影片
港铁尖沙咀/尖东站 B1/ N5 出口
继续阅读
电话号码
27362228
开饭介绍
驰名中外的阿翁鲍鱼是店内的招牌菜，酒家可容纳约120人。
继续阅读
奖项殊荣
米芝莲一星餐厅 (2015-25)
特色
同客食饭
营业时间
今日营业
11:00 - 23:30
星期一至日
11:00 - 23:30
以上资料只供参考，请与餐厅确认详情
相关文章
富豪酒家在香港颇为有名，是提供吉品鲍糖心鲍鱼的其中一间有名气的餐厅。高汤红烧官燕 这碗官燕份量十足，上枱时十分温热，顶层还点缀了金华火腿碎，入口时带点咸香的味道。官燕鲜嫩滑顺，融入了浓郁的高汤红烧酱汁，带来丰富的口感和味道。30头养殖吉品鹅掌招牌名物当然非常吸引，烹调技巧非常好，鲍鱼质感也很糖心，入口香软弹牙，轻轻一刀切下吉品鲍，有股张力在鲍鱼与刀之间产生，证明鲍鱼已煮至糖沁状态，加上浓郁惹味的鲍汁，令人陶醉。鹅掌肉质鲜嫩，以鲍汁烩至软腍滑溜的鹅掌甘香腍滑，吸收了鲍鱼汁的味道，非常多肉，十分出色，一口咬下，胶质丰富，每一口都能感受到鹅掌的柔软和细腻，鲜香四溢，口感浓郁，滋味十足。川汁脆皮花胶这道特色川菜将花胶与川式酱料巧妙结合，这是我第一次尝到脆炸花胶，以炸的方式去烹调，印象中是首次尝到。花胶经过精心烹制处理方式，将炆熟的花胶抹上粉浆炸至酥脆，内里却保留了花胶的嫩滑，入口即化，再配以惹味的川汁，酸辣醒胃。但我个人觉得比较失望，花胶没有味道，而且炸皮跟花胶的质感不太配合，食后有很腻滞的感觉。富豪脆皮炸鸡如选择套餐的话，两人会送半只炸子鸡，阿翁的炸子鸡非常出色，皮脆肉嫩不在话下，上色极美，鸡皮早已炸得香脆薄身，肉质熟度刚好，做到皮脆肉嫩效果，而且味道调配得很好，食出鸡肉鲜味。方鱼炒芥兰仔方鱼炒芥兰仔是一道清淡而又美味的菜品。结合了方鱼的咸香和芥兰的爽脆。虽然系一个简单而美味嘅菜式，但要整得好味唔容易，方鱼需要经过精致加工，咸味恰到好处，芥兰仔不会过于软烂，食落爽脆有口感。瑶柱葱花炒饭以瑶柱和葱花为主，炒得好够镬气，瑶柱的鲜味和葱花的香气融合在一起，香气四溢，炒饭粒粒分明，干身又唔会油，米饭松软且不失嚼劲，份量都唔少，是一道色香味俱全的炒饭。精选甜美点两款这款椰汁马豆糕绵密又爽滑，椰香浓郁，原来以椰汁为主要原料，更加有层次，口感清甜自然，没有过多糖分，味道唔错。而榄仁合桃酥则是酥脆可口，内里松软，口感独特细腻，合桃的香气和榄仁的微苦完美结合，既有层次感又不失清香。最后，蛋白生磨杏仁茶，堪称完美的结束。杏仁香味浓郁，配上丰富的蛋白，每一口都能感受到杏仁的香甜与蛋白的细滑，滋润美颜，令人爱不释手，而且不太甜，如果蛋白份量再多一点则较好，食埋这道甜品真的很满足。食物质素方面，个人觉得在今次晚餐的菜式整体合格的，但服务都是对熟客有礼貌有服务，对新客就有点儿那个！
继续阅读
