小曼谷泰國美食站

营业中

休息中

身為九龍城人，從細都會去泰國街附近食泰式野同越南野。近來竟在銅鑼灣市區發現小曼谷的蹤影！馬上約左也是在九龍城區長大既朋友一齊去小曼谷泰國美食站 食晚飯！一入到去已經好驚喜！有一架彷真度好高既泰國火車裝飾放在門口，令人置身曼谷一樣同埋餐廳設計十分摩登同企理乾淨，但同時亦保留返曼谷街頭餐廳既特色，裝潢十分用心餐牌有勁多頁，樣樣野都好想叫！雖然餐廳裝潢好時尚，但食物依然keep到好正宗！又好多選擇～而且唔單止裝修modern，落單一樣好high-tech! 只需要在位中掃QR code，即可落單叫野食！係疫情期間能夠做到scan QR code嗌食物，十分貼心同安全～讚！個網頁程式好易用~ 方便 簡單 價錢仲寫到明！最緊要，連飲品既甜度都可以特定！超級窩心呢～等左無耐，香噴噴既食物終於上菜了～第一款食物我地叫左 燒安格斯西冷牛排($248)我地揀左30%熟(medium rare) 牛排非常腍 燒得好香 點埋特調既sauce 非常美味!第二樣食物就係咸蛋黃金炸雞全翼($92)咸蛋黃落得非常大方 雞翼是選用全翼 炸至金黃香脆 調味得好好! ~ 而且味道不會太咸!最後一道菜就是泰皇咖哩法包軟殼蟹

Sogo感謝祭血拼完想食泰國料理，就唸起附近之前光顧過既小曼谷泰國美食站，餐廳門口有著顯眼的火車頭，內裡裝潢帶點輕工業風格別具特色，座位舒適寬敞。泰式沙嗲串燒分別叫了豬肉、牛肉、頂級牛柳粒同皮脆彈牙的牛根丸。肉類串燒都相當嫩口，牛柳粒相對烤得過候有點韌，沾上香濃的沙爹醬，味道一流。泰國餐廳都可以聽住live music 食炸雞飲返兩杯兩不誤，新推出的五香蒜香炸雞撲鼻而來就聞到陣陣蒜香味，炸到金黃色的外皮酥脆而唔厚粉，雞肉白滑嫩口，搭配埋泰式辣醬開胃惹味。泰皇咖喱炒大頭蝦(2隻)，奶香濃稠的咖喱汁見到都流口水，大頭蝦鮮美肉厚而且蝦頭嘅霞膏好香甜，另外加左泰式原味烤酥餅，沾咖喱食無得頂。馬拉盞炒通菜像個綠色小山丘，份量給個讚；椰青新鮮清甜。

日日食黃店 🦾💛💛💛好耐冇食小曼谷原來銅鑼灣都有喺 Tower 535 嘅地庫..待應好有禮貌服務態度好抵讚！..見到有個 live music corner 唔知而家有冇 live music session 嘅呢..鐵板豬頸肉馬拉盞通菜（$102）: 有得選擇咸度同油度，當然揀少咸少油泰式豬手飯（$91）: 豬手肉質嫩滑，唔乾唔柴，滷得好入味小曼谷原隻芒果糯米飯（$88）: 個椰漿唔會太甜，啱啱好；芒果熟度亦perfect泰式千層糕（$49）: 煙煙韌韌，my all time favourite，每次都必叫嘅甜品熱咖啡（$30）: 普通即溶咖啡粉嘅味道..

