富記粥品 (已結業)

一路以來以為富記的代表只是及第粥🐷和燒鵝飯🍚，朋友推介必試仲有湯飯。今日做完成日運動又見個人無乜胃口，點了一個魚腩湯飯 ($39) 湯頭鮮甜，飲落去好暖胃，至於魚腩也令人有驚喜，煮得剛熟透，仲好滑身，也無草腥味，飲完成身暖哂！朋友無介紹錯！男朋友點的腰潤飯也不錯，夠哂大碟，加埋傳統中式獻汁，剛煮熟的豬腰豬潤依舊彈牙，沒有異味。連平日要求高的男朋友也十分喜歡！

旺角先達小巴站附近有間好似好up dup既鋪頭，雖然望落去好污糟咁，但係入面人山人海喎，食飯時間搵個位都難呀。d人推介呢度既粥，不過我實在唔好粥就嗌左碗叉鵝飯同芥菜魚腩湯。先講個燒味，唔錯喎，半肥瘦叉燒，d汁又調教得好味，d鵝又啖啖肉，唔會鞋。至於個湯，仲好味呀，好健康呀，d菜攞左黎滾湯原來可以好清甜架，而d魚腩又可以keep到滑嘟嘟，正😋😋😋😋

去開附近,見呢間富記有不少人,於是就揀咗佢.我哋買咗叉燒,揚州炒飯同鹹蛋蒸肉餅,叉燒睇落幾靚,可惜口感稍為遜色.揚州炒飯炒得粒粒分明,入面有蝦仁,蛋絲,生菜絲同蔥等等,算係每啖都有配料,唔會只有飯,調味亦唔錯.鹹蛋蒸肉餅,肉餅剁得鬆化唔死實,肉汁頗多,配上鹹蛋食都幾惹味.

男朋友唔舒服陪佢去食粥，喺Openrice搵下旺角區粥舖，就見到哩間評分唔錯就試一試。去到舖頭咁啱唔使等位，坐低就叫咗碗豬潤粥同魚腩粥，等咗五分鐘有得食豬潤粥味道唔錯，豬潤新鮮唔鞋唔實魚腩粥鮮甜，唔腥係重點！粥底軟綿，咸度適中，整個值得推介，價錢亦合理。喺食粥期間，眼見其他食客嘅燒鵝飯同魚雲菜湯好似好正，下次好返會再嚟試！

第一次嚟呢到食飯。因為朋友喉嚨痛想食粥，就上網搵到呢間餐廳。原來除咗粥，小菜都一樣咁好食。我地6個人，叫咗個魚腩豆腐菜心湯，菠蘿肉粒炒飯，椒鹽鮮尤，肥牛粉絲煲，仲有碗粥(我冇食到)首先要講下個湯，我留意到好多客人都有嗌湯飲😮 即管試下，又唔腥喎，d魚仲好滑！有屋企feel 的湯，不過棵菜心硬咗少少。炒飯好食，夠乾身，一粒粒的飯，冇結埋一舊。椒鹽鮮尤炸起熱辣辣😋唔會好厚粉！好惹味呀！肥牛粉絲煲就，，，，，，一層油喺面，我食咗一啖就冇食了。

工作中午餐，就近去了呢間在花園街幾出名嘅粥店，去到門面幾舊式，店內裝修簡單，木桌椅白瓷磚！餐具洗唔乾淨，仲有飯粒黏住，碟仔碗仔全部有好多水！餐牌粥麵為主！阿姐女店員落單，因為想皮蛋瘦肉粥轉做牛肉（已經即刻出聲，佢寫好咗入廚房張飛仔）即刻黑面！加好粗魯咁再寫張飛！同事叫客飯包飲品，我問一句食粥有無飲品優惠，佢黑面唔答即刻走開！呢啲態度想點？皮蛋牛肉粥（$35）粥面浮咗啲灼肉時嘅濁汁泡泡！幾核突！粥底幾綿偏鹹，瘦牛肉唔韌！皮蛋有腥味！薑絲爽口，可以消減啲腥味！整體一般！咸蛋蒸肉餅（$49）同事食！我哋由落單到食好約二十分鐘（睇番我手機啲相時間）黑面女店員突然走來問仲有無加單，我哋話無佢話要埋單先！我哋打晒突！兩點幾唔爆場（只有6成滿）坐咗20分鐘就催埋單，朋友嘅汽水仲飲緊！食物一般！服務咁樣唔會再來！

很接地氣の粥鋪喲 行旺角行到攰咗又撞到佢 阿臣推介 梗係要試下啦 一進去前很多獨自前來覓食の老年人噢 店面還算舒服的感覺 粥種類還有些可選啦 魚片的味道很濃重耶 可以經常來哦 喝粥超幸福的感覺

Tried their char Siew, pretty moist and juicy. But that's all. Nothing came thereafter and staff refused to follow up our orders.

