小曼谷泰國美食站

营业中

休息中

💖小曼谷 💰人均$150 Dinner喺銅鑼灣行街想食泰國嘢就搵到呢間！喺OpenRice有得book位超方便🤤 諗住係得銅鑼灣食嘢都唔平，但係呢間真係大碟夾抵食🤣叫咗佢個泰式海鮮炒米粉，足料到不得了！有魷魚帶子同埋蝦🤤再叫咗個鳳爪同埋泰式炒椰菜苗！兩樣都好夠味好好食👍🏼加上Service都唔錯，QR code落單，但係你叫每一樣菜都好貼心咁又唔同選擇。可以俾你咁埋小辣少油少鹽之類，真心impressive😍😍

雖然屯馬開通真的很興奮 但九龍城始終不及銅鑼灣方便 小曼谷喺銅鑼灣開分店絕對係明智之舉唔好以為食咗咁多年小曼谷就冇晒新鮮感食極都唔會厭嘅芝士蝦丸 10星級一定要吃😋木瓜沙律雖然係配菜 但唔比燒豬手失色💪🏻咖喱則邊個蒜蓉法包都唔會Hea你☺️飲埋杯龍眼冰簡直係happy ending ❤️畢竟未完全通關 食泰國菜可以暫解旅行慾望🥂🇹🇭

想食泰國野 第一時間就諗起小曼谷 依家開到係銅鑼灣 勁方便！環境就好似泰國火車夜市咁 好有氣氛。 一坐低諗都唔諗就即刻叫咗一份泰式生蝦。生蝦有六隻食落去都算鮮甜 同埋即刻叫左冬陰功湯👍 冬陰公湯雖然叫咗小辣但係其實都覺得好辣，但又覺得好開胃同好過癮🤣咁樣先正！之後我哋叫咗唔同嘅沙嗲串燒，有牛雞同豬仲有蝦。個人覺得如果佢嘅醬汁係直接林喺串燒上面會更好食😬主菜叫咗兩個海鮮兩個都係牛油蒜蓉炒蜆同埋炒蟶子。好香口惹味❤️ 必食海鮮🦞最後仲有泰國必食 pathai 我真係好鍾意食啲酸味嘅嘢 好開胃啊 見到餐廳好似時不時仲會有live band 勁有feel😬 同埋仲有好多嘢食都想試吓😜 兩個人埋單最後食左$8xx，人均$4xx。但係豐富嘅一餐黎，亦都解決咗我想去泰國嘅相思之苦😛

成日冇得去旅行 今日就黎小曼谷回味一下泰國嘅美食 入到去見到裝潢都好令 用左火車黎做主題 都幾特別正式食主菜之前先飲一個冬陰公湯 開一開胃 我地少少怕辣 所以叫左少辣 上枱時仲有個小candle興住 keep住個溫度 好貼心 個湯好多料 好多雞肉同埋蔬菜 味道好正宗 一解我思鄉之苦XD之後 就到鮮蝦炒金邊粉 蝦球好大隻 彈牙 又唔會煮得太熟 夠晒鮮味 整體味道係少少甜甜酸酸咁 又一開胃之作 愈食愈想食XD而今次嘅重點係炸軟殼蟹配個大麵包放上濃濃嘅咖哩汁 又點蟹又點包 食落大滿足 <3最後 配上我嘅珍多冰 充滿住泰國風味 合埋眼真係可以以為自己去左旅行🤣🤣 另外 呀媽話洛神花茶酸酸地都好唔錯 加上我地食左咁多道美食 完全做到清新解膩嘅效果❤️

