富記粥品 (已結業)

放工好想食粥，所以有你無理，約好友過旺角陪我食粥，我心水粥店一定係富記粥品，貪佢位置方便，食完又順路搭車返屋企。餐廳唔大，而且都幾迫，晚市人好多，要等位，但好彩2個人，好快攝到有位。我鍾意富記係因為啲粥有水準之餘，價錢仲好親民。大大碗只係賣30零蚊。今次點左魚片粥，一點無幾耐就上，新鮮熱辣辣，魚片好嫩滑，無腥味，加上粥底綿滑，加少少楜椒粉就已經好好食。朋友是飯桶，所以一定要食飯，佢叫左碟叉鵝飯，叉燒油亮亮紅卜卜，鵝皮晶瑩香脆，個樣好吸引，令我忍唔住偷左舊黎食，唔，好味~反而叉燒就啲乾。食完吹左陣水，都返屋企了。