富豪酒家

营业中

休息中

裝修企理光猛，服務可以。訂咗枱仲要再等多二十分鐘，安排方面唔係做得好好!老公同我慶祝生日，於是叫咗$880一位那個餐。 講真，唔多飽肚。 紅燒砂鍋包翅，不過不失! 30頭特選吉品，味道好，香軟有趙頭。翡翠炒生劏斑球，斑魚鮮，可以可以!清灼郊外菜遠，菜芯鮮甜無渣，可惜份量好少!迷你鮮荷葉飯，荷香飯軟，可惜份量好少!原燉杏汁燕窩，可以不吃!精選美點雙輝，普普通通!富豪脆皮炸雞，皮脆肉嫩，敗筆之處在於近雞胸骨位鹹到無法接受，差勁!

週末的午飯來得有點怱忙，趕緊下一場的練習，由火炭到尖東1小時多，但總比以前好得多，訂了枱也要等一陣子，應是遲10分鐘的綠故，座位不多，而且枱與枱之間較親密，裝潢是典型帶點金黃色那種，另有幾個廂房。貴為一星店都只是參考之用，味道如何也要一試先知。鮮蝦煎筍棵 $48一碟六件筍棵，份量真不少，脹卜卜炸筍棵配上湯，筍棵沒有丁點油膩感，外脆皮薄，鮮蝦配筍是一向的配塔適宜，加添芫茜是錦上添花的香，單吃這個一種風味，把他在上湯翻騰一翻就是另一種風味，上湯比過往試過的甘香濃郁，是金華火腿，整件筍棵味道提升，香脆濕軟皆齊，刺激多元化的味道觸角，這是有水準的鮮蝦煎筍棵，二人分吃把他消滅。酥炸奶皇飽 $18酥炸奶皇飽外層鬆脆, 無論底面都係咁香口, 同樣不會太油膩, 在炸物方面火候控制得宜, 飽層軟熟而不過厚, 奶皇味道香濃, 杰度適中包著鹹蛋黃, 蛋黃充滿油香, 這個價錢算大眾化之選。欖仁馬拉糕 $18外表屬古法馬拉糕模樣, 顏色略深, 氣孔較大但局限於近面位置, 看上去還欠一點鬆軟, 吃下始終不夠香, 底部相對較濕變得更吾咁吸引。北菇蒸鵝掌 $50一碟兩隻鵝掌半隻冬菇, 看上去無乜特別, 其實鵝掌同冬菇

差不多快要下班時才猛然醒起今天是拍檔的快樂生辰，連忙麻煩秘書小姐提議地方並訂好位子......銅鑼灣那邊的店子到過數次，印象頗為良好，相比起近在咫尺的富臨飯店，阿翁的出品水準差不了太遠但價錢卻是 「親民」不少。一個最基本的套餐還是才賣不足 700 元，好像巳是數年沒有調整價錢，實在難得。紅燒砂窩翅雖用上的是中價牙揀翅但份量卻絕不吝嗇。高湯充滿著濃濃的火腿及老雞味，唯一美中不足乃茨汁的生粉用過了頭，高湯有點兒太稠，煞了點風景.....30 頭特選吉品鮑是阿翁蕭規曹隨之作，味道與師傅楊貫一先生的傑作極為相近。據聞是用腩排墊底，再以老雞壓著鮑魚，在砂窩長時間燜製而成。鮑魚體積雖小但溏心尤在，無論從外觀，口感及至複雜味道的層次都可算是上乘之作。鮑汁遼參扣鵝掌亦是水準之作，遼參和鵝掌要扣得稔而入味不容易，頗考廚師對火候之控制。年多前此道菜原是鮑汁遼參花膠扣鵝掌，如今沒有了花膠，實有點有可惜，要不然的話一餐就嚐盡鮑、參、翅、肚，豈不快哉....炸子雞及迷你荷葉飯沒啥特別，不想多花唇舌。杏汁燉燕窩也是絕不欺場，雖不是上品官燕，燕窩也是滿滿的一碗。幽香的杏汁比濃濃的椰汁更合我口胃，糖漿另上配合個人不同