岩岩對面睇完戲, 又未黎過呢個商埸, 所以入去睇睇, 發現呢間泰國菜, 望下個 menu, 選擇算多, 價錢亦合理最近特別喜歡食泰國菜, 唔知關唔關天氣熱嘅事佢地嘅裝修好有心思, 以火車為主, 雖然火車風同泰國好似無咩關係, 但都比其他泰國餐廳更特別, 最靚係呢個齒輪吊燈, 比人一種懷舊感覺而又好高雅, 就好似電影 <花樣年華>我地叫咗幾款食物, 金邊粉, 雞絲魚肚羹, 燒白鱔同芝士餅全部食物份量都好大雞絲魚肚羹嘅魚肚超多, 用砂窩上確保夠熱, 夠二人份, 味道夠濃亦杰身, 唔稀芝士餅拱得好香口, 芝士味亦重燒白鱔價錢雖然較貴, 但都明白白鱔本身就貴, 燒得好脆口, 啖啖肉, 加上泰式醬, 勁 match!

好掛住正宗泰國菜🇹🇭，好記得係泰國有時熱到底褲🩲都濕埋，都要食住酸辣開胃泰國菜既感覺。係香港當然有曬冷氣，今晚就黎過一個泰國之夜（香港篇）✌🏽朋友簡左銅鑼灣謝斐道535 Tower 地庫的「小曼谷泰國美食站」網上見到好評多多，一於去試下。餐廳裝潢好特別，大大個火車🚞頭好招牌吸睛👀，而且仲有個live band section 🎸小舞台。晚上19:00都轉眼間已經座無虛席。我地仲未叫嘢食員工已經遞上兩杯水，店員話怡家用上電子下單，只要掃描QR code即可把餐牌一目了然。泰式酸辣鳳爪（HKD 92):酸辣鳳爪做開胃菜永遠冇輸，鳳爪表面充滿辣椒碎蒜蓉碎，我哋嫌唔夠辣叫咗加辣🌶辣到就嚟噴火😂新鮮爽脆洋蔥🧅蔥條做伴碟好有咬口，酸酸辣辣醬汁整體好開胃，仲有蕃茄仔解辣。泰式鮮蝦炒金邊粉（HKD 98):色彩繽紛，大大隻開邊大蝦🍤係表面，仲用原條香茅做裝飾好吸引😍金邊粉份量多，炒得好夠鑊氣，整體調味偏甜，加上適量花生碎，可以提升整體味道更有層次。泰式風情薄餅(HKD 48):估佢唔到用酥皮做餅底，餅底偏酥脆帶牛油🧈香，趁熱食酥皮脆卜卜，加埋千島醬做餡料，蕃茄仔青椒芝士，四小件做小食不錯。青咖喱海鮮(

在銅鑼灣都可以吃到美味的泰國菜！這間餐廳有個火車頭作裝飾，就好像去了泰國的火車夜市！餐牌上有很多款式可以選擇，令人眼花撩亂，而且餐有抵食套餐可以選擇!小曼谷孖寶推介，這個套餐可以揀兩款野食，有海鮮、雞等可以選擇，我們就揀了魚和大蜆！泰式燒盲鰽，盲鰽都幾大條，外層有粗鹽，內裡肉質嫩滑，再點上酸辣汁味道更正！牛油蒜蓉蒸大蜆，份量都有幾多，蜆肉鮮甜，上面還有炸蒜和炸蝦仔，脆口又美味！泰式酸辣鳳爪 ，份量都好多，鳳爪爽口，酸辣味道剛剛好，很開胃！黃咖哩雞肉、泰式原味烤薄餅，這裡的黃咖哩味道非常惹味，雞件肉質嫩滑，帶有微辣！而他們的薄餅鬆脆，點上咖哩一起吃特別美味！鹹肉炒芥蘭 ，芥蘭爽脆，鹹肉有點像燒肉，味道咸香，幾惹味！青檸菠蘿沙冰，飲品酸酸味味又很冰凍，青檸味較出，很開胃！椰青 ，這裡的椰青大大個，多汁又清甜，而且很多椰肉，解渴又透心涼！