中菜大家就食得多啦唔知呢一间被誉为「香港粤菜一级食府 」大家有冇食过呢？佢就系连续14年荣获米芝莲一星嘅富豪酒家，咁犀利我当然要过嚟食吓啦。听闻佢哋嘅鲍鱼真系好出名㗎，一于要食吓佢嘅鲍鱼套餐。 阿翁鲍鱼美食宴 $1680/位 红烧砂锅包翅个砂锅拎到出嚟嘅时候，入面嘅汁仲滚紧，一打开个盖真系好香，佢哋系采用顶级18吋牙拣翅，每碗足2两翅，真系好足料啊，配上汤汁芡，真系好味都停唔到口。 28头特选吉品点为之一只好嘅鲍鱼？大家有冇食过溏心鲍鱼，佢嘅口感真系好好弹牙，配上鲍鱼汁，口感一流。食完鲍鱼，仲有鲜甜嘅生菜用嚟点剩返嘅鲍汁，味道更上一层楼。 瑶柱炸酿蟹盖唔好睇落个蟹盖细细只咁，佢入面真系超足料啖啖肉，全部配料都系由新鲜蟹拆肉制成，外脆内软，加入咗瑶柱同埋洋葱，食落好有口感。 富豪海皇炒饭出色嘅炒饭当然系粒粒分明，而且海鲜非常多每一啖都有，炒得干身，一啲都唔油腻。 原炖杏汁官燕呢一份官燕书饭后甜品真系非常出色，官燕非常多，每一啖都系。而且佢嘅杏汁系非常香浓，加入咗蜜糖，真系好滋润，冬天饮就一流啦。 精选甜点两款椰汁马荳糕 - 椰汁嘅奶香非常重，清甜好味。榄仁核桃酥 -真系超酥脆，松脆可口一啖一口。 富豪脆皮炸鸡(两位奉送)佢嘅脆皮鸡真系好大只，米芝莲嘅餐厅果然名不虚传送出嚟嘅食物都系非常出色，鸡皮超级脆，而且里面嘅肉系烧鲜嫩多汁，一咬落去鸡汁同埋油脂喺个口度徘徊好香。
继续阅读
头盘鱼翅是冻的，上汤是热的,就咁淋上鱼翅上，鲍鱼过淋，冇鲍鱼味，如食面粉,其各样𩠌都可以，但份量少，服务态度真系太差了,第一次我朋友食鹅掌，都未食完，正想吐骨，服务员就企系我朋友身边伸手收骨碟，状似吹我朋友快啲食，第二次朋友还未食完就收走筷子，可否先问吓才收走筷子，这样真的很冇礼貌。这家店我已帮衬过3次，今次是4人用餐亦是最差的。
继续阅读
一个月前谂紧老豆生日去边到庆祝好，咁啱睇到几个YouTuber都话呢度个$980餐抵食又好食，就即刻book台谂住带老豆黎试下啦。Book台果时仲问埋佢一个月后仲有冇呢个餐食，佢仲话就算冇左都可以做返比我地。寻晚醒起佢冇打黎confirm booking，10点几打去冇人听，可能就收工。今日中午再打去问，佢竟然话揾唔到我地个booking，但就帮我地即刻落返。我心谂，如果我地系到左餐厅先揾唔到个booking，我老豆餐生日饭点算呢？食野方面，唔知系咪我地唔识食呢。明明呢到好多人都赞，但我真心觉得麻麻地，所有野都好浓味，但都冇乜食材既味道。烩花胶有d咸，吉品鲍既口感系特别既系同出面既鲍鱼唔同既，鹅掌好淋，生菜系食鲍鱼汁味，蟹盖系食洋葱味，鸡系好味既皮香有鸡味，炒饭都ok，杏仁茶超级杏仁，美点双辉好食。可能只系我地唔识欣赏，又可能因为食完每样野都要饮好多水。服务方面，本身觉得普普通通啦，酒楼咁啰，对熟客好好笑容，对生客梗系生疏d啦，都冇咩问题既，但收碟就有d搞笑。因为佢地每样野都系位上，所以每次食完都要收碟，我地坐中间果行4-5人台，两边行人路，我感觉佢系想企系同一个位收哂全部碟。咁佢收完近果d，要收远d果只碟，佢系企系度期望我地递只碟比佢，佢系冇谂住要行近d拎既。我果一刻就谂起，上次团餐食12人一围三千几蚊果间酒楼，个姐姐直情叫我地递d碟比佢啦，起码今次佢系冇出声，佢企系度等啫，而咁啱又有人忍唔住好心咁递左比佢啦。去到食炒饭既时候，可能佢又expect你只系会用匙羹食饭啦，因为佢系会收左你对筷子。整体黎讲，可能我地唔系富豪啦，所以食唔惯，系我地问题。感觉应该系：试过就算啦。
继续阅读
您可能会有兴趣的...