富記粥品 (已結業)

今日又OT，放九點。已經無咩胃口食野，但要食藥，所以都要食啲野頂肚。搭車返屋企前去富記食左碗粥。清清淡淡又唔熱氣唯有揀魚腩粥，個粥唔平，都成40幾蚊，但上枱先知原來咁大碗，仲要好多嚿魚腩。呢個價錢圍返起，真係抵食。啲粥煲得好綿，好滑，熱辣辣上枱，啲魚腩係剛熟那種，食得出條魚好新鮮，個腩位唔多骨，所以好好食。原本以為食唔晒，但最後都食清光。