暫時無得去泰國，梗係食下泰國野chill下啦🥹黎到銅鑼灣呢邊，唔一定係希慎、時代廣場食野，去到謝斐道有間小曼谷泰國美食站，價錢唔算貴，食物水準卻係一流。食泰國野點少得黃咖哩，我地一行兩人先叫左個黃咖哩海鮮，海鮮份量非常足夠，唔會太辣。我地更加配埋蒜茸包點咖哩食，蒜茸包非常香脆惹味，黎呢到必試👍🏻我地仲叫左個五星蒜香炸雞，似乎係新推出，泰式炸雞一向係我既最愛😚有別於大型連鎖店炸雞咁油，而且仲好入味，蒜香味足，外脆內嫩😍食完咁多野，歎番杯泰式龍眼冰同泰式冰奶茶就最過癮啦~

🥡小曼谷孖寶呢個孖寶推介可以揀兩款唔同嘅嘢食，有炸雞、海鮮、豬手、海南雞等等。最後我哋就揀咗呢度嘅兩款海鮮，分別係蟶子同埋白鱔。兩大件白鱔，咬入口脆皮之餘，仲好夠厚身，加埋泰式醬料，正。蟶子一共有三隻，上面放咗蝦仔，咬落脆卜卜，蟶子本身都夠新鮮，味道好鮮甜。🥡泰式鳳爪去泰國點可以唔食呢個前菜，同樣都係大大碟，配埋酸酸辣辣嘅汁，非常開胃。🥡冬蔭功湯呢個湯係我嘅all time favourite，無論去到邊度都要嗌。呢個入邊有兩隻大蝦，食落爽身彈牙，湯嘅味道都好濃唔會話有過多椰汁味，幾好幾好。🥡馬拉盞豬頸肉炒通菜通菜用鐵板上，上枱仲有吱吱聲，而且仲聞到好香嘅馬拉盞味，配埋爽口嘅豬頸肉，好味。🥡五星蒜香炸雞炸雞上枱即刻好吸引，有一大隻雞髀仲有雞全翼，加個雞胸。側邊仲配埋蝦片，就算係雞胸食落都唔會覺得好鞋，雞髀啖啖肉非常唔錯。

係啊，我掛住泰國啊～咖哩啊，沙嗲啊～我通通都想要。好在小曼谷就在Sogo 後面，方便到極，無論外賣定堂食都super ok😘😘-豬牛沙嗲點會唔掛住泰式串燒啊～不如就豬牛都先來一串即叫即燒果然係唔同d😁豬同牛都燒得香，有泰式香料味，肉汁也juicy~點埋沙嗲就更加點睛🍖-五星蒜香炸雞呢客泰式炸雞必須要大推！😍😍蒜香炸雞脆口蒜香兼備，炸粉仲要唔厚，咬落就係皮脆肉汁多多的雞肉蒜香更提升了炸雞的香氣，食落味道同層次感都同坊間的炸雞都有唔同跟手仲有 醃蘿蔔同泰式蝦片，足不出戶都有泰國的味道啊😁-黃咖哩牛腩🥘 泰式黃咖哩味道香而不辣，有椰汁的香滑，也有各種香料的惹味，🧄🧅🥔 加埋煮得嫰的牛腩肉， 其他配菜青椒薯仔也吸滿濃濃咖哩汁， 吃一口讓人 滋味無窮，也超級好下飯。-鮮菠蘿海鮮炒飯🍍以外觀嚟睇 本來以為個炒飯好普通但係飯不可以貌相 剩係睇炒飯粒粒金黃就知誠意十足海鮮嘅份量多 ，每啖都食到魷魚，蝦同肉鬆🦐🦑大蝦仲好彈牙tim炒得夠鑊氣，I like it