今晚來到銅鑼灣，因為這一帶太多餐廳，所以一時還是比較難選擇食乜，最後還是揀了這間位於謝斐道的泰國餐廳小曼谷泰國美食站。來到餐廳，最矚目的不是餐牌，而是這個大大型的火車頭，除此外，整間餐廳的裝修也非常有特色。香葉辣椒海鮮炒米粉$93海鮮的份量絕不吝嗇，份量很多，裡面有鮮魷、鮮蝦仁及帶子，其它配菜還有青紅椒、洋蔥、秀珍菇、香葉……等。海鮮都很新鮮，尤其是鮮魷及鮮蝦仁，新鮮爽口！米粉不會很腍，帶點爽口，炒得頗入味。雞腎$24 雞腎帶少少爽，不會很大件，沙嗲味很香，頗惹味！雞全翼$28雞翼燒得顏色啡金啡金的很吸引，裏面肉汁豐富，肉質嫩滑，醃得夠入味，好味！泰式燒盲鰽$178泰式燒盲鰽即叫即燒，但時間都算很快，等的時間覺得都不會很久，見到 見到魚皮上還有較多燒過的鹽，揭開面上魚皮，見到裏面的魚肉一陣熱蒸氣飄出，很香，盲曹肉質鮮嫩，非常的嫩滑，跟配的特色醬汁，帶酸酸甜甜，令盲鰽肉質更鮮味！配多個檸檬可樂及椰汁冰飲品，當然美味！

去到門口就見到火車頭嘅裝飾，全店嘅裝潢都已火車做主題，讓人置身於泰國火車夜市嘅感覺🚂✔️泰式炸雞棗🐔雞棗將雞肉及雞軟骨挆碎，攪拌成丸狀嘅物體，中間放入香料如香茅等，炸至金黃色。上碟時熱辣辣，香脆可口，軟骨有爽脆口既感覺，口感豐富😋✔️泰皇咖哩炒紐西蘭青口🍛咖哩炒青口驚喜十足，黃咖哩屬微甜，椰香味重而不膩口。青口份量足，有十隻左右，而且青口新鮮肥美，啖啖肉。✔️由於咖哩太好食，必叫一份蒜蓉包配咖哩食，蒜蓉包配咖哩這組合就是這麼完美，撈汁一流，食到Lam Lam 脷👅✔️蝦膏豬肉碎炒飯🍤蝦醬肉碎炒飯夠晒鑊氣，蝦醬味好香同炒的得好乾身，大大碟，足夠二人分享！

佢嘅裝修幾靚幾有feel🤩同埋菜式都有好多選擇👍🏻就算兩個人去食都可以試到唔同種類嘅嘢～泰式生蝦刺身 $128食泰國嘢一定要試佢嘅生蝦啦🤣 隻隻蝦都好大隻，個酸辣汁正👏🏻每一隻蝦都跟辣椒同埋蒜頭，食落好過癮🌶🌶🌟黃咖喱豬頸肉 $98🌟泰式原味烤酥餅(2塊) $45留意番咖喱係冇跟飯～所以我哋都加咗個薄餅點黎食，最後唔夠喉再叫多碗白飯🤣🤣黃咖喱好適合唔食得辣嘅人試！佢個汁有啲似日本嘅甜咖喱，但係都有輕微嘅辣度😛豬頸肉略嫌細塊左少少，不過配料真係好多，薯仔都有4-5舊😵 所以餸飯真係好啱👏🏻值得一讚嘅係佢嘅酥餅好脆好好食😍兩塊真係唔夠🤣泰式馬拉盞炒椰菜苗 $92又係食唔到辣嘅人嘅選擇😂個人認為椰菜苗比通菜更加好食👍🏻佢仲有得揀少油少鹽，可以符合到大眾嘅口味～

我們不是第一次光顧銅鑼灣小曼谷，泰式拼盤一定一定係我哋必點👍每次都好精美，拼盤內每一款都有好多份量，脆卜卜，又夠熱，配雞醬雖然好邪惡但好好味。黃咖哩牛腩配以烤薄餅👍咖喱味道剛剛好唔會太辣，我同老公都好鍾意。泰式濕炒牛肉河都係我地嘅泰菜必點～份量好大碟啊。而且我地仲點咗泰式珍多冰同埋啤酒～