年廿九....老爺, 老公跟我三人出外團年豪一番, 前兩天才打電話訂位, 居然仍有位, 可能是金融海嘯的影響, 我們來到時只有兩三枱, 三人叫了兩個鮑魚套餐, $680 & $1180, 另加上什菜煲, $90, 火腩豆腐炆斑頭腩, $330!紅燒砂窩包翅 - 犯規吃了一少排翅, 不算十分大條, 但仍見到一梳梳, 首選仍是雞湯底!30頭特選吉品 - 預了不是太大隻, 切下帶溏心, 但不會是回味無窮那麼想再試!鮑汁花膠扣鵝掌 - 花膠略薄, 黏度不太高, 陶源花膠厚一點, 膠質重一點, 好吃一點!清灼唐生菜胆 - 爽脆!迷你鮮荷葉飯 - 細細份, 吸引力一般, 但不鹹不淡, 老爺讚!原燉杏汁燕窩 - 杏汁味不濃, 燕窩是碎的, 任揀, 我會選蛋白杏仁茶! 特選美點雙輝 - 紅豆糯米池跟煎堆仔各兩粒, 前者糯米皮硬, 不煙韌, 後者芝麻好香!$680紅燒金山勾翅 - 孝敬老爺, 給他獨嘗, 只見條條翅也有芽菜那麼粗身!30頭特選吉品 - 同上鮑汁遼參花膠扣鵝掌 - 遼參太腍, 沒有了咬口, 最可取的是鵝掌, 汁濃, 配上腍滑鵝掌, 想再ENCORE!翡翠炒生斑球 - 沒有什麼特別, 兩塊斑

今日4大兩細一起去食團年飯....食左$10,929......好貴呀.....bowl:前菜 : 紫菜鯪魚卷, 個皮好脆ga...好味...(1) 上湯灼螺片 : 一人兩片, 好鮮甜呀......(2) 阿翁鮑魚 : 唐心鮑魚好得呀, 好味呀~~~(3) 遼參伴鵝掌 : 鵝掌入味,遼參爽口..good~~(4) 蟹肉紅燒鮑翅 : 蟹肉好多呀, d翅仲粗過牙簽.....(5) 鴛鴦雞 < 鹽焗雞拼炸子雞 > : 兩款雞都好滑, D皮都好好味呀..(6) 富豪炒飯 : d 飯炒得干身, 唔油...師傅好功夫...(6) 蒜香和牛($800) : 只有12小粒, 好似瑞士糖既大細...(7) 馬拉糕 : 幾好...(7) 奶皇糕 : 唔錯,有蛋黃...(8) 椰汁燕窩 : 好足料....(9) 生果拼盆......

06-11-08大閘蟹@富豪阿翁鮑魚 大閘蟹 - 蟹膏唔算多 ,但勝在甘香.魚翅 - 有水準阿翁鮑魚 - 好入味直得一提 , 因為本人唔係好識食蟹 , 店員非常之幫忙 , 圖4之蟹腳, 全由店員幫忙代處理.