今日食咗一餐好豐富嘅泰國餐，同平時有啲唔一樣嘅泰國餐小曼谷係位於銅鑼灣呢個鬧市，佢嘅質素絕對同係泰國食一樣👍🏻👍🏻因為太多款色，餐牌上仲有啲必食推介，同埋海鮮添酸辣鳳爪個人最愛，有得叫一定食嘅嘢，但佢地好細心嘅係 可以走蔥走洋蔥，啱哂唔鐘意食嘅朋友。味道方面，少少酸但好夠辣，可以見到佢個汁係青紅辣椒仔都有，香辣俱備。海鮮孖寶 蒜蓉牛油燒蟶子/ 燒脆皮白鱔蟶子燒到啱啱好，juicy唔會老哂，而好香蒜蓉牛油味，另外仲有啲脆魚仔係上面增加口感叫得脆皮鱔，真係燒到外脆內軟，仲好滑，充滿油香，沾上少少汁，減低油膩感，帶起鮮味冬蔭功食泰國嘢必飲嘅湯，絕對足料，原隻虎蝦煲出嚟，蝦肉爽身彈牙，仲有蝦味，個湯少酸少辣，非常開胃蒜香雞可以叫半隻或者一隻，炸得非常脆，但仍然好多汁，好嫩滑，雞胸都好嫩，佢仲有淡淡嘅蒜香味，夠哂惹味鐵板馬拉盞炒豬頸肉通菜食咁多肉，都要食番啲菜嘅，呢個鐵板上嘅炒菜，最好就係食到最後都係熱架，而佢個馬拉盞炒得好香好夠味，豬頸肉都好入味

鍾意食泰菜嘅朋友仔應該都識小曼谷🤭 去到銅鑼灣唔知食乜好，就食小曼谷啦～ 係個好選擇🥳銅鑼灣呢間小曼谷以鐵路火車做主題，幾有特色✨ 座位闊落，又有卡位，聚會/約會都可以❣️食物水準都唔錯，呢日我哋就食呢啲：🎈鹽燒馬友魚 $218我鍾意食馬友，其脂肪含量較高，口感軟綿細膩😋 鹽燒後更顯肉質鮮美💘🎈泰式生蝦刺身 $128冰鎮生蝦刺身透心凉❄️ 而且生蝦大大隻，新鮮脆口，必食！🎈豬肉碎生菜包 $93好掛住呢個生菜包🤗 豬肉碎又香又惹味，配埋爽脆嘅生菜～ 好fresh～ 食到停唔到口🤣🎈青咖喱雜菜 $108🎈泰式原味烤薄餅（2塊）$48青咖喱係我至愛嘅咖喱，多數我都必點😂 青咖喱配肉/配菜都一樣好夾。今次我哋就配菜啦～ 均衡飲食一下😆 仲加多份烤餅，打算配青咖喱食🙈一次過食咗咁多好味嘅泰菜，呢日超幸福呢💕

銅鑼灣都有小曼谷☺️近排真係食咗好幾次泰國菜，但係點食都唔厭，點食都覺得好味，就算係胃口差嘅時候，只要食吓柚子沙律，飲吓冬陰功湯，又會變返大胃王🤣泰式柚子沙律柚子沙律之前推薦過，食第二次依然覺得好味，幾乎每次食泰國菜都會點嘅菜，柚子甜，蝦彈牙，加埋酸甜汁已足夠開胃。鮮蝦串、帶子串小曼谷嘅串燒都出名，所以點咗平時唔係度度有嘅燒鮮蝦球同珍寶帶子。蝦相對乾身咗啲，但帶子就勁多汁，好好味😋辣椒膏炒蝦配白飯之前食過佢嘅咖哩，今次試辣椒膏，我覺得辣椒膏更好味，唔會好辣，少少甜，勁香，最後用啲汁撈飯真係好正。呢餐冇叫肉，反而食咗好多蝦，樣樣都好唔錯，值得一試。

