘅小曼谷食晚餐。呢度裝修好有型格，以火車為主題，門口有個火車頭 坐在餐廳內嘅卡位，好似坐喺火車車廂，好有氣氛。最近餐廳多咗唔少優惠餐牌，好似有98蚊一客嘅煲仔翅。我哋叫咗一客，入面好足料，翅的份量不少。另外叫咗必點嘅海南雞飯，柚子沙律，明爐香檸汁蒸烏頭，燒雞全翼同炒雜菜。柚子沙律超好味，份量好多，柚子肉香甜，醬汁酸酸辣辣，好開胃😋😋😋好想再來吃。

朋友話家下銅鑼灣都有小曼谷食 唔洗特登出9龍城喎 好啦 今日有時間就接下你收工去食啦其實小曼谷真係好多選擇 粉麵 串燒 海鮮都有 重要有套餐 同埋飲品都係有成張紙 我地諗左好諗 最後都係食返平時食個幾味🤣🤣比較專一泰式酸辣鳳爪$92份量超多呀！成碟滿曬 洋蔥🧅切得好幼 真係好鬼開胃 同埋好夠辣 食下食下 咁大碟都食得曬😅泰式馬拉盞炒椰菜苗$92 每次食泰菜我都一定嗌這個菜 因為真係泰國餐廳先食到椰菜苗 配馬拉盞真係絕配 而小曼谷仲會加埋蒜頭🧄去炒 不過略嫌油左少少🤏泰式鮮蝦炒金邊粉$98又係泰國菜專食粉麵 甜甜地既粉又係開胃之選 重有幾隻大大既開邊蝦👍🏻小曼谷原隻芒果糯米飯🍚$88真係原隻芒果🥭半人有一邊 暖暖既椰漿配芒果糯米飯真係好出色🥰珍多冰$41珍多冰相對地甜左少少不過啫喱好足料 開心🥳同9龍城比 這間座位上比較寬敞 一入門口還有大大個火車頭做裝飾 而且重有Live music 成件事變左高級泰菜😆😆

泥到銅鑼灣的小曼谷，看得出餐廳有用心裝修，整個餐廳都用火車作為風格，具有特色。泰式生蝦刺身(HK$128)生蝦很新鮮，大隻又厚用，蝦肉肉質爽口彈牙，配上蒜片辣椒，再點餐廳秘制的酸辣汁，絕配！泰國鮮蝦炒金邊粉 （HK$98)份量頗大，醬汁味甜甜地，加上少少青檸的酸味，中和返，酸酸甜甜，很開胃。泰皇咖哩炒大蜆 (HK$168) 泰式原味烤酥餅 (HK$45)是日重點，大蜆勁大隻，大約有十多隻。而咖哩味十分濃郁，還有淡淡的椰香味，配上酥餅，超級美味！ 咖哩炒蜆很大碟，剩下超多咖哩，再叫多個酥餅都綽綽有餘。自選串燒 ($24/串)兩牛兩雞兩雞腎，炭燒味十足，串燒雞很嫩滑，一點也不嚡口，配上沙嗲醬，甜甜地，十分滋味！特別一提，當晚大約八時，有live Band聽，客人仲可以點歌，氣氛好好👍

周末8點嚟到都好full! 喺門口見到大大個火車頭同車站牌已經覺得好有特色！香港店細細有位放火車頭🚆好型！無諗過除咗bar或西餐廳外，泰式餐廳都有駐場歌手🎤  仲好勁添☺️更加設有現場點唱時間😳佢仲唱咗我點唱嘅小情歌同笑忘書比我聽🤪好冧呀🥰泰皇咖哩法包軟殼蟹 $228Curry Soft Shell Crab with Bread軟殼蟹勁脆卜卜，份量多啊！法包裝住滿瀉嘅咖哩😋未食已經聞到好香椰奶味，個咖哩唔辣仲好juicy😋法包咖哩有洋蔥三色椒做配料，用嚟送包無得頂🤩A+B孖寶 $268A.泰式燒盲鰽Barbecued Giant Seaperch with Spicy Sauce鹽燒盲鰽！脫去外皮鹽層，內裡肉質嫩滑，帶有魚香味。重點喺啖啖肉同無乜骨，成條魚成哂好滿足😝個泰式醬有啲似麥記脆香雞醬咁，帶多少少開胃辣😋B.椰汁雞湯Spicy Chicken Soup with Coconut Milk個雞湯椰香味好濃，飲落喉嚨度有啲開胃嘅酸酸味道，愈飲愈想飲🤪配料又多，有雞件同菇份量都足，4個人飲都得☺️CP值高嘅湯🥳