放完產假終於都返工~ 放工可以去銅鑼灣同好友食DINNER~佢想食泰菜, 所以揀左小曼谷~(唔知同九龍城係咪同一間分店呢?!)先點個蝦金邊粉，份量好多，食落乾身又好開胃，蝦既份量都唔少，彈牙又爽口，正！黃咖哩大蜆，蜆肉大隻又鮮甜，而且咖喱味非常香濃，甜甜地！我地仲點左蒜蓉包一齊撈汁食，啖啖咖哩好滿足～另外再叫左個泰式煲仔翅，食落熱辣辣，加埋D 醋真係唔錯，而且入面材料豐富，仲真係有翅架，同好友每人都食到2碗，好有飽肚感！！

當我問你有一個火車頭的泰國菜是哪一間，相信大家馬上就知道…終於可以在銅鑼灣都能吃到九龍城泰國菜名店 - 小曼谷🤩▪️海南雞（半隻）❗️$288海鮮孖寶組合整體來說有點偏油，但是海南雞醃料很夠味，而且不論雞胸還是雞腿都啖啖肉又滑，很大舊，完全滿足到健人的需要▫️鹽燒盲鰽❗️$288海鮮孖寶組合我一見到魚就忍不住一定要叫🙈魚肚放了大量香料好想香茅、芫荽等等，令整個魚身都很入味。而且店家已經把魚皮切好，一掀開就能吃到魚肉，非常貼心。魚肉白雪雪很嫩滑，略嫌有點小，但是我喜歡它少骨👍🏻▪️小曼谷炒飯這個炒飯令我有點意外！首先，我喜歡外邊的蛋皮煎到金黃色，很香但吃下去又不會老，重點是它的蛋皮是包著底部而不是只是鋪在上面，所以一口就能吃到2層的蛋皮😍我本來以為炒飯是蝦膏底，但沒想到是咖哩炒飯，額外的香😚而且炒得夠乾，飯粒粒粒分明，裡面還有幾隻原隻去殼大蝦、蟹柳、豬頸肉等等，足料又不馬虎👍🏻

蟶子皇夠多蒜，蒜味重但不蓋過鮮味，而且加了魚乾作調味，令味道更加有層次和更豐滿，不會乾又juice 白鱔燒得爽口，而且調味像很配合口味，能提味，如果份量較多會更開心。椰青波波清甜，很方便食用及飲用。串燒也很好食，最喜歡燒雞全翼，因為雞皮燒得很脆而且能保持肉汁！燒牛重牛味！最令人欣賞的莫過於是串燒醬，因為沙嗲醬味道濃郁，而且吃得出有花生粒，花生味岀，更有九層塔題味，很足料，味道很豐富。芝士烤薄餅，樣貌吸引，份量足，一個薄餅開四份。芝士味濃，而且薄餅烤得很鬆脆，層次很豐富，芝士做到拉絲的效果。題外話，個服務都好好❤️

好耐冇食泰國嘢啦，係我心目中小曼谷仍然係第一位，銅鑼灣呢間分店好有特色，有曼谷車站夜市嘅感覺，見到仲有live music，幾正。《泰式炸蝦餅》$82蝦餅真係必點！口感好爽彈！外面好脆口，而且唔會好油膩！《青咖喱豬頸肉》$98本身好擔心豬頸肉好肥，但結果食唔到好多肥膏嘅感覺，豬頸肉好爽口，有彈性，而青咖喱好香又夠辣，唔會有陣我唔鐘意嘅甜味，配埋芝士烤薄餅真係一流！《滷水豬手煲》$168第一次食泰式嘅滷水豬手，估唔到都幾好味，滷得好入味，唔會好甜，味道恰到好處，豬手炆得好淋，夠juicy，不過就冇咩骨膠原嘅部分，整體都做得非常不錯。 總括嚟講，小曼谷嘅質素一直都keep得好好，果然唔會令我失望🥰😍