好掛住正宗泰國菜嘅味道啊銅鑼灣535 Tower 開咗唔少特色餐廳🍴呢間地道泰國菜開咗好耐今晚終於有機會試吓🤤餐廳門外有火車頭🚆 配霓虹燈飾感覺好似係泰國夜市食飯店員推介五星蒜香炸雞 🍗$1282人食叫咗半隻燒雞即叫即炸，一上枱已經好香炸蒜香味炸雞好厚肉，有雞脾、全雞翼、雞胸雞件外皮炸至脆卜卜，外皮脆口，keep到肉汁juicy鹹香味十足，好惹味啊🤤🤤炸雞配泰式沙律同炸蝦片炸蝦片係泰國地道小食，呢間嘅炸蝦片真係卜卜脆🤣食到停唔到口啊泰式鮮蝦炒金邊粉 $101金邊粉超人氣！加入花生碎、韭菜同羅望子醬夠晒鑊氣，炒得好惹味味道唔算太鹹調味剛剛好蝦肉鮮甜爽口，好好味🤤鮮菠蘿雞肉炒飯 $9炒飯面配上肉鬆，拌匀肉鬆、雞肉粒、菠蘿🍍配料十足而且有鑊氣🔥炒飯底炒得乾身，菠蘿飯好開胃呀！唔少得要叫甜品椰汁西米糕配泰式千層糕 $49兩款甜品，各款有三件我特別喜歡食椰汁西米糕🤤椰香味非常濃郁🤤好滿足啊

【Background】由九龍城總店開到銅鑼灣嘅「小曼谷泰國美食站」，以泰國火車頭為主題嘅裝修設計，環境更具特色，加上不時有Live Band表演，好適合朋友飯聚或情侶撐枱腳，氣氛輕鬆，邊食邊Chill~────────────────────【五星蒜香炸雞 $128/半隻】最新推出嘅蒜香炸雞，本身抱住試下新野嘅心態叫，估吾到都幾有驚喜🙊 第一，堅係半隻雞，吾係雞腿，雞翼組成。第二，炸雞醃得好入味，表面塗左一層泰國特有的蒜粒再去炸，外層薄脆，鹹香中帶濃濃嘅蒜香，最緊要係肉質好鮮嫩仲富肉汁，吾洗沾任何醬汁都好有味😆 另外，仲附上炸蝦片同醃酸青瓜紅蘿蔔添😘.【黃咖哩雞肉 $108】咖哩味道溫醇，椰香味較重但不影響咖哩味香氣，裡面仲有收嫩滑雞肉，爽脆青紅椒，送飯一流👍 另類食法係配上泰國原味烤酥餅 ($48)都好Perfect🥳.【泰式凍奶茶。菠蘿沙冰 $39】除左必飲嘅泰式奶茶外，沙律系列都係吾錯嘅選擇😎冰沙綿密，入口即化，菠蘿味亦突出，仲可以選少甜架😆.【Remark】✔️ 加一服務費✔️ 店員有禮，仲好Nice✔️ 不定時有Live Band✔️ QR code 落單

呢間唔少人推介既良心泰國菜🫶🏻閒日晚市七點到已經好爆，八點都可能要等一陣仔位😨入到去採用QR Code落單，方便快捷，另外要讚侍應同貌似老闆娘親切友善🫣▪️ 泰式炸蝦餅（7.5/10）💲87/3件 (小)炸粉唔會話好厚身，外皮炸到呈金黃色，入口香脆，而且蝦漿彈牙，配上泰式酸辣醬，再多啲醬就正😋▪️ 泰式鹹魚炒椰菜苗 （7.5/10）💲95本身見有鹹魚既關係，自身帶有鹹香，所以就揀左少鹹少油，感覺健康少少😌出到黎鹹度恰好，而且炒得夠嫩唔會過左火位▪️ 小曼谷炒飯（7.5/10）💲111一大塊既煎蛋包裹住足料炒飯，有切粒既蟹柳、札肉、豬頸肉同埋蝦，而且飯底炒得乾身粒粒分明，調味亦唔會過重🥘▪️ 椰皇沙冰 （8/10）💲39飲落好香濃，沙冰磨得幼細綿密，當中有頗多椰絲，同埋磨碎左既椰皇肉，增添唔少口感，甜度適中，整體清新解渴😚下次想試埋佢個芒果或者榴槤沙冰🔎 整體評分（7.5/10）