今次係公司大食會，開頭話係食鮑魚嘅，但最後因為budget問題冇得食。每位$300，食咗以下幾味菜！(老細識人，所以discount咗，如果唔係應該都幾貴！)無得食鮑魚，我都有少少失望，唯有下次自己去食喇！第一味係飲湯- 翅頭湯，好濃烈嘅胡椒粉，好醒胃，啲湯都好夠味，唔錯！ 鮑汁鵝掌海蔘我本人其實嘛嘛哋食鵝掌，但啲汁真係好嘢味，鵝掌炆得好「淋」，但海蔘就略嫌太「淋」，唔夠口感！ 日本花白菇扒莧菜個花白菇真係好爽口，唔錯！但我唔鐘意食莧菜，所以no comment! 千層糯米飯好得意！中間夾著瑤炷& 咸蛋黃，加埋啲糯米，都o.k.喎！薑蔥焗蠔哈哈！我好鍾意食焗蠔，正！好入味，啲蠔炸得脆口，又夠大隻，唔錯！ 大斑兩味(老虎斑)啲肉好鮮，夠咬口，唔錯！用豆腐火腩炆，好入味，但啲豆腐好似酸酸哋！脆炸牛腩配咖哩我唔食牛架！所以no comment! 但賣相幾靚，啲咖哩我試過，唔錯！炸子雞不過不失，都係咸咗少少。荷葉飯好硬呀！食唔晒！ 另外，仲有個上湯生麵，味道都o.k.嘅！ 甜點古法馬拉糕夠鬆軟，唔太甜，唔錯！我馬拉糕，我始終鍾意食大榮華。核桃酥夠鬆化 豆沙角唔會太甜，熱辣辣！o.k.

ＰＡ，　同你苦苦糾纏ｏ左四年，受盡嚴重ｏ既精神虐待．．．　今日終於可以跟你分手ｏ甘就要賀一賀啦！老爸於是帶我ｏ地到富豪酒家去食阿翁鮑魚．．．　重叫ｏ左魚翅﹑杏汁燕窩﹑鮑汁鵝掌﹑荔茸香酥鴨﹑菜煲﹑甜品ｅｔｃ．可能係我ｏ吾識貨，ｏ吾覺得個鮑魚有幾「舉世無雙」．．．　反而個鵝掌真係好入味，又夠淋，正！　魚翅更加係一流，蟹膏好香．．．　ｏ吾鍾意個燕窩ｌｏｒ，ｏ甘少ｏ甘碎．，　係ｄ杏汁香ｌｏｒ飯後甜品係ｄ杏仁餅同一個似水晶球ｏ既野，後者好好味，ｏ吾太甜，外皮晶瑩剔透，內在係荔茸ｏ黎ｇｅ．．．　充完電又要去溫最後一科ＡＬ啦．．．

5月尾係小妹生日週,好唔容易至安排到時間比老闆請我食飯(講笑0者).老闆話不如去尖沙咀富豪囉!我梗無say no啦.坐底先叫2位例湯,老闆話呢度例湯都好正嫁.試一試...哇!好鮮味,一定係老火靚湯同無味精.好味點心包括蝦餃,d蝦,筍同肥豬肉比例剛剛好.魚翅灌湯皰,d魚翅都幾大條,湯底香濃.懷舊馬拉糕,係用片糖做,香,軟,滑,就好似我細個食0個d噤好味.叉燒酥都好味,個餡肉汁豐富.係幾樣我最鍾意.呀!仲有甜品- 杏汁撞蛋白,好正...唔太甜,杏味香濃,要南北杏比例剛剛好才能有此效果,蛋白又滑,一流美食.不過唔係我埋單,所以唔知幾錢!其實去年父母生日時我都過,叫每位$1,488套餐,仲記得個28頭禾麻唔錯,係糖心,不過都係富臨的口感好d同煮得稔d.鮑汁花膠扣鵝掌,花膠好厚肉同好有口感,鵝掌好稔鮑汁味濃.油泡蘇眉球,師傅炒得剛剛熟,好味難以形容.單係呢幾樣都值回票價.重有金勾翅,亞翁炒麵,官燕,果盆同懷舊馬拉糕做甜品.6位埋單差不多1萬蚊,亞爸亞媽猛話好貴好貴,其實久不久一次,食落自己個肚都值得!