今日約左公司既印尼同事一齊食晚飯，所以諗住揀d岩大家胃口既泰國菜，之前係九龍城食過一次小曼谷覺得好高質，所以今次登特再book番分店回味下 ；呢間分店裝飾好有特色，係火車頭主題，可惜今次坐唔到包廂Pad Thai 可以話係我最愛既泰國菜，每次都會點，而小曼谷既當然冇得輸，鮮蝦相當鮮味，加埋青檸汁，唔會好似有d舖頭咁重口同油膩；而且份量好夠食另外個人最中意小曼谷既串燒，今次都叫左7串，牛舌相當美味，入口即融，以前從來冇食過咁惹味既牛舌，必點！！牛筋丸同泰國臘腸都好特別臘腸甜甜地，印尼同事話同香港臘腸冇分別，不過我個人幾中意，因為唔係度度都有燒臘腸； 雞同豬串燒熱辣辣，沾上沙嗲醬夠香口而蝦同燒元貝都係我最愛既海鮮，連埋蕃茄仔好夾現場八點左右會有 live music ，真係好有情調 

有次去銅鑼灣一個商場行街，見到地牢有個門面有架火車頭，原來係小曼谷泰國美食站🇹🇭個火車頭就係參考自泰國嘅火車夜市🚂仲有好火車裝飾物🚞泰式馬拉盞炒通菜，馬拉盞嘅做法好惹味，有蝦乾粒🦐通菜翠綠鮮甜👍🏻 泰式鮮蝦炒金邊粉🥢金邊粉比較幼身，炒得乾身🔥份量好多🤗加埋青檸汁🍋令到碟金邊粉帶少少酸味更開胃🥳小曼谷原隻芒果糯米飯🥭呢度嘅糯米飯係心形💕除咗有原味嘅糯米飯外，仲有綠色嘅班蘭味🌿配埋椰汁同埋鮮甜芒果，更加香甜😋榴槤糯米飯，糯米飯同新鮮榴槤一齊食，真係好正🤤椰汁粟米糕拼泰式千層糕，兩款椰汁味都超足，而且煙煙韌韌，大愛😍椰汁冰🥥味道自然，仲好濃椰子香☺️菠蘿沙冰🍍酸酸甜甜好清爽

已經好多日冇出街,冇得去旅行,間唔中都要食下好西。係呢間火車餐廳叫了雞牛豬各一串,串燒可以獨立點,唔同款都可以食下,肉質好好,雖然唔係叫左好多串,但貴精不貴多,亦叫左一串玉米燒,明顯係新解玉米,燒完好香,每一粒玉米都好大粒,好香甜。見到個薄餅係推薦,就點左兩塊,估唔到咁特別。就咁睇都見到好似千層酥咁一層一層,勁酥脆,比千層酥更脆,真心超好味。冇諗過簡單既食物都可以整到咁好味。椰青又大又多汁又甜。正!呢度有盞燈我好中意,好古式,有歷史感。有D小型火車,小朋友黎應該好開心。見到個有D特別餐都幾抵食,但自己一個食唔到咁多野就無叫到。2人SHARE係抵既,下次同朋友黎試下先,睇落抵過單點好多。正呀呵呵!

今日就同朋友去銅鑼灣行街，行完之後就有d肚餓，我就想食有串燒之類比較惹味少少既餐廳，所以我地晚餐就決定食泰國菜餐廳門口已經見到火車頭，原來除左門口，裏面裝修都採用左火車設計風格，令客人感覺入左車廂中，每個座位頭頂仲有模型行李箱，裝飾都十分認真，細緻位都做得好好，可以用火車當作一個主題餐廳都可以店員服務好用心，會主動幫忙加熱水，店舖入面仲會有人唱歌，令氣氛更加生動有趣，估唔到泰國餐廳都會有人唱live,非常少見串燒~牛($19)，雞($19)，雞全翼($22)牛肉好有嚼口，雞肉嫩滑，全翼就蜜糖味好突出蝦餅$82蝦肉彈牙結實，而且份量好足青咖哩牛腩$98味道唔算太辣，椰汁味香，牛腩淋身而入口原味烤酥餅$38食落香脆鬆化，配上咖哩汁食超配菠蘿雞肉炒飯$88菠蘿鮮甜多汁，配上雞肉同肉鬆一齊食，整體味道更加提升