講起泰國菜好多人都會即刻諗起九龍城🇹🇭不過對於港島打工仔黎講 九龍城就未必好就路😳其實喺九龍城有多間分店嘅小曼谷 喺銅鑼灣都有分店!前排我就放工去咗食dinner喇😎呢度嘅氣氛有種喺泰國夜市嘅感覺 幾chill🤪-🍗BTS五星蒜香炸雞 $128/半隻超級大份嘅炸雞 睇唔睇到舊雞髀有幾正🍗🤩炸雞外脆內嫩 一咬非常juicy!! 好味😋伴碟都有唔少醃蘿蔔 平衡返個油膩感😛食埋大大片香口嘅蝦片 真係好邪惡啊😈-🥬鐵板豬頸肉啫椰菜苗 $105呢度嘅炒菜類可以揀少油少咸 呢點我好appreciate👍🏻椰菜苗新鮮爽口 放喺鐵板上面超有鑊氣🔥加埋馬拉盞 簡直係食唔停🤣🤣-🐑泰式燒羊架 $138/2件羊架頗重黑椒 食落辣辣地幾惹味🌶佢肉質軟腍 唔重羊羶味~

泰菜一定好多香港人都鍾意，如果同時又可以多選擇嘅話就無得輸。因為同朋友食飯總有人想食飯，有人想食粉面，又有人想食炒野，所以喺依度又可以止下泰國癮嘅同時又滿足到所有人。依頭點完餐，轉頭即刻俾啲泰國feel 你止住先。每人俾碗冬陰功你輕輕止住癮先。再嚟隨餐附送餐飲解解渴！基本上，上枱嘅時候出哂煙再加辣辣地都唔會差得去邊。食落兩隻蝦都幾結實，午餐都唔會hea 你。可以feel 到唔係啲搵笨餐廳。另外醬汁係泰國嘢嘅精髓，醬汁好食嘅話，啲野都唔會差。午餐同同事諗唔到食咩？同時可以滿足多人要求，真心會有再食嘅機會。

/小曼谷泰國美食站🇭🇰/#sa銅鑼灣篇 ➖➖➖<初嚐人氣泰菜店。仲有機會聽live music> ➖➖➖成日都話九龍城特別多泰菜食😆對我來講真係有少少遠🙈唯有去銅鑼灣食住先今次去到呢間都幾多好評嘅人氣泰菜店💕餐廳位於tower 535 地庫 最具標誌性就係門口嘅火車頭🚆 如果好彩仲會有live music 表演食物選擇都幾多下 揾機會再食其他菜式🥰➖➖➖1️⃣五星蒜香炸雞 $128/半隻🌟第一次食泰式炸雞😆雖然話係半隻 兩個人肯定夠食要讚嘅係炸雞唔會太厚炸粉 皮脆肉嫩 內裏嘅雞肉唔會好鞋口 可以連甜酸醬一齊食傍邊伴碟嘅係蝦片、沙律🥗 蝦片脆口☺️沙律會有少木瓜、蘿蔔絲 幾醒胃➖➖➖2️⃣小曼谷原隻芒果糯米飯$88 🌟難得有原隻芒果😋仲要幾鮮甜 唔會酸糯米飯軟硬適中 帶椰香同糯米香 簡單但好味！➖➖➖3️⃣ 板上安格斯牛柳粒串(4粒) $494️⃣牛串燒 $24 安格斯牛柳粒另外會串左車厘茄粒～牛柳粒較細粒 肉質軟腍🌟牛串燒較乾 會食到黑椒味～要提係個沙嗲醬會食到花生粒 幾香口唔算太辣☺️➖➖➖5️⃣ 珍多冰 $43 入面放左幾款顏色粉條☺️色彩繽紛！黃色係大樹菠蘿粉條 綠色應該係斑斕都會飲到幾香