在這間位於旺角花園街內地本地粥品店，我最愛的並不是大家都推薦的粥品，而是燒鵝類粉麵飯。一碗「义燒燒鵝瀨粉」不用40元，义燒和燒鵝的份量卻非常豐富，半肥瘦的义燒相當惹味；燒鵝更是又大件又肥美，而且烤得剛剛好，皮微微帶點脆的，跟瀨粉真是完美的配搭！想吃一餐又便宜又地道的本地菜，這兒確實是個不錯的選擇。雖然座位比較逼窄，但餐廳環境保留了傳統的茶餐廳味道呢。------------------------------By alvahana (ig: alvahana)

成日經過見佢成日好多人，叉燒好似好靚好多人食咁，今晚外賣左個叉雞飯$46，唔算好平，正常價錢，飯好多，但雞好少，林住送少可能係精啦，勁失望，好采佢既豉油煮得好好食，唔咸有油香，加d姜蓉，都食到成碗飯。

放工好想食粥，所以有你無理，約好友過旺角陪我食粥，我心水粥店一定係富記粥品，貪佢位置方便，食完又順路搭車返屋企。餐廳唔大，而且都幾迫，晚市人好多，要等位，但好彩2個人，好快攝到有位。我鍾意富記係因為啲粥有水準之餘，價錢仲好親民。大大碗只係賣30零蚊。今次點左魚片粥，一點無幾耐就上，新鮮熱辣辣，魚片好嫩滑，無腥味，加上粥底綿滑，加少少楜椒粉就已經好好食。朋友是飯桶，所以一定要食飯，佢叫左碟叉鵝飯，叉燒油亮亮紅卜卜，鵝皮晶瑩香脆，個樣好吸引，令我忍唔住偷左舊黎食，唔，好味~反而叉燒就啲乾。食完吹左陣水，都返屋企了。

最近轉左新工比好得閒，我平時好鍾意食野，宜家得閒就可以寫下食評玩下，同大家分享今次來到我由細到大都去的富記粥店細細個屋企人就就時帶我到這裡，這裡的粥，用料新鮮，我特別鍾意食魚腩，很滑，入口即溶，燒味飯都很出色但今次我食平時都少食的，就是乾炒牛河嗯，河粉炒得很透，同金華的乾炒牛河有得比較，面很夠熱，整體來很有質素很耐沒來富記，但味道同品質都保持到

途經旺角 個人病病地就諗住食碗粥清下腸胃見到富記粥品 好多顧客幫襯 間舖有兩個舖位咁大價錢ok 就走左去食呢度有好多小菜 湯飯食 其他人主要叫呢d餸 但因為我腸胃唔好 叫下飯同粥算燒味飯有叉燒 雞 鵝 好多種配搭有碟同碗之分 我就揀左碗 份量小d叉燒同鵝都幾好食 唔會好肥 不過叉燒就燶左d 比較硬同埋對正風口位 好快凍哂 碗飯都未食完就已經唔熱😞 失色左d 碗粥就好多料 牛肉同豬潤都好多 滿哂成碗粥粥底都好綿 煲得唔錯👍🏻d肉味好夠 唔會太淡口 適合我呢d病人😂好熱辣辣新鮮煲出黎既不錯不錯！

今日又OT，放九點。已經無咩胃口食野，但要食藥，所以都要食啲野頂肚。搭車返屋企前去富記食左碗粥。清清淡淡又唔熱氣唯有揀魚腩粥，個粥唔平，都成40幾蚊，但上枱先知原來咁大碗，仲要好多嚿魚腩。呢個價錢圍返起，真係抵食。啲粥煲得好綿，好滑，熱辣辣上枱，啲魚腩係剛熟那種，食得出條魚好新鮮，個腩位唔多骨，所以好好食。原本以為食唔晒，但最後都食清光。

今天同個F過黎旺角玩，巖好經過Fuk Kee Congee，見入面人頭涌涌，就心思思想入黎試下，坐低之後點左個招牌及第粥同埋菠蘿牛肉飯，先講下個炒飯，菠蘿炒牛肉酸酸甜甜好開胃，醬汁也夠濃稠，撈飯都好好味，菠蘿系新鮮既，食入口好爽甜，牛肉滑嫩唔韌有嚼頭。及第粥份量十足，啖啖都可以食到生滾新鮮既豬肝豬腰瘦肉，味道也正宗，總體黎講有驚喜。