上星期同客食飯,因為東海無位,所以揀o左li間.門口用魚翅同鮑魚裝飾,都知道貴o架喇,但原來叫普通o既菜色都唔平.打開餐牌都唔知叫乜好,於是叫侍應介紹.最後我地叫o左冬瓜盅,炸子雞,枝竹豆腐炆石班(新鮮的,大概斤幾)仲有脆炸牛腩配咖哩汁,楊洲炒飯,細青島十支到. 5個人,埋單成$18XX! 嘩!雖然開公數O者,但咁O既價錢已經可以食得好好喇!不過毫無疑問,食物水準同服務都好好!炸牛腩最好味(雖然咖哩汁唔夠香),冬瓜盅食完第一轉會攞返入去弄熱.本來不嬲唔食雞皮,但好耐都未食過咁脆O既炸子雞,所以都忍唔住食埋!最後仲有生果盤送添!不過自己就唔會再去喇,點食得起呀?

上次誤打誤撞入左黎, 食過有水準o既點心, 價錢亦合理, 今日家庭樂, 就翻炒黎飲茶. 除左我必叫o既叉燒酥(飽滿鬆脆酥皮內一塊塊指甲片大小o既蜜味叉燒, 正正正!依然係全場no. 1), 仲叫左北菇滑雞盅頭飯(雞肉好滑), 迷你奶黃包(包皮香軟微甜, 傳統o個款奶黃, 每個都有半隻蛋黃, 絕不欺場!), 腸粉, 鮑汁鴨掌同埋煎蘿蔔糕都好好味.一流食物, 加上一流服務態度, 我地整餐都食得好開心!雖然點心款式唔多, 但係貴精不貴多!

0黎呢度飲過幾次茶(因為近爸爸office), 最好味0既點心我覺得係鮑汁鴨掌, 個汁真係香濃, 個鴨掌又扣得入味夠火喉. 叉燒酥亦係一絕, 香口又有汁. 我覺得0黎飲茶係唔錯囉.晚飯/ 酒席0黎講, 佢個鮑魚係做得唔錯, 個上湯亦對辦, 不過, 同福記比, 始終係福記略勝一籌.

舅父o係香港四日, 爸爸媽媽做足四日導遊. 尋日o係尖沙咀行街, 中午就想o係附近飲茶, 叫埋我去join. 起先爸爸打俾我問客家好棧點心(美麗華)得唔得, 我話okay, 就過去美麗華join佢地. 到左樓下, 打去問下爸爸入座未, 佢話入左啦, 不過係入左"富豪酒家"?!仲開埋茶添?! 阿翁鮑魚掛帥o既富豪酒家? 爸爸咁闊佬, 請舅父食禾麻鮑?去到至知, 爸爸以為呢個係富豪集團o既酒樓, 唔知佢咁大牌, 開左茶至見到$2388一位o既鮑魚餐, 嚇到滴晒汗.好彩望下點心餐牌, 小點都係$22, 唔算好貴, 所以先冇用9秒9速度"逃離現場"! 哈哈!由於在座老人家居多, 而且天氣酷熱, 所以大家都無乜胃口, 所以叫o既野食唔係好多. 可供選擇o既點心唔係好多, 大部分係傳統類型, 當中最受迎o既係香煎蘿蔔糕, 媽咪食到停唔到口, 而最得我歡心o既係香口o既叉燒酥. 至於蝦腸, 叉燒包等等都係水準之上. 最後叫多個炒飯埋尾, 食飽飽, 埋單一張金牛都有找, 比我想像中便宜.仲俾我地見到阿翁, 媽咪話, 真人又幾後生播!

lee間富豪酒家係佢新開張無奈去幫親,我同爸爸&小熊去食(媽咪去了旅行),我地叫了2個唔同價錢的1人set,加多一隻鮑魚,個waiter好似唔係幾高興敢(可能佢覺得我地無錢學人食鮑魚掛-佢比我的感覺)佢地d set每一碟都好少份量,我都算,d鮑魚一d唐心都無,一d都唔好食,d服務又唔得(你係熟客咪好囉成班人都係掛住service坐房的人),食完都好似無咩野食過敢,唔飽又貴,我好記得食了2千大元,好似比人騙了的感覺,所以富豪酒家我已經black list佢好耐,我都相信我唔會有下次.