小曼谷泰國美食站

营业中

休息中

🥡小曼谷孖寶呢個孖寶推介可以揀兩款唔同嘅嘢食，有炸雞、海鮮、豬手、海南雞等等。最後我哋就揀咗呢度嘅兩款海鮮，分別係蟶子同埋白鱔。兩大件白鱔，咬入口脆皮之餘，仲好夠厚身，加埋泰式醬料，正。蟶子一共有三隻，上面放咗蝦仔，咬落脆卜卜，蟶子本身都夠新鮮，味道好鮮甜。🥡泰式鳳爪去泰國點可以唔食呢個前菜，同樣都係大大碟，配埋酸酸辣辣嘅汁，非常開胃。🥡冬蔭功湯呢個湯係我嘅all time favourite，無論去到邊度都要嗌。呢個入邊有兩隻大蝦，食落爽身彈牙，湯嘅味道都好濃唔會話有過多椰汁味，幾好幾好。🥡馬拉盞豬頸肉炒通菜通菜用鐵板上，上枱仲有吱吱聲，而且仲聞到好香嘅馬拉盞味，配埋爽口嘅豬頸肉，好味。🥡五星蒜香炸雞炸雞上枱即刻好吸引，有一大隻雞髀仲有雞全翼，加個雞胸。側邊仲配埋蝦片，就算係雞胸食落都唔會覺得好鞋，雞髀啖啖肉非常